影片
更多
2017-09-23
191 浏览
胡爐係厚福街H8，屬於打邊爐界中既fine dinning，選料靚，環境好，服務掂。聽餐廳講如果閒日去既話就一定要訂位，星期六日反而會少d人，想食得清靜既朋友可以揀週末黎。餐廳裝修行中國古典風，枱椅都用了富民族氣息既圖騰，餐具精緻。我覺得呢間餐廳特別既地方係湯底既選擇相當多，食物選擇好多，足足有兩版紙。好乾淨企理既調味配料，食得我好放心。OMG 呢煲野真心抵! 呢個其實係湯底黎，但做湯底前可以食咗d料同飲埋個湯先，湯底係事先煲好成乳白色既魚湯，加上大量既卜卜蜆同兩隻大大隻既肉蟹，成個煲就滿瀉咁濟，都只係$238，即場煲熟後，蟹同蜆食咗先，再飲埋個勁鮮甜既湯，值得讚既係加咗咁多蜆，都無食到沙，餐廳真係落足了工夫，之後侍應會再加魚湯，咁就可以開始打邊爐啦。胡爐牛拼盤: 呢個拼盤有齊曬牛脷,手切肥牛,日本和牛,金錢𦟌同牛粒，份量好多，食極都仲有咁, 當中最鍾意日本和牛，雪花好靚，肉質香滑，好正。特登影一影個湯勺，呢個設計可以俾你瀝乾d肉，好好用。腐竹方面，聽餐廳介紹係深水埗某非常出名既荳品老字號拿貨，用佢黎整即炸響玲，比較厚身，但豆味非常香濃，好surprise! 勁好食! 十級推介。呢兩款
聽餐廳講如果閒日去既話就一定要訂位，星期六日反而會少d人，想食得清靜既朋友可以揀週末黎。
餐廳裝修行中國古典風，枱椅都用了富民族氣息既圖騰，餐具精緻。
我覺得呢間餐廳特別既地方係湯底既選擇相當多，食物選擇好多，足足有兩版紙。
好乾淨企理既調味配料，食得我好放心。
OMG 呢煲野真心抵! 呢個其實係湯底黎，但做湯底前可以食咗d料同飲埋個湯先，湯底係事先煲好成乳白色既魚湯，加上大量既卜卜蜆同兩隻大大隻既肉蟹，成個煲就滿瀉咁濟，都只係$238，即場煲熟後，蟹同蜆食咗先，再飲埋個勁鮮甜既湯，值得讚既係加咗咁多蜆，都無食到沙，餐廳真係落足了工夫，之後侍應會再加魚湯，咁就可以開始打邊爐啦。
胡爐牛拼盤: 呢個拼盤有齊曬牛脷,手切肥牛,日本和牛,金錢𦟌同牛粒，份量好多，食極都仲有咁, 當中最鍾意日本和牛，雪花好靚，肉質香滑，好正。
特登影一影個湯勺，呢個設計可以俾你瀝乾d肉，好好用。
腐竹方面，聽餐廳介紹係深水埗某非常出名既荳品老字號拿貨，用佢黎整即炸響玲，比較厚身，但豆味非常香濃，好surprise! 勁好食! 十級推介。
呢兩款丸係餐廳自創既肉丸，分別係手打芝心牛丸同黄金墨魚丸，前者係牛肉丸包住流心芝士，牛既部分較簿，一咬開即刻有香濃既芝士流出，而牛丸也相當彈牙，拍得上汕尾手打牛丸，另外黄金墨魚丸係墨魚丸包住咸蛋黄，食落幾特別，可以一試。
牛柏葉分量相當多，切得細細塊，方便食用，口感相當彈牙，正!
甜品方面，揀了炸香蕉同炸榴槤（$15/pc), 炸香蕉用了香蕉糕而唔係香蕉肉，味道較炸榴槤遜色，而炸榴槤味道一流，咬開係滿滿既榴槤肉，好味!
张贴
