肥高美食 (已結業)

其實已經同朋友食左一餐, 諗住留肚再戰, 個朋友又介紹佢WOO , 咪入去試下LU .. 點知, 真係幾OK , 一定會再去多次!!好想 TRY 下沙拉類, 但係是次有已經食左野, 所以都係輕食算啦 !!女老闆今日忙到癲左, 搞到等叫野食時耐左少少 , 不過佢好nice 仲好有笑容 !! good good !!6 - 8 吋長大蟶子 好大伋隻 , 仲要 cook 得剛剛好 ! 味道幾好.辣汁鴨舌 冇平時食開香口的炸/ 炒鴨舌咁野味 , 但係辣汁救返, 都幾OK yuet 菜炒牛肉-- 呢個反而一般, yuet 菜 幾好味, 但牛肉就好散 , 唔多得。紅燒大圓蹄 <-- 見到隔離桌食, 真係好似好好好味咁呀 !! 我見人地咬落去, 軟棉棉又多汁。仲要一拎出來果個香味 , 真係位隔離係聞好 lu !! 如果下次人多, 我都想食下, 不過見到呢味係要訂既 !!

一大幫F聚起一起當然要系吹水啦，考慮到吃大排檔有種特別的感覺，所以今晚聚腳點就安排系廟街依間肥高。我地7點半就到咗，夥計同老闆都好熱情，仲同我地好講得笑添，好好心機介紹各式各樣菜式，而且根據我地想口味選擇想要吃的，果然系好客熱情的一間有心思小店。雖然店鋪面唔大，但系勝在佈置得好人情味啊，所以對菜式持著非常好的期望。total我地order咗8個菜，等咗無幾耐就上菜啦，而且熱辣辣感，特別溫暖。不過本人嫌碟頭好似細咗d喔，8碟菜好快就清光光。。。炒花甲：某個F話好想好想吃花甲，所以老闆娘建議依個做法。我最欣賞距個汁同味，用黎送飯都系一個唔錯的選擇。春卷：吳知系米大家超級熱情，我都未黎得切吃就發現已經無曬，嗚嗚嗚。。。牛肉炒飯：依個炒得好有鑊氣，口感幾好，一樣好快清光。惹拉蝦球：yummy yummy，雖然我覺得d味有些少吃唔慣，但系入面好多新鮮芒果同埋蝦球，蝦球好彈牙好雙扣，吳系急凍品，出品好好啊。涼瓜菜圃：我勁中意吃蛋，但系今次距炒得好似過火頭，入面好似仲有d大頭菜之類的也，些少潮州做法啦，與其他對比唔太算出色咯。咕嚕斑球：哈哈，依個系申眾要求，皆因我想吃斑球，而師兄想吃酸，所以老闆好好

晚上9點多一時間想不到到哪裡食才好! 不想大魚大肉但又不想食得太簡單! 突然想起前些日子在openrice看過有關這店不錯的評語,一直都想找機會試試! 是晚只有我和男友兩人, 店內不大, 但還算簡潔! 到門口就看到 "絶無味精"四個大字和牆上貼滿好多影得好讓人口水直流的小菜照片. 我們先來一支黑啤.想不到這店對飲酒要求很高, 不只啤酒夠凍還給我們兩隻冰凍"戰鬥碗"!!! 我男友直呼過癮!!! 接著我們點了海蜇, 沙拉豬寸骨, 味菜豬腸, 涼瓜菜甫蛋, 麻婆豆腐....好滿意的一飧! 本來在這小店之前還有幾間飧館的食評未寫!但因為這小店不論服務員(相信是老板和老板娘), 連大廚(可能也是老板之一)也出來徵詢食客對他們出品意見! 看得出他們是對飲食的誠意! 真的難得!!! 值得推介給各位一試!海蜇: 沒有想到這小店的海蜇是這樣粗...吃起來又爽脆,加上散上芝麻增加了香味! 沙拉豬寸骨: 招牌作，老板推介的. 是用新鮮呂宋芒混和沙拉醬的醬汁，肉質鬆化...醬汁中散發出的淡淡新鮮芒果清香味. 正!!!味菜豬腸: 味菜同豬腸的比例剛剛好! 味道不油不膩!!! 如果有碗白粥配搭就絕配了! 涼瓜菜

其實我同男朋友都去過好多次架啦~ 不過我無乜寫食評既習慣 琴日星期一去食見佢好冷清 好驚佢捱唔住呀>< 我要出手啦~~今次食左油鹽水花甲, 豉椒炒蟶子同埋咕嚕班塊其實三道菜都好好食=3=首先講講油鹽水花甲 ($68) 呢道係我至愛~~~~我次次都食都叫架油鹽湯底胡椒味好香花甲隻隻都好大隻~ 好新鮮 好有鮮味 我同男朋友數過一碟大概二十隻 兩個人食一人可以食十隻好滿足架~~跟住就係八吋長大蟶子 ($78/4) ~呢道係老闆娘推介(我前幾次去都未出呢道菜)我之前係出面食呢d咁大既蟶子要28蚊一隻今次係肥高78蚊4隻 抵到爛~~~豉椒汁有d辣 唔食得辣可以走辣 不過老闆娘話小小辣惹味d喎~~我信佢架蟶子唔洗講 夠哂大隻 咬落口啖啖肉 D蟶子係勁新鮮一路寫都諗緊幾時再去食~最後係咕嚕班塊 ($50) 一貫既好味道~ 完全無失準 (SO FAR我食幾次都未試過失準)咕嚕汁好開胃~ 要黎送飯一流 班塊雖然有汁係面 但食落都有皮脆既感覺~ 炸得幾好架~PS 其實沙拉汁都好好食 不過兩個人叫三個送已經太多~~已經再叫唔到沙拉既野啦~~仲有呀~肥高係全日無加一無茶芥架~~

第一次未夠六點就食晚飯, 因為要返屋企睇天天天晴同劉醒大結果.見門口寫住"絶無味精", 好! 就試一試.牆上貼滿好多影得好靚o既小菜, 有好多都想試 ....因為唔係太肚餓, 叫o左: 沙拉豬寸骨 ($48 三件) 呢度o既招牌菜之一, 個沙拉汁係用芒果同沙律醬整成, 好好味, 而個豬寸骨炸得o岩o岩好, d 肉唔會太un個伙記仲好窩心咁俾o左對膠手套我地, 方便我地拿住o黎食 椒鹽鮮魷 ($65), 一d 都唔乾身, 個脆漿同d 鮮魷分開晒, 得個咸字, 同menu 幅圖差好遠, 賣相同味道都唔 ok 蒜蓉炒菜芯 ($30), 睇得出d 菜係有切過, 菜莖係斜o既, 但唔明做乜唔去丟埋d 花 ?! 呢個菜都係偏咸.見到openrice 有咁多"笑", 但今次只能俾 "ok", 希望下次再o黎食多幾味, 還給你一個"笑".

很久沒有嚐過肉和海鮮的味道了，因為健康理由，如素已經差不多兩個月了，能夠令我破戒的只有一家位於佐敦喚「肥高」的中式小店。它的食材既新鮮而厨師的烹調技巧也十分出色，價錢也十分合理，本人認為十分超值。老闆高先生和高太也十分熱情和健談（人情味很濃），很多客人惠顧後也會成為他們的「客人朋友」，我這個只見了數次的客人，他們也會記得，但最重要還是他們的食物質素經常保持水準。很久沒有與朋友敘敘舊，吹吹水，喝喝啤酒。每一回敘舊選擇食店我都不會提出任何意見，只是準時出席，這次我罕有地說：「今回由我“帶隊”」。他們當然沒有任何意見。飯局前一晚至電預約留位，接聽的是高老闆，我詢問元貝有沒有入貨(海鮮類要預早通知訂貨)，高生卻對我說最近元貝受到污染，以經沒有入貨，蟶子則較為清潔乾淨，見意不妨一試。喜歡元貝的我有點失望，但由這一點亦看出高老闆為客人健康著想的態度，很值得其它食店仿效。當天晚上在佐敦「裕華」門前集合後，我便領著大家到達這間不是十分濶落的小店，甫一坐下便點了幾款小菜：豉椒炒蟶子沙拉豬寸骨香蒜蒸勝瓜生菜香草芝士牛油燴海蝦味菜豬腸（高生推介）豉椒炒蟶子：蟶子是管狀長形物體，牠殼薄，身長、黃褐色，合抱似個

朋友介紹, 佐敦區, 廟街, 好耐無嚟了, 依足指示, 一. 油鹽水花甲, 湯頗咸, 加了些少黑椒, 有少辣, 九菜伴湯, 成份不少, 花甲肉新鮮, 70分以上, 二. 香橙肉排, 真有數塊橙片, 肉排甚多, 唯切得過大塊, 入口不易, 但肉質軟熟, 橙味濃, 但略為過甜, OK, 送飯一流, 三. 香蒜蒸勝瓜, 勝瓜比圖片所示的略細, 頗幼身, 蒜泥味濃, 又不太咸, 都好! 四. 油炆荀, 爽口醬油味又不太咸, 軟硬度適中, $38本不太貴, 但有比較, 在吉之島也有得買, $10有交易, 相比下好像不太值, 五. 椒鹽三式, 三式包括: 雞軟骨+魷魚+四季豆, 粉漿不太厚, 但雞軟骨多是黐埋一舊, 魷魚彈口, 但不敢多食, 下次改為二式好了, 四季豆沒有加粉漿, 只略為加了鹽, 新口味, 幾好! 六. 梅菜扣肉, 少量生菜伴碟, 扣肉不算太肥, 不知是好是壞, 吃扣肉當然是預了肥肉多, 不過為健康著想, 都是瘦些好, 少量肥肉和瘦肉再加一住梅菜一起吃, 我給80分, 味道略淡, 不似那些傳統老店的咸, 可以全碟..連梅菜都清碟. 啤酒以碗代杯, 有風味飲多了兩碗, 頭重腳輕地離開

廟街街頭, 近佐敦道, 店名特別: 肥高美食, 大大隻字”絕沒味精” (但沒有寫明”絕無雞粉喎...”) 於是試一試, 坐下後先來一支大號藍妹BEER, 落單阿姐(可能係老闆娘…) 問要唔要 “雪碗”, 梗係試一試啦, 果然飲得豪邁不少…油鹽水花甲, $68, 食明必食推介, 上台以一大湯碗, 隻隻都在殼內, 絕對新鮮, 夾著蔥來吃, 加上湯水有些少黑椒味, 可以來叫多一碗!, 金蒜牛仔骨, $75, 又是必食推介, 牛仔骨略為肥一點, 唯肉質上佳, 沒有太多發粉奄過的痕跡, 少少梗有了, 算是適中, 有太量的炸蒜與椒絲伴碟, 比想像中多, 應該牛仔骨多些才好MA…. 不過, 炸蒜並不脆, 是淋的, 失望些, 本來可以食多碗飯香蒜蒸勝瓜, $30, 成條勝瓜, 切開多粉, 打平, 放蒜泥在面蒸, 味道與口感皆一流, 剛剛好, 不太硬, 不太淋, 又不太咸, 最早吃完, 價錢又平, 好!!正油炆筍, $38, 圖片有辣椒絲, 但上枱時沒有, 味道比想像中略淡, 合現代人口味, 筍的肉質算是上勝, 並不是太老, 沒有根, 又是一早食完, 這個價錢算平,總體而言, 食物素質好, 服務態度

第二次去肥高食,一行四人,今次試左兩個一定要推介既餸, 椒鹽豬扒同金蒜中蝦, 真係冇得頂, 超好味, 如果鐘意食蒜蓉既人一定要試. 沙拉牛仔骨依舊保持水準, 不過我個friend試左碗油渣noodle就唔係咁好啦, 可以不試.同其中一個Staff傾開(唔知係咪老板)話點解咁好食都冇mud人幫襯,佢話自從世界杯之後生意就好差,之前又試過比人中傷,所以就叫我地如果覺得好食就推介下.本人不嬲冇寫開食評既習慣,不過見佢真係好食,就幫佢推介下,真係驚做唔住既話之後就冇得再食.

見前幾天JJ 兄寫了"肥高"的食評, 先發現很久沒有到訪這心機小店.一於趁 Happy Friday, 心情輕輕鬆鬆, 再來回味一下 "肥高美食"順便同朋友聚一聚.今日約埋2 個朋友 - 3 個人8 點幾嚟到...哇, 都幾多人喎....果然好野係多人識貨 ! 好彩打定電話留咗位 ..唔係要坐出面 ~3 個女仔本身都唔係太大食..最後叫咗4 碟餸 - 近來天氣咁熱...其實唔係好好胃口...老闆高生就推介咗招牌菜, 話開胃既~ 草莓咕嚕雞酸酸甜甜係真係好開胃既. 粉漿夠薄, 雞球炸過仍保持鮮嫩...配上草莓 (即係士多啤梨 la)...係好夾既...芒果沙律蝦球蝦球真係大隻彈牙既, 隻隻 5-6cm 咁大..啖啖肉...啱我 li d 唔鐘意剝蝦殼既懶人 ~最緊要冇雪味.芒果沙律汁唔會話好漏, 配上大蝦真係好好味.同行友人按捺不住..都要叫番碗白飯...無容置疑 - 必食(冇影到相...大家係咁食..清咗碟就記起好似差 LI 味餸冇留倩影 )蒜蓉蒸勝瓜蒜蓉香, 勝瓜甜....無須花巧, 其實簡單就是美. 清淡得嚟完全唔寡...正 ~$30 有成條奶油津白LI 味就一般 LA.....L

天仍然下着滂沱大雨，難得兩口子重遊舊地閒逛，現在卻差點變成落湯雞....十分的掃興就連尋吃的心情都已煙消雲散。走到廟街街尾，看見這兒燈火通明，人氣頗沸騰，應是一間不錯的小館子吧。況且下着大雨，路不好走，肚子亦餓，最後決定以此為落腳點....這裡主打的是各類小炒。看見貼在牆上的食物照，似乎椒鹽一類的送酒菜式特別多，看來應是店自慢之名物吧，於是毫不猶疑便來一客椒鹽斑塊。吃來果然水準不差，粉漿上得夠薄，顏色見金黃，沒有過焦，椒鹽夠多亦很惹味，紅椒粒亦不吝嗇，辣辣的更添風味，最重要的是吃後也沒有很咯喉的感覺；魚肉當然不會期望用新鮮的，但進口卻覺頗滑溜，火喉處理得甚佳。本應以此物之水平，馬上便該叫一枝大啤來"啤啤佢"的，但是夜卻竟是以茶代酒，實在是有點浪費了...自己一向喜歡吃的涼瓜煑法都是加上大量拍碎蒜頭豆豉再炆至軟淰的，這兒做的卻是又爽又硬的另一版本。當然不能說之很難吃，但卻只能稱不合自己個人口味而已；肉片滑是夠滑，但咬落的質感卻在告訴自己這應是下了化學物料醃後的結果；豆豉的份量不多之餘，亦沒有預先舂碎，這樣味當然是走不出來了....干炒牛河是專登叫來考考師傅的炒功的。可惜的是，用筷子翻一翻

第一次惠顧這間食店是涼瓜排京飯套餐(隨餐附上一杯熱飲)$26-，份量十足，材料新鮮，炒功也一流，午巿特價飯有此水準已經無話可說。今回是第二次光臨，每次都會給我有抵食的感覺，樓面是一個帶有少許傻氣而十分可愛的小朋友(應該是老闆的兒子暑假來幫手)，初時十分懷疑他的工作能力，但最後他也證明了給我看，他是一個十分稱職的小樓面，小朋友有這種表現已算不錯。食物方面這裡給我的感覺真的是鑊氣十足，以這個價錢食到這種程度的出品，個人認為是十分之超值，厨房的炒功確實一流，不會因為是特價飯而隨便敷衍了事，所以等候時間會比較長一點，但可以嚐到這種口味，還是覺得值回票價。中式厨房中最考功夫的是炒飯，今次就點了“金蒜蛋白腿粒炒飯” 。材料：金蒜、蛋白、火腿粒、葱花，當然還有白飯。炒飯還未來到我面前，我已聞到一陣陣蒜頭的香味，將炒飯放入口中， 濃烈的蒜頭味更顯特出，淡淡的蛋白、火腿和葱花慢慢地由口腔內滲透出來，真是一碟十分好味的炒飯。在午巿吃過的平價炒飯，一般都會略帶鹹和飯粒不均勻，有時在酒樓裡吃也有這種情況出現，但這裡的炒飯卻可以做到味道剛剛好，飯也是一粒粒，沒有黐埋一“舊舊”，油也不會太多，不會有膩的感覺，這麼

老友們又想埋堆嘻嘻哈哈食一餐, 大家時常去試不同美食, 但一提出去’肥高美食’, 一定異口同聲說好. 雖然到過’ 肥高’ 好幾次, 也吃過不少菜色. 仍然找到新穎菜色品嚐. 大家點了多個菜餚. 老板高生同樣熱情招待, 雖然坐冇椅背的圓登, 但一面食一面傾, 又過了3 個多鐘, 簡直有家的感覺. 今次冇影相因掛住食.薑蔥焗蟹 - 一隻肥美花蟹, 連薑蔥都吃清油鹽花蛤 - 乾淨大隻, 又係連油鹽水都飲埋椒鹽三色 - 火候啱啱好, 再加一層脆粉絲伴底, 锦上潻花咕嚕雞球 - 早前介紹過, 色香味俱全涼瓜菜甫蛋, 薑汁芥蘭, 奶油娃娃菜 ... 等皆是有水準

今次係我同朋友第三次去肥高度食野，一坐低，直刻叫番我鐘意食D菜，沙拉蝦球，蒸勝瓜，仲有花甲肥高招牌菜，沙拉系列：真係太好味。我次次黎，都一定要叫沙拉系列。老闆話D沙拉係用芒果汁整，送飯一流。花甲：又甜又新鮮，一個字，讚！勝瓜：鐘意食蒜容就會覺得好好食。我每次黎個老闆都好好服務，好有親切感不過鋪頭好細，如果想去食，最好預約先。唔係去到就可能空歡喜一場。

After i saw so many good comment about this restaurant, my girlfriend & i went there to try it. The menu was full of deep fried item. Maybe they are famous for deep fried food, i don't know. We ordered 'Spicy deep fried fish', 'Salad chicken' & 'Boiled veggie'. The 'salad chicken' meat was very unfresh. It tasted like the meat had been frozen for long long time & defrosted for long time. We tasted 1 piece & then we gave up. 'Spicy deep fried fish' is like plastic. Those frozen fishfingers are be