肥姐麻辣餐廳

营业中

休息中

最近我去咗一間小店，專賣川菜，餐廳環境簡單，但食物滿足😊當日係食飯時間，但係都冇乜人🫣相信都好難做，希望多啲人支持小店啦！坐言起行咁就試下佢哋嘅招牌菜啦！首先，我哋點咗招牌口水雞🐥佢哋用青瓜墊底🥒雞肉煮得嫩滑，配上香辣嘅調味醬，味道開胃。青瓜嘅清脆感同雞肉相輔相成，成道菜更添清新感，真係好味！仲可以揀唔同嘅香辣度🌶️我就揀咗小辣，因為朋友唔太食得辣，相信如果鍾意食辣嘅朋友都一定會鍾意😛😛接住，我哋又試咗酸菜魚🐟🐟份量大，魚片鮮嫩，同平時嘅魚有啲分別，除咗魚片之外，佢仲有其他魚肉嘅部位，湯底酸酸辣辣，特別適合鍾意重口味嘅朋友。最後，我哋仲點咗清炒土豆絲🥔🥔呢個有驚喜！雖然係一個簡單嘅小菜，但炒得非常好👍🏽👍🏽土豆絲口感脆嫩，搭配少量嘅蒜蓉，味道清新😛😛這道菜對於重口味嘅菜式來講，真係一個不錯嘅平衡。整體而言，呢間小店雖然人不多，但菜式味道卻出色，老闆娘都好好人，如果你鍾意川菜，或者想支持本地小店，呢個地方值得一試！😊

咁啱喺荃灣附近，想食辣嘢就嚟到呢間餐廳，入到嚟叫嘢食嘅時候可以揀BB辣小辣中辣或者大辣，本身其實我哋都唔算係好食得辣，諗住叫小辣，但好彩老闆娘提醒BB辣已經好辣😂 （事實上對我哋嚟講BB辣真係已經好辣！）我哋叫咗個酸菜魚，最驚喜係真係好多魚，，肉質鮮嫩，啲魚勁滑！湯底好香飲落唔會好鹹，而且我哋自己再加咗啲薯粉入去，撈埋啲湯汁食真係超正！而且辣得好過癮！一碗份量超多夫妻肺片一直覺得呢個餸真係好開胃，而且呢度都整得好好，因為夫妻肺片係冷食，最重要係嗰啲汁超香，同夫妻肺片超夾，就連隔離嘅青瓜都好好味，清爽得嚟配埋啲汁又好味！手撕包菜最驚喜嘅一道菜！啲菜好新鮮，少少辣好惹味，食完啲辣嘢食個菜又唔會覺得負擔好大，換吓口味，又可以食多一輪！整體嚟講，呢間真係超適合食得辣嘅人，而且佢嘅辣係辣得好惹味嗰種，下次會再同啲friend嚟食多次！人均唔使200！

今日喺荃灣收工，就行去福來邨附近搵嘢食，先發現原來嗰頭有好多好餐廳，雖然熱但有少少想食麻辣，就行咗入呢間餐廳，睇餐牌見佢有好多選擇咁我哋就等佢發辦，因為都諗唔到想食邊款餸菜老闆佢哋幫我哋諗好：1. 夫妻肺片2. 辣子雞3. 炒包菜咁佢哋都好好嘅，煮之前會問我哋食幾辣咁我哋就廢廢地叫個BB辣就夠啦🤣1. 夫妻肺片夫妻肺片，下面有好多青瓜，肺片嘅份量都好大份，不過最正都係佢呢一個麻辣汁，超級香每一種香料嘅味道，又唔會話超級超級辣2. 辣子雞佢呢個辣子雞切到細細粒，放入口食size啱啱好，我留意到佢呢一個栗子雞係有蒜片、豆豉、辣椒乾等食材嚟炒，唔似出面咁剩係得辣椒乾3. 炒包菜個菜出奇地炒得香，可能係個油嘅關係，亦都炒得好有鑊氣，有啲辣椒仔做點綴，但係又唔太辣，蒜香味超級濃不過我大頭蝦，比完錢攞錯左人哋張收據，笑死

朋友知道我鍾意食辣嘢，介紹咗一間佢成日食辣嘅街坊餐廳，仲話一定冇介紹錯😆入到去環境係小店感覺，牆身用咗農村圖案為裝飾，幾溫馨嘅感覺。今次試咗三道菜，每一款都真係好好味，辣度真係好過癮，真係好啱鍾意食辣嘢嘅朋友,連我都算食得，小辣都已經好夠辣，如果唔叻食辣，我建議叫BB辣喔😎🔶夫妻肺片好足料，呢款辣幾特別，辣得來好惹味，就算我叫小辣都算好辣，但都停唔到口🤩🔶辣子雞呢款係必推薦，係我暫時食過最好味既辣子雞❗️🤩咬落去外脆內軟❗️辣度岩岩好，一開始食唔覺好辣，但啲辣味會慢慢滲出嚟，真係好過癮好好味👍🔶酸辣炒土豆絲呢款係開胃之選，我揀咗酸辣味道，完全可以緩和左食辣嘅味蕾，加多碗白飯，岩岩好😚

街坊小店麻辣餐廳辣子雞這道辣子雞色香味俱全，雞肉外焦內嫩，搭配大量的乾辣椒和花椒，麻辣味十足，每一口都讓人感受到濃烈的香辣刺激。蒜泥白肉蒜泥白肉薄片肥瘦相間，口感滑嫩，蒜泥的香味濃郁，而且份量十足，搭配醬汁，味道突出，讓人食指大動。炒酸辣土豆絲土豆絲炒得脆爽，酸辣味道恰到好處，既開胃又送飯，意料之外好食的家常菜。環境肥姐麻辣餐廳的環境走的是港式小店路線，有人情味的餐廳。一班朋友聚餐邊食邊飲酒，這裡是一個理想的選擇。

今次黎呢間餐廳試佢哋嘅酸菜魚，真係超級滿意！最正嘅係，佢哋唔係用包裝預製菜嗰啲魚肉，而係用新鮮魚，甚至仲有魚頭，肉質鮮嫩，湯底酸酸辣辣，食落去真係好開胃！仲有佢哋嘅麻辣青瓜，意想不到咁好食！青瓜爽脆，配上麻辣醬，真係好正，完全唔會膩，反而好想一口接一口。講到辣子雞，佢哋嘅辣子雞同其他地方嘅十二味辣子雞唔同，啖啖都係肉，根本冇預製菜嗰啲雞肉粒，食落去有咁啲肉汁流出，口感超級豐富，辣味適中，真係好好味！整體嚟講，呢間餐廳嘅食物質素高，味道正，服務又好，極力推薦！如果你鍾意酸菜魚同辣味菜，呢度真係唔可以錯過！

喺朋友介紹之下去咗呢間肥姐麻辣餐廳食飯，因為朋友話鐘意食辣，去呢度就最啱！呢間餐廳嘅食物睇得出好用心制作，特別係佢地嘅招牌酸菜魚，係用新鮮鯇魚烹調，魚肉嫩滑鮮美，酸辣味道濃厚，勁足料，食完真係超滿足。另外佢地嘅清炒土豆絲清爽可口，唔會太油膩，辣度適中，而且炒得好夠火喉，好爽脆。至於佢地嘅雲南蒜泥白肉，肉質鮮嫩，加上大量生蒜泥，醬汁豐富，每一啖都充滿咗蒜香同埋肉香，食完之後仲想再嚟多碟，真係每一啖嘅口感都好豐富。呢度嘅環境都幾舒服，裝修簡單，乾淨企理，老闆娘肥姐亦都好友善熱情，令人感覺好親切。總括嚟講，呢度嘅菜式真係值得一試，特別適合鍾意食辣嘅朋友。

今次試咗間係荃灣開左好耐嘅麻辣店。最出名就係佢自家製各種辣椒醬。今日凍凍地來食個烤魚，老闆推介新鮮蒜香烤江團魚，真係令人驚喜！江團魚鮮嫩，經過蒜香烤制後，外脆內滑，香氣四溢，魚肉的鮮味完全保留，配搭上特製的蒜蓉醬，味道更加豐富。每一口都令人忍唔住想多食幾口，真係一個好嘅選擇！而豆腐則係一大亮點，豆腐滑嫩，吸收咗魚嘅鮮味，口感極佳，搭配上少許烤魚醬汁，味道更添層次感。紅薯粉也很有特色，Q彈的口感與魚和豆腐相輔相成，令整道菜更加豐富。不過，紅薯粉的份量適中，剛好平衡咗其他食材的鮮味。自家醃嘅蘿蔔乾味道清新，酸辣適中，係前菜開胃之選。泡菜醃木耳則帶有一絲辣味，脆口又開胃。真係好少食到用新鮮魚來做烤魚嘅店鋪，食過返尋味，感受到廚師的用心。環境舒適，服務友善，適合家庭聚餐或者朋友聚會。

星期五夜晚一人係荃灣區想慢慢食輕鬆下唔想去趕客餐廳即刻諗到肥姐又抵食態度又好未試過夜晚時段諗住會有一人餐原來晚市係做小菜好彩仲有麵食叫咗碗醬骨麵轉薯粉豬軟骨好淋入口即溶薯粉煮到剛剛好唔會太硬又唔會太淋雖然坐到差唔多滿場到特登安排卡位畀我全場大部份老顧客肥姐都講得出佢哋之前食過乜嘢好有心到埋單碗麵42蚊咋性價比高

荃灣肥姐麻辣餐廳位於沙咀道，主打火鍋和川菜的麻辣小館，係嗜辣的荃灣街坊首選食店🤤呢度有重慶師傅坐陣煮川菜，所有調味料、辣椒等香料來自四川入貨，風味十足🤩小館裝潢簡約舒適，招牌川菜包括干煸四季豆、招牌口水雞等😍推介招牌口水雞$88 (例牌）絕對是一道不能錯過，鮮嫩的雞肉配上自家制香辣調味汁，入口即化，辣味十足!辣子蒜香排骨$138 以其獨特的豆豉香氣和濃郁的味道，讓人一口接一口🥘必食酸辣土豆絲$88份，平常家常川菜，炒得酸辣爽口，口感脆爽，令人胃口大開，送白飯必備🤤咸檸七$26冰凍解渴，是搭配重口味川菜的最佳選擇🍹

荃灣區勁抵食米線午餐卡位座位為主 座位比較窄不用搭枱就好牆身用農村耕田作畫好比喻樸素的美食小食泡椒雞腳份量不多非常入味辣得好過癮蔥油餅 非常香口可以解辣的小食涼拌木耳都有泡椒烹調過辣到個嘴都麻曬酸菜牛肉米線個牛肉好滑 好好食辣度要自選即叫即抄湯底最新鮮狀態七味牛𦟌面用唔同嘅香料炒出個湯底 辣度偏辣不過辣得好入味辣得好過癮酸菜魚米線魚片好新鮮好滑材料充足選擇了bb辣湯底 可以飲幾口酸菜湯相信真係冇加味精全部新鮮材料炒食完完全唔口渴 48蚊米線加小食性價比非常高 超級抵食肥姐 好熱情會同啲客人傾計非常搞笑

荃灣廣場附一間家常小店，真係荃灣友介紹先會搵到，記得幾年前黎食過，舖頭唔大，裝修唔華麗，但一陣陣麻辣香飄出嚟，已經足夠吸引人停低腳步最平民嘅係嗰碟手撕包菜，用火候炒到菜葉微焦，仲帶住濃濃嘅鍋氣，啖啖脆甜又唔會覺得油膩，食完仲忍唔住再叫一碟。酸菜魚選用鮮嫩嘅鯇魚，藤椒湯底酸得嚟夠開胃，仲有少少麻得刺激，友人話：呢碗酸菜魚聞落已經覺得正，入口就更加出色口水雞又係一大推介，冇乜多餘嘅花巧，實實在在用心整。雞肉鮮嫩，辣汁香濃，每啖都充滿辣味與麻香，但唔會過頭。荃灣友提醒，呢度嘅辣度比平時重手，平時食小辣嘅，記得試下佢哋特別推介嘅「BB辣」，穩陣啲主打麻辣小炒，菜式簡單但夠有力，配料用得實在，啲味道都入晒心。舖位喺荃灣廣場附近，但唔係人流最旺嘅地段，正因如此，先有一份難得嘅靜謐同親切感，好似街坊介紹嘅秘密基地咁，食過一次，肯定會再嚟

夜晚無啦啦吊辣癮，好想好想食辣🌶️一直經開呢間肥姐都無入過去門面嘅裝修老實說係令我卻步嘅不過今次食完 就後悔自己點解咁以貌取店🫣兩個人食 嗌唔到好多嘢叫咗三樣餸🤤辣子肥腸 （完全唔肥，不過無乜味，夾啲蒜頭食就好好食）麻婆豆腐 （唔係用豆瓣醬整嘅味道，送飯一流！）手撕包菜（無影相）全部都好惹味 睇得出係好俾心機去整😍雖然全部都係辣 但味道係食得出有分別絕對唔係碟碟一樣味👍🏻 而且就算係辣 都唔係好油 唔係一味得個辣字 係有層次有味道嘅辣絕對值得一試～今次叫咗BB辣 佢比一般嘅鋪頭辣啲辣度同出面其他嘅小辣一樣食得辣嘅 可以叫小辣 會再過癮啲！

講起荃灣區嘅正宗川菜，肥姐麻辣餐廳絕對係一間唔可以錯過嘅老字號。呢間開咗成10年嘅餐廳，啲麻辣功夫一啲都冇退步，反而仲愈做愈出色。今次嚟試嘅係佢哋嘅招牌菜 - 明爐香辣魚$268一條大魚，份量十足到爆。啲魚肉新鮮到爆，完全冇半點腥味，肉質嫩滑又彈牙，一啖咬落去仲會爆汁，魚肉嘅鮮甜同藤椒汁完美融合。最正係佢嗰個藤椒味，唔會好似食麻辣咁樣咁重口味得來，反而係一種令人上癮嘅麻香！個汁真係有心思，除咗藤椒麻椒香之外，仲加入咗蒜頭、洋蔥同泡椒，層次感豐富。啲辣椒油金黃透亮。個湯底熬得又香又濃郁，撈啲飯落去食一流最抵讚係佢啲魚肉完全冇煮到散，每一塊都完整又大件，連埋條魚骨都煮得入味。總括嚟講，肥姐嘅明爐香辣魚絕對值268蚊，無論係份量定質素都值回票價。

我都係睇Open Rice食評，見到有間食四川辣野既小店，位置雖然在大馬路，但呢段路比較偏遠的，大部分人會去荃灣廣場果邊用餐，尤其揸車要泊車，商場會方便好多，所以呢間小店可以經歷咁多事件，都仲可以屹立不倒，都幾硬淨。Open Rice內既食評大部分都係讚多，食物質料高，我今晚專登去一試。今日雖然是公衆假期，現場有4枱客，環境都算，寬敞唔會太逼夾。店內枱椅等就有點舊，不過都算乾淨整潔。食物方面，今晚菜單：招牌口水雞 （$88/例）果然香辣非常，不過隻雞就瘦左小小，肉不多。椒焗花甲加粉絲底（$98+$12）姨姨話呢度啲食物有啲辣，本來我叫小辣，都改為BB辣，好彩聽話改BB速，真係堅辣，但非常野味，一定要encore。明爐香辣魚（$268）本著試下心態，依！唔太辣，但味濃，如果鐘意食蒜頭嘅人，就會非常開心，裏面超多蒜頭伴料，魚皮超脆口，肉質鮮嫩，做得好好。手撕包菜（88/份）無乜驚喜，我會覺得雞油萵筍會更正，不過姨姨話如果有豆苗，下次食雞油豆苗仲正。椰菜餃（$42/份）完全不辣，仲要有湯墊底，食完感覺好似重生了。蔥油餅（$30/2件）姨姨話蔥油餅係自家制，所以好小油，乾身，蔥油餅好薄身，煎得