肥姐麻辣餐廳

营业中

休息中

我都係睇Open Rice食評，見到有間食四川辣野既小店，位置雖然在大馬路，但呢段路比較偏遠的，大部分人會去荃灣廣場果邊用餐，尤其揸車要泊車，商場會方便好多，所以呢間小店可以經歷咁多事件，都仲可以屹立不倒，都幾硬淨。Open Rice內既食評大部分都係讚多，食物質料高，我今晚專登去一試。今日雖然是公衆假期，現場有4枱客，環境都算，寬敞唔會太逼夾。店內枱椅等就有點舊，不過都算乾淨整潔。食物方面，今晚菜單：招牌口水雞 （$88/例）果然香辣非常，不過隻雞就瘦左小小，肉不多。椒焗花甲加粉絲底（$98+$12）姨姨話呢度啲食物有啲辣，本來我叫小辣，都改為BB辣，好彩聽話改BB速，真係堅辣，但非常野味，一定要encore。明爐香辣魚（$268）本著試下心態，依！唔太辣，但味濃，如果鐘意食蒜頭嘅人，就會非常開心，裏面超多蒜頭伴料，魚皮超脆口，肉質鮮嫩，做得好好。手撕包菜（88/份）無乜驚喜，我會覺得雞油萵筍會更正，不過姨姨話如果有豆苗，下次食雞油豆苗仲正。椰菜餃（$42/份）完全不辣，仲要有湯墊底，食完感覺好似重生了。蔥油餅（$30/2件）姨姨話蔥油餅係自家制，所以好小油，乾身，蔥油餅好薄身，煎得

肥姐一向都係我心水餐廳選擇，鍾意佢夠香夠辣，而且啲用料幾好，不過通常晚上去食，有時都覺得少少貴。星期日難得要出去，諗住响荃灣食個午餐，先知原來肥姐有中午套餐，價錢仲平好多。幾個朋友打算試下唔同嘢，所以叫咗一個小火鍋，兩個客飯。麻辣小火鍋：麻辣適中，有菜有肉有寬粉，其實幾夠飽，不過如果再多少少肉會更好～辣子蒜香排骨：排骨多肉，入味，非常香口，配白飯一流，非常喜愛之選。泡椒牛筋腩：筋腩夠淋，泡椒令味道更加出色，如果再辣一點更好。雖然小菜份量比晚上細碟，但午餐完全夠食，又可以滿足下食辣嘅渴望，值得推介～

雖然天氣好熱，但係都不忘間中要去食吓啲麻辣食品😆今日嚟到荃灣是呢間川菜館小店➡️招牌口水雞 （例牌） $88見到招牌嘅前菜，當然要試一試，我要咗bb辣，辣到啱啱好，配上蒜頭微薑，令到菜式近惹味😊最重要口水雞真係啖啖肉，唔似出邊有啲只係得骨👍🏻👍🏻➡️酸菜魚（細） $168酸菜魚用咗鯇魚，但每一舊魚都非常新鮮，魚質好滑，但不忘鮮味，雖然間中魚有骨，咁樣睇得出唔係用雪魚，而係真係用新鮮嘅魚嚟熬製，而且酸菜魚嘅湯都調得非常之好😆➡️酸辣土豆絲 $88微微嘅酸配上微微嘅辣，食得出每一條土豆絲都非常爽脆，而且唔會只係得汁嘅味道，而係真係食得出薯仔嘅味道😆真係超級正➡️最後食辣嘢，當然要配上兩杯冰凍嘅飲品🫙鹹檸七，菠蘿冰$26飲杯嘢都真材實料，菠蘿雪到冰凍，而鹹檸七就非常有份量，整餐都好滿足😊整體嚟講都係一間好正嘅小店川菜館，坐入去不但即叫即整，而且整嘅時候都聞到濃濃嘅香味，非常吸引，值得一試。

印象中，雲（南）貴（州）（四）川，二湖（湖南，湖北）啲人係好食得辣嘅。我非以上族類，但係周不時都會趁吓熱鬧，去食吓川菜，湘菜，至於辣度，當然係最低級數iBB辣，有啲冇得揀嘅當然就唔會幫襯啦，因為食唔食到自己知嘛。今日來到呢間川菜館-- “肥姐麻辣餐廳” 就係有得揀大辣，中辣，小辣，BB辣的餐廳。今日嘅拍搭係食肉獸，所以平時食開酸菜魚的我就陪住佢嗌咗“酸菜厚切牛肉”，酸菜湯菜式材料齊哂，酸菜少不了，芽菜，芽白亦都有，味道正宗，雖然嗌咗細碟，但份量一啲都唔少，牛肉又夠鮮嫩，抵食👍🏽“招牌口水雞”一份88蚊，份量亦比想像中多，仲有啲青瓜墊底，平時啲雞皮我係唔食嘅，但今次好食到連皮食落都唔知😁😁“土豆絲”係我一個好朋友曾經做畀我的一道美食，而呢間餐廳的土豆絲竟然有4種味道，有淸炒土豆絲，有酸辣土豆絲，有青椒土豆絲 ，有泡椒土豆絲，實在太驚喜啦，點咗個“酸辣土豆絲”，清晒碟😋😋

大家好今晚到了荃灣既肥姐麻辣餐廳食晚飯這間小店主要係食正宗川菜 麻辣既食物有四個辣度大中小BB 辣今晚主要係食最小既BB辣首先上既涼拌木耳木耳都係都幾清爽唔會話太辣係酸酸辣辣既仲有麻辣既雞腳另一款小食招牌口水雞這個雞係BB辣都幾夠味也唔會太辣雞有些都起左骨而且都幾滑墊底仲有青瓜吸收左辣汁都幾好味跟住就上今晚主菜酸菜魚酸菜魚都幾大碟魚係用鯇魚果一類都幾滑不過有少少骨食既時侯都要少心同埋這碟酸菜魚都幾多酸菜泡椒 麻椒所以都有少少麻辣既感覺仲有D大豆芽同娃娃菜不過其實個湯都幾清可以飲埋都得最後來個麻婆豆腐豆腐都幾滑都係麻麻辣辣送飯就最正總括這間店係老闆肥姐自己經營所以食物質數都係有保証

📍 肥姐麻辣餐廳 (荃灣)荃灣沙咀道169號滿樂大廈地舖鍾意食辣嘅，我之前已經聽到朋友講話呢間係好唔錯，今日終於都嚟到試見佢價錢唔貴而且食物大大份😍😍👉明爐香辣魚💰$268😋😋😋😋.8/5明爐香辣魚魚肉勁新鮮飽滿，個魚皮微焦但入面啲魚肉好嫩，叫左小辣椒香氣十足，唔會因為太辣而食唔到，而且入面仲有最鍾意嘅豆腐，仲有勁多香氣十足嘅配料，蒜頭洋蔥蔥芹菜紅辣椒花椒，真係色香味俱全回頭：yesyesyes!食物好大份，我哋兩個人食飽到捧住個肚走，而且小店好有人情味要多多支持

今日放假同朋友去荃灣行街，朋友推薦一間川菜，就係球場隔離，好容易搵到！朋友話呢間店嘅師傅來自重慶，所有調味料都來自四川，十分正宗！👍🏻餐廳環境乾淨整齊，比較多卡位，坐得幾舒服餐牌有好多選擇，有明爐香辣魚，水煮魚、特色小炒、招牌雞煲、家常菜、涼拌菜等等，菜式亦可以選擇唔同嘅辣度！🤤仲有配菜送，酸辣開胃酸辣土豆絲🥳大大碟，份量都好多，薯仔絲切得好幼細，食落好爽口開胃，酸辣度啱啱好，看似平平無奇，但係好好味！酸菜魚🥳份量超大，有好多塊，魚肉新鮮，肉質厚實同嫩滑，魚肉同酸菜比例啱啱好，香濃酸辣味，又食到魚嘅鮮味，真係好出色，有驚喜！口水雞😋口水雞外皮爽滑彈牙，肉質鮮嫩可口，都幾Juicy，特製醬汁又辣又麻，少甜，超級惹味！醬汁入面加咗芝麻醬，好香濃，食完一啖又一啖，好快就清晒！覺得呢間係隱世嘅川菜，每個菜式都係充滿着心機，真係令我好驚喜！😊

今日是假期，和朋友入荃灣行街。因為好久冇去，有些懷念! 其實荃灣一帶都有很多食肆。 先前有朋友推薦一間好食的川菜小店，名叫肥姐麻辣餐廳。 它位於荃灣沙咀道169號滿樂大廈地舖，荃灣地鐵站A出口，門口都有巴士站；都算方便! 小店主打由重慶師傅炮製一系列川菜，調味料和辣椒等香料來自四川。菜式有不同的麻辣度，配合不同人的口味。 餐廳環境乾淨整潔，裝潢簡約；有多幅農耕的畫作和食物圖片。 檯椅擺設整齊有空間感，坐得舒適。。 餐牌的食物的選擇繁多：有霸氣水煮/辣子系列、特色小炒、招牌鷄煲、家常菜和涼拌菜等等，全部都可以選大，中，小辣同BB辣。 *辣子肥腸 (BB辣)肥姐貼心提醒BB辣=坊間的小辣。 果然夠哂麻辣。整個菜都以高溫油炸，超香口，不會油膩。大腸炸得好脆口，但唔會乾，有肉汁。最好吃的是炸豆豉，好惹味，配上大量炸辣椒，超正! *酸辣土豆絲薯仔絲切得非常幼細，份量不少。酸辣味好搭配，唔會酸到變面，亦唔會辣到搶走啲酸味。大廚用咗蒜同埋紅椒絲炒，提昇咗薯仔嘅甜味出嚟。炒得剛好入味，和剛剛好，很爽口和開胃。 *夫妻肺片份量都很多。用青瓜墊底，有很多件牛心、牛舌、牛肚等，切得很薄。秘製汁料加上勁多

放工後嘅小確幸就係搵到一間正宗川菜館，食返啲地道美食！今次我就同大家介紹下，我點樣喺繁忙嘅一日之後，享受到美味嘅晚餐。首先，酸菜魚真係一絕！勁大塊魚肉！魚肉滑溜溜嘅，配上酸菜嘅酸香，一啖咬落去，簡直係疲勞嘅大救星！再嚟講講麻辣炒大腸，呢個菜真係辣得嚟又唔失嗰份鮮香，大腸炒得啱啱好，麻辣味夠晒正宗，食落去真係過癮！當然，少不了嘅口水雞配白飯。呢個菜式簡直係川菜嘅靈魂，雞肉嘅滑嫩加上特製嘅醬汁，辣中帶點微甜，令人食指大動，同白飯一齊食，簡直係完美組合！總之，呢次嘅放工搵食之旅真係令人滿足，每一道菜都係精心準備，每一口都係滿足。下次你放工之後，記得要嚟呢度搵食，保證你會有一個難忘嘅體驗！推介推介！！！

兩個人叫了一個香辣烤魚，一個腐乳滑雞，一個萵筍絲，飲咗幾支啤酒，雖然有點小貴，但真心想說好好食，下次一定會再幫襯。當日我訂18:30入座，20:00食完離場，只有我一張枱，坐得真係超級舒服，感覺好似包場咁，兩兄弟響度飲吓嘢食吓嘢吹吓水，而且冇其他客人阻住真係好happy😂我真係唔明點解咁好食冇咩客，可能撞正清明時節四日大假，應該可能全部人都上咗大陸消費，下次一定會帶屋企人或者其他朋友再去食👍極力推介💪

同一個朋友慶祝生日，所以就揀咗出名食辣嘅肥姐，行過咗個沙咀道球場就到。一坐低姨姨就比咗碟前菜，同埋推介我哋食咩。我哋揀咗辣子雞、夫妻肺片、酸辣土豆絲…………嘅BB辣。辣子雞BB辣=小辣，而且夠麻。炸完都冇出現油浸嘅情況。啲雞炸得好脆，但又冇搶走雞味。最意想不到嘅係豆豉！炸咗之後啲豆豉味出晒嚟，口感唔會好淋，配埋佢有辣椒香味，好惹味，啲豆豉食下食下就冇晒。夫妻肺片食完麻辣，食返啲蒜蓉解下辣。睇落細碟，但其他入面都好多塊，份量都多。最好就係佢用咗青瓜墊底，青瓜索咗啲汁，甜甜哋，仲有蒜蓉味，呢碟好開胃。酸辣土豆絲最後食個薯仔絲。酸辣味好平均，唔會酸到變面，亦唔會辣到搶走啲酸味。大廚用咗蒜同埋紅椒絲炒，提昇咗薯仔嘅甜味出嚟。

本身諗住返完一日工要放鬆下去食下辣野見之前好多人推薦肥姐麻辣餐廳諗住去試下點知一入到去啲服務員態度已經唔好全部黑面咁其中有個仲講嘢串共共原來個個就係肥姐 老闆係咁難怪員工都係咁🤣但係算啦 我係黎食嘢咋嘛諗住啲嘢食可以彌補我心入邊嘅缺陷就已經OK跟住落嚟啲嘢食我真係要介紹吓1)招牌辣子雞 $138呢個菜式真係出色，佢令我有一種我係考古學家嘅感覺，要喺一堆辣椒同埋花椒入邊搵雞，我唔知係辣椒炒雞，定係雞炒辣椒雞嘅肉質又太柴，柴得黎又多骨個比例係講緊2成肉8成雞真係好想知佢喺邊度入貨🙏考古學家體驗班$138 簡直物超所值！！2)招牌水煮魚 $168話明招牌緊係要試吓啦！係就係幾大兜，但係係幾大兜油囉，同我之前食既水煮魚真係好唔同，每一啖都係食緊油咁，魚又唔係多，一夾即刻散，含笑半步釘都冇佢咁勁🤣以為一個人食兩個餸一定夠，食唔晒仲可以打包第二日帶飯，點知食完個心同個胃仲空虛，返到屋企仲煮多左個面食呢兩道空虛寂寞食左三舊幾水，原來我先係個個招牌水魚🤣🤣真心奉勸 不可一不可再！！！！

相就唔影啦因為太離譜，人生初體驗我都係第一次覺得要寫食評係差到要寫啊！琴日4個人食晚飯叫左五個餸 蒜泥白肉，土豆絲，口水雞，水煮魚，酸菜魚我同朋友食緊已經好口渴啲味精落到唔洗錢咁咸到呀媽都唔認得所有菜都冇應有嘅味道淨係食到味精嘅咸係咸到第二朝仲頭痛緊咁大個人食過咁多間川菜今次係第一次咁差既經歷。我諗起之前有人同我講過大陸有一隻呢啲酸菜魚湯膏筆出黎開水就可以變成酸菜魚湯諗起都極懷疑呢間野都係咁做大家想試下可以去但我唔會再去

相就冇影 冇咩特別但係冇其他人講到咁好食 冇咁正宗叫左酸菜魚，條魚勁腥 唔知自己食緊咩。。。蒜泥白肉係幾好食，但係勁鹹 lol 總括而言我就覺得唔好食同埋多味精餐廳環境好窄，都冇咩所謂啦 香港地但係服務態度勁差。。。落單 埋單 都比人呼渴

----肥姐麻辣餐廳----荃灣沙咀道169號滿樂大廈地舖坐巴士一落車就見到 環境幾靚 行入D冇甘近廚房 效果更好一入去就知邊個係老闆 肥姐親自煮比你食手撕包菜 $88/份辣椒粒 自己親手處理嘅辣椒片香蒜爆炒包菜纖維質地和嫩葉幾有嚼勁 quite spicy如果唔食得辣記得出聲 等肥姐輕手D haha黃金皮蛋 $48肥姐酸菜魚 $268湖南風味 酸菜湯頭比較深色 花椒、辣椒、姜蒜增鮮增辣冇加寬粉/紅薯粉 所以另叫左個白飯 因為湯汁佐飯食魚肉大塊 有少量魚骨 不過好易拔出 冇細骨 多是大骨