肥姐麻辣餐廳

营业中

休息中

荃灣的肥姐麻辣餐廳以川菜聞名，我點了幾道招牌菜，包括酸菜魚、黃金皮蛋和酸辣土豆絲。酸菜魚是肥姐麻辣餐廳的招牌之一，它的味道非常正宗。魚肉鮮嫩多汁，配上酸菜和辣椒，味道酸辣開胃，讓人食指大動。餐廳的廚師將魚和酸菜的比例掌握得非常好，使得這道菜既有酸菜的鮮味，又不會掩蓋魚肉的原味。整體而言，這道酸菜魚絕對是一道讓人回味無窮的佳餚。接下來是黃金皮蛋是我首次嘗試。蛋黃酥脆，口感豐富，外層的麻辣調味更是增添了一層風味。相比其他餐廳的傳統皮蛋，黃金皮蛋絕對是一個創新的嘗試，值得一試。酸辣土豆絲是我在餐廳中點的配菜，但它絕對不容小覷。土豆絲切得非常細緻，炒得剛好入味，酸辣的調味使得整道菜更加開胃。每一口都能品味到土豆的香甜和酸辣的風味，非常適合搭配主菜享用。餐廳的環境舒適，服務態度也很友好，在用餐過程中感到非常舒適和愉快。總結來說，肥姐麻辣餐廳是一家非常值得一試的餐廳。他們的酸菜魚、黃金皮蛋和酸辣土豆絲都是非常美味的菜品，給人留下深刻的印象。如果喜歡川菜和麻辣風味，肥姐麻辣餐廳絕對是一個不容錯過的選擇。我期待再次光臨這家餐廳，品嚐更多美味的菜品。

今日放工突然凍咗好多，同事即刻提議去食辣野🌶️佢介紹我去荃灣嘅「肥姐麻辣餐廳」食川菜，餐廳環境乾淨整潔，光猛企理，全部餸菜都係肥姐一人主理，肥姐會先問我地食到嘅辣度，再根據我哋嘅辣度即叫即煮👍🏻上菜速度亦夠快，每碟都熱辣辣夠晒鑊氣👍🏻酸菜魚天氣咁凍即刻要嗌返個酸菜魚暖下身，湯底鮮酸爽辣，老闆娘話用鯇魚切片，魚肉嘅份量亦不少，非常滑溜而且鮮美，配菜有大豆芽，酸菜同椰菜，滿滿一大碗，夠晒真材實料😋酸辣土豆絲味道酸酸辣辣好開胃，火候控制得啱啱好，土豆絲保持爽脆嘅口感，加入蒜片同辣椒更加惹味，大大碟又飽肚黃金皮蛋呢度嘅黃金皮蛋係糖心架🤩底下嘅青瓜特別爽脆，配上以蒜蓉、香蔥、芝麻、辣椒油特調嘅辣汁，辣得夠過癮😆📍肥姐麻辣餐廳 (荃灣)荃灣沙咀道169號滿樂大廈地舖人均消費：$150-200食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️

每次係滿樂大廈福至樓等巴士，都會望到「肥姐麻辣餐廳」，而且聽聞佢做川菜很出色，好多餐廳模仿，但都未能超越。難得今日放假，就約個fd一齊去試下。 店內簡潔乾淨，兩邊係卡位，中間係圓枱，牆上掛有特式擺設。大大張餐牌：有水煮系列、特色小炒、招牌鷄㷛和涼拌菜等等，全部都可以選大，中，小辣同BB辣。對於我哋呢D鍾意食辣但太辣又食唔到嘅人，BB辣係最好嘅選擇。🤣 黃金皮蛋$48/份果然名不虛傳，蛋皮唔係一般黑灰色，係金黃色，在燈光下全透明好似啫喱糖咁靚，好有趣，墊底有爽口芽菜，除食到皮蛋本身獨特香味，仲有辣椒和蒜香味。 酸辣土豆𢇁$88土豆切得好幼細，好爽脆，酸酸辣辣好開胃，份量又足，而且一D都唔油，多食冇負擔。 招牌辣子鷄 細$148 大$228盛載嘅器皿好特別，似地盤鏟泥嘅工具，好攪笑。辣子鷄好香，充滿辣椒和豆豉香味，鷄肉雖然炸過，唔鞋仲留有肉汁，好工夫👍 另外點左咸檸七和陳檸。臨走前聽老闆娘講尼到嘅辣度比出面餐廳高一度。換言之，今次我哋叫BB辣，其實食左小辣，我哋算唔算接受左味蕾挑戰🤣🤣🤣

同個fd約食飯，兩個都想食下魚，上網搵到衣間餐廳就去食！係openrice約左6點半食，去到可能太早冇人，我地兩個一去到包場食食下先慢慢有人黎。今日下午茶食得多左，兩個人叫明爐香辣魚加娃娃菜同薯粉就食左先，睇下飽唔飽。冇諗到真係食到好飽，唔使加野

朋友生日想食川菜, 試下肥姐呢間餐廳我地叫左明爐香辣魚魚塊啖啖肉, 配料有紫洋蔥, 蒜頭, 芫荽, 豆腐, 紅辣椒, 花椒等等, 香味十足, 非常滋味, 我地加左萵筍, 薯粉, 索哂d精華夠哂淋超入味😋店員好細心, 間唔中幫我地撩下條魚, 以防痴底👍野生椒錫紙焗花甲(加粉絲)花甲好鮮味, 個人建議最好加配粉絲, 啖啖精華😋泡椒雞腳雞腳夠辣, 夠入味, 有咬口, 送酒一流🤭酸辣土豆絲食川菜最基本會點嘅小菜, 酸辣度剛剛好, 好開胃😛

嚟到荃灣，落大雨，又肚餓，於是就近近地喺巴士站附近搵咗間川菜餐廳食！我同男友嗌咗三樣餸，包括夫妻肺，酸菜魚，同酸辣炒土豆絲！先食夫妻肺片作為開胃菜，肺片切得薄而均勻，質地韌而不柴，搭配上辣椒油和花椒調味，令整道菜散發出濃烈既辣味同麻感。夫妻肺片既辣味不僅刺激味蕾，仲帶一種特殊既麻辣風味，令人回味無窮。接下來，酸菜魚係我地主菜之一。魚肉鮮嫩多汁，搭配上酸菜既酸味同辣椒既辣味。而且，酸菜魚的份量十分豐盛，適合幾個人share。最後，我們嗌埋酸辣土豆絲作為配菜。土豆絲切得細緻，炒得酥脆，口感優良。酸辣調味讓這道菜的味道更加豐富提一提，餐廳仲有唔同清熱潤喉特飲，大家都可以試一試！而且辣道有分大中小辣，可以因應個人口味已決定！

今日係打風前一晚，天氣明顯涼快，係回家時落左場雨，要食辣野暖身。今日收工去左荃灣沙咀道169號滿樂大廈福至樓先去百佳入貨，再去肥姐麻辣餐廳度食晚餐餐廳有6張卡位員工後門口整蒜頭後面有客人飲啤酒同食飯店員非常有耐心服務客人因為有一檯客4個朋友飲啤酒同傾計另一檯客係逐個菜逐個菜叫飲品又係逐一逐一咁order餐廳內有洗手間，非常乾淨餐廳門口寫好多餐廳模仿，但沒有超越，證明非常有信心菜牌非常大張有涼拌菜，必食推介，辣子系列，重慶特色小食，水煮系列等等我請肥姐介紹幾個小菜肥姐介紹手撕包菜$88，辣子排骨$138＜中＞，口水雞＜例牌＞，飯$14，啤酒$22口水雞 🐣雞肉嫰滑每件薄片有青瓜蒜蓉口水汁非常惹味😋唔太多辣油手撕包菜炒得好淋唔太多辣油加左小米辣，非常惹味送飯😋辣子排骨炸到香脆乾辣椒麻麻辣辣配啤酒😋我對麻辣菜認識係好厚一層辣油呢間餐廳少油又做到效果，非常好味又健康👍

晚上7:30，店內已坐滿3分2，每枱客人店家都會送上餐前小食，酸辣木耳同埋香脆花生，我好鐘意木耳汁既泡椒味，食落酸酸辣辣，好開胃☺️點餐既時候，肥姐第一句就用好貼地既口吻問”食得幾辣”😆，之後就向我推介店內嘅招牌菜，過程中，你會感覺到肥姐既豪氣同埋親切感，完全有別於出面機械式嘅服務😆肥姐唔係只係坐定定收銀，而係真係會親手落手落腳去做，由廚房做到樓面，聽電話接外賣，所有嘢都親力親為，佢哋除咗做堂食之外，外賣都好多order，見佢接電話接唔停，但係堂食嘅order都唔需要等好耐。肥姐仲有自家製嘅辣椒油，只係28$，買來做涼伴一流！👍🏻用餐後，見倒肥姐終於得閒，佢行過嚟我張枱度，問我啲嘢食啱唔啱口味，再同我閒談左一陣，言談之間，我再次感覺到肥姐既親切感，今餐除咗食到美食之外仲食到濃濃既人情味🥰

位置：📍荃灣沙咀道169號滿樂大廈地舖📍食後感：酸菜魚酸菜魚好大份呀，魚塊好大塊，起碼有15塊魚塊，魚好夠滑（新鮮魚塊冇包粉），又新鮮，完全冇魚腥味。配料重有大量酸菜，大豆芽，椰菜等等。食一份都好夠飽。今次叫左BB辣，BB辣都已經好辣啦，我平時食開十小辣，BB辣應該係五小辣左右。雖然佢辣，不過真係辣得好過癮。口水雞口水雞份量都唔細，雞好滑好入味，加上蒜粒蔥粒，底重有手拍青瓜，索曬D汁，青瓜爽脆好解膩。調味唔會過咸，雞重有咬口，近骨位唔會有紅色，我好怕食雞個陣近骨位紅嫁。呢個冇得揀辣度，我諗都有小辣，雖然我唔食得辣不過都清曬酸辣土豆絲土豆絲夠曬脆，甜甜酸酸好開胃，加上岩岩炒出黎熱辣辣好有鑊氣，第一次試炒薯絲，果然夠驚喜。薯絲炒量都多，我諗有兩至三個大薯仔份量，唔鍾意食飯既朋友可以叫黎試下。

肥姐堪稱其中一間我最愛的川菜小店。貪佢夠麻夠辣。記得第一次嚟叫大辣，差啲胃痛，自此之後最多只敢叫中辣。有些朋友食完覺得太濃味，太咸，有時都真係幾重手。不過剛剛去完，發現她們轉了㕑師，好像輕手了些，可以再試。座低會先冇份前菜小食，讓你感受一下這裡的辣味。我很喜歡這裡的辣子牛肉，夠乾身，牛肉不會「乸」到過晒火。雖然有朋友覺得太乾太咸，反而喜歡辣子排骨，但我覺得兩種肉不同口感，各有滋味，都很好吃。另外花甲也不錯，我覺得最好吃的是野山椒錫紙花甲＋粉絲，不過食過幾次，今次試下老干媽炒花甲，同樣惹味但略比野山椒差少少。最後還有鷄煲，這裡的鷄煲有幾款不同的味道。這次我選了藤椒鷄煲，微微的辣味，用火爐興住 ，越煮越豐富。不過我不太喜歡鷄切得太細粒，變了鷄丁。對愛麻辣的我而言，這裡的麻辣味道還是不錯的～

荃灣吃喝玩樂都係有好多選擇，同朋友喺荃灣玩完一啲活動之後，就周圍去搵食。如果想食川菜的話，有一間好吃而又貼地的選擇！👍👍👍🤩酸菜魚魚肉鮮嫩，搭配酸菜和香料的味道，讓人感到非常開胃。此外，菜品的色澤也非常漂亮，讓人一看就有食欲🤤🤤🤤🤩口水雞以嫩滑的雞肉和麻辣的調味料為主要食材，味道非常獨特。我喜歡這道菜的口感，雞肉非常滑嫩，搭配上麻辣的調味料，讓人感到非常開胃。此外，菜品的裝飾也非常精美，讓人一看就有食欲😋😋😋🤩酸辣土豆絲口感非常爽口，搭配上酸辣的調味料，讓人感到非常開胃。此外，菜品的色澤也非常光亮，讓人一看就有食欲🥰🥰🥰

好耐無食辣啦🌶️朋友就推介荃灣附近嘅一間幾地道嘅川菜～老闆娘叫肥姐，超好客，同枱枱都好frd，會問下有咩食有咩唔食，再根客人喜好推介特色菜😙啱晒選擇困難症嘅大家！🌟辣子肥腸 $138見呢個寫住霸氣辣子系列，一於試試佢夠唔夠霸氣😈肥腸細心切成方便食嘅一口大細，先炸過再加入特製辣椒醬、海量辣椒及炸蒜片炒香，上枱視覺極震撼！食落口感豐富又香口🤤🌟口水雞 $88口水汁加入辣椒、花椒、蔥等調味，食落有層次唔係死辣！🐥雞肉超嫩滑，另外仲有啲青瓜喺底～當雞肉同青瓜都索晒口水汁，一啖餸一啖飯就最perfect🤤大推呢個攞嚟送飯啊！！🌟手撕包菜 $88呢個咁簡單嘅菜最容易試出廚師係咩功架😈炒包菜份量好多😙唔會太淋，食落甜&爽口🩷調味都有誠意！唔單止加咗蒜片辣椒去炒，仲食得出有少少雞湯味～🌟陳檸 & 五花茶信我🤪食辣嘢一定要跟涼茶！罪惡感會大減⬇️飲落似媽媽煲嘅味道👅無添加無防腐劑，連我平時飲開走甜嘅人都唔覺太甜就知咩料啦🥰

好耐冇返大陸食過川菜，尤其是對烤魚念念不忘，經過發現到荃灣有間川式小菜仲有埋烤魚，所以今次就同朋友一齊嚟回憶下川式味道🤪前菜有雲耳同埋花生，雲耳係用醋嚟醃過，好開胃～花生嘅調味粉都幾特別～明爐香辣烤魚 💰HK$268今次叫咗個明爐香辣烤魚🙈因為職員溫馨提示咗我地呢到嘅菜式係偏辣，所以我地叫咗bb辣🙈睇得出條魚好用心整，食得出係煎過之後再放落烤爐，然後再用好多麻辣汁浸住條魚！食落去啲魚肉嘅肉質係比較結實，點埋啲麻辣汁辣辣地，好滋味！旁邊嘅豆腐都好味好滑，配埋麻辣汁一流🤤仲要勁大兜，兩個人食份量啱啱好！餐廳內部裝修都好精緻，每張枱旁邊都有啲小植物，座位都好濶落幾好坐，都好多卡位！多人一齊嚟嘅話，坐圓枱食亦得，仲可以試多幾味餸添😜

📍肥姐麻辣餐廳 (荃灣)⭐️明爐香辣烤魚 ($268)今日試左明爐香辣魚，叫左香辣味小辣。有時出面食烤魚小辣都偏辣，呢隻就正正常常，唔會話好辣嘅。擔心唔食得太辣都可以叫小辣。烤魚除左中間條魚骨，全條都係啖啖肉，完全無魚骨，去到後尾都好放心大啖啖食。入面配菜就有豆腐，但啲豆腐放落左仲有小小微煎咁嘅樣。成個煲都係滿滿嘅香料，啲汁都無出面咁油。⭐️口水雞🐥 ($88 例牌)推介指數滿分🥰友人食完烤魚都仲覺得唔夠喉，叫左例牌口水雞過下麻辣癮。口水雞下面仲有啲青瓜放底，青瓜同雞都索晒啲汁嘅精華。肥姐好熱情介紹左正宗口水雞應該係點，正宗口水雞上菜個時應該係好多口水汁浸住嘅，同出面嘅係有啲唔同架。🍹飲品分別試左咸檸7($26)同埋飲原味香港製造嘅五花茶($26)。五花茶個味唔似出面有啲一枝枝好甜咁樣，係平時涼茶舖飲個種。我見到其他荃灣餐廳都有呢隻牌子嘅涼茶飲。一坐低仲有小吃送，左面係菜脯，右面係麻辣雞爪。💓入到去覺得環境擺設都唔錯, 每張枱都有個3個小盤栽🌱Menu:

相就唔洗影啦因為食果刻冇問題仲好好味好有鑊氣添但食過咁多間呢啲內地美食外賣又好堂食又好 我係第一次覺得要寫食評…係差到要寫啊一行5人琴晚食晚飯菜式有酸菜魚黃金皮蛋手撕包菜蒜泥白肉食完餐飯冇20分鐘我已經好口渴味精勁到我今朝口渴到醒左咁大個人食過咁多間酸菜魚今次係第一次咁差既經歷。我諗起之前有人同我講過大陸有一隻呢啲酸菜魚湯膏筆出黎開水就可以變成酸菜魚湯諗起都極懷疑呢間野都係咁做大家想試下可以去。但我唔會再去