肥姐麻辣餐廳

营业中

休息中

同女朋友行完市集梗係要搵d野食醫下肚啦，如果唔係要跪玻璃架啦😆😆😆😆而女朋友大人係食辣愛好者，所以隔條街就比我個鼻發現左呢間好香麻辣味既小店啦🤩🤩🤩🤩🥳🥳🥳🥳一入門口就撲面而黎麻辣香😍😍😍，女朋友大人非常滿意啦肉肉獸黎到梗係要食肉肉啦，所以叫左個例牌口水雞同埋麻辣厚切牛肉好多肉肉丫😍😍😍😍口水雞啲肉又滑又入味，呢個口水醬調得好好丫，雖然係肉類冷盤，但唔會覺得好膩好油，唔會影響跟住落黎嘅胃口，非常推薦😻😻😻😻😻麻辣厚切牛肉一上枱就吸引左女朋友大人既注意力啦，畢竟呢個鐵鏟造型別樹一格，得分👍👍👍好多肉，唔會止係得辣椒仲有超多肉，係掘極都仲有肉既出現架😻😻😻😻😻😻😻😻😻啲牛肉仲一d都唔小家，好大塊😁😁😁😁為左照顧女朋友大人既飲食均衡原則，所以叫左呢個手撕包菜，omg，單純得菜都炒得咁惹味，一d肉仔都冇，少少蒜片辣椒己經好好味。三樣菜式，光盤完成，份量太多，多碟都食唔落啦。🥳🥳🥳🥳肥姐好好客咁推介新菜式“明爐香辣魚”，並唔係冰鮮魚行貨，係有誠意既新鮮魚，重點係條魚冇骨，所以食落係啖啖肉，但可惜肥姐太遲黎介紹，我地已經冇力再戰😭😭，唯有下次再黎啦😆😆😆

今日去左荃灣行街，行過一間食川菜及麻辣嘅餐廳叫「肥姐麻辣餐廳」，比佢嘅香味吸引住😍，於是就入左去試一試。一入到餐廳坐位都唔少，亦都好闊落，店員都好主動介紹店內招牌菜，我地二人叫咗三樣菜。⭐️前菜泡淑雞腳：利用醃料浸雞腳，每隻雞腳都好入味，浸得啱啱好，唔會太淋，保持住雞腳咬口感😙，辣味十足。⭐️健康之選手撕包菜：用辣椒及醬汁快炒包菜，即係炒高麗菜，包菜撕到一片片，好易入口，而每片都炒到好均勻，🤤好夠鑊氣。⭐️招牌菜酸菜魚：有唔同嘅辣度選揀，我哋要咗個細份，但黎到時完全唔覺得係細，非常大份，有半條魚連魚片，魚骨及魚鰭，配菜有大豆芽及酸菜，湯汁配埋白飯食一流🥳。飲品方面有健康飲品，亦有酒類供應，食辣點可以唔飲酒，用黎解辣一流！🤩

外賣無仇報系列。試一次便夠野生椒錫紙焗花甲+ 粉絲。一打開張錫紙唔係芬香撲鼻唔緊要。但都唔係話臭氣熏天。明知死都照出。無得頂。雞油炒萵筍。好吃藤椒雞煲半隻。味道好酸菜魚細份。比起其他酸菜魚偏油膩。

今日行開荃灣, 路過見到依間肥姐麻辣🌶️, 見外面凍到10度唔夠, 就入去食d 辣野暖下胃😂✨前菜有醃漬蘿蔔, 酸酸辣辣好開胃🤓好快食, 另一個好辣, 唔太清楚係咩菜🤣 但食完兩秒即刻嗌左支藍妹解一解辣😂✨辣子肥腸（細）保守少少, 叫左BB辣, 辣度岩哂我依類「鐘意食辣但又唔太食得辣」既人😁 肥腸好脆, 好惹味, 佐酒/送飯一流, 不過份量可以再多少少😗 唔夠喉🥹 另外有炸蒜, 都食哂👍🏻✨招牌口水雞(例)雞肉質不錯, 醬汁麻辣帶點咸香, 再加左芝麻, 層次豐富, 味道恰到好處, 整體水準以上👍🏻。但份量都好似唔太夠🤣可惜, 想再食多幾舊😭✨清炒土豆絲一上枱就聞到好香蒜蓉味, 土豆絲爽口脆軟根根分明, 超開胃岩哂唔食得辣既朋友, 中和一下其他菜式既麻辣味😎✨紅豆冰因為前菜太辣所以嗌左杯紅豆冰解辣, 但紅豆冰奶味唔濃唔香🥲扣左唔少分, 好似飲緊紅豆水咁🥹肥姐好nice🤣會同我地傾計吹水, 隔離幾枱都應該係熟客黎🤔

今晚同朋友去咗荃灣沙咀道 “”肥姐麻辣餐廳”食川菜。我哋兩個人，叫咗三碟餸。第一樣就係“”口水雞“。 老闆娘會好親切地問你 可以食到咩辣， 我哋嘅程度只係bb辣 。等咗一陣 ，口水雞就嚟到 。第一樣眼就見到份量十足，食口水雞最重要就係個汁。 個汁教得啱啱好 ，有小小麻辣唔會令人喉嚨唔舒服，後勁帶點點麻辣，好有層次感。第二個餸就係“辣子蒜香炒排骨 ”。睇圖都見到有幾咁澎湃， 入面有好多排骨，食得出係新鮮嘅排骨，唔係雪藏。 啲蒜片炒到好香， 攞嚟送飯食一流。 最後就嗌咗個”清炒土豆絲 ”，熱騰騰上碟 ，土豆絲好爽口， 味道好香濃 。其實有時候食下呢啲情懷嘅小店，比起去高級餐廳有另一種風味。

喺荃灣做完嘢好想食辣嘢搵吓有冇好食嘅水煮魚先咁岩行過肥姐餐廳見到好似唔錯入去試吓先🤩🤩🤩🤩小菜秘製雞翼尖唔係講笑個醬汁好夾雞翼尖雞翼尖好有膠質 醬汁都係黏黏的個醬汁夾其他肉應該都好啱 又麻又香呢度嘅水煮魚係用原條魚去做既🐟唔係魚片所以係相當新鮮不過唔鍾意有骨嘅朋友就要小心食啦肥姐嘅辣度強調比出面辣少少嘅鍾意食辣嘅，我又點會怕呢😂簡直開心啦除咗魚之外有芽菜雲耳做陪襯相當入味食水煮魚又點少得配白飯呢❤️❤️❤️另外都叫咗個菜個菜炒得好有鑊氣夠蒜蓉味帶有小小辣出面食菜多數都油冧冧 反而起肥姐呢度係冇呢個問題㗎仲食到菜嘅甜味😋

今日約咗朋友去荃灣行街食飯我條酸菜魚癮起，做下功課search 下就揀咗肥姐麻辣餐廳係沙咀道球場隔離，好易搵！入到去環境都幾好，d 裝修都靚 同有特色！d 位都坐得舒服！老闆（就係肥姐本人）好好人，好nice! 有人情味選擇都好多！ 價錢都唔貴我嗌咗三樣野食，第一個係沙薑雞腳！好好味，同朋友都一隻接一隻不停食 d 沙薑汁好惹味！好香！（唔係怕太飽，我真係想嗌碗白飯送飯添！)雞皮控嘅我表示：好正！第二個就嗌咗酸菜魚，見到餐廳d相好吸引果然無令我地失望！首先，係好足料，d 魚嘅份量好多！而且d 魚好滑，又夠入味！ 食埋d 酸菜，飲埋個湯，簡直係大滿足！果然係呢度嘅招牌菜之一！必點第三樣就係炒土豆絲，炒得好香！ 食落就知唔簡單 食下食下 又清碟了😆同朋友約定咗 下次想食酸菜魚 會再嚟搵肥姐！

同爸爸食左間超有鑊嘅餐廳，由肉類去到菜都好香口，夠的，夠鑊氣。辣子雞 $138職員話呢款真係好受歡迎，好多熟客食完返轉頭再食。不得不說雞切得細細粒方便食，更重要係炸得夠透脆卜卜，部分仲連住少少雞皮，咬得到的油香，大推。都比較辣，好惹果。手撕包菜 $78菜來講呢個好香✨✨✨火喉剛好，上枱時仲熱到出煙🫣😎食得出個獲氣，有少少辣椒🌶️但不會太辣，可放心食！但油左啲啲，但一餐半餐都ok ga!!!雞翼尖 $43雞翼尖來講真係幾正，好夠辣之餘，仲煮得好淋，唔洗咬得好辛苦，已經可以食到成隻雞翼尖。

今日去了荃灣接朋友收工 佢表示有間餐廳成日lunch經過想試但未食到 今晚終於同我去試吓😋正如餐廳其名 呢到既麻辣真係做得好出色！我地所有美食都叫了bb 辣 🌶唔會辣得好辛苦 但佢個麻香味已好香好重😚真心推介比鐘意辣既朋友仔😗我地食了1. 泡椒雞腳 🐓呢個係個唔錯既涼拌小菜👏 當啜個雞腳時 啲麻辣汁同埋椒香味真的好香 😍同埋一啲都唔嗆喉嚨！越食就越上癮咁☺️☺️2. Bb辣土豆絲 🥔呢個土豆絲好有屋企既味道🏡啲土豆絲好爽脆😍同埋辣椒一齊炒別有一番風味😋 好似食緊健康版既薯條咁！係一個幾健康既菜式 😚非常推介😉3. 酸菜魚🐟呢到既酸菜魚係完整一條新鮮魚即煮咁樣呈上 😍所以其鮮味都特別多😇 不過就要小心多骨 要慢慢咀嚼😚 除了魚外 仲有啲酸菜同埋芽菜 餸飯一流呀4. 飲品飲品選擇都不少 仲有清酒tim 我叫了竹蓆茅根😌而朋友則叫了汽水🥤聽老闆娘講 嚟緊仲會推出一人麻辣小火鍋餐 聽到都流哂口水呀😍

辣得起勁🔥🔥今次來到 肥姐麻辣餐廳 挑戰麻辣底線～本身以為自己都算食得辣🤣叫咗三個菜式都係小辣，結果好似高估咗自己～ 想挑戰辣度嘅一定要來😙✪ 泡椒蘿蔔 ⌫ 💲48呢款開胃涼拌菜係三道菜之中最辣！泡椒蘿蔔口感好爽脆，有醋香。✪ 招牌辣子鷄 ⌫ 💲148海量嘅辣椒!! 辣度十足，帶花椒香氣。雞粒好香口。✪ 椰菜花炒四川臘肉 ⌫ 💲128椰菜花炒得好爽脆。臘肉鹹香。.【 肥姐麻辣餐廳 】📌 荃灣沙咀道169號滿樂大廈地舖

今日要出荃灣廣場開工，收工時雨紛紛，咁同同事食埋晚餐先回家，行出沙咀道球場附近見到有間肥姐川菜餐廳，一於食辣辣川菜暖下身！入到餐廳見到枱面員工正在切辣椒！嘩，未食已經吞口水！商量食咩時，員工遞上小食一碟！一邊係辣辣花生，一邊係雲耳！好醒胃！每張枱都有個小盆景，我哋張枱個小擺設！清炒土豆絲，𣎴油膩，啖啖爽口！份量都好多，抵食！叫咗手抓餅，有兩大塊，仲剪好一小塊上，方便食，好多葱，而且葱味好濃，好味道！叫咗個細份量酸菜魚，魚片係鯇魚，魚骨不多！酸菜不是碎濕濕！叫咗B B辣，都好夠味！酸同辣配得剛好，雙方不會搶咗大家的味道！碟底仲有大量芽菜同海帶墊底，索咗魚汁，好入味！泡椒雞腳，雞皮好爽口！伴啤酒一流！干扁四季豆，辣得來正！兩個人食下傾下飲下啤酒，不經不覺清哂所有食物，食飽覺得暖笠笠，好滿足！下次再來可以試下其他款式！店舖環境乾淨，員工態度又有善，值得一讚！

放工係荃灣睇完戲未食嘢，就寶行呢個見到乜就食乜概念，入左呢間四川餐廳醫肚～咁入面唔多人嘅 得一枱 所以姐姐都有好好咁serve我地✨招牌水煮魚 $168 | 1.5/5嗱呢個係佢烹調嘅時候已經有陣臭味傳出嚟，因為得我地叫嘢食咁所以一定係煮緊我哋嗰份啦。我哋好希望呢個只係過程啦，點知上菜都有呢陣臭味呀 有啲似未淨乾淨嘅大小腸 食落去質感係好正常嘅，但一路食就要一路聞住呢陣味，哇呢種感受真係令我揮之不去✨招牌辣子雞 $138 | 2/5其實味道唔算差，辣味十足，花椒味香。不過成碟雞好似要尋寶咁搵啲雞粒出嚟，辣椒好多雞肉好少，食落去雞粒八成都有骨✨涼拌粉皮 $48 | 3.5/5粉皮溫度適中，軟硬度適中，味道唔會太辣，但係都有好香嘅辣油味~呢個幾好食❤️❤️希望只係我嗰日咁唔好彩食到呢種質素嘅水煮魚😂試完一次就好

係附近行街等睇戲 search到呢間川菜咁多好評就來個quick dinner😆餐廳唔多位置 都坐滿曬 裝修係一般餐廳風格 落單前會問下每台平時食開咩辣 話佢地啲菜偏辣😍正啊！見到佢擺係一邊一箱箱乾辣椒好地道家庭式經營咁😂時間唔多 叫左幾個小菜 泡椒雞腳真係幾辣下🤣🤣算係幾唔錯嘅雞腳 好入味 肉質彈牙酸辣土豆絲新鮮滾熱辣 酸辣平衡得唔錯 好開胃惹味 食完一啖接一啖 幾正宗🤣好送飯😝招牌辣子雞好香😍見到有好多款唔同辣椒香料 配埋好多原粒蒜 配搭好好 雞肉味道唔錯 略嫌炸得有啲柴 見到隔離檯大家都食酸菜魚 好吸引 見等得比較耐 我地今次趕時間 唯有下次再戰！餐牌仲有好多選擇都幾吸引😝

今日返工好大壓力，放工決定食餐好😃喺福來邨附近發現呢間肥姐麻辣餐廳，就入咗去叫咗幾樣嘢試吓✨餐廳環境幾舒服，入面有卡位，有圓枱，而且有一啲中國山水畫作點綴，一個人來又有電視睇唔會悶。我叫咗泡椒雞腳 （$43）招牌水煮魚-細 （$168）清炒土豆絲 （$78）泡椒雞腳入味，雞腳唔會硬繃繃咬唔到個皮，泡椒味幾香，都幾開胃，一碗入邊大概有差唔多10隻雞腳，都幾抵食。招牌水煮魚入邊有足料魚塊，魚係食得出新鮮嘅，唔係急凍魚柳，而且魚係厚身，唔係魚片來嘅，入邊有花椒粒、豆芽，海帶。如果兩個女仔黎食都夠。清炒土豆絲係最驚喜。土豆絲吵到唔會太林，又唔會太爽。土豆絲有少少酸味，幾開胃。如果下次食水煮魚或者酸菜魚，唔想配飯，其實配呢個土豆絲都唔錯。我覺得呢間餐廳，幾適合幾個朋友坐低傾吓計、食吓嘢。地方寬敞，環境比一般打冷舖頭更乾淨、衛生。

今日收工約左個老友食飯，知佢鐘意食辣就睇下荃灣附近有咩辣嘅餐廳，咁岩見到呢間肥姐麻辣餐廳咁多人讚好就試試佢啦入到去環境都舒服，坐底之後肚仔餓都即刻睇睇有咩食啦一定要！餐牌都好多選擇，最後我地叫左三個餸泡椒雞腳 $48呢個前菜酸酸辣辣非常野味，雞腳清爽得黎啖啖肉再加埋肥姐自制嘅泡椒，十分開胃，同老友食到唔停口酸菜魚 $168 細之後就叫左食辣野都要叫嘅酸菜魚！我地兩個人叫左細份本身驚太細唔夠食！點知都相當大份兩個大男人食都夠曬，魚肉新鮮酸度都足夠！辣味方便可以選擇，唔食得辣嘅朋友叫小辣就可以因為都辣的，推薦大家嘗試酸辣土豆絲 $88最後叫左個碳水因為冇叫飯，平淡中見神奇果然係真！土豆絲酸酸辣辣個味反而非常突出，令人一啖接著一啖，每一條土豆絲都入曬味見到大廚嘅功力推薦黎荃灣而又鐘意食辣嘅朋友要來試試！唔會令你失望！