肥姐小食店

营业中

休息中

係旺角食完LUNCH飽到嘔都要行黎呢度隊兩串, 咁多年都咁好食, 抵佢多人排.  以前我覺得佢好抵食, 依家雖然加左價但都還可以.叫左生腸及雞腎, 爽口兼新鮮, 無得唔食la

28蚊三串好吃又嘚，原先唔知系冻的😁D野好鬼死脆，一咬好有弹性，超级好吃，因为我唔中意吃辣的就唔加芥末啦，个唔知系咩酱都好好味，买两份吃左都可以当晚餐减肥啦（里个卡路里应该都几高下😁）

肥姐的魅力相信不用多說，很多人都慕名而來，自從大台不知那個節目宵夜介紹過後，相信你到了晚上都很難再食到呢樣宵夜，事關肥姐由下午2:00開賣，買完就關門架啦，今天很好彩，剛好經過就買了兩串，馬上來介紹一下。這裡買套餐是最便宜的 $28 (大墨魚+大生腸+火雞腎)，$23(大墨魚+細生腸+火雞腎)，相反只是一串墨魚就要$11啦! 落order時記得講埋要唔要芥辣? 甜醬?  由於我是羅走的，所以要埋膠袋，隔左大概30分鐘食，仍然很爽脆，大大片既墨魚很有咬口加上芥辣一流，唔似其他鋪拿到淋哂，感覺是很新鮮彈牙的，每次經過都忍唔住買番串，不過就要碰下運氣了。

經常都有人龍嘅肥姐，其實又唔會排好耐嘅，因為啲阿姐都幾快手，仲有一個姐姐負責找續，基本上排隊期間已有足夠時間考慮叫甚麼，食得當然叫皇牌大套餐($28)啦，有一串大墨魚、一串大生腸及一串火鷄腎，配上特製醬汁及黃芥辣，大墨魚同大生腸(相信食物來貨夠新鮮及後處理非常好)夠凍夠爽口，芥辣冲到上鼻夠刺激，火鷄腎仍微熱，幾好咬口，食完揾啲嘢飲下先。

皇牌套餐包括大墨魚、細生腸和火雞腎, 推介大墨魚!~正每次經過肥姐都總係人頭湧湧，今日當然唔例外，我都要排隊食埋一份。去到時人龍已經十幾人，好在員工手腳極快，唔使十分鐘已經到我啦。我叫左皇牌套餐，上面淋上了芥末及甜醬，大概有五、六塊。墨魚的質感極爽脆，老水味甜甜地，加上冷藏得宜，連同醬汁一齊食極爽！！芥末有點嗆鼻，好過癮！回頭望一望又有十幾二十人排隊，肥姐既水準的確出色，難怪永遠咁多人排隊！不過買既時候唔好猶豫，手腳要快，肥姐實在唔好老脾

看到OR上的无数好评和随时随地的排长队，就知道肯定值得尝试了。随意走走到了小店，果然是长队啊~ 不过排了也就不到10分钟，要了大皇牌套餐。一口入嘴-- 原来卤味也能如此凉爽冰脆美味！鸡胗，鱿鱼都好吃到停不下来。大肠非常脆（少见！），稍有些腥味。但也很好吃！秘制酱料（有芥末，豉油等）是亮点！推荐给所有人去尝试！

很久沒有來這間小食店，每次經過都要大排長龍今次出到來要回味一下，食了細生腸夠爽脆，正!雞腎不過不失，及豬頭肉這個豬頭肉不是太肥膩但不知是否太耐沒有幫襯，感覺食物份量好似縮了水因為天氣開始熱，幸好這些食物都夠凍，如果唔係。。。好易肚痛

每次經過都排長龍,終於忍唔住去排埋一份,要很大勇氣喔!今次買了很多,生腸,大 細墨魚,雞腎,心,紅腸,全部都好好味. 生腸爽口彈牙,大墨魚有咬口,細墨魚易咬,唔硬,心和腎都很鮮味,紅腸都很有味.至於醬汁,很濃,不是溝水的,好味!!!

星期日晚上九時經過，難得只見只有兩個人排隊，便首次一試這間經常大排長龍的小食店！叫了一份$23皇牌，已經有三款款式，吃起來就是很爽彈牙，特別是加了芥末醬，特別好吃！

其實肥姐小吃以前是手推車的小吃，多數在旺角一帶戲院門前擺買，都有廿幾多年前，但你吾會相信，味道却没有改變，今次我叫了细皇牌套餐 。 大墨魚、細生腸、火雞腎$23，可以一次吃到皇牌食物，大墨魚一定要食，保持到二十幾年前的味道，爽口，沒醒味，加甜酱芥末真的一流，生腸夠凍和设有異味，好生鮮，火雞腎好諗，很軟夠五香味，這小店能保持水平，真的不容易。

成日行過旺角都見肥姐小食好鬼多人排隊，但就係因為太多人，所以我一直冇機會試食，加上有人寫到佢咁好食，所以終於忍唔住，去排一次隊。 唔排又自可，一排就8分鐘。到我個時，我都唔知可以揀d咩，所以就叫左個皇牌套餐、有大生腸、火雞腎同大墨魚。全部睇落都係好新鮮，全部都鹵得非常入味，而且好爽口又夠凍，一d腥味都冇，口感又彈牙爽脆，配上芥茉醬、甜醬同特製醬油令生腸和雞腎既味道更為豐富、惹味。宜家好食街邊小販檔買少見少， 所以真係排咁耐都抵!環境就店舖係馬路邊，環境就差D。服務呢，都算係咁，最少會問我想要咩。衛生就街邊檔一般都唔會太好。

好多人都好怕食內藏 但試過肥姐之後一定會令你愛上每一種內藏 每次經過肥姐 都總有一條人 但原來等5分鐘到就會排到嫁喇 原本好怕食生腸 怕佢清潔唔乾淨 係見肥姐咁出名先黎試下 一試之下 生腸十分爽口 味道清新 好鍾意個甜醬同芥辣醬 好夾 除左生腸之外 雞腎 豬心 豬舌 都好好食

旺角對我來說比較少去,一來人多,二來返家唔方便,多數去買等使野,先去,今次去排長龍的肥姐掃街,出名大墨魚,真係好大,又爽口,醬汁又多,雞賢也唔錯,唔硬 .生腸我個人麻麻地,媽媽話幾好食, 紅腸是我最愛,加埋甜醬,口感一流, 28元有套餐大,23元就細,其他6元串,叫平靚正,平民食品,味道一流,10多人等2個字多一點,叫好快,不過我相信我位專貴妹仔小比應該怕唔衛生,唔敢食

次次同男朋友黎親旺角，口㾗之選必定揀肥姐，有次仲買左4個皇牌套餐，外賣盒拎走反屯門做宵夜，可謂山又長水又遠都心甘情願。最鐘意食肥姐既皇牌套餐，有大生腸，火雞腎同大墨魚。全部都鹵得非常入味，而且好爽口又夠凍，加上肥姐秘製醬汁，基本上唔洗芥辣甜醬都已經食到耳仔郁郁。

肥姐小食店肥姐小食店的人氣持續高企，每每經過，都會看到一大堆人在排隊，令這條登打士街熱鬧無比！究竟肥姐的食物有什麼魔法可以不斷吸引客人去排隊吃呢？今天又與男友經過旺角了，一早買了戲飛，在等開場的時候，口痕的我倆便到肥姐小食店買雞腎生腸吃，看到排隊的人龍非常之長，但由於時間尚早，我們便照樣排隊，很快，過了大約八分鐘便到我們了！終於有得吃了！今次我們叫了皇牌套餐，皇牌套餐包括大墨魚、細生腸和火雞腎，看看那生腸雞腎大墨魚，樣子都非常新鮮，一點腥味也沒有口感，口感也非常彈牙爽脆，配上芥茉醬、甜醬和特製醬油，令生腸和雞腎的味道更為豐富惹味。吃過後，我認為爽口彈牙的口感與醬汁的味道便是肥姐小食店的魔法了！