肚餓了串燒烤焗專門店 (已結業)

今晚約左女友食飯，大家都好耐無食串燒，不如去食反次！於是就去左肚餓了！裡面除左有串燒之外，仲有啤酒飲！最適合放工好輕鬆咁朋友食飯再有啤酒飲，或者同女友或心儀對象食飯黃金蒜蓉扇貝正，燒得剛剛好，大啖蒜蓉味，今晚刷牙都唔掂勁辣跳舞雞翼食左第一啖已經頂唔順，真係好辣呀！各位想挑戰既真係要諗諗自制泰式豬頸肉燒得金黃色剛剛好，配埋生蝦醬，好開胃！爽彈燒雞腎食落都幾彈牙，又野味，不錯不錯！

老早之前朋友已經介紹過，今次有朋友話想吹水，當然就同佢去間我覺得環境食物也不錯的地方吧。今日星期二，手工啤買二送二，正！叫了個新出的魚橙比目魚，又幾正，大大塊，又滑！當然小不了牛舌，雞肉串啦！仲有黃金薯條，都係咁正咁邪惡丸都唔差，辣得黎好過隱

足足忙完一整天，下班已筋疲力盡，肚子亦開始「咕嚕、咕嚕」地響。這晚相約3個朋友來到尖沙咀，又想不到吃什麼之際，其中1位朋友提議食串燒，經網上幾番搜尋之下，最終選址「肚餓了」，名字聽起來亦十分應境呢。幸好不用等位，隨即可進去大吃一餐。由於用膳環境較昏暗，氣氛不錯，不過畫點餐紙時，燈光不夠，看得有點辛苦。餐廳有提供高枱或普通枱，是夜坐的高枱，亦尚算舒適。打開點餐紙，款色尚算充裕，可謂應有盡有。而食物可選擇辣或不辣。說到燒物，不論到那間餐廳，每次就必點川式燒韭菜/$24來試試。這裡的韭菜就不過不失，不會太乾身及難咬開，還帶點爽口。雖點了辣，但嫌辣粉太少，完全沒有辣的感覺。勁辣跳舞香燒雞翼/$20，一客二件，尚算軟腍但辣味偏重，一入口就能吃到「辣」香之感。雖然如此，小妹覺得辣度剛剛好，相反朋友們縑太辣，哈哈! 有四款以不同手法製作的四式燒蠔/$119，包括黑松露香菇醬、芝士金黃醬、蒜蓉、芝士，我們剛剛好4人一人一件。小妹選了芝士金黃醬燒蠔，芝士焗得挺身，由於混合了蟹柳等食材，吃落有點像沙律味，較為Creamy。燒蠔足料，蠔肉大大件，挺不錯。要大力推這脆燒日本鰻魚/$49，是全晚最棒的食物，外脆

今日同朋友黎到尖沙咀，經過亞士厘道其中一棟大廈，見樓下有個宣傳牌。"肚餓了 Hungry Bird"呢個名又幾得意喎。反正同朋友都唔太肚餓，食啲串燒傾下計都唔錯！安格斯牛柳粒 $78牛味濃郁，肉質有嚼勁，加上香濃帶甜的燒汁，非常入味，唔錯！燒鰻魚 $49鰻魚既大條又肥美， 外皮燒得金黃，肉質柔軟嫩口，配合蒲燒嘅燒汁，係必叫之選。 蒜香燒原條茄子 $45茄子燒得非常軟綿，再加上生蒜粒鋪上面，令人難以抗拒，刮到乾乾淨淨都有啲唔夠喉。黑椒牛仔骨 $59牛仔骨好好食，肉味香濃，夠晒嫩滑！肉汁香燒雞翼 $30勁辣跳舞香燒雞翼 $20燒雞翼皮脆，肉汁多，無論係肉汁、或辣味，都值得一食！棉花糖燒多士 $28甜品棉花糖燒多士，棉花糖燒得軟綿，吃起來有流心感覺！

點了個芝士焗免治牛肉意粉 成個粉勁多水 冇味！問待應有冇芝士粉或加芝士 乜都話冇！臨走時見佢係出餐位附近明明放左芝士粉！實在太過分！完全不能接受！最後待應仲解釋今日意粉剛烚好就焗先係咁 呢樣野都唔係第一日煮架啦！

又一次來到尖沙咀吃串燒。今晚來到亞士厘道的肚餓了串燒烤焗專門店。 誠然此店在網上的評價好壞參半，我對此店沒有太大期望。店內不大，只有數張桌子，全部用上高椅設計，座位不太舒適。星期日的晚上，也只得四枱客。店內有黑板介紹推介食品。不過黑板的食品數量似乎太多，感覺就是把菜單近一半的貼到牆上。 餐牌設計十分簡單，以三頁餐紙組成。配上另外兩頁紙介紹啤酒。店內最大的缺點是沒有水供應。$8 一支水，不是付不起，而是都定價太過份吧！ 黃金薯條 ($59) 是一個港式的炸法，鹹蛋黃足料。薯條油溫太高導致有燶味以及十分油。 燒牛舌 ($59) 的牛味口感也不錯，可是定價過於進取。白魚蛋 ($19) 的火喉不錯，調味有點人工化，咬下去很彈牙。芝士焗蠔 ($59/2隻)的拉絲度也不錯。蠔是中型，不腥。燒鰻魚 ($49) 的質感不錯，燒汁及火候都恰到好處，可惜有小骨。 勁辣跳舞雞翼 ($20) 只是吃到一個辣字。本身雞翼應有的味道也被掩蓋。 店員上菜時有介紹食物的名稱，收碟也很勤快。不過她們亙相說笑時音量也頗大，這方面最好可留意一下。總括而言，肚餓了雖然打著串燒的名字，不過串燒熱度不太高，定價也十分進取，點了

平時很少很少很少飲啤酒，不過難得同朋友一齊食串燒，無枝啤酒配埋總係好似唔完整。就係咁，呢個啤酒X串燒之夜就由手工啤開始喇！呢間肚餓了係樓上鋪，如果唔係朋友介紹，我諗都未必會食呢間。呢度手工啤有好多款，當中有D係果味啤，入口都唔會苦澀，雖然我唔太識分啤酒好壞，但至少唔會難入口就已經唔錯啦！呢條超厚超長鰻魚真心推薦，入口好軟綿，連細骨都溶埋，重點係厚肉到不得了，食落口感非常豐富，加埋少少燒汁吊味，超好味！燒牛肉粒，對我黎講有少少難咬，但偏偏朋友就好中意呢個口感。不過唔講口感，味道又係幾好，肉味非常濃郁，而且入口Juicy，好多肉汁架。大大隻烤蠔X3，我食左芝士味，香得黎又唔會太油膩，仍然食到蠔的味道，7成熟的生蠔真心一讚。原條燒茄子，上面好多鹹香的肉碎，配埋淡口的茄子食就剛剛好，唔知自己係屋企做唔做到呢個味呢XD呢個燒雞脾菇係意外驚喜，估唔到燒出黎完全唔會乾，入口非常多菇汁，係我近年食過最好味的燒菇！（唔知係咪切法同平時唔一樣，所以無咁乾呢？）

<<聲明:這是自費晚餐!>>呢家除左打邊爐，cafe,韓餐外，串燒店都開到成行成市，今日又嚟到呢間“肚餓了”同姐妹們共聚！活 裝修得幾好，暗暗地幾有氣氛，都係用high chair 好似好chic咁！四圍仲怖滿紅白酒，就像是remind 客人飲酒般，但呢度好似都主打手工啤嫁喎！ 我就叫左一枝過下口癮， 呢枝個樽有啲似香檳樽，味道徵甜，汽泡偏小唔會好搶喉，飲落有啲花香味，唔係啤酒粉絲既我都覺得易入口。 朋友點的紫金甜薯串($19/串)，係佢地至愛，外面的皮燒得有少少脆,裏面香甜，佢地話好多度無得買, 她們都很珍惜，佢地十分有共嗚，哈哈。仲有叫其他菜類, 例如BB露荀同韮菜, 都很鮮嫩. 黃金薯條 ($59/份) 薯條係我至愛，一見到就想叫。 呢度邪惡度極高，用上鹹蛋黄， 平均混在脆香薯條上，薯條油份都幾高，但好在薯條上的蛋黃碎算係薄身，只係食到其香味而不會太罪恶，而且增加了“沙沙”實感。 •̀.̫•́✧Monkey 重點推介✧(๑´ڡ`๑) 燒新加坡魚蛋 我成晚至愛，魚蛋super鮮甜,非一般魚蛋似的， 十分彈牙，無乜味精味之餘仲唔會

之前都有睇過呢間店既食評，但一直未有機會試⋯ 咁岩前日早左放工，又諗唔到食咩，就上openrice碌到呢間肚餓了！當時8點幾，好好彩上到去都唔需要等位，不過都無諗過係似飲酒既地方多過居酒屋既feel，所以同埋朋友黎傾下計都幾唔錯。佢地有好多款唔同既手工啤酒，逢星期一買一送一，星期二買二送二，如此類推，不過今次就無試到，下次都要試下先得。好啦，入正題，講返野食，我地都order左好多款唔同既串燒，而我自己覺得最最impress就一定係雞皮，鴨舌同茄子。麻辣程度未算好高，但好香好好食！要講到麻辣好勁既我會推介栗米，但原來唔係用甜粟米，反而係糯米粟，但我自己就比較鍾意甜粟多D～個粟米麻辣到我係咁飲汽水，而且份量都好多。食完呢個之後再食個辣到跳舞雞翼，已經無左好期待既「辣到跳舞」感覺，睇黎可以再重手少少！XD另外海鮮仲叫左扇貝、虎蝦，蒜味勁，但我又覺得去打冷食果D仲正！牛舌厚身，燒得岩岩好唔會好漏，good good～而唯一一樣我覺得非常麻麻地既就係呢個鴨胸穌皮卷，無乜特別，係好大舊，想飽肚我寧願order焗飯⋯Total加埋啤酒汽水，大慨6百幾蚊，唔算話好抵食，不過就同朋友多個聚腳點！

今日四位嬌娃又出動搵食. 我今次好想食串燒. 上operrice search. 見到有間叫 "肚餓了"個名好得意. 睇食評都唔錯. 所以就去試試. 入到餐廳不算太大. 全部都係高枱櫈. 坐得耐會腳痺. 我地準時七時到. 唔洗等位. 不過到咗7:30左右已full了. 餐廳食物有好多選擇. 汁燒露荀, 露荀好嫩, 燒汁味道剛剛好. 野味韭菜, 味道係唔錯. 不過韭菜就老咗d. 有渣甜薯串, 係我的至愛, 又甜又軟. 好正呀!四式燒豪, 有黑松露香菇, 芝士金黃醬, 蒜蓉, 芝士. 我揀咗黑松露香菇. 好香的黑松露及菇味. 豪肉都算大粒. 但一定要襯熱食. 如果唔係會腥. 芝士燒虎蝦, 金黃色的大虎蝦, 賣相非常吸引. 而且好香. 蝦肉厚厚又彈牙. 白魚蛋, size普通. 不過就好彈牙, 應該係正宗潮州魚蛋. 叫完一次跟住encore.麻辣肉碎燒茄子, 大大隻茄子鋪滿肉碎. 肉碎辣得嚟好香. 茄子燒到好淋. 兩者加埋非常夾. 勁辣跳舞雞翼, 味道雖然好香, 但就真係辣到飛起. 我食得辣都覺得好辣. 朋友最後都食唔到. 而且味道比較咸. 由於餐廳係冇水供應的. 所以我地都有叫飲品. 3支

話說星期日去完添馬公園的British Festival， 心情好好。係Festival中食到6成飽，唔知食乜好。諗起食串燒可以彈性D去點菜，所以就坐船過尖咀食串燒。肚餓鳥係半年前有朋友推介過，心諗冇食啦....結果真係死比你睇一坐低，環境係唔錯，但係7點鐘成場計埋我地都係得2台客，心諗咁靜既...打開菜單真係呆左半秒，價錢都幾貴下。作為一間樓上鋪，價格比地鋪的串燒店重貴，水一定要買枝裝水，汽水都要18蚊罐....但當時記得朋友話好食，咁如果好食的話都值得，所以都冇諗咁多。因為都6成飽，所以同朋友都係先點幾款食住先。第一道係燒露筍，味道算正正常常。鹽咸味唔算太重，食落口都幾Juicy下，露筍夠幼身，幾幼嫩冇咩渣。黃金薯條即係將咸蛋黃同炸好的薯條炒一炒。薯條有少少軟身，唔夠香脆。咸蛋黃的味道夠哂香，但係超！級！油！食到一半已經覺得一口都係油頂唔順...本身超級大期望的厚燒牛舌，厚度真係好厚，望落好吸引。望落去時好軟同好多汁，點知食多兩口時覺得一口肉同埋汁都係鬆肉粉丶爽打粉的味道。店家為左令肉貨變軟所以用左好多粉去令肉質變軟，結果味道變得超級唔合格，由勁期待變左勁失望。一口都係「乸口」的感

一直好想食呢間串燒，不過係尖東無咁就腳。今次終於有機會！手工啤酒做緊買一送一係幾抵，仲好多選擇。不過我唔喝得酒，如果所有喝品都買一送一就好啦！1. 首先最好食係個厚燒牛舌，真係不得之了！Encore jor 兩次！啖啖肉又有口感！ 2. 呢個吉列蝦有d 乾，一致認同可skip3. 燒粟米唔錯，又甜又脆！不過茄子先係重點，有辣味同蒜蓉！兩個都勁正！4. 燒秋葵唔錯，雞泡魚干就可以juicy d, 不過整體都okay!5. 冬陰公蜆唔夠入味，不過d菇正！6. 扇貝！蒜蓉好食d7. 少食多滋味，好食的棉花糖多士，不過太多會覺得好甜。

一排無食串燒, 便相約友人去尖沙咀的肚餓了串燒烤焗專門店食嘢. 這裡串燒的種類也有不少, 真的令人眼花撩亂. 最後我選了幾款. 愛食牛舌的我, 第一時間點了鹽燒厚切牛舌. 這裡的牛舌, 不論外型或口感與平日串燒店食的有所不同. 因為特別厚身, 而且切成一舊舊, 所以特別有咬口, 食的時候肉汁仍然豐富, 完全不會覺得硬和乾, 加上鹽燒, 特別好味. 愛食海鮮的我, 也點了三款海鮮類. 蒜蓉燒蠔. 蒜蓉份量幾多, 放滿了蠔的面上. 蠔幾肥美, 入口不但有蒜蓉的香味, 而且幾多汁, 不會太乾身. 蒜蓉燒虎蝦. 同樣也是蒜蓉方法煮, 我自已覺得蒜蓉和海鮮配搭特別夾和惹味. 虎蝦的肉質幾爽口和彈牙, 只需要輕輕一起, 便能起出整舊肉, 非常方便. 海鮮酥皮卷. 平日食串燒, 較少會見到這類酥皮卷, 所以想試下味道如何. 酥皮幾鬆軟, 質感軟硬適中. 餡料有不同海鮮, 如蝦粒, 帶子粒等, 味道調教不錯. 鍾意食酥皮的朋友, 下次可以一試.

中意食串燒既Vi今次揀左肚餓了黎試下，餐廳環境幾令，全部都係高枱，旁邊亦放滿啤酒樽~野食方面選擇都幾多，除左一般串燒店有既野之外，呢度都有d特別野食，我地點左黃金薯條，燒鴕鳥肉，蜜糖芥末豬寸骨呢幾樣少見d既~另外再點左芝士燒蠔，厚燒牛舌，柚子雞亦同芝麻醬烏冬~柚子雞上枱已經嗅到好香好香，食落好juicy, 皮脆脆地，上面加左柚子醬甜甜地幾清新~燒鴕鳥肉就比較少食，肉質幾嫩，味道有d似羊肉，都不錯吃。而蜜糖芥末豬寸骨就十分推介，味道甜甜地燒得好香口，成支拎住食好過癮，雖然女仔食會有d狼狽xdxd厚燒牛舌大串得驚人，每粒都好厚好爽口，唔錯～芝士燒蠔唔算好大隻，但芝士夠多，蠔燒完都好juicy, 但比起之前既食物就無咩特別~而芝麻醬烏冬就好大份，醬夠哂撈烏冬，烏冬口感亦彈牙。最後既黃金薯條就比較邪惡，加左咸蛋黃炸，咸咸地好香脆，但就比較油膩。整體呢度既串燒質素幾高，而且每串都好大串，幾抵食，一串肉2個人分都夠，另外呢度有好多手工啤，今次未有機會試到，下次要黎試下先！

睇到個店名，都真係肚餓了!!千祈唔好睇小女孩子食野嘅威力😏尖沙咀呢間串燒樓上鋪，店舖雖然唔係好大，但都坐到幾多人😎嘢食上嘅時間都唔算好耐～餐牌上仲有肚餓推介😝啱晒三心兩意，諗唔到食乜嘅人！💁柚子雞翼幾特別，酸酸甜甜都好醒胃😊但柚子味就略嫌少咗啲⋯燒牛舌好厚切👍😊燒得啱啱好，食落好爽口！必試！爆汁芝士丸不過不失，口感都幾彈牙🍡金菇牛肉調味料多，所以偏咸身，有少許搶咗牛肉嘅香味🤔海鮮方面：四式燒蠔有黑松露香菇醬，芝士金黃醬，蒜蓉同芝士☺️松露味都好香，芝士金黃醬系芝士加沙律醬，味道好match😋蠔唔會燒得過熟，仲保留到蠔汁～虎蝦同黃金蝦有差唔多成隻手掌咁長，真系好有份量嫁🍤肉質都算係鮮甜，質素吾錯喔😙厚厚嘅蒜蓉滿佈扇貝上，所以好香，食落都好肥美😊雞泡魚乾好入味，簿簿一片好似魷魚絲咁🐟小辣加上煙煙軔軔，好似小食咁，食上癮😂蒜蓉焗什菌熱辣辣，一打開就聞到好香😝而且什菌嘅份量都唔少嫁😁幾入味！重頭戲就系麻辣肉碎茄子🍆真係成條茄子拎去燒🔥兩隻手掌咁長，問你服未😎?茄肉綿綿加上肉碎食，好似魚香茄子啲friend😊唔算太油膩，值得一試最後食埋個棉花糖多士，甜而不膩，都幾香口！做作結