肚餓了串燒烤焗專門店 (已結業)

同男朋友講左好耐想食串燒，終於佢話揾到間同我好襯的餐廳⋯⋯肚餓了餐廳唔算好大，不過坐得都幾舒服，唔會太迫夾，枱都夠大放食物。睇睇Menu都見到有好多種款，除左有豬牛雞外，更有海鮮、蔬菜類。餐廳枱面有鹽、胡椒、辣粉比大家調味。食串燒一定會跟啤酒！餐廳有好多不同種的手工啤酒可以揀。男朋友揀左支來自加拿大青瓜味的啤酒，而我就揀左來自澳洲的Pear Cider。唔多飲酒的我，覺得兩枝都好易入口，又幾好飲。其實我們叫左好多野食，綜合我同男朋友的意見，我們有五款食物想介紹比大家(排名不分物後)！推介1) 西京比目魚我係一個麻麻地鍾意食魚的人，但呢個西京比目魚，都成為我倆之最，皆因條魚香、嫩滑、少骨！個西京汁微甜，同魚一齊焗真係幾夾。加上魚肉如BB肌般又嫩又滑，真係食到停唔到手！魚骨呈十字形，非常容易食！推介2) 安格斯牛柳粒呢個牛柳粒燒完仲非常Juicy，唔似我自己BBQ的牛排乾。牛柳粒的牛肉及油脂平衡得好，食落牛味重，又唔會好肥膩。推介3 ) 蒜蓉茄子唔知有無人同我一樣係蒜蓉迷呢？餐廳利用原條茄子黎燒到茄子肉香軟，上面再放大量大量大量的蒜蓉，係蒜蓉迷必叫的Item！推介4) 燒豬頸肉豬頸肉係我食

肚餓了呢一間串燒店 除左燒同焗出名外呢到既手工啤亦係推介之選店既裝潢感覺時尚得來又帶點經典味牆上亦推介左好多特色嘅手工啤可惜我唔係咁舒服所以就冇飲到啦黃金薯條我覺得同黃金蝦差唔多每條沾上蛋黃 又炸到脆卜卜非常惹味燒雞翼又係我哋必食之選外皮燒到有少少香口肉質juicy燒魷魚燒得剛剛好，唔會因為過火令到魷魚嘅質感變“un’’燒丸亦係會常叫既食物不過不失蒜蓉燒扇貝蒜蓉鋪滿左係扇貝上面吸晒蒜蓉嘅香味扇貝非常口肉，咬落口啖啖肉又爽口雖然有滿滿嘅蒜蓉味但亦遮唔到本身既鮮甜味道👍🏻呢度有六款唔同味道嘅燒蠔每款都有佢獨特嘅味道我自己就覺得黑松露燒蠔比較特別，兩者味道都比較重 所以唔會其中一邊蓋咗其中一邊嘅味道👍🏻芝士大菇大菇釀上滿滿既芝士及bacon切落去流哂汁出來愛菇大士必會喜歡提外話由於店座位有限最好訂左位先來以免黎到無位食🤭

兩個大男人最好酒池肉林今天就來吃吃串燒先來一枝電影主題啤酒他們的名字叫回魂夜和食神檸檬薄荷味味道清新自家制美味燒雞肉串燒大大串肉質嫩滑燒得超香口鹽燒牛舌是我的最愛體型厚切吃起來非常有肉感經典系列蜜糖燒雞翼不能不叫已沒有不好吃的理由椒鹽燒新加坡白魚蛋不錯微焦的質感有獨特的香氣大男人們要再來點肉肉香草燒紐西蘭烤羊架肥瘦適中羊味香口油脂在口內爆發秘制醬汁燒豬頸肉原碟奉上外皮微焦十分香口惹味燒新鮮冬菇串超香口蒜蓉燒原條茄子極重口味海量蒜頭燒得香口蒜頭控必為之瘋狂芝士金黃醬燒虎蝦很美味蝦頭膏甘香蝦肉爽實最後點了大熱的黃金炸魚皮鹹蛋和魚皮不知產生了什麼化學作用又鹹又香令人一口接一口肉食了一整個晚上男人間的話題總是沒完沒了

好耐無食串燒，較早前便與友人去了尖沙咀的肚餓了串燒烤焗專門店食飯. 愛食牛舌的我, 來這裡必食的鹽燒厚切牛舌. 這裡的牛舌同其他串燒店好不同, 牛舌切得夠厚身, 又大粒, 食的時候好有口感. 牛舌又夠彈牙, 加上牛舌面放了鹽, 更能帶出牛舌的味道. 烤焗西京比目魚. 一打開已經香味撲鼻. 比目魚份量也不少. 魚肉夠雪白, 肉質好嫩滑, 好好味. 蒜蓉燒扇貝. 扇貝幾大隻, 而且每隻也放滿了蒜蓉, 愛食蒜蓉的朋友真係唔可以錯過. 入口有濃濃節蒜蓉味. 特式茄汁芝士海鮮焗飯. 海鮮飯有不少海鮮, 而飯吸收晒海鮮的精華, 特別好味. 一口你食了多款的肉和海鮮, 就點了蒜蓉燒原條茄子. 茄子的肉夠鬆軟, 而且混合蒜蓉特別惹味, 兩者好夾. 茄子更起了中和作用, 無咁油膩.

跟朋友約會，唔想食得太過full, 路經亞士厘道，見到間餐廳個名係“肚餓了”，就被吸引左，於是就約埋係餐廳開餐上到去，見到個環境都幾舒服一坐低，見到隻碟印左好多唔同地方既名勝，好得意完全係眼睛旅行左一轉串燒種類好多……唔同種類既食物都有好放肆咁每樣都叫黎試下黃金薯條- 本身係薯條愛好者呢個薯條連埋旦黃一齊炸，都幾特別雞翼- 本身亦是雞翼愛好者個雞翼味道好好味，好特別，真係要試下啤酒- 鋪頭今期將啤酒既名同戲名連埋一起，真係估佢唔到……雖然我冇飲，但有試既朋友都話可以一試總括而言，個環境真係舒服，同朋友聚會真的適合

為左記錄呢件事，第一次打食評知道呢間串燒店有黃金系列，本人至愛，即刻同老朋友book位，經openrice book枱10點後有半價，放工後超餓時間正好，兩個肥妹一坐低已急不及待點咗好多串燒。蒜蓉燒茄子，食得出茄子都新鮮，但無乜味同樣，蠔好肥美，但可惜不太夠味（左）牛柳粒好juicy好味，（右）柚子雞翼出奇咁夾，好味！冬蔭功焗蜆，都幾辣，菇唔係好食到，蜆還好重頭戲，黃金魚皮同黃金薯條！老實，對於黃金愛好者如我來講，我係覺得好味，魚皮偏咸，但好脆好鬆化。薯條有啲炸得太過，但都好香口，送酒一流。但兩個女仔眼闊肚窄，低估左黃金系列係幾咁滯，食左幾條就已經投晒降。所以埋單時，我地打算打包啦，點知店員話，因為我地有半價優惠，就唔可以打包。咁我地就問店員，不如我地兩客黃金小食俾返原價，然後打包得唔得。可能嗰位店員聽唔清楚，佢話ok之後，就去改單，但改完後係全單轉晒原價。我地再問之下，佢就話只可以全部轉或全部半價。由於要俾多200幾300蚊我地先可以打包兩份黃金小食，由於覺得都幾唔抵，結果最後我地都係放棄左。兩人當初坐低時太餓，衝動左，又低估左咸蛋黃的飽滯，當然我地都有責任。而我亦明白店家怕客人濫用

大半年前到過肚餓了食串燒, 最近又心思思想再去食, 一如既往...Weekdays都幾爆場, 記得book位呀! 肚餓了出咗新Menu, 款式多元化咗, 唔只局限於串燒類, 增添了炸物, 焗飯今次都試咗啲新嘢 - 黃金炸魚皮 $59未食過新加坡嘅人氣鹹蛋魚皮, 比較唔到, 呢份黃金炸魚皮係將炒好的蛋黃汁均勻加在炸魚皮上, 食到最尾一塊時, 魚皮仲係脆卜卜, 我係超鍾意食蛋黃乜乜乜, 所以我係唔會放過呢款小食汁燒秋葵 - $29秋葵燒完唔乾身, 咬落仍有爽脆口感炭燒安格斯牛柳粒 - $79炭燒的肉類可保持內裡的肉汁, 而且炭燒肉類的香味 & 口感都會有所分別, 呢串牛柳粒亦唔例外, 除卻原來炭燒的香味, 牛柳粒的邊邊位燒至脆身 (我最鍾意食), 內裡夠腍身且肉汁爆多蒜蓉燒15cm虎蝦 - $59滿到瀉的蒜蓉係我最愛嘅重口味😂, 肉質彈牙又新鮮, 係最好不過嘅口感蒜蓉燒廣島蠔 - $59/2隻繼續重口味, 大量蒜蓉放在漲卜卜嘅燒蠔上, 撥開蒜蓉就係出晒煙好濃蠔味的燒蠔, 記得飲埋蠔殼內嘅汁芝士燒扇貝 - $59/2隻食得太多重口味蒜蓉, 轉一轉改成芝士, 將燒過嘅芝士連埋扇貝一齊食, 簡直

唔經唔覺就黎到鋅婚勒，梗係又要食、食、食、食、食返餐黎慶祝啦～依間串燒專門店, 係佢之前同最FD個個男人來的, 覺得好食. 所以今次結婚週年佢要帶我黎食佢依度既啤酒好有特色, 但因為老公依日渣車, 所以唔飲得野食方面, 我一望張MENU 就見到有 紫金甜薯, 我至愛呀!梗係立即叫啦~外面皮燒得香脆，內裡勁重蕃薯蓉，oishi 惹味汁燒雞泡魚乾又係我至愛燒到熱辣辣，好香魚乾味，外面包著甜甜既醬，好入味自家製醬燒黑豚肉好香燒豚肉味，咬落仲有肉汁，一d都唔乾香燒原條日本鰻魚好嫩既鰻魚肉外面係甜甜既鰻魚汁，好好味辣味黃金薯條我見到依度每一枱都會叫薯條, 只係唔同味道既薯條~我地叫左辣味黃金薯條,未食已經聞到好香既蛋黃味，有d辣，好惹味京蔥串牛舌尖牛舌面脆，咬落口，入口即溶~雖然厚切，但一d都唔靭京蔥吸收左牛舌既精華，好香，好入味汁燒秋葵外面個汁咸咸甜甜，加埋爽口既秋葵，好得意桂花蜜糖燒蕃茄有陣微微桂花香，食落好重桂花味，又有蜜糖既甜，個種感覺，好令人「心花怒放」秘汁燒鮑魚處理得好乾淨，一d都哈靭，燒得岩岩好，而且好香鮑魚味微辣肉碎原條燒茄子肉碎有少少麻辣，好香，加埋少少炸蒜、蔥，好香口。茄子切

朋友想食串燒又要坐得舒服，我即刻推薦肚餓了，因為之前食過一次印象唔錯！首先係黑松露香菇醬燒扇貝，d香菇多到呢，黑松露味比我想像中多，扇貝亦好大好鮮，但我覺得黑松露味藍過扇貝味，喧賓奪主左！芝士燒15cm虎蝦、芝士金黃醬燒15cm虎蝦就唔錯，蝦肉唔會好爛，芝士醬都夠濃，未係燒到好乾！蒜蓉燒原條茄子要比10個like，煎香左既蒜蓉鋪滿成條茄子，超香口我從未食過燒車厘茄，但原來爆汁車厘茄串真係會爆汁，好食過凍食！另外既汁燒BB蘆筍，正常，蘆筍有少少老！蒜蓉牛油烤焗雜菌就好香，食到菇既味道又嗅到牛油香味黃金薯條原來係咸蛋黃薯條，薯條炸得乾身，咸蛋黃碎亦適中，幾夾！辣味北海道原隻魷魚就最正，多汁又夠濃，辣味仲要後上，搞到好刺激而燒芝士丸同椒鹽燒星加坡白魚旦就冇咩特別。*手工啤有好多選擇，又買一送一，配串燒一流！再次去都冇令我失望！

慶祝朋友生日， 一早已經想食肚餓了， 聽說 平價又不錯。 餐牌上太多選擇， 實有一款啱食先點一款香港特色手工啤酒， 唐伯虎點秋香， 青檸薄荷味，夠清新沒有啤酒的苦澀味，大愛！芝士燒虎蝦，成隻手掌咁大， 啖啖肉！燒 雞泡魚，好有炭燒味，夠香囗蒜蓉燒帶子，黑松露燒帶子， 兩款都好好味， 蒜蓉同黑松露都鋪滿了帶子， 入曬味肉醬燒茄子， 辣辣地炭燒燒菠蘿， 好清甜可以消滯黃金薯條哩個牛脷飯不得了， 多汁多牛脷，分量大過我塊面， 真心抵食燒鰻魚, 原條上厚燒鴕鳥肉， 出面小有呢款桂花燒蕃茄， 味道夠特別可以當甜品食會帶男朋友再嚟食！宜家唔肚餓鳥，仲好飽

真心懷疑的好評係咪真嘅 串燒咁易好食嘅嘢都令人咁失望。 心諗樓下啲串燒舖都好過佢。俾好評啲人係咪未食過好嘢 ？1. 服務差 坐風口位想調位 但有位都唔肯俾我調位 。 上菜速度奇慢。2.食物質素好普通 但又貴 試咗雞翼扇貝茄子 雞軟骨 牛柳粒 ，得牛柳粒係ok 其他都唔好食，好乾 。3. 而且啲位好逼 傾計都傾得唔舒服。 4. 所謂手工啤酒都好一般 唔知點解飲完有陣血腥味。諗住咁多好評應該點都唔會差得去邊 點知中曬伏又貴又唔飽 食得唔開心又失望。無下次。

同朋友食飯，想搵一個causal 小小嘅地方可以盡情談天說地，不拘小節，朋友就提議嚟食串燒！見到呢一間食評好似唔錯，就選擇咗啲一度同朋友聚舊！呢度嘅串燒選擇好多！亦有不同製法，和出面的不同就係唔會只有孜然粉味烹調。辣味黃金薯條超級惹味，香脆嘅薯條外層包住一粒粒嘅鹹蛋黃，好香！再加上少少辣，超級惹味，一條接一條食唔停！珍寶日本帆立貝，好juicy!! 又大又甜！好正！推介！芝士黃金醬燒扇貝，芝味香，配上沙津無咁膩，燒得一d都唔乾！醬汁特別！冬陰公湯煮大蜆，估唔到冬陰公同蜆會咁夾，湯底微辣帶點海鮮嘅鮮甜，上面嘅雜菌好入味！食完雜菌下面有大量嘅蜆，好甜！另外串又點少得雞翼？我哋選擇咗蜜糖燒雞翼同埋柚子蜜燒雞翼，同樣肉汁得以保存，但個人認為柚子味比較好，酸酸甜甜！食得多肉要啲蔬菜來調劑一下，翠玉瓜用醬汁同孜然粉燒過，又甜又多汁！我好鍾意食粟米所以叫咗兩份，估唔到份量咁多！ 每粒粟米都鮮甜多汁！有一點點焦香！同燒粟米一樣點左燒菠蘿兩份先知道份量咁多，燒菠蘿都係超級多汁！好甜！又大份！燒韭菜有少少失望，因為比較多油，所以冇食晒。呢度食物質素唔錯，又多又大份，有時三兩知己食飯唔想咁拘束，呢度的確唔錯

串燒一直是我其中一種最喜愛的煮食方式，也能吃好多。Blue Monday正需要美食來調整情緒，下班後就和同事來了這家肚餓了Hungry bird店面不大，設計走工業風格，牆上有好多款酒，但我喜歡那古董盤的大鐘~桌上有多款調味料任用，細心看，碟子是獨家製作的呢。餐牌一頁搞定，已有齊牛豬羊雞海鮮等等，各適其適。另外有份飲品menu，有不同手工啤酒選擇~我頗喜歡花味的啤酒，在幾款中選了相對濃味的Blonde，清澈的金黃色，花的香味和味道濃厚，還帶點餅乾味道，甘而不苦，感覺清新。燒牛舌一上來我們已經嘩嘩聲，原來是超厚切的，每粒都好大粒，雖然知道只有鹽和黑椒調味，但看著都覺得很好吃。放進口中感到它好嫩，一咬下去肉質好爽中心部份帶點粉紅，牛味濃郁，這種又嫩又爽的口感是精髓黃金薯條是他們的名物，每一枱客人都有點，我們又怎會蝕底呢“黃金”即是鹹蛋黃，將之混合薯條一起炸，香氣、味道和邪惡感都頓時大大提升。加了鹹蛋黃好香口惹味，薯條的鹹香味好突出，蛋黃滑滑的沙沙的，我還刻意挑來吃蒜蓉燒扇貝好大隻上面佈滿蒜蓉，味道都滲下去了。扇貝肉好厚，啖啖肉，又爽口又鮮甜，加上濃郁蒜蓉味道一流燒羊柳粒串完全沒膻味，調味得

舒服感100分的串燒體驗 今次去食既餐廳係位於尖沙咀既串燒店位置都唔算隔涉, 但係就係繁華既尖沙咀另外一邊呢度既串燒算係屬於中價位, 勝在環境同食物質素都係高質既!! 一入到去會覺得自己去左酒吧咁裝潢同氣氛都比到人一種舒服既感覺特別係位置坐落好似係坐緊BAR枱咁 MENU上既食物大約都係30-59既水平幾個人SHARE其實個價錢算係咁上下 今次我叫左既有 辣味黃金薯條呢個真係必食推薦, 表面上平平無奇既薯條, 同外面食到既真係差天共地既分別, 佢不但止份量多, 而且製法特別, 薯條既表面上有一層既辣味粉係上面, 個辣味好惹味下, 而且咸咸的口感, 食唔停口!!! 燒豬頸肉估唔到佢個份量都幾大, 相等於平時去食泰國餐廳個個份量咁大, 而味道就係甜甜的, 肉既口感一流, 配上醬汁個味道又不同感受!! 蜜糖燒雞翼, 勁辣跳舞燒雞翼咁多家燒烤我覺得呢間係燒到岩岩好, 個TIMING係岩岩好熟就上台, 所以肉嫩皮脆!! 我個人黎講鐘意個蜜糖雞翼, 甜得黎唔單止個皮有甜味, 而係成隻都食到甜甜的感覺, 而辣既雞翼又未到辣到跳舞既程度, 我覺得可以再辣一點!! 黑松露香菇醬扇貝不得不介紹呢個, 真係

餓了，於是我們去肚餓了餐廳裝修偏暗，非常有格調，適合三五知己黎食食串燒小酌兩杯🍻唔知幾時開始，食串燒必食雞泡魚！味道燒到很到位很有咬口，如果可以唔咁燶會更好味！配埋啤酒perfect!燒茄子也是必點. 佢哩個好麻，食到條👅sssss聲，上面果啲肉碎（？）麻辣得黎好惹味，可以食兩條！叫左餃子雞翼同普通蜜糖雞翼，餃子裡面係明太子小小辣咁，新狗嘅！但我地都係比較中意食蜜糖雞翼🤤 海鮮系列！最中意啲蝦！叫左黃金醬蝦、芝士海虎同蒜蓉虎蝦！啲蝦唔算好大條，但都好多肉！配埋啲醬，正！魷魚啲醬都好惹味，夠晒味但又唔會cum晒魷魚啲味！蔬菜系列！ 主推翠玉瓜！比起其他燒物，佢好清淡，反而多左種鮮甜！見其他食評推薦哩個黃金薯條，於是我地又試下啦！真係好香，唔會太咸，即炸嘅超熱，超脆！同相當嘅飽肚！仲叫左啲肉嘅， 羊呀豬呀牛呀，其中牛舌最奶味，於是叫左個牛舌飯！完全無唸過串燒店嘅飯量會咁有盛意！多虧哩個，個個都棒住個大肚腩走🤰🏻🤰🏻🤰🏻🤰🏻飽還飽，菠蘿還是要吃的，好甜好juicy! 一碟好似有6件，我地....食左三碟😂🤰🏻