肚餓了串燒烤焗專門店 (已結業)

有兩樣食物我勸大家不要點，除非大家非吃不可：第一樣係燒韭菜，我完全唔理解點解可以落咁多油去燒。一食落口油淋淋，一路食，d油一路滴出來。食完一條之後隻碟有半茶匙油。。。於是我已經唔敢再食第二條。我見到碟底有咁多油，我都嚇親。 第二樣好失望嘅絕對係冬陰公錫紙包蜆肉。最致命的是蜆不夠新鮮，而且有沙。其實蜆如果是新鮮的話，應該不會難吃的去邊。一齊嘅仲有金菇同埋一啲菌類，索左冬陰公湯其實都幾好食嘅，不過冬陰公湯稍微辣了點。 以下的是味道不過不失，但個人覺得不太值得這個價錢的食物：1. 傳說中好受歡迎嘅鹽燒厚切牛舌，出名夠大粒，厚肉。嚟到嘅時候真係嘩！！！脹卜卜好大粒，有五粒。滿心期待但一咬落去就出事了⋯⋯肉質較稔，覺得牛舌係先被煮淋，然後再輕輕燒下表面嘅質感。加上牛舌並沒有太多牛嘅味道，非常淡口，只有孜然粉味，極度失望。我和友人新竟然冇意欲去消滅五粒牛舌。係第一次冇人爭食牛舌⋯⋯2. 都係這間店好出名嘅微辣肉碎原條燒茄子🍆其實唔可以話難食不過冇乜驚喜。可能希望越大失望越大啦。同埋佢加左麻辣油，於是食到一半個口已經麻痹咗⋯⋯ 3. 汁燒鮑魚其實個鮑魚尚算新鮮，不過略嫌佢浸得啲汁太耐。佢啲汁完全蓋過

約朋友吹水食串燒係一個唔錯嘅選擇, 因為可以容易控制食量, 又有得飲下酒輕鬆下, 今晚上左呢間高枱式設計, 周圍以各類型酒樽作佈置有以明星電影作主題嘅手工啤, 係FANS嘅就唔好錯過食串燒又點可以唔飲啤酒?  呢度供應唔少手工啤, 今晚星期四, 有買四送四優惠!  唔飲酒亦有罐裝汽水/涼茶供應!睇佢介紹, 呢款Watermelon Wheat Ale ($68), 甜味有3粒星, 飲落有少許西瓜味, 容易入口, 幾岩夏天飲!有點餐紙, 食物種類有牛, 豚, 羊, 海鮮, 蠔類, 丸類, 蔬菜類, 推介及焗飯類仲有呢一張吸睛推介, 只需$8.8就有1隻燒蒜蓉蟶子皇, 無理由唔叫架?!燒蒜蓉蟶子皇 - 蒜蓉蓋滿蟶子, 未食已聞到蒜蓉香味,皇就唔講得, 但肉質幾彈牙, 味道鮮甜, 絶對抵食!燒鷄腎 ($32/串) - 灑上黑椒粒, 口感爽脆!鹽燒牛舌 ($59) - 厚切成粒狀, 充滿口感, 唯質感偏腍, 加上調味粉味道OK!辣味燒原雙魷魚 ($69) - 辣度比想像中辣, 食完一啖要飲凍嘢, 魷魚質感柔軟, 唔會燒到好乾身!蒜蓉燒原隻茄子 ($49) - 呢碟見到唔少人都叫, 原條茄子燒比

環境都可以，餐單上都係大路嘢，落單後去厠所，驚嚇點解飲品會存放喺厠所，但單已落太遲沒有好結果餐單如下：燒雞燒牛舌- 還可以 黃金炸薯條- 唔夠香 唔夠味 蒜蓉燒茄子 -茄子好大條，但應該改名做油浸茄子燒大虎蝦 -知道係食緊蝦嘅燒辣味魷魚 -喺灼熟得辣味，無燒過西京燒比目魚 -原來西京燒係用錫紙包住嘅，喺呢度先食倒 一開成灘水浸住 ,賣相同味道一樣衰 以上並無虛言， 平時都無相機食先習慣， 但真係無心太難食點都影番張 ,唔明點解咁多好評

工作煞科去慶祝，同麻甩戰友去歎串燒，就像日本打工仔一樣，辛苦過後食返幾串，拎上手方便易入口，邊食邊傾份外爽心。燒火辣牛丸20牛丸入面真係有明顯既椒皮，d辛香分佈得都幾均勻，啖啖肉直辣我胃。汁燒BB蘆筍39食落嫩口，完全無渣，筍身又幼又長，翠綠而又無草青味tim☺️勁辣跳舞虎皮椒19食得辣既我，愈食愈起勁，辣度不容忽視。汁燒秋葵29燒完無左中間奇奇怪怪5討好既黏質外，仲十分爽脆wo，個醬甜甜地咁。川式燒韭菜25價錢雖和內地相差很遠，但味道卻是一樣惹味。惹味黑椒牛仔骨59份量好多，質地唔係好厚，反而我鐘意咁，總是覺得薄d會嫩d，好似我牙5好既朋友，一樣都容易𡁻得開，掩得好正。香橙烤焗比目魚88都好大件下，帶有橙皮甘香既醬汁令魚肉更添光澤，頓時令人食欲大增，肉亦無失望，非常滑嫩。秘製汁燒鮑魚88兩隻鮑魚本來無乜味，但呢度燒完係食到有少少甜味，而且好易咬開，毫無難度三兩下就被秒清。珍寶日本帆立貝69兩隻沒有名字的巨型，但白雪雪咁一絲絲d肉讓人嘶開，已經5錯。扇貝拼盤168一次過滿足左幾個願望，有黑松露芝士蜜糖蒜蓉黃金醬蒜辣等。最好食係黑松露同芝士，味道濃郁芳香。扇貝肉雖然5算大，但d醬夠多樣化又

黎一次就冇下次 D野難食 細碟 價格又貴 地方又細 超唔掂 估唔到受騙 有咁差的食店😩😩😩地方超窄 最唔好細碟 D人服務態度又唔好 我同小朋友同老人家去要坐高櫈 唔方便😠😠😠😠🤬🤬🤬🤬🤬🤬🤬

嚟咗好幾次，每次都無令到我地失望所以一聽到朋友話想食串燒，我就諗起「肚餓了」英文叫Hungry Bird, 個logo 真係有隻雀仔呢個名超容易記！哈哈每枱都會準咗4款唔同調味料：有黑椒、辣椒粉、鹽同孜然粉餐廳都幾細心！本來話驚熱氣，唔食薯條🙅🏻‍♀️但奈何男朋友係咸蛋黃控...一見到咸蛋黃就失控😅所以無計啦！最後都忍唔住，叫咗呢個辣味黃金薯條$59唔食由自可，一食就收唔到火🔥佢個薯條係炸得幾好嘅，就算擺凍咗，食落都仲係乾身脆口😋呢吓幾加分👍🏻而且師傅炒功唔錯，咸蛋黃醬嘅分佈都幾平均，所以每一條都非常邪惡😈但又非常滿足😚 熱氣⁉️咩嚟㗎？食完先算啦🙈呢串叫火辣牛丸$20，牛丸入面真係有辣椒🌶️鍾意食辣嘅朋友，應該好鍾意再嚟就係勁辣跳舞雞翼$30，唔好講笑，真係會辣到跳舞雞翼食落唔乾，配埋佢又辣又惹味唧sauce , 送酒一流初頭仲驚燒冬菇$25 食落會乾！點知食落超多汁，加埋啲辣味同調味料，好食每次嚟都必定食燒茄子$49上面加咗啲微辣肉碎，口感有啲似魚香茄子煲，好香口惹味而且大大份，食完都幾飽肚芝士煙肉焗大菌$39又係我另一大愛芝士份量超級多！每一啖都食到滿滿嘅芝士，芝士控必點西京比目魚最抵

「肚餓了」你會諗起咩？為食妹👧🏻當然係要醫飽個肚朋友就話要食串燒？🤔帶咗我黎「肚餓了串燒烤焗專門店」order紙d item 分得好清楚。好快就搵到想食d乜窩心。調味料放曬喺枱。鹹d辣d自己話事肚餓了🔥蠔拼盤～🔥蠔有六隻味道。❤️多多嘅我地嗌咗拼盤。可以試勻六隻味道。蜜糖🔥最出色。香草🔥紐西蘭羊架～羊架小小so。怕so嘅人都可以試下。味道唔錯秘製醬汁🔥🐷頸肉～份量都幾多。抵食之選。烤焗西京比目魚～比目魚d肉好滑。時間掌握得好好。相當出色微辣肉碎原條🔥🍆～平時食開嘅🔥🍆只係加咗蒜蓉。味道清清地。e度嘅🔥🍆加咗辣辣地嘅肉碎。好開胃。好滋味

有朋友推薦過呢間餐廳，咁岩想食串燒就即刻book枱試下。一上到去就見到大大張本地手工啤既廣告，不過今日有揸車所以就冇叫到，下次一定要試下。佢地既menu非常有誠意，係用一本本粘貼相薄做既，d分類跟返住雞牛羊豬等等咁分開排放。 極度推薦鹽燒牛舌，牛舌好大粒，但係咬落去又爽又軟熟，肉非常嫩滑又入味，一流。 牛舌下面兩串係雞肉串，雞肉唔會燒得好乾，幾嫩滑多汁。而冬菇串用左d醬汁去燒，味道同冬菇好夾。食得辣既人可以試下勁辣餃子雞翼，佢個雞翼係冇骨既，唔洗lur骨食得好爽，個醬辣得好爽。燒豬頸肉又係一個要推薦既菜式，豬頸肉燒到好惹味，皮脆肉嫩加上酸酸甜甜既醬汁好開胃，份量又多，完全食唔停口。安格斯牛柳粒又係大大粒，大約六七成熟，入面仲係粉嫩，好有牛肉味，加埋d調味料又係惹味之作，必食。海鮮方面叫左隻金黃醬虎蝦，虎蝦好大隻，金黃醬係咸蛋黃味，虎蝦多肉又多膏。 同埋就係依家好興既咸蛋黃味既小食，黃金薯條同黃金炸魚皮，兩樣都又脆又香咸蛋味，不過最後太飽食唔晒。燒bb露筍又係一流，露筍夠爽脆，入面又多汁。

豬小姐今日工作超忙碌 無停過 又攰又餓 收工真係要醫肚暴飲暴食一下平衡番心理天氣熱啦 想腸胃繼續乖乖 都係食番啲熟嘅食物穩打穩紥 生野暫且拜拜先嚕今晚同御用飯腳咀刁v去吉下吉下食串燒「肚餓了串燒」我諗大家無幫襯過都會聽過個名 而豬小姐今次係第一次食咋 今晚要試試睇下有無第二次先食物選擇都算多 有肉有菜有海鮮 識食當然要叫啲推介嘅串燒啦蒜蓉茄子好大條 切開嘅茄子盡地鋪滿惹味金銀蒜蓉 茄子入哂味 夠腍又夠軟汁燒翠肉瓜爽脆青綠 與甜甜燒汁頗夾 但汁不夠多蒜蓉扇貝又係無得輸嘅完美組合 扇貝肉身夠厚夠大粒 啖啖肉 連同海鮮汁加蒜蓉一同入口 好滿足芝士廣島蠔相比下比較普通 蠔肉焗得較為硬身 金黃色嘅芝士味不濃 整體真係乾了點車厘茄串爆汁清甜 係好味有營之選甜薯串甜度一般 要襯熱食先夠軟熟 凍左即變硬黃金薯條新鮮熱辣炸出已經無得輸 仲要係波浪紋嘅薯條呀黃金並非平均沾滿每條薯條 於底部嘅薯條會沾得比較多咸蛋黃 咸蛋黃味不是太突出 食落唔會漏 但成件事係夾嘅白魚蛋大粒彈牙 加上孜然粉嘅微辣作調味 可唔可以食多一粒呀？鹽燒牛舌係串燒嘅必叫item！尼度嘅牛舌都整得唔錯 牛舌為粒狀易入口 肉質彈牙帶爽有肉汁

工作壓力大到爆要搵個朋友仔呻晒出嚟先可平息到要搵個地點方便大家又可以高談闊論我提議食潮式打冷 / 串燒前者無idea, 後者有幾個但想有冷氣又地點好 ~ 川式燒韮菜 - $25燒韮菜最忌韮菜又老又多渣好彩呢份韮菜令人滿意川式孜然粉調味配韮菜真係勁夾自家製惹味雞肉串 - $39 (2串)燒雞肉串去了外皮好適合怕食雞皮嘅朋友外層燒得微微焦香內層唔會太乾身惹味汁燒雞泡魚乾 - $49雞泡魚乾幾時都係申燒必點item雞泡魚燒至微微焦香再加上惹味醬汁作調味最重味在進食前蘸上靈魂人物 ~ 沙律醬即時滋味無窮烤焗西京比目魚 - $88平時出街食西京燒都一定過＄100呢份講得上比目魚大件夾抵食魚身醃得夠入味魚肉仲滑捋捋...Yummy 😋 蒜蓉牛油烤焗雜菌 - $39平日去燒烤都一定會準備牛油焗雜菌見到呢度都有仲唔叫返份嚟食下咩果然平時燒烤嘅感覺返晒黎全賴一大堆滿滿嘅蒜蓉自家製醬燒黑豚肉 - $39平時好怕食豬肉我但見到燒黑豚肉呀!! 燒豬頸肉呀!!都會去試吓因為帶少少肥嘅豬肉燒過一定好好食當然呢個都唔例外帶肥的位置會有一份香脆的口感汁燒秋葵 - $29燒蔬菜要控制水份確係有一定的難度太濕潤就會欠缺燒

見到個店個名就知道係一定食串燒啦🍢🍢🍢 Are you hungry ??!!! 🤣🤣🤣This is menu !! 真係有好多好多選擇！肉類、海鮮類、有蝦、有扇貝、仲有燒蔬菜、飯都有提供啊！價錢適中👍🏻 燒牛舌味道唔錯！呢個係燒茄子🍆釀左肉碎喺裏面當然一定要食燒雞翼wow! 黑松露香菇燒廣島蠔，味道真係唔錯！呢碟係燒汁牛肉食正嘢！燒鮑魚，好味不過都幾細隻食咗咁多肉，當然食下燒露筍再食燒菠蘿令胃口大增😆😆燒鱈魚都唔錯㗎最後食咗燒帶子同芝士虎蝦👍🏻 happy ending !

今日同女朋友去左一間充滿港産電影味嘅串燒店，皆因老闆將周星馳嘅戲名改為各種口味嘅啤酒，例如唐伯虎黑秋香就係香檸薄荷味手工啤。牆身仲有一排排嘅啤酒樽做裝飾，另有一番風味。我地有叫左好多野食，其中自家製惹果燒雞肉串好大串，雞肉有好香嘅蜜糖味，好嫩滑。勁辣跳舞燒雞翼餃子嘅辣味好夠，雞肉肉質好嫩。惹味黑椒牛仔骨嘅黑椒味唔太突出，肉質都可以。秘製醬汁燒豬勁肉係我地幾推薦嘅一個野食，豬勁肉切得大塊唔講，片片都好juice，有好香嘅炭香味，食落一啲都唔老身。蒜香勁辣燒扇貝比女朋友嘅第一個感覺係好似泰式生菜包，有好多肉碎係到，望到都覺得滿足。肉碎炒到香口乾身，扇貝燒既時間岩岩好 所以食落唔會好老。味道少少甜，但以辣味麻味為主。薑蔥烤焗翡翠螺無諗到咁多，螺肉好大粒爽口。辣味北海道原隻魷魚串係竹籤上面，一串拎住成隻食好爽，仲好辣。蒜蓉燒原條茄子茄子夠哂大條，燒茄子係我既至愛。食親串燒都會叫。蒜容都算多，啲味滲哂落茄子到。整體味道唔錯

一行三人去食生日飯，揀咗呢間想試好耐嘅餐廳，去到覺得個環境已經麻麻地，坐嗰張枱仲不停滴水，換咗張枱之後就開始叫嘢食啦！第一樣嚟到係串燒雞肉，啲雞肉係有蘇味難食到唔想吞，我Expect串燒係乾身，但啲雞肉濕到好似烚已經知道中左伏之後，串燒牛肉粒味道同雞肉一模一樣。我哋仲叫咗蒜蓉扇貝、蒜蓉蝦、同條茄子不至於難食，但絕對唔好味道，因為濕到不得了松露醬汁扇貝上面嗰啲汁，勁難食完全唔知係咩黎，亦都冇松露味道。橙汁比目魚先至離譜，嚴格來講佢係果汁先生烚魚扒，條魚係一啲味都冇，只係浸住喺啲橙汁度，難食到我哋一人食咗一舊，已經放棄左😫蜜糖雞翼叫係最正常嘅一樣野因為真係有蜜糖同埋有雞翼，亦都唔係濕，但雖然有支串，但似係煎熟多。最後埋單成為九百幾，真係好無奈😭 但伏係自己中只好默默承受😭

聽到名字都已經覺得肚餓了！這天跟好友這家叫肚餓了串燒烤焗專門店的，是小妹先前介紹的，被他有趣的手工啤酒樽吸引了！一坐下，食物都還沒有點，就要了這個手工啤 (香檸薄荷)！全因由小到大都是港產片的粉絲，特別是周星星的經典！點了這個華安的～超懷念的劇情！朋友就點了另一款玩味性沒有那麼重的，較甜身的Steamworks，另外今天手工啤有買一送一，超優惠的。每次無論跟誰吃串燒，我一定會點這一個燒韭菜，因為他的孜然味讓我最感受到燒烤的氣氛！燒得很不錯，勁香勁入味～再來這個白魚蛋，非一般彈形爽口，好像彈彈球！吃串燒少不了這個珍寶凡立貝，很鮮，而且不失水分！沒有肉當然也不行！這個安格斯牛柳粒的肉很嫰，而且牛肉味濃郁，一點也不嚡！而這個西班牙黑毛豬件的肉也是相當吸引，有嚼勁！吃了這麼多肉跟海鮮，一定會點些菜類來減低罪疚感，整體都不錯，保留到應有的水份又不失應有的味道！最後要說的是我們還點了這個佐酒的黃金薯條，也就是咸蛋黃，用來送酒傾計真係好正！下次肚餓了可以再考慮過來！

有晚收工宵夜上左去同個朋友食串燒meun上面有勁多款食物都好吸引咁！！豬、牛、雞、海鮮、蔬菜、小食、丸類都大把選擇，睇完一大輪，我地決定第一輪就叫啲海鮮同牛黎試下先我地兩個都中意食牛舌，所以就一口氣要左兩串，一人一串唔洗爭厚切牛舌勁爽嫩，燒得夠惹味，正！而個安格斯牛柳粒都幾有牛味，不過就燒得熟左少少，其中一兩舊都有啲韌~海鮮方面就要左個焗比目魚同燒帶子兩樣都正wow~個比目魚焗得嫩滑，仲要有成三大舊，食得好滿足而個帶子大大粒之餘又燒得岩岩好，入面保持鮮嫩，值得一試第二輪我地就要左啲小食同蔬菜，個玉子燒要左芝士蟹子餡，玉子燒得外脆，味道食落甜甜地，加上入面半溶拉絲既蟹子餡，都幾正我地個晚仲要左個蒜蓉牛油焗什菌，又係一大份，一黎到未食都已經聞到好香最後一定要叫個燒菠蘿做甜品，啲菠蘿燒得又甜又多汁，一份有5-6大件都輕易K.O當晚我就懶健康咁要左罐Zero黎gur一gur點知朋友仲養生，話食串燒熱氣，要杯熱柚子蜜黎潤返下wow------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5