肉肉大米

营业中

休息中

第一次食現烤和牛漢堡 好開心😀 成個過程有愉快又好玩 。餐廳氣氛好 食物質素不錯 最重要幾抵食 。餐廳主打利用日本黑毛和牛製成漢堡 又用了日本產虹煌米 食材高質❤️————————————————————————-蟹肉1 芝士1 和牛1 混搭漢堡套餐- $140餐廳有8款調味料🧂 跟坐餐廳說明樣樣試齊 令漢堡更添風味。套餐包 3款漢堡🥩 蜆肉湯 ☕️日本米🍚 西蘭花🥦 ，除左漢堡外 其他都係任食架😃🥩和牛漢堡和牛漢堡係最原汁原味 店員煮到5-7成 自己再利用鐵板烤喜歡嘅熟度。漢堡 充滿油脂香 超多肉汁好juicy 肉質好嫩滑👍🏻👍🏻 。🧀芝士漢堡 大大塊熔岩芝士 加上即席刨上大量芝士碎 毫不手軟 超濃郁芝士味 加上焦香漢堡 十分芝味呀😝 再搭配即烤西蘭花 爽口又解膩🦀蟹肉漢堡 擺上滿滿嘅蟹肉絲 同蘿蔔蓉 青檸 再淋上柚子醋 十分清爽 平衡食第三舊漢堡扒嘅油膩感 。

前排漢堡大戰相信好多人都知道，大約係”中環IFC”vs”沙田新城市”。IFC暫時未有勇氣去排，但就去輪咗沙田新城市呢個大米。“新城市大米”主打漢堡相信大家都知，另有特別味道(蘑菇同芝士)。套餐已包生蛋，白飯同湯。如果唔夠喉，當然歡迎再追加。一場嚟到，個人覺得一人一漢堡應該唔多夠喉，相信至少兩件漢堡才有滿足感。混搭漢堡套餐 (蘑菇1 和牛2)混搭漢堡套餐 (芝士1 和牛2)首先客人面前會有一塊鐵板，店員會將漢堡放上鐵板，如果喜歡全熟可以再加熱一陣。先試原味，漢堡放上白飯，撈埋生蛋，享受肉汁蛋汁大爆發。漢堡肉感滿滿，相信食肉獸應該都冇投訴，完全係為你哋而設。芝士漢堡除咗原塊芝士，仲有海量芝士碎，務求要你食到啖啖芝味。蘑菇漢堡係將漢堡浸在蘑菇醬中，然後金屬兜加熱，爆蘑菇汁既漢堡餸飯一流。另備有大量不同的調味選擇。

終於來到呢間人氣現烤日式漢堡排專門店「肉肉大米」朝聖了，為此我事前已經搜集資料，餐廳主張採用日本米、日本黑毛和牛A5,真的令人期待！入座前先到自助機點餐付款，見到期間限定有蘑菇和牛漢堡扒，一於要試吓！另外仲有芝士和牛漢堡扒及和牛漢堡扒，一個套餐就可以試晒三款漢堡扒了！套餐包括日本生雞蛋，仲有西蘭花、湯及米飯，而且仲可以無限續添呢，好抵食呀！好欣賞呢度嘅湯，用料十足，有蜆、腐皮、海帶等，比起一般嘅麵豉湯更甜！主角漢堡排，由黑毛和牛及美國牛肉混合所製，加上日本蛋，超級絕配！又香又Juicy，牛肉味濃，撈飯一流！芝士和牛漢堡扒，店員在你面前刨上大量嘅芝士，邪惡又吸引！忌廉蘑菇醬嘅漢堡扒，非常濃厚嘅蘑菇味！Yummy!

肉肉大米提供多種口味的漢堡扒，如原味、芝士、蘑菇等口味，另外，在枱面上也有不同的醬汁可以讓食客可以根據自己的口味偏好進行搭配。個人建議食原味嘅時候可以配上枱面的醬汁，而食芝士和蘑菇口味嘅時候，我覺得調味已經足夠，唔需要再加醬汁去享用☺️此外，套餐還包括麵豉湯、白飯和西蘭花，這些都是可以無限添加的😋享用完肉肉大米後，每一口都充滿了層次感，既有肉的鮮美，又有米的香甜，令人忍唔住想再來一碗，有機會都會再想同朋友來。

✨黑毛和牛漢堡扒專門店$95起嘆3款口味仲有期間限定口味.ᐟ.ᐟ終於試到超人氣肉肉大米啦～店鋪主打現做現煎的日式牛肉漢堡🥩有八種特選醬料，可以自己DIY鐘意既醬汁口味有原味｜芝士🧀｜蘑菇（期間限定）🍄‍🟫🔺$95已有兩塊原味和牛漢堡，湯飯任添🔺原味和牛漢堡+芝士和牛漢堡 $110芝士和牛漢堡+蘑菇和牛漢堡（期間限定）🍄‍🟫 $140漢堡先將表面煎成5分熟鎖住肉汁再放到面前既鐵板加熱到自己想要既熟度🔥和牛食落都好juicy，同埋漢堡扒已經調味過個人覺得唔洗再沾醬汁都已經好夠味食完整體感覺都唔錯，但可惜實在要排太耐隊！

如果你係一個鍾意食漢堡扒嘅人，咁呢間新開嘅日本過江龍餐廳「肉肉大米」絕對係你嘅天堂！佢哋主打各式各樣的日式漢堡扒，每一塊都係用上等和牛同美國牛肉製作，肉汁滿溢，仲可以配搭多種醬汁同配菜。今次我試咗三款唔同嘅漢堡扒——原味、加芝士、同奶油蘑菇，再加埋佢哋免費任添嘅西蘭花、日本米飯同湯，真係好飽！原味漢堡扒先講下佢哋嘅招牌原味漢堡扒，呢個係最能試到漢堡扒本身肉味嘅選擇。啲牛肉質感好紮實但又唔會太乾，切開嘅時候肉汁會慢慢滲出嚟，香氣即刻撲鼻。夾埋白飯同日本蛋一齊食，真係完美配搭！佢哋仲提供九種唔同味道嘅醬汁，有辣有唔辣，一定有幾種啱你口味！加芝士漢堡扒講到加芝士，真係濃郁！佢哋用2種芝士，超級邪惡！芝士濃香得嚟又唔會搶晒牛肉嘅風頭，反而同漢堡扒嘅肉味互相襯托。食落口會覺得多咗層濃厚嘅口感！奶油蘑菇漢堡扒如果你鍾意creamy嘅味道，呢個奶油蘑菇絕對係你的選擇！佢係用濃厚嘅cream煮埋啲新鮮蘑菇，再淋喺漢堡扒上面，感覺好似食緊一道高級主菜。奶油汁濃郁但唔會過膩，仲帶有少少蘑菇嘅鮮甜味，配埋漢堡扒嘅肉香，真係好有層次感。呢個味道比較溫和啲，但都係相當出色，啱啲想試下新口味嘅人！任添西蘭花🥦日本

最近見到新城市廣場又多咗呢間排隊王經常要輪候入座所以今日早少少，嚟食個Early Dinner喺門外嘅自助機揀選咗套餐．店員就安排入座✨ 和牛漢堡排2個 和牛芝士漢堡排1個 套餐特別鍾意芝士和牛.店員放工鐵板再即磨芝士．半溶狀態肉汁非常豐富✨ 蘑菇1和牛1 混搭漢堡 套餐蘑菇醬汁好香濃．個汁加入米飯真係好正桌上仲有多款調味除咗我哋點嘅和牛排之外仲可以無限添加日本米飯同味噌湯🍚日本米真係好好食．粒粒通透肥美飽滿

人氣大熱嘅肉肉大米終於登陸香港！平日夜晚都大排長龍，就知道味道幾唔錯👍🏼價錢算幾抵食，CP值高。每個座位前面都有一塊鐵板，職員會留意你食嘅速度再遞上每1塊漢堡扒到鐵板，好貼心。和牛漢堡排1個 和牛芝士漢堡排2個 $140呢個套餐總共有3塊漢堡扒。鍾意食芝士🧀記得要叫呢個套餐！因為職員會先將一塊芝士鋪係漢堡扒上，再即場刨海量芝士係面。蔬菜及白飯都可無限量添加。漢堡排有醃製，所以本身都已經幾濃味，可根據自己喜好再沾上各款醬汁。（蘑菇1和牛2）混搭漢堡套餐 $125呢款係有兩款原味和牛，1款係沾有忌廉蘑菇醬嘅漢堡扒，超濃嘅蘑菇味呀，漢堡扒吸入晒醬汁嘅味道，超惹味。

店内座位以吧枱式設計，除咗可以望到店員製作和牛漢堡之外🥰🥰 中央位置仲有個小鐵板爐， 方便店員上菜，同時可以用嚟自由烹調漢堡嘅生熟程度👍🏻👍🏻套餐方面 價錢由$95 起😋 可按照自己嘅食量選擇和牛漢堡嘅數量👍🏻👍🏻蜆肉麵豉湯、白飯配菜仲可以無限添加添晚餐時段我哋就選擇咗期間限定嘅✨混搭漢堡套餐入面包括(1蘑菇 1 芝士 1 和牛漢堡)另一份就擇左✨1和牛漢堡排 同 1和牛芝士漢堡排套餐合共足足有五塊漢堡排😋我哋兩個人食分量，剛剛好最先嚟嘅會係✨原味和牛漢堡排可以根據佢哋嘅建議食法，配搭不同嘅醬汁 同 調味料，漢堡排煎得外焦內嫩，咬落滿滿肉汁非常好味食完原味漢堡排之後就上 🧀芝士味嘅漢堡排😋芝士控必點👍🏻👍🏻和牛漢堡上會先放一片車打芝士🧀️然後店員會再係客人面前再刨上新鮮芝士碎😋😋，經過鐵板燒到半溶嘅雙層芝士漢堡🤤每啖都食到濃郁嘅芝士香氣🤤非常好味，絕對不能錯過‼️最後上嘅係🍄蘑菇漢堡排醬汁香濃😋帶點黑椒味道連埋漢堡排一齊煎熬，味道豐富送飯一流😋😋鍾意食漢堡排嘅值得一試‼️不過留意番，晚餐時段真係好多人排隊建議過咗八點之後食，會比較冇咁多人😉😉

店門口重放左一個日本製造嘅精米機，好搶眼球。。在店內的自助點餐機揀選套餐(日本米飯、蔬菜同海帶湯任加添)開放式廚房，食客每個位置都睇到店員煎肉肉。海帶湯內有蜆肉同豆腐，味道清爽，配搭濃郁味道嘅牛肉很合適。每人一隻日本雞蛋。我通常都會將蛋黃連同醬油加入白飯，每啖白飯就有蛋黃香味。有8款醬汁調味選擇我鐘意日本芥末醬，清爽又帶點辣味，刺激味蕾。沙茶醬醬汁配牛肉最夾。(蘑菇1芝士1和牛1混搭漢堡套餐)(和牛漢堡排2個和牛芝士漢堡排1個套餐)即做即煎嘅牛肉漢堡，煎至半熟放在客人鐵板上，我喜歡幾成熟自己決定。牛肉口感鬆軟味濃，肉嫩汁多，就算煎耐左，肉質都唔柴。芝士漢堡，厚芝士加埋芝士碎舖滿晒牛肉上面，軟軟嘅芝士溶入口中，連同牛肉一齊食，好有滿足感。忌廉蘑菇，蘑菇大粒味道濃厚，咬落爽口，忌廉加入香草碎，入口濃而不膩。

成日見到呢間餐廳大排長龍，今日同老公就黎幫襯!我地分別叫左和牛漢堡排2個+和牛芝士漢堡排1個套餐同埋（蘑菇1芝士1和牛1）混搭漢堡套餐幾特別！店員會先將漢堡表面煎至5分熟，再放到我地面前慢慢加熱，咁我就可以根據個人喜好而烹煮漢堡排嘅生熟程度🌸和牛漢堡排入口牛肉味濃郁，仍然好juicy，配埋雞蛋同埋白飯一齊食🌸和牛芝士漢幾有驚喜，因為店員會喺漢堡扒上面刨2種唔同嘅車打芝士，灑滿芝士絲，好邪惡，芝士味好濃郁，同漢堡排味道勁夾！啱哂我呢個芝士控🌸蘑菇漢堡排（期間限定）漢堡排上鋪滿蘑菇。蘑菇醬汁慢慢滲入左漢堡扒入面，鹹鹹香香🌸最值得讚賞嘅係，西蘭花、白飯同埋蜆肉湯都係任添，性價比真係好高！蜆肉湯熱辣辣，味噌味濃，蜆肉都好鮮甜，湯入面仲有紫菜同埋豆腐👍🏻餐廳座位係Bar枱形式，大家都可以近距離睇到廚師烹調漢堡扒嘅過程！最欣賞嘅係餐廳提供好多款嘅特製醬汁：燒肉醬、洋蔥醬、奧羅拉醬、胡椒鹽、蒜香辣椒醬、沙茶醬…..等等！

想講，嚴格要求零澱粉嘅人都隨時破功我呢個低碳水寶寶一秒決定呢餐畀我3碗飯！原因係因為塊日本和牛漢堡點咗期間限定嘅3塊套餐口味包括蘑菇、芝士同原味3塊漢堡配三碗飯，我覺得咁先夠respect！至於咩叫好味同享受？就係：第一啖之後大家再冇出過聲默默而專注地接住落二三四五六七啖我諗即使嗰刻我身邊坐住Ryan Gosling 都唔可能令我分心和牛漢堡，7分熟，啱啱好傾多一句計都怕佢會變「老」題外話Bar枱座位 ＋ 開放式廚房設計出奇地冇覺得油煙好重反而大家都好享受「坐枱」睇show咁認真用眼睛欣賞和牛漢堡喺鐵板上滋滋叫然後大家都食得好沉默飯、西蘭花同miso soup(足料多蜆肉）無限refill個飯要讚（用日本東北虹煌米）夠軟糯，配蛋汁餸飯彷彿牛角飯咁！另一邊亦有個「backstage」位就係第一個位可以望到成個漢堡製作過程九州黑毛和牛 ＋美國牛肉油香同肉香平衡個人最愛係原味至於cheddar cheese比較啱打卡期間限定嘅蘑菇口味就正常發揮似和牛漢堡喺蘑菇湯內浸浴咁個感覺都幾kidult 調味方面我建議愈簡單愈好枱面有各種調料同教學但個人認為胡椒鹽永遠都係perfect match

上次東京之旅無去到挽肉之米，等咗好耐，沙田終於都有同類型嘅食店，第一時間去體驗吓。因為早去，唔洗點等位，店員仲同我哋介紹門口部米機，每日操作過程，食嘅途中仲可以睇住店員準備，幾特別吖。但我個人就唔太識控制塊肉嘅生熟程度，有人整好俾我會較好😅

今日終於食到係內地好HIT既"肉肉大米"喇!!餐廳主張採用日本生食雞蛋, 日本黑毛和牛A5 & 日本米~未食先期待呀!!!平日夜晚6點幾去到, 等左一陣位就入座, 都唔算等得耐....餐廳環境四正, 座位類似BAR枱型式, 坐得舒適闊落入座前就先係自助點餐機付款點餐~套餐主要係揀和牛漢堡扒 & 芝士和牛漢堡扒既件數~而今日既期間限定仲有蘑菇和牛漢堡扒我就揀左期間限定套餐: 和牛漢堡扒 x1 芝士和牛漢堡扒x1 蘑菇和牛漢堡扒x1 $140咁就可以一次過試晒咁多款漢堡扒喇有多達8款醬汁選擇~套餐包埋米飯, 湯 & 西蘭花 & 生雞蛋, 除左生雞蛋外全部都可以無限refill味噌湯餡料豐富和牛漢堡扒每位枱前都有一塊鐵板放和牛~生熟度可以自行決定, 鍾意熟D就係鐵板上燒耐D啦....和牛漢堡扒肉質軟腍, 好滑好juicy!!堅好味喎芝士和牛漢堡扒和牛漢堡扒上本身有塊芝士, 而職員會再係芝士上磨更多芝士碎~芝士份量好多好豐富, 同漢堡扒一齊食味道好夾, 又唔會膩蘑菇和牛漢堡扒必點之選!! 蘑菇份量超多!! 蘑菇汁味道好濃郁~配埋漢堡扒真係好好味丫

去親日本都好鍾意食漢堡扒🤤原來而家沙田都開咗間日式即燒漢堡扒呀🤩首先先響門口撳篤篤機揀咗想食嘅set先,大致都係分漢堡扒數量,之後就可以等店員安排位置入座喇~店內寬敞~店員先上飯同麵豉湯,麵豉湯好多蜆肉😍呢個時候亦可以睇下枱上建議預備定想食嘅調味汁料~同時主角漢堡扒已經預備好響面前喇😍採用九州黑毛和牛&美國牛肉混合製成,肉味濃厚juicy,可以根據自己鍾意嘅熟成度進食👍🏻💜和牛芝士漢堡扒一塊厚厚嘅車打芝士蓋住扒面,店員再即場刨大量芝士碎上面🤤邪惡度+1000~芝士控大推👍🏻💜忌廉蘑菇漢堡扒忌廉菇菇多到好似湯咁😳好濃郁好滿足👍🏻💜信州白桃汁100%💜紀州橘子汁100%‼️注意~白飯/麵豉湯/蔬菜都可以無限添加🥰只要禮貌地同店員講就可以喇🫶🏻