影片
以上资料只供参考，请与餐厅确认详情
汉堡每日新鲜现做 只将和牛优质的部位搅肉，成形后改置在冷藏库后 再一个个人手烧 👍汉堡只用日本和牛同美国牛 每一件汉堡嘅牛肉味都好浓，而且肉汁爆满非常Juicy嘅汉堡餐厅嘅食法好比较自由 可以按照自己喜欢的食法享受肉和米饭 呢度提供咗非常多嘅酱汁比 包括 洋葱酱 奥罗拉酱 烧肉酱 照烧酱 胡椒盐 沙茶酱 蒜香辣椒酱 日式芥末盐糊 我拣咗三件汉堡嘅套餐 原味 芝士味 同牛油果味嘅汉堡 西兰花 汤 米饭 都系任饮任食 ❤️原味汉堡 唔加任何酱汁已经好正 牛肉嫩滑 而且牛肉味好浓 食落非常Juicy 职员会将烧好嘅汉煲夹上自己专属铁板调校自己钟意嘅 生熟程度 建议第一啖就禁食 先品尝汉堡嘅原汁原味 🏆芝士味汉堡 好邪恶 汉堡 上面已经有一片芝士 厨师再系上边加劲多现刨芝士 啱晒芝士迷 芝士系铁板上放耐左 变成焦香芝士脆片 真系流晒口水 芝士汉堡扒可以配黄芥辣酱同奥罗拉酱一齐食 绝配❤️牛油果汉堡牛油果汉堡特别加咗烧肉酱落去一齐煮 令到烧肉嘅酱汁渗晒入汉堡扒里便 一野倒落个白饭度 可以食三碗 真系好好味 简直系白饭神偷📍肉肉大米(沙田)地址：沙田沙田正街18-19号新城市广场一期1楼108号舖
继续阅读
超多人排队，我哋就试下佢系咪真系咁好食，在日本吃过另一家的汉堡扒，相对这一间只有外型似，完全不能比较，落差有点大。进餐厅前，先在门口处售卖机拣左想食嘅set先，然后拣汉堡扒数量再付款，之后就会有店员安排入座。店内环境宽敞，餐厅的设计是坐吧台座位和开放式厨房，并在每位顾客面前放置迷你烤盘，让顾客可以一边品尝美食，一边观看厨师的精湛手艺。店员首先上饭同面豉汤，面豉汤都有好多蚬肉，佢地嘅套餐有多种选择，最多可以有三款汉堡扒，主打日本和牛汉堡扒同埋芝士和牛汉堡扒。套餐中仲有一只酱油日本蛋、西兰花、面豉汤同埋白饭，白饭、西兰花和汤可以无限追加。餐厅有2种套餐，一般系两件汉堡扒或三件汉堡扒选择，我哋两公婆每人都叫左三件汉堡扒套餐！我自己就拣左$140三件汉堡扒套餐，牛油果汉堡扒、原味汉堡扒和芝士汉堡扒，呢个套餐就可以试晒三种唔同口味嘅汉堡扒。而老公就叫左另一个套餐$125三件汉堡扒套餐，一件系芝士汉堡扒，另两件系原味汉堡扒。好快就上第一件汉堡扒，店员会将汉堡扒煎完之后放到顾客前面的铁板，铁板细细块，上面还有三粒西兰花伴随，而西兰花都系任添，西兰花几香，几好食，我都添加左几次。汉堡扒就因应自己喜欢生或熟去烹调。我觉得原味和牛汉堡扒最适合搭配多款唔同嘅酱汁食用，建议跟教学嘅酱料配撘，味道更丰富惹味。食完第一件好快再上第二件，呢件系浓味芝士汉堡扒，一块厚厚嘅车打芝士盖住扒面，然后放上铁板后仲会即场系您面前亲手刨大量芝士碎上面，系满满的芝士碎，真系好有邪恶的感觉！啱晒钟意食芝士嘅人，热辣辣嘅汉堡扒配溶左嘅芝士，非常惹味，食完芝士汉堡扒，店员就会上埋最后一块牛油果汉堡扒。总的来说，个人觉得芝士汉堡扒最好食。但同日本𠮶间比较，肉味冇咁香，冇咁浓味。呢间汉堡扒比较碎，一夹就散开，价格算合理，尤其是提供无限量的饭、汤和蔬菜，店员服务都不错，未试过嘅不防试下。
继续阅读
宜家越黎越多地方可以食煎汉堡扒🍔🥩，今次试下呢间～佢地系内地人气现烤汉堡扒🍔🥩品牌，佢地所有食材同制作工序都有讲究，亦有开放式厨房，可以睇住厨师👨🏻🍳整汉堡扒🍔🥩，黎远睇似回转寿司店都几得意🤩 可以自己烧🔥决定几熟都几好挽👍🏻 全部都几好食😋又抵食👍🏻佢地坚持用日本食材，汉堡扒🍔🥩既重量大约系95克，由九州黑毛和牛🐃既霜降同美国谷饲牛肉🐮混合制成，兼顾到油香同埋肉味～ 米饭采用日本东北既虹煌米🍚，餐厅会将玄米喺店入面现磨脱壳，煮出黎既饭🍚比较甘甜，软绵Q弹～蛋🥚就用可以生食既日本鲜鸡蛋🥚，口感滑溜香口，可以用黎捞饭🍚，亦可以点牛肉🐮食，两样都都正🤤 仲有好多酱料可以点，各有千秋～(5 😍 系满分，🤩系半分） 3件汉堡扒套餐 (牛油果 + 原味 + 芝士) 🍔🥑🥩🧀 - $140 (好味指数：😍😍😍😍🤩)难得黎到就紧系想3个味都试晒啦😜 开头店员会上左原味先，煎到5成熟再比食客，跟住可以喺铁板🪨上面烧🔥，想食几熟就煎几熟～ 啲牛🐮肉味香浓，有油香又juicy，口感扎实弹牙唔会有筋～食完原味之后，店员就会上芝士🧀汉堡扒🍔🥩，除左上面有块半融既车打芝士🧀之外，佢地仲会即场再刨芝士🧀，有观赏性又有double “芝”味🧀tim🤤 芝士🧀味道香浓醇厚，会拉丝，有咸香又突出到牛🐮既鲜味，小编最钟意就系呢个😍牛油果🥑他他系期间限定口味，有牛油果片🥑、他他酱同埋特调照烧汁，会连埋汉堡扒🍔🥩摆埋喺个兜到，跟住再放喺铁板🪨上面烧🔥～ 牛油果🥑味道清新creamy，配埋个酸酸甜甜既酱令到个汉堡扒🍔🥩清香啲无咁漏～西兰花🥦：无限量供应♾️，系白灼既，颜色翠绿，可以自由配枱面既各种酱汁一齐食，清新爽脆，有解腻既效果味噌汤🥣：同西兰花🥦同饭🍚一样系无限量供应♾️，几得意既系里面有酸甜既番茄🍅、清新既菜🥬同埋鲜甜既蟹肉🦀，味道清甜解腻～8款酱汁同酱料：烧肉酱🔥🥩：惹味香口，味道香甜，系比较传统既调味洋葱酱🧅：系自己炒过既秘制酱汁，有焦香，味道清甜～奥罗拉酱🍅🟡：番茄🍅加丘比蛋黄酱🟡调制既温和酱汁，口感顺滑，微酸几开胃🤤蒜香辣椒酱🧄🌶️：辣辣地🌶️几香口，浓味得黎唔会好辣🌶️，有啲韩式🇰🇷辣酱🌶️既感觉～日式芥末盐曲🧂：有少少呛鼻又有咸味可以提鲜沙茶酱：系牛肉🐮既经典配搭，浓郁醇厚～黄芥末酱🟡：味道黎自芥末籽🟡，有少少辛辣🌶️同呛鼻，仲酸酸地几开胃🤤胡椒盐🧂：咸咸地有啲刺激感，一样可以提鲜带出肉味～好味指数：😍😍😍😍🤩推介指数：😍😍😍😍🤩
继续阅读
之前经过见到好多人食呢间 想食好耐今日同朋友喺沙田做完treatment所以决定入去试试 发现入面好多店员同埋估唔到平日都几多客人嚟食餐厅装修风格比较简约 似工业风好钟意开放式嘅用餐区域 一览制作过程我哋两人叫咗以下一人一个套餐- - - - - - - - - - - - - - - - - - - - - - - - 1. 2件汉堡排套餐 (原味+芝士)/3件汉堡排套餐 (牛油果及原味2件)唔理你拣咩排/几多块排 每个餐都包有以下:日本产嘅白饭同生鸡蛋、西兰花同番茄肉丸汤用虹煌米都几似珍珠米 有啲黏性同饱满感个汤好多番茄 感觉唔似味精 味道系清清哋店员声称全部任添 难怪平日都咁多人嚟食汉堡排主要系原味、芝士同牛油果(期间限定)排系用咗九州黑毛和牛+美国牛肉混合制成现绞现煎 店员煎到4-5成熟连西兰花放喺铁板不过小心西兰花好易焦 所以需要keep住反烘到肉排表面焦脆 可夹起放饭面 等啲肉汁流入饭中跟住加生鸡蛋/多达8款酱汁同调味料 啖啖唔同变化个人觉得芝士好正 店员会喺眼前刨好多车打芝士丝芝味比较奶香 唔会太浓太咸 都会食到排嘅肉味牛油果加他他酱同特调照烧汁 估唔到都几夹食起上嚟口感比较奶油 同肉质感有种对比2. 信州白桃汁100%本身见到呢杯桃味嘢饮色泽较深 以为应该死甜点知出奇好饮 每啖都系淡淡桃味 有清新感所以我信佢系100%桃汁 唔似添加其他调味/糖分下次都会想试番茄汁/橘子汁XD 另外仲有梳打可拣
继续阅读
每次经过都有很多食客在门外等候，今次抽空来食，先取筹、等叫筹、在电子屏幕点餐及付款、安排入座一气呵成。我们一行三人每人点一份套餐，坐好后店员确认单据上的套餐后就盛上蛋、白饭及味噌汤，再在铁板上开始烧汉堡排，齐齐烧，即时阵阵飘香。坐椅系一张无靠背的高圆櫈，有在酒吧用餐的感觉!抬上已备有多款酱料，如烧肉酱、蒜香辣椒酱及芥末盐曲等。套餐 - 和牛汉堡排2个 $95两个和牛汉堡排并排，几厚，肉质紥实，按自己的口味来烧，翻完一边又一边，令和牛汉堡每边都有点焦香，连带一旁的西兰花也能沾上和牛汉堡的肉汁及油份，食起来有油香。无额外点饮品，所以不时喝味噌汤，可以解肉腻。味噌汤清澈，味较清淡，有蚬肉，不点饮品单靠汤作辅食也足够!套餐 - 混搭汉堡 : 和牛汉堡排1个，蘑菇汉堡排1个 $110食完和牛汉堡排后才让店员盛上蘑菇汉堡。食完部份蘑菇再等一会后汉堡就煮得差不多，还有白忌廉汁加在一起，比起之前只有和牛肉汁的味道更丰富，我个人喜欢在这时混合鸡蛋一起进食，令和牛更浓郁更多汁好下饭!套餐 - 和牛汉堡排2个，和牛芝士汉堡排1个 $125这份套餐有三个和牛汉堡排，让胃口大的很满意，食完两个原味和牛汉堡排之后就到和牛芝士汉堡排，本身已有片片芝士在汉堡排上，店员再在上面不停的磨芝士，芝士遇热后慢慢溶化，过程几疗愈，西兰花沾上肉汁及芝士，继续添饭添菜真开心!与铁板距离几近，不停有和牛及芝士等香味四溢，但也有少量油烟味，幸好环境干净有条理，排排坐用餐感受简单朴实又满足!
继续阅读
您可能会有兴趣的...