肉搏食堂 (已結業)

.尖沙咀❣️丼丼丼厚福街愈開愈多野食，樣樣都好吸引🤤今次行過見到好多人係餐廳，一於幫襯埋一份！menu有多種丼飯選擇….有選擇困難症既就慘喇….樣樣都想食🔸香煎頂級牛肉配海膽丼煎到半生熟既牛似，保留到牛肉既juicy🤤加埋秘製醬汁同日本珍珠米，有啲懷念去日本食丼飯既日子🥺珍貴既海膽，忍唔住第一擔就食左🤭🔸角切魚生丼角切魚生都大大粒，加埋用上壽司飯，撈埋wasabi同豉油👍🏻啖啖都有魚生同飯，無得輸！🔸本家製日式豚肉餃子一睇就睇得出餃子係自己包🤭但勝在皮薄餡靚！加埋啲芝麻醬👍🏻突出返豚肉既味道！🔸玫瑰荔枝梳打一開始怕會太甜，但玫瑰味都幾出加上梳打溝淡左荔枝既甜味👍🏻又fresh又打卡able🥰🔸芒果熱情果梳打粒粒芒果肉加埋熱情果🤤好tropical既感覺，最鍾意啲酸酸甜甜既飲品，仲要係梳打🥰加分加分！好味指數：8.5/10肉搏食堂 尖沙咀厚福街2A號地舖————————-#hkig #hkfood #hkfoodie #foodie #tst #tstfood #japanese #don #尖沙咀 #尖沙咀美食 #厚福街 #丼

每次去到厚福街都會為左食咩以煩惱，因為個到真係太多餐廳喇！今次同女朋友仔見到間門面裝修得幾靚，而餐廳個名-肉搏食堂又幾吸引，所以就決定試試佢！由於正值晚飯時間，我地都等左5分鐘先入得座。餐廳空間雖然唔大間，但坐位都算多，坐得算舒服～餐廳主打日式丼飯，有慢煮牛肉到刺生飯都有。重點係價錢都幾親民！🔻慢煮牛肉飯味道：7.5/10價錢：$88牛肉份量好多，睇落去好似好生咁，但其實係用左慢煮嘅方法，所以先咁鮮紅色。食落口幾香牛味，而且唔會好韌。飯面仲有生雞蛋，忌廉，加埋牛肉上嘅燒汁一齊撈黎食，真係幾好食～🔻 海膽牡丹蝦雜錦刺身丼味道：8/10價錢：$148鐘意食刺身嘅女朋友都覺得呢個飯啲刺身幾豐富，海膽有兩舊，食落口都幾鮮甜！而且仲有三文魚，吞拿魚同埋牡丹蝦！飯就係壽司飯，點一點wasbi加豉油，好食！另外我地仲叫左兩杯特飲，一杯係藍莓青檸梳打，成杯都好靚，飲落都幾濃藍莓味～而另一杯就係朱古力曲奇沙冰！

厚福街餐廳多籮籮，比著選擇困難症嘅我揀一個鐘都仲未揀到🤯如果你係冇肉不歡嘅朋友，不妨試吓呢間肉搏食堂～🔥必點：青瓜青蘋果沙冰牛肉略略煎過，色澤極紅潤粉嫩，不過我略嫌過生，職員都好好，幫手再煎熟啲👍🏻牛肉份量唔少，鋪滿半個飯，厚度適中，由於略帶筋位，所以嚼勁十足鵝肝表面煎至金黃色，外脆內肥美，充滿油脂感，淋上甜甜哋類似燒汁嘅醬汁，味道百感交集，刺激味蕾黑豚盛丼賣相亦唔輸蝕，面層鋪上一塊塊粉嫩迷人黑豚肉，黑豚肉上淋上芝麻醬，肉峰之上擺放住一顆生雞蛋，旁邊以看似雲朵嘅酸忌廉配襯，以蔥花作點綴黑豚肉以慢煮方法炮製，薄切軟腍，口感特別，似食緊parma ham🥓 質嫩爽口，拌上忌廉，再戳破生雞蛋，增添味道層次✨餃子脹卜卜，肉味香濃，外表煎至金黃，而內裡仍然保持多汁，伴碟嘅有芝麻醬椰菜絲，清清口腔🍏青瓜青蘋果沙冰嘅兩種蔬果嘅配搭創意十足，估唔到溝埋一齊係咁夾🤩 沙冰以青蘋果味為主，回甘就會品嚐到青瓜味，一邊飲，仲一邊會食到蔬果渣，認真真材實料，整體感覺清新，解肉膩一流👍🏻睇menu時，就係比就比呢個杯嘅造型吸引到，一定要點一杯嚟打卡📸 杯造型搞笑，朱古力味濃而不膩，甜度宜人，作為甜品亦不失為一個好

今日晚上同屋企人食生日飯黎左尖沙咀有食街之稱嘅厚福街搵下有咩好食😍睇到我最鍾意嘅日本野😍店內用左白色石紋裝飾令空間感增大左，睇返餐牌先，有各類嘅刺身丼，豚肉丼，燒牛肉丼等等🥳小食類同飲品都勁吸引呀🥰我地揀左以下：🐷慢煮黑豚盛丼黑豚丼上面有個日本蛋黃😍仲有檸檬吉士加日式麻醬，我地拌好飯之後，飯粒帶滿蛋香，又有檸檬嘅小清新。主角慢煮黑豚，店家將佢切到一片片，肉質比一般豚肉更軟滑😋更可以keep 住肉汁。🐮香蔥頂級牛肉配鵝肝丼牛肉煎得岩岩好，肉質鮮嫩唔會有筋，有牛味👍🏻鵝肝帶焦香味😍有少少油配埋飯一齊食更有層次。🐷本家製日式豚肉餃子🥟日式餃子用先煎後焗嘅方法去煮，口感外脆又保留到肉汁。🌼茉莉花鮮奶，e杯個顏色好靚，帶天藍色，又有少少拉花點綴，味道係滑滑嘅鮮奶帶淡淡嘅茉莉花味💐🌼朱古力曲奇沙冰，沙冰好大杯，上面有細滑嘅cream 😆啖啖都係濃濃朱古味🍫

尖沙咀厚福街唔止食店多，短短一條街～日本菜都有好幾間，差唔多隔每一兩間鋪就係日本菜。一個人漫無目的地搵食，行曬成條街再番轉頭，最後選左呢間～就係被佢新淨裝修及可以自選4款（$60），5款$（$80），6款以上丼飯而吸引。 我選左【自選5款丼飯 $70 跟餐湯】 魚生及配料選擇多達33款，包括：火灸三文魚腩、灸燒黑松露帶子、火灸三文魚、帶子、吞拿魚蓉、三文魚籽、帶子、三文魚、甜蝦.......等等。 跟餐叫飲品 加$8、特飲加$18 我加左$18叫左杯抹茶鮮奶，味道略淡，賣相好靚，顏色白綠分明，面層仲放左少少鮮花做裝飾，啱晒著重賣相同鐘意打卡嘅我。

今晚收工出去TST食街搵野食，見到依間新開無耐既日式丼-Meat Fight，裝修得幾令又夠新潮，招牌菜睇落似係"慢煮黑豚盛丼"，平時唔食蔥的我，都可以接受到日本蔥個種味，黑豚真係有料到，食落完全唔會覺得有渣，仲好嫩滑，配埋日式芝麻醬同埋日本蛋，成件事好夾!"慢煮頂級牛肉盛丼"，只係叫左150g，但其實都已經好大份，牛肉非常之多，因為係慢煮，每塊牛肉都係粉嫩紅色，賣相非常之好，食落果然無失望，口感好滑溜，仲有特別既係使用特別大粒既日本米，食落口感幾好，偏係有d爽口。日式餃子煎得好香脆，美味可口!一開始以為飲品都係普通野，點知杯"紫薯鮮奶"唔單止好岩打card仲要好飲，唔會太甜係重點!!"朱古力沙冰"隻杯好cute，好似出左去飲雞尾酒咁樣，下次會想試下壽司飯同埋刺身~!

尖沙咀厚福街多野食就人人知，今日都稍稍等左一陣先有位入。丼飯。。今日的目的就係飯。餐廳煮食係一個open area. 成個環境都相當開揚既，加上爐光十分足，完全冇擠迫感。丼飯有刺身，亦有熟食。今日叫了1)香煎西班牙黑豚配鵝肝丼可以真係話啖啖肉，黑豚全部係厚切，再兩面煎香，上面係加芝麻醬， 其實可以揀要吾要鵝肝有鵝肝吾貴得幾多，而且煎到勁香，飯上面本身有少量少量蔥花。豚肉真係好厚，吾會太瘦。牡丹蝦三色刺身丼 刺身有三文魚，帶子，當然吾少得蝦 三文魚，幾片都好新鮮，帶子都鮮甜，好想食多幾粒。有時平日既魚生飯係用碎魚生，但我覺得冇切碎，成塊上更正。火炙頂級牛肉配香辣粉 當然肉博。當然要試埋牛肉啦，牛肉做到大約四成左右。兩杯飲品 青瓜青蘋果沙冰 這個相當fresh 好清新 開胃 消暑 行左成日街 岩曬 玫瑰荔枝梳打 玫瑰味好香 好fresh

收工行過厚福街見到呢間新開嘅餐廳，就同咗朋友入去試一試，呢度有好多選擇，我同朋友就一人揀咗個飯，再share個小食😙🍱 香煎頂級牛肉配海膽丼牛肉係四成熟（可選更高/低），為咗影相同等朋友，放咗一陣先食，但都唔會放到凍/韌晒，軟韌度都唔錯😚 海膽都夠肥美👍🏻🍣 角切魚生丼角切魚生從來都唔會錯！ 夠新鮮肥美😽🍢 鹽燒三文魚骨三文魚骨好香好惹味！只係$48就有三大塊，CP值夠高！🍹 藍莓青檸梳打🌹 玫瑰荔枝梳打兩杯梳打都好靚好打卡able! 藍莓青檸酸甜滋味，玫瑰荔枝又有花香+果香，聞落都開心啲喇☺️

之前網上睇厚福街呢度開咗間新既魚生飯店，今次經過即刻試咗🙈 人均接近$200蚊，一人叫左一個飯同飲品。我自己揀左海膽牡丹蝦雜錦刺身丼，因為實在太鐘意食海膽。但初頭見到佢既海膽偏深色，以為會苦，點知食落好甜，好好味道🥰 之後有帶子一塊，一啲三文魚子，牡丹蝦，三文魚等等，雖然量唔算極多，但食落感自新鮮，女仔黎講係夠食。 至於朋友係比較大食，佢叫左牛肉果個set. 都好足料，牛肉好咬口，汁都好好味，所以食完朋友都想叫多份🤣 對我黎講，最特別可能係飲品，佢有個好健康既青瓜青蘋果沙冰，好飲！蘋果味好突出，帶少少青瓜清爽感。朋友叫咗曲奇沙冰，佢話都幾好，所以飲品來講算係中上

話說之前同有人喺有厚福街食嘢👭🏻食完經過見到呢間新開嘅餐廳 睇咗佢嘅嘢飲Menu幾得意 就約咗下次嚟食 今日去到餐廳裏面都爆曬人😰所以都等咗一陣先可以入座 等嘅時候就已經決定咗食咩同飲咩😜慢煮頂級牛肉🐂盛丼🍚 ($108)一片片慢煮牛肉鋪滿成個飯 每塊都切到好薄同埋顏色鮮嫩🥩如果要食全熟牛肉嘅話就唔建議你食呢個 因為唔會係全熟牛🐂 由於d牛係慢煮 所以食落就好嫩滑同有牛味 配埋佢個流心蛋🥚同個醬汁簡直係一個點綴 會令你有不斷想食多啲嘅慾望🤤海膽牡丹蝦🦐雜錦刺身丼🍚 ($148)顧名思義個刺身丼就梗係有海膽同牡丹蝦😂除咗呢兩樣仲有三文魚子、三文魚、吞拿魚、帶子、油甘魚同埋蛋黃 因為小編唔識吞拿魚所以就俾咗友人食 整體來講啲刺身都算新鮮 但係飯就偏硬身咗少少🤏特別想講個海膽係好食同Creamy 不錯不錯👏🏼紫薯鮮奶（熱）($58)紫薯鮮奶飲落暖笠笠 紫薯味香濃 顏色上好適合打卡 而且加左少少花做點綴 無得彈👍🏻👍🏻芒果🥭熱情果梳打 ($58)因為見佢嘅顏色靚所以就叫左呢杯😂上嘅時候係會有枝小鐵棒吉住一粒芒果🥭係面 甜唔甜就靠運氣啦😬味道都算中規中矩 唔會係死甜 而且芒果溝熱情果都好夾 值得

主打慢煮牛丼 每一個餐都好足料🤤啲餸成座山咁高⛰好邪惡🥺不過食完真係好滿足🤤 大部分丼飯都有份2個size 啱曬減肥唔想食咁多嘅你 同埋想放縱自己嘅你啊🤪慢煮牛丼最平88蚊就有交易啦😳 －慢煮頂級牛肉盛丼🐮 $88 150g 唔好睇佢紅色血淋淋 有啲似牛扒叫咗三成熟咁😰其實慢煮牛全部都係咁🤣食落一啲都冇血腥味😂牛肉食得出係比較高質嘅食材 唔會韌好嫩滑👍🏻 牛肉有加燒汁味道甜甜地🤤好開胃加埋蛋黃撈飯😋睇落成兜飯好似好多咁 但真係唔覺唔覺就食咗一碗😰個飯係用珍珠米啖啖都有汁 好滿足☺️－香煎頂級牛肉丼🐮 $108 呢個牛因為煎過所以係比較熟啲既😆大約7成熟 牛肉擺盤賣相好吸引 同上面個丼飯一樣😋成座山咁😚食肉獸必試 牛肉煎得好香😆未擺到上枱已經流晒口水☺️唔係要影相 真係想即刻食啖試試先🤩慢煮牛黎講你個價錢已經唔算貴 食到咁多肉 仲要有呢個質素😍真係好推薦食肉獸一戰😝 餐廳仲有刺身飯等等既選擇 如果唔想食肉嘅 呢個都係好好嘅選擇🤔整體來講 呢個都係我哋會返轉頭嘅餐廳🥰好推薦大家去試下

同朋友約咗係厚福街食飯，點知間間都排晒隊咁，見呢間唔使等就入咗去試下好唔好食😙-冇立場資訊👀-🐂慢煮頂級牛肉盛丼 ($88 150g)牛味可以濃啲，份量唔多😗牛肉望落顏色幾靚，可惜食落少少韌，同埋蔥得幾粒，同menu上面張相爭好遠😅汁嘅鹹淡啱啱好，俾得算多，夠晒撈成碗飯😛-🐖香煎西班牙黑豚配鵝肝丼 ($128)豚肉食落幾有驚喜，厚身得嚟好多肉汁，而且煎得幾香😋 鵝肝表面煎得夠晒脆，食落外脆內軟，不過有少少羶味🥲好彩個醬有加埋啲麻醬，點醬食落就冇咁羶!至於飯嘅份量，雖然我地已經叫咗少飯不過都好多…-🍘美國安格斯牛肉球 ($38)外層炸衣好酥脆，牛肉味夠重，不過比較散，口感爭少少🤨有俾埋沙律醬同麻醬解膩，尤其係麻醬同個牛肉球嘅味道好夾，食落更加香😛入面仲有少少洋蔥粒，不過洋蒽味就冇乜，淨係食到個口感😗-雖然唔使等位，但係呢間餐廳嘅味道同埋服務都麻麻，我哋叫個Staff俾杯水叫咗兩次先至俾到我地，嗌埋單都係要叫兩次先埋到…😅而且肉嘅份量唔多，牛肉丼飯作為招牌嘅味道比想像中差，應該就唔會再返去幫襯🥲

Happy Friday🎉 又到左可以放肆喪食嘅一個晚上🌃 無乜頭緒之下係厚福街兜個圈睇吓有咩食見到呢間「肉搏」價錢相宜又唔算好多人等位就入去同佢肉搏下啦🤣————————————————🥇慢煮頂級牛肉盛丼（200g $108）👅 入得黎食肉當然要食下佢嘅招牌菜，慢煮牛🥩 200g肉量都唔少，兩個人share都ok，薄切慢煮牛肉一d都唔韌，撈蛋食就最滋味🤤🥈海膽帶子三文魚刺身丼（$108）👍🏻 話晒都係日本菜🇯🇵，點都想食刺身嘅，四片三文魚都算新鮮，帶子都幾大粒，海膽就一般啦————————————————📍 肉搏食堂：尖沙咀厚福街2A號地舖

和男友一起來到尖沙咀厚福街晚餐，打算隨機搵食。星期一晚的厚福街比平時少人，但整條街最多人排隊嘅餐廳係甜品店🤣🤣我哋差唔多行勻成條街，睇餐廳既餐牌有咩好食，之後嚟到呢間餐廳門口，侍應妹妹熱情咁介紹店內有嘅食物，最後我哋都係話轉個頭睇吓先，不過侍應妹妹都好熱情講：「你轉頭返嚟搵我啦☺️附帶親切嘅笑容」令我對佢印象深刻👏🏻最後我哋揀咗呢度食晚餐🥳🥳入到去餐廳都好多食客，座位比較逼夾。送餐的速度正常😊🌹先來的是我的魚生飯（下圖）$148來的時候覺得比餐牌的圖片有些出入，每一款魚生片只有一片，切的厚度也是一般，但所有材料都新鮮的味道也可以，米飯方面日本珍珠米有加飯醋。但本人覺得呢個價錢可以做得再更加好☺️🌹後來是男友點的慢煮頂級牛肉盛丼$108（200g)對比魚生飯，魚生飯即時K.O.！！！首先牛肉飯份量足夠，賣相好👍🏻男友表示飯夠熱，慢煮牛肉控制嘅時間很好，有咬口得來不韌，牛肉味也相當足夠😀😀配上日式牛肉燒汁+生雞蛋總括來說味道很不錯👏🏻👏🏻👏🏻CP值高，男友表示值得回吃👏🏻

Deadline fighter平時聽得多、做得多！今次要做Meat fighter !~香蔥頂級牛肉配海膽丼細嫩肉質嘅慢煮頂級牛肉，份量都不少。用到慢煮方式，咬下還有少少肉汁，啲肉仲有啲粉紅色㗎💗加上一小嚿新鮮時令海膽，全部都係豪華食材，非一般嘅牛肉丼😍角切魚生丼一次過多重享受‼️用料優質。混合三文魚、油甘魚、吞拿魚，仲有牛油果同蟹籽、日本雞蛋生蛋黃，堆到一個小山丘，十分豐富！咁多魚生都係$88，勁平🤭🤭🤭豚肉餃子餡料飽滿，餃子皮邊有少少脆，不妨加呢個小食過下口癮🤣紫薯鮮奶 濃厚嘅紫薯香味配上鮮奶，紫色好靚之餘，味道夠香甜~玫瑰荔枝梳打滿天星和荔枝作裝飾，好靚~水果梳打玫瑰清香滲甜，女士必點~