聯記川王涼粉 (已搬遷) 新店位置

聯記川王就在時新快餐店的隔隣, 黃埔街口位置, 因很嗜辣也喜歡吃麻辣, 所以在雜誌介紹聯記川王時; 第一時間往一試, 我吃酸辣粉當然要大辣啦 !聯記的老板一看就知是廣東人, 但老板娘就不折不扣的四川姑娘了. 所以所有的食物都是由老板娘泡製. 酸辣粉也算貼近我在深圳東門吃到的味道, 但本人覺得麻辣度還差一點點, 配料也不及東門的豐富 ( 花生.肉碎等等都比較少 ) , 但吃過不少不似樣的酸辣粉, 所以聯記已算很好味了. 但記着一定一定要外買回家慢慢嘆, 不要堂吃了, 全無環境可言, 夏天熱死, 冬天涷死 ! 我也發現到在黃埔街中間有一間米線店 (忘記了店名: xx 米線 ) 也有酸辣粉及川式小吃的, 味道也不差也算正宗, 打聽下; 原來老板也是四川人, 如想坐得舒服一點有冷氣嘆, 在吃得辣辣哋麻麻哋時想飲番杯冰涷飲品中和, 這米線店是不錯的.

成日喺openrice睇到好多人都話聯記川王正，小女又非常好食四川麻辣....所以前日晚一個女子膽粗粗一個人去會一會川王。講真地段都幾難搵，我係紅磡(差館里)都問咗三次路先搵到...原來係喺大酒店...大對面...嘩...一去到已經索到一陣陣麻味...正!二話不說...即刻落order啦..外賣...(成晚order係大辣)1. 酸辣粉 - 好正，啲粉好有口感...個湯正又香又麻又辣....GOOD!!2. 北川涼粉 - 我就覺得麻麻，因為啲粉好易碎...同啲撈嘅醬冇酸辣粉咁濃味....3. 口水雞 - 事實上OK...冇咗啲麻辣醬都食到啲雞有咸香，應該唔係白烚撈醬，有HREAT!4. 麻辣牛脷 - 望上去好乾加唔似牛脷，似豬脷多啲，不過食落真係好有牛味....正!5. 蒜泥白肉 - 雖然呢味唔係最辣，不過係我最欣賞嘅...佢唔太麻同辣(不過小女子好喜歡麻同辣)，但係味道係最好...冇得用文字形容....MUST EAT ITEM!!我一定會再幫親，不過一定外賣....事實堂食真係環境差啲。

呢間野我想試左好耐架喇~不過之前想試既時候撞o岩佢每個月21~27既例假吊癮吊左好耐喇~今日打去知佢有開門就拿拿聲同老公同埋個friend坐的士去食喇~嘩~果然係名不虛傳d野真係好好食呀~我地試左好多野呀~我叫左個北川涼粉之後我地仲叫左蒜泥白肉呢個簡直係我最愛呀~仲有紅油炒手呢個就ok好食啦~唔算太特別仲有仲有就係口水雞喇~呢個就又好味好抵食$40勁多雞正呀~老公同個friend就各叫左一個酸辣粉同埋麻辣米線老公食大辣都話唔辣朋友仔就少辣都話辣到飛起呢到鋪仔細細但野食既種類就非常之多鍾意食辣既朋友真係不妨一試

食燒烤羊肉味串串香 涼麵 (小辣) $18麻辣牛脷 川北涼粉 (中辣) $19紅油抄手 (小辣) $20評燒烤羊肉味串串香 - 是素串沾著羊肉味兒，我覺得不是太出色涼麵 - 是小辣但因為麵本身比涼粉吸味，吃起來也有吃到麻辣的味道，而且那個麻辣做得很出色，雖然是小辣都吃到麻和辣兩種味道，而麵的質地我覺得很好食麻辣牛脷 - 這個真的是麻辣，愛吃辣的會覺得吃著很過癮，而且麻辣的味道沒有蓋過牛脷本身的肉味。牛脷切得很薄，但不是很腍的那種，所以吃起來有咬口。川北涼粉 - 滑滑的質感，不是太吸味，所以叫了中辣都覺得不夠辣。不過呢，其實這種涼粉的質地很特別，喜不喜歡好睇個人口味，我覺得可以，但因為嗜辣所嫌不夠吸辣味。紅油抄手 - 一共十粒，其實相當抵食。食完之前兩個辣麵/涼粉之後，這個小辣我只吃到麻而不覺辣。抄手的皮和饀我都很喜歡，總括來說還是很讚的。

本人不是吃得太辣，但都喜歡吃少辣，因為野味Ｄ。。。。尋日係朋友介紹之下去左食聯記川王，叫左痳辣涼麵，水煮魚同埋水煮肉片，３種食物都很辣很辣.....但係吃落又辣得幾過瘾......愈辣就愈想吃......水煮魚比水煮肉片好吃,因為肉片有點＂梅＂，　不新鮮。總括來說仍是好吃的！

尋日收工要去火車站，由於時間未夠，再加上火車站同公司好近，所以就行過去。行到去黃埔街行人天槁底下，聞到一陣好熟悉既味道，我至愛既重慶酸辣粉本人自從係深圻東門食過之後，一試難忘，次次上去都一定要食返一碗先不往此行。仲要一定食深圳東門九龍城廣場下面個一間八哥先得，因為係東門食左好多間都係個間至好味係香港都有食左一兩間，之但係完全唔得囉．．不過聯記就唔同，好似好相近。好好味！！佢既店雖然係一ｄ都唔討好，不過勝在夠風味，無得頂．．．．

好耐無係度再寫食評。但係食過依度既水準，唔出番句聲都唔得。 好掂，以價錢及質素來講。我主要食粉麵的，所以試過了涼粉、米涼粉，酸辣粉等。以依個價錢依個水準，一定要俾隻手指公佢 而個別小食亦唔錯，例如涼拌類，青椒皮蛋等。辣子雞亦出色；反而食過一次毛血旺米線，個湯底卻嫌淡左d，攪到d肉都唔入味，失敗。如果唔喜歡番大陸食川菜但又好掛住果種麻辣味既(好似我咁)，依度一定啱你。記得買完拿拿聲飛的番屋企食。果度果兩張檯太簡陋，都係番屋企歎舒服d

食完時新行過見到呢間好似好吸引, 因此又坐低食下.叫左雞絲川北涼粉, 酸辣粉, 蒜泥白肉雞絲冇咩味, 但川北涼粉的辣油好好味, 雖然我口唇痺晒但都唔願放棄酸辣粉味道不錯, 但我個人認為 d 粉唔夠大陸 5 蚊一碗果 d 咁煙韌, 但都很好最後蒜泥白肉夠凍, 好好味, 好好好好味, 蒜泥夠幼細, 都好夠辣, 但係真係辣到我頂唔順, 要打包返屋企 , haha, 但相比起大陸的小店, 呢個價錢就不太便宜了. (雖然在香港來說還是很便宜的)見到隔離檯叫左個辣子雞, 勁香, 下次要試~最後叫左個涼茶,又幾解辣,不錯 下次再黎食第二 d 小菜!

虽然环境一般但味道真的不错最好吃的是夫妻肺片~!!口水鸡很入味鸡也很滑肚丝ok酸辣魔芋口感很特别炸酱面就一般拉~不过分量不够大拉不够喉.....

好少去紅磡的我看到openrice的食評後, 心思思要去一趟. 去到果然比個環境嚇一嚇. 叫左川北涼皮, 是正宗川味, 花椒味強勁, 食完個口痺晒. 因為個環境太嚇人, 所以叫左個口水雞外賣番屋企. 一打開, 份量好多呀, 幾十蚊可以有咁多, 成本好平? anyway, 味道好好, 雞都算滑, 不過好明顯係雪雞. 總括一句, 抵食. 但再三奉勸各位去之前要有心理準備. 踩高跟化行粧的lady不宜造訪.

與朋友在時新吃個半飽，便試試隔壁的川菜不要對環境有任何期望，老實說，邊吃還邊擔心有異物爬上我那穿著涼鞋的腳本來想試一試紅油抄手（我不太懂川菜，便打算叫隱陣的食物)，但竟然沽清了本想叫雜誌介紹的涼粉，但又不太清吃冷盤最後叫了麻辣牛肉米線一碗（小辣)米線不多，但頗滑，牛肉有四小件，但賣相不佳，沒有吃，麻辣湯底OK，並不算辣但由於份量不多，$18感覺不是太抵

我同女友都幾鍾意食辣野,而聯記有咁多個笑樣,咁o岩琴日經過所以就去試一試.先講舖面,係一間好細o既地茂式快餐店,坐位總數相信唔過20,當然坐位並不寬落.不過出乎意料o既係陸逐有人排隊等位或者買外賣走,所以未食已經感覺到應該唔會點差.我地叫左雞絲米涼粉$17,麻辣牛肉川北涼粉$17同埋口水雞. (唔記得實際價錢, 大約係$40)米涼粉係一粒粒o既,好似涼粉粒咁o既形狀,個人認為比較硬身另外因為切成粒狀而唔夠入味.至於川北涼粉,一條條幼身o既,好入味,個人比較鍾意.口水雞味道很好,雞很滑,仲好大碗. 不過有樣野又係可能因為個人喜好問題,覺得唔係咁好,就係d雞件裡面有雞頸兩件.其實我覺得最出色o既係佢地o既麻辣味道,係又麻又辣又香,並唔係一味得個辣字.總結來講,價錢超值,食物水準高,遺憾o既只係地方較細.

遠征大東北後, 坐火車來到紅磡。這天居然沒有衝動去吃時新, 因為我的辣癮又給挑起了, 首選當然是來這裡。由於這兒鄰近理大和火車站, 而且在吃和等吃的人群中, 除了老闆、一位廚工和小妹之外, 無一不是說普通話, 感覺簡單是返了深圳。(加上甚有嗆勁的辣香, 其實話去了四川都得!)買了著名的兩道涼菜: 川北涼粉($14) 和涼拌米涼粉($14), 打算外帶回家與家人分享, 故都只要了中辣。等著的時候, 見老闆是密密做不停手, 人們也顧不了儀態齊齊擠在店子(應說是攤子較恰當) 的簷蓬下開懷大嚼, 好不豪邁。難怪老闆自稱川菜大有可為, 非要開班授徒特許經營將之發揚光大不可。等了約10 分鐘終於拿了到手。乘公車回家時盒子裡的辣油滲了出來, 一時間整個車廂充滿了麻辣的氣味, 使我好不尷尬, 也說明了川王之名不是亂蓋的。好, 說回兩款涼粉。川北涼粉應是綠豆粉造的, 近似粉皮的質感不過是較厚身的條狀, 咬下有微微QQ 的感覺; 至於米涼粉就是切成小方粒的米糕, 口感較綿軟, 兩者是大異其趣, 個人認識川北涼粉跟辣油較為搭配。至於涼拌的辣油則兩者都是差不多的味道, 不算太辣(OK 我有名你叫, 我係幾食得

之前新年假佢冇開大半個月=0=碰左幾次門釘...今次終於食到喇!其實我唔食得辣=__=" 黎呢間出名食辣野的好似蝕左...叫左個五香牛肉面~ 其實佢個面好香! 唔似出面d普通貨式...湯底唔知係咩, 但係好特別~唔係普通的雞湯呀咁~ 味道夠濃! 我d fd食辣, 佢地話好好食! 如果怕的話可以叫少辣!~ $18一碗~不過我就略嫌細碗左d...食完都唔飽ge...T^T

本人同女友都是愛吃川菜的人. 一個月會專程去深圳食川菜, 什麼巴蜀風, 老院子, 華神火煱都有我地吾小既腳毛.看了這裡和magazine的推介, 今日去在一試. 一去到已經聞到我地熟悉的麻辣味, d坐位full晒, 但我地好樂意等. 好快就有位啦.吃慣川菜, 也不用什看menu便叫了酸辣粉, 辣子雞, 麻辣牛肉, 夫妻肺片, 麻辣玉米豆腐和酸辣炒土豆絲(我地真係好大食之人) 總結黎說, 樣樣都好正, 比得起深圳d一線川菜管. 唯一可做好d是辣子雞同麻辣牛肉, 辣子雞deep fry得吾夠乾身, 無扑扑碎口感, 麻辣牛肉比我地食過最正既差d, 因為d麻辣無滲入d牛肉到(可能整時先把麻辣放在牛肉上啦)走時叫了口水雞外賣(星期一可帶飯反工時吃).. 偷吃了一口, 十分正. can't wait till Monday lunch now.地方係差左d, 不過我地草根市民, 無所謂, 好吃同價錢公道就得啦.下次有空一定會再去食.