聯記川王涼粉 (已搬遷) 新店位置

有次到深圳食過八哥酸辣粉~好正~自此愛上吃酸辣粉!所以知道香港有得吃!便去一試~果然有水準呢~它的酸中帶麻,粉亦很滑~各位愛吃辣的朋友非常值得一試!

本身不吃辣, 這天膽粗粗與同事走來吃, 試了1. 蒜泥白肉(小辣): 味道好好味, 唔嗜辣的我都話正.2. 紅油炒手: 本身雲吞做得好好味, 但試了一只後, 咀唇勁麻(仲要麻到足足幾分鐘都無晒感覺), 辣得我大汗直標. 個食得辣既同事反而食到猛話正.3. 酒釀糖水: (惟一唔辣的) 即煮即做, d酒釀勁香酒味(我諗應該係自家做的), 加兩只荷包蛋, 好好味.雖然地方up得d, 爭d連位都無, 但真的好好味, 下次一定再來.

也是吃完時新的另一天，順道來幫襯。知道這裡有米涼粉吃，此品已甚罕見，便一心想來吃。那知店主告之是日沒有得供應，唯有退而求其次，吃川北涼粉。只見店主用一有孔的刨子，在已熟的涼粉糰上刨下一絲絲的涼粉，再加麻加辣，加生蒜蓉及蔥粒，就成一碟麻辣兼備的小吃。這個涼粉是用碗豆粉做的，同文專兄說的對，正宗的口感是腍腍散散的，如做成煙韌彈牙的話，就不地道了，這裡的是正宗的版本；味道方面，要了加辣，果然是頗辣的，加上花椒粉，是麻辣得冒煙，加上生蒜及豆醬的香，相當不錯。也要了一碟涼伴芽菜，也是要了辣的。味道跟涼粉一般的麻辣，但卻有不同的口感，芽菜夠凍亦爽脆，也不錯。吃罷兩碟麻辣菜，連喝兩杯涼茶，作為褪熱之用。埋單29蚊，價錢經濟，亦有特色，值得一試。除了涼菜，還有幾款即叫即炒的川式小炒，看來也不錯。要一提，這裡只是個街邊的小檔口，檯及椅都擺在路邊，環境當然不會太好。要求坐得舒適的，要三思才幫襯。

試完時新, 未飽, 當然是試埋人氣的「川王」~胃口不大,只吃了麻辣粉, 還要大辣。第一口已覺得不太辣,老闆見狀, 替我加上大量的麻,那水晶狀的粉條林林的, 不太煙un,除了麻麻的感覺以外, 其他味道也嚐不到;而拍黃瓜則不是「拍」而是「切」的,似乎不太正宗, 但味道還可以,它的招牌辣油放在什麼食物都會一樣好味。價錢廉宜, 還吸引到許多在理大寄宿的國內學生光顧。有空再試別的菜式, 相信會好味又正宗的。

上次去時新，發現左呢間想試好耐既街邊檔叫左川北涼粉（小辣）隻辣味好正，食完隔一陣先開始麻，麻到個嘴唇o係度震XD但個辣味keep到一陣就消左不過D涼粉好碎濕濕之後叫左個紅油抄手（小小辣）D抄手細細粒，個皮好長好滑D餡好足料都會特登再黎食因為好多野未試^^

時新隔鄰就是聯記川王，一晚中可以一口氣試了兩間人氣食肆。一家街角的細細舖位，座位只得七八個，稍遲一步也沒有位。期間人流川流不息的，可見水準應該也有保證。餐牌上的選擇不少，一時間難以消化，最後選定了大辣的酸辣粉加了四川芽菜、麻辣豬脷、雞絲及燒羊肉串。一大碗滿滿的，食了面層的"食送"後，粉才出現。四川芽菜是老闆推介，味道鹹鹹的，口感有點似雪菜；燒羊肉串原來是豆乾來的，用了羊肉的香料來醃料，味道及口感十分像真，說是真羊肉也相信。終於吃到酸辣粉了，粉質爽滑，但煙韌口感不太大；而大麻辣湯底，味道香濃，但其辣度對我完全沒有難度，而麻的程度亦可令口舌發麻，如果再加重份量就更加滋味。老公的小鍋米線加了腐竹、豬耳、魔芋及又是老闆推介的香菇肉末，米線也不錯，幾爽口；魔芋腍腍的，缺乏煙韌感覺。再來一碗酸菜蛋花湯，材料十分豐富，酸中帶點辣。老闆非常隨和，好主動詢問客人需要。

今日經過聯記，因每月它休息七日，今日休後重開，哇，價格又漲了，吃這家開始已漲了好幾次，涼拌菜半年從二十二漲到二十五，今日又漲到二十八，哇，它常常休息後會有新菜，但增新菜時，連其它原有的也一起漲，如此漲法真會嚇壞人，不能因為生意好就一直漲價啊!老板己賺很多錢了，價格實在益街坊比較實在!

在附近上班，偶然路過被那陣麻辣的味道吸引，便試一試這家其貌不揚的小店吧!走到櫃位，竟然碰見內地同事在等外賣。內地同事知我第一次來，就問店主(大概吧?)有什麼推介，店子也很友善的推介了一道「乾煸大腸」。乾煸大腸炒得很香，但不算辣。大概因為是第一次幫趁，所以佢減左辣啦。下次可以試其他款式。廿零蚊有一個即炒小菜、白飯同豆漿(雖然無乜味...)，仲想點?店子的環境就像大家所說的: 坐在街邊吃！坐的是摺椅、用的是即棄食具。但一個人要吃辣的話，以這個價錢各位能有其他推介嗎？去之前真的要有心理準備，這個一兩分的環境不是蓋的...

本身好鐘意食辣野, 由其是麻辣, 直情無時無刻都心思思想食^^呢間"川王"係我喺香港食過最似樣既四川食店, 雖然舖頭環境真係好唔得, 但佢d麻辣真係夠哂勁, d花椒味好香, 真係拍得住大陸o個d (當然仲差少少).........極度推介佢既紅油豬耳同酸辣粉, 食得辣既朋友不防試下佢既大辣, 絕對唔會令你失望架!

本來與數位素未謀面嘅網友去「時新」食漢堡包，相約星期日晚上六點見，點知...1. 「時新」柵咗門2. d網友無晒踪影咁聯記係正「時新」旁邊，都到咗囉，即仲會會佢啦！叫咗三大個發泡膠盒：1. 中辣紅油肚絲套餐（包括豆槳、白飯同兩條西生菜）似樣喎！唔係淨係得個死辣，而係有花椒嘅麻香，肚絲又有口感，得！2. 酸辣土豆絲自從十幾年前係北京食過之外，一直都四圍搵黎食，紅磡詠黎園都可以入口，不過呢個真係得！呢個菜係應該比較清爽，呢度做得酸辣剛剛好，薯仔絲又脆，正！雖然地方真係差d，而且d白飯真係馬馬虎虎，豆漿又唔夠濃郁，但係d涼菜同小菜真係得。下次黎到呢頭，真係魚與熊掌，佢同「時新」究竟食邊間好呢？？

今日心情很好，一次過食了想試想食的食物。上次專程到此店，但竟『摸門釘』，今次終於一嘗所願，川菜我吃得不多，在重慶吃過就喜歡了，念念不忘那種麻、酸、辣的狠勁，在香港就食唔番，可能食到的都好貴又或者要一班人食私房四川菜，食辣嘢我是寂莫的。而家不同了，不用太貴，味道又狠又勁，不過環境就真係差D，不過我一定繼持支持，希望佢D價錢唔好加得咁快，如各食客有興趣，要留意舖頭每月21-27號休息7日。

成日都係呢度見到介紹呢間四川野, 今日特登去買外賣返公司食!本人叫咗水煮魚大辣, 但都唔辣, 因為我都幾食得辣! 有D 唔夠喉, 因為鍾意食辣既人, 如果D 野唔夠辣, 就唔食好過! 至於味道都OK, 但如同大陸個D 比, 都仲未夠班, 只可以有佢既神髓! 咁係香港嚟講, 食到呢D 野都好過無LA!同事們叫咗紅燒豬肉同川北涼粉(少辣), 兩款都叫做勉強過得去LA! 唔知係唔係我要求高呢?

見openrice對此店評價不錯,專登黎試食。去到間舖,先發覺原來呢間舖係我同女朋友成日都經過...-___-...但一直覺佢好「Up Dup」...所以冇理過...見佢好似係四川菜,而我同女朋友都算得上係食辣之人,就專登叫o的辣野,試下辣。叫左個重慶酸辣粉(大辣)($14 ?唔太記得),麻辣牛肉($25)。順帶一提,見黎呢間店食既好似多係內地人咁,仲要見到有o的人不斷食辣椒,感覺呢間野真係會好辣咁。終於黎齊o的野,下條天橋底下坐底食...仲要有o的雨打下入黎...-___-...先食個酸辣粉,um,都真係okay辣,但又唔會話食唔落,特別因為佢一o的都唔攻鼻。不過絕對做唔到好似平時食麵咁好順暢咁食。不過女朋友就話同佢o係北京食o個次既辣度真係差無數倍,o個次佢係食到唔想食咁辣。之後食個麻辣牛肉,真係好,係凍既,易入口好多。不過食落去一o的都唔覺辣,不過開頭又真係太睇小佢,食左一陣後,發覺條脷係痺左,我都係第一次有咁既感覺。不過都好易就食哂。總體黎講,okay啦,香港黎講都真係算幾辣架喇,但由於食既時候只係挑戰下自己,唔會話太享受。

星期日下午同男友仔專登揸車黎食..去到真係大左個突,,間野無冷氣,,仲有好多人係條街食,,,嘩...大熱天時仲要食辣野.....不過唔緊要..我決定外賣拿走...我見到個餐牌,真係三心兩意....最終選擇左酸辣粉,,佢問我要大,中,小辣,我心諗佢可能要就返香港人口味小辣會無料到,咁所以我就簡左中辣...另外要左個麻辣豬肚,,都係中辣..全部拿上車開住次氣食,,我一食就知"奶"野,,中辣...真係好辣下....最衰我有粒"飛之"..算數,,照食...幾香下..不過唔夠酸,,麻辣豬肚...幾多芽菜...味道OK架..其實我覺得味道同大陸係有分別架,,大陸既仲要更加香,,更加好味,,價錢貴大陸幾倍,,不過算啦..唔使返大陸咁遠都食到,,其實D間野都唔錯,,不過下似食真係要叫小辣...

以前食乜辛辣或帶微辣的美食都會帶來痕癢同皮膚敏感給我，但自從發現聯記川王之後呢個後顧之憂就一掃而空，因為食完碗酸辣湯粉後不但無身痕現象，就連嘴部紅腫的問題都無出現，真係神奇，更令我從新勾起食辣的興趣，講返個粉本身，口感夠彈性，食味頗濃，最岩我呢種好重味道者，跟著再來一碗川北涼粉，口感比不上湯粉，但味道一樣的一流，如要選食辣菜，這間食店是我的必然首選，正