聘珍樓 (已結業)

Sunday lunch:蘿蔔糕:多油，但煎得唔香．有Ｄ凍．韭菜餃：重多油，但亦煎得唔香．棉花雞：雞肉有雪臧味．沙羌鳳爪：大隻，但唔’淋’；亦冇乜沙羌味．豬潤燒賣：豬潤還豬潤，燒賣還燒賣．豬潤有Ｄ’鞋’．土豆絲：不倫不類－有大量雪菜，日式辣油．土豆煮得太耐－唔爽口．菜乾蚝豉粥：ＯＫ．原來賽馬日食０野難食Ｄ　０既傳說係真０既．

中秋過後,剩下來的月餅貨尾可不少,其中一員是聘珍樓的單黃白蓮蓉.阿梁於馬交遊的船程上,將其解決.餅皮色深褐色,質軟;切之,未見漏油,幸好白蓮蓉細滑且甜度恰當.

有幸贏到公司USD800的晚餐獎賞，當然要與同事吃頓好的。放棄了吃名氣、派頭，最終決定到老闆讚許的聘珍樓，吃些平日不會豪點的鮑翅吧!　聘珍樓算不得頂級高端食肆，然而其格調又比一般中價酒家行高一線。一早訂下貴賓房，店方還會在房外為賓客題字留名，細心體貼；偌大房內一行八人舒服安坐大圓檯，坐享清靜雅致氣氛，環境一欄自是比大廳優越許多。　點下了全店最名貴的吉品魚翅餐，六道菜索價每位$630；驟眼看餐單內容不算豐富，但吃著吃著卻是預期外的飽足呢。　首道菜是表演性最強的火焰醉翁蝦，據說外國人愛煞此味。侍者會捧來一盅內鮮活仍彈跳的大蝦，然後慢慢加進玫瑰露；酒精作用下，蝦隻紛紛亂跳亂蹦，狀甚激烈，惹來無限猜測--牠們到底是辛苦，還是興奮?約浸十數分鐘，蝦隻早已盡數醉掉，侍者再來點火燃燒，牠們已不懂反抗了。火焰溫度不低的，努力保持良好笑容的侍者也忍不住皺起眉來，然而燃燒過程只需三數分鐘，醉蝦就大功完成，等侍者在奉菜檯分好菜式(全晚菜式都是分妥上檯)，就可以上檯了。趕緊趁熱享用美食，發覺蝦頭酒味極為濃郁，幾可醉人；蝦肉則是預料中的鮮美爽脆，入口還帶微甜酒香，我喜加以辣味醬汁佐吃，甜辣交錯最為滋味!　接著是

呢晚老友大喜之日，延開二十席於聘珍樓擺酒，掟他高興﹗難得一大班成年不見的朋友相聚一堂，在酒精的引導下叫嚷嬉戲在所難免，成晚傳來吹吹頂頂三公密實之聲﹗第一味是乳豬仔，隻豬真係好細隻，皮薄夠脆口但唔太入味，得個脆字﹗再來沙律蝦球，蝦肉夠爽又彈牙，味道微酸我幾鍾意呢個餸﹗及後仲有帶子蝦餅，帶子吃得出清甜，蝦餅個賣相的的骰骰幾精緻，不過又係無咩味咁﹗蟹皇翅夠足料，啖啖蟹肉，翅身針未夠厚卻分明，誠意之作‧魚我就唔食不過見老友食埋我0個碟連骨連頭都食埋，應該夠哂新鮮了吧﹗鮑魚細細隻，切落夠軟熟，咬落亦彈牙有嚼勁卻未見糖心，普普通通吧﹗最差係隻燒雞，個碟就大隻雞就細隻，無肉又乾皮又唔算脆，呢味野真係麻麻地﹗最後仲有炒飯同埋水餃麵，個炒飯反而做得幾好夠乾身，身旁的老友餓狼上身食左四碗。甜品係桂花糕加蓮蓉碟，不太甜我就最鍾意﹗整體上呢度0的食物都做得很精緻，不過真係無咩味，亦未見得係做到靚一靚可以食到原味。服務方面，待應都算係即叫即到，幫到手之餘仲好鬼玩得添，唔錯﹗老友大喜日子，那有不笑口之理呢？

Join the jetour tour this CNY, their tea party is held at Heichinrou for yum cha! First time ever for me that a tea party is held at restaurant and not just function room with snacks.I love the entry, they have those crystal golden ball and feather pillar, it's like those grand wedding banquet entry hahaha. I thought it's for function, but i guess it's the way they designed their entry. i love the environment! century egg + pork congee* not too much egg* a lot of pork shred* slightly salty st

1 片皮鴨 A 皮(最正) :從未食過水準咁高的片皮鴨﹐皮脆味又勁正﹐無肥羔。正呀﹗﹗遠勝鹿鳴春etc。B 鴨鬆﹕如題﹗調味品落得太多。鹽糖太勁。我又唔介意高糖重鹽等健康品題。可惜就調味搶過鴨鬆味道﹗﹗﹗﹗﹗敗筆2 花膠東菇湯﹕幾清﹗唔錯。3 黑雞(鄧)魚翅﹕D翅唔夠多。煲湯杰撻撻。應該落左好多)麵粉。食翅都係西南好。鹿鳴春翅的份量都多過佢好多。味道又好好多。連泰國翅的翅都勝呢間。簡單講﹐魚翅份量唔夠人地黎。味道呢﹐點計都贏唔到。以呢個價錢﹐咁多份量﹐係一個失敗。4 蟹肉豆苗﹕本來兩個食材唔錯。可惜又係如題目﹐竟然食唔到菜味同蟹肉味的分野。原因-->調味品味道蓋過食材咪道。真失敗。5 (疆聰)蠔﹕味道唔錯。幾大隻。可惜加埋得5隻。份量唔夠。埋單﹕$2,400+ 3個人﹐ 1 人$800左右結論 ﹕呢間食材幾好。味道唔錯。調味品精進為最強項。可惜店家沉迷於最強項﹐竟然令到食物味道被搶﹗﹗﹗﹗﹗﹗失去本身最重要的食物味道。份量唔夠﹗﹗﹗地方環境唔錯。服務OK﹗順帶一提﹐唔收開(平)費﹐值得一讚。不過考慮價錢﹐一D都唔平。建議﹕一定要叫片皮鴨。隔離(台)條魚呢應該係套餐﹐街市$80-

0係上個星期設宴7圍,早於3 個月 前已經訂枱,期間因一些鎖碎事曾多次致電查詢,聘珍樓職員都一一細心解答,設宴當日,每個細節職員都事先提點及細心跟進,本人及家人都非常滿意食物方面都十分滿意,尤其蒸魚及脆皮雞,有客人把一條蒸魚 take away, 第日翻蒸都十分好味, 紅豆沙又多豆又唔甜, 好好味.最欣賞係埋單時都唔要求貼士, 當然由於服務態度好, 我0地都有給額外貼士

朋友結婚請飲，食物ok，服務就麻麻地，上菜的waiter是新仔，阿姐叫分翅先識得分，上菜上到四圍都係，分飯分到最尾，竟然整碟拿倒落個碗到，認真失禮。友人告訴他個碗有頭髮，他竟然用手去執，我們說不如換左佢，佢竟然用我面前的布抺手，認真核凸。倒茶時還燙到我的手，都不知是有意定無心。

同事結婚, 雖因和他不太熟, 但也恭祝他和新娘子白頭到老.服務不太滿意, 間格也不太四正, 食物也普通.乳豬真是細豬, 雖不太熱, 但皮脆肉嫩.炸蟹鉗比較油膩.魚蒸得剛好, 魚肉嫩滑.伊麵無料兼油淰淰.可能傷風, 食乜也淡而無味.

呢個商場, 平時行地庫時裝店就多, 好少會走上樓上. 今次第一次由媽媽帶路下, 二樓呢間聘珍樓. 地方唔大, 裝修好靚, 就連碗碟餐具都好靚, 仲有親切滿帶笑容服務, 第一個印象真係好好!菜都無令我失望.冬瓜盅- 由殷勤侍應幫我地分好一份份. 天時暑熱, 冬瓜肉甜又多水, 配料好足, 湯又好味, 個個食完一碗都話要再添呀!京都肉排- 送飯最好, 汁好惹味, 肉質唔會太, 好味道.花膠海皇煲- 花膠好厚身, 質地好膠, 好正! 話明係海皇煲, 就真係有好多海鮮, 斑片,蝦球,魷魚等, 絕無欺場!雖然每碟份量唔多, 價錢就同普通酒樓差唔多, 咁有裝修同服務補數, 每人都係百幾蚊, 個個都飽啦, 都算抵食呀!

今年打破傳統，團拜唔食buffet，改食中菜。一來我o地人多關係，二來每碟份量唔大，我o地可以試了好多款。燒味併盤-叉燒、燒肉及海蜇，叉燒好蜜味，肉質鬆化、燒肉皮勁脆，肉又嫩，肥膏不太多。大家都唔夠喉，再追加多一碟。銀雪魚球煲、鮑魚一品煲、枝竹炆班南煲、梅菜排骨煲，一口氣叫了四個款煲仔，不負眾望，非常入味，食完亦不會口渴。越鄉燒雞、南乳吊燒雞，其實兩款雞都是差不多，只是醬汁有所出入，皮脆、肉算是有雞味。中式煎牛柳-由於洋蔥墊底，吸收晒汁的精華，洋蔥非常之好味，可借牛柳一點都唔好食，口感有d點似漢堡扒，肉質好鬆散。銀魚醬肉崧四季豆-又是一碟野味菜，用來送飯一流。咕嚕肉-雖然我沒有抱期望，但真是全晚最失敗之作。其實甜酸汁是調教適中，可惜炸得不脆、肉又腍腍的。薑汁炒芥蘭-這碟是第二差，雖然芥蘭好嫩，可能煮得好腍，而味道較甜，沒有薑汁味。楊州炒飯、咸魚雞粒炒飯，兩款都炒得非常之好，唔油、唔會好濕漉，而飯粒是爽口的。加埋一枝house wine，埋單每人唔駛200，最後還送了一鍋楊枝甘露。今次又是我提議，幸好屋企人個個贊食物水準、環境及服務唔錯，金豬年第一餐晚飯，總算放下心頭大石。

由細個開始阿媽帶住周圍去飲茶, 都去過唔少地方...然而去過咁多間...我心水只有兩間, 呢間聘珍樓就係第一選擇了!無論環境,食物, 服務, 樣樣都做得好好。環境方面, 抬與抬之間唔迫,唔洗驚後面撞到人地, 而我來過這裡好多次,我發覺呢度無論坐滿人的大廳或房,一d都唔嘈,d人好斯文的(有時有幾抬大陸客就例外吧...), 地方都好乾淨,大廳的燈光稍暗, 都幾有格調。食物方面,我只談午市吧, 點心選擇都不少的,而且好精緻, 記得叫人俾碟XO醬或蒜椒醬(不過好似要十幾廿蚊碟...), 有佢酟下真係正好多! 有樣蒜椒醬煎東菇,必食!!另外,普普通通的炒牛河, 沙薑雞腳, 都做得好出色!服務,經理級果d就好好,傳菜阿姐都好好,反而房入面後生d的服務員就嘛嘛,要少少野就黑黑地面, 同d經理講下後佢都好識做, 送返好多甜品..D甜品都唔平的!食過好多次,午餐大概一百蚊位。價錢與質素相比,一d都唔過份~食得好開心~不過一定要book抬,唔係既話就要係出面的梳化坐好耐了~

其實我之前唔知咩叫試菜, 我曾經以為試菜係你決定係某間酒樓落訂之前, 去試下擺酒果陣會有既菜式, 睇下味道得唔得再決定book唔ook果間酒樓. 當然而家先知所謂既「試菜」, 其實只係指你普通去幫襯食餐飯試下果度D水準. 話說數月前民民(我未來叔仔?)簽佐張百萬大單, 於是佢地打算不如12月民民生日去聘珍樓食飯慶祝順便試菜. 後尾雖然張單就未簽得成, 但我地都照原定計劃去食飯. 我打電話去訂枱食飯都表明我出年07年會係度擺酒, 問佢我地黎食飯會唔會有咩special discount, 條友竟然反問咩野special discount... 我頂! 佢話用Marco Polo卡會有九折喎... 我地叫佐個每位$288既套餐, 有頭盤, 桂花蚌+蝦炒芥蘭, 翅, 海參鮑魚, 明太子炒飯同甜品. 頭盤: 有叉燒, 唔知咩菜類同牛展, 叉燒好好味, 好腍好軟, 口感完全唔同平時街買果D又靭又肥. 桂花蚌+蝦炒芥蘭: 桂花蚌非常爽口, 好食~翅: 勁掂, 好足料好有份量, 一D都唔稀. 阿娟佢地尋晚飲完, 佢地話呢個翅好過佢地尋晚去飲個翅多多聲. (如果我地出年擺酒果陣個翅都係咁就好囉, 至少

約左朋友主力食飯傾計,原本約在旺角,後來怎麼想也想不到那裡食飯可以坐得舒服靜靜地又唔趕客.結果還是坐的士轉場來這裡.平時晏晝都有黎食點心,晚飯好像還是第一次.環境- 由個位到燈光都係幾舒服的.只是個別射燈位像"審犯".味道- 點了幾樣菜,賣相到味道都中矩中矩,唔突出,但可算中上.只於點咩,都唔重要,質素平均.同時佢地標榜的無味精,唔肯定係真的,就算有,都只會係好少好少,一路食一路傾,一D都唔覺口渴,間唔中飲啖茶濕下口己夠.服務- 坐了兩個幾鐘,頭大半段時間都有人在適當時候添茶換碟,唔會阻住傾計.只是近收場時段乏略了,可算是人之常情.抵食- 若想用$$全部化為食物質素,這裡的抵食度只能有"1". 但呢個價錢,計番環境空間服務,食物尚有如此水準,已是沒理由不收貨.3個人,舒舒服服有講有食,兩個幾鐘,$6XX,當$700剛好

(20/10/05) 同男友同事吃飯。高檔野,格調真的不錯,中式地方竟然有人彈鋼琴。四人套餐$888。有龍蝦沙律,有蜜瓜,哈蜜瓜,龍蝦,仲有大堆頭的沙律醬。蜜糖豆炒帶子,蜜糖豆炒菇,炸子雞,清蒸石班,以上我覺得係雞,同條魚好味,那兩個炒,都是一般小炒,同...好油。最欣賞是個上海煨麵,湯濃麵入味,雞肉,小棠菜切左粒,夾一"住"三樣野已在匙羮上,口感味道好混和。第一次來聘珍樓,今次是遲到,沒看過菜牌,所以都無乜comment。