聘珍樓 (已結業)

銅鑼灣近我d，但我最鐘意到太陽廣場聘珍，覺得食物最新鮮，同坐得最舒服。閒時都會同朋友食晚飯同飲茶，上星期先飲完茶~~食左佢出名的燒肉同蝦蛟~~燒肉大大推介~~個皮好正，個芥醬最正宗~~真的好正，仲食左兩碟添~~(兩個人都ok細食)~~加埋個靚靚蝦蛟~~好Q的皮~~但最最最重要的是酒是標榜"無味精"，宜家好難找的~食完唔口渴~所以推介~~有說覺得這店貴，我就唔太認同，始終這是日本仔開的中菜，我都是食過橫濱店(日本好出名)，才在香港食這間，用料聽講跟一般酒樓不同，除大陸入貨外，仲有係日本入貨，台灣朋友話聘珍對佢地、日本仔或者鬼佬來講，等於香港鏞記喎~~本人覺得始終是一分錢一分貨，當然平都可以食出好多美食，但如果唔介意俾多少少，又食到美食，又食到服務，又食到環境，粵菜而言，這真是不錯的選擇~

我去過聘珍好多次. 食物, 環境, 服務都非常好. 價錢係貴但一分錢一分貨. 唔可以同其它著通酒樓相比. 我最愛佢地既"wasabi 牛柳粒" wasabi唔搶喉, 牛柳入口熔化. 小小一碟油菜又係一讚, 係用雞湯焯菜, soy sauce 係用燒味油加落去的. 實在唔係間間酒樓做到的. 我有次食蛇湯, 收$80. 其實都ok啦. 真係好多蛇肉比你食.

開頭入去食野都幾好既﹗環境唔錯﹐野食都Okay﹗但價錢簡直係開天殺價﹗我地叫左碟燒味拼盤﹐味道都唔錯﹐但樣樣得果幾塊﹐都要成百幾蚊﹗另外叫左碟所謂既鮑魚波菜麵仲離譜﹐加埋都唔知有冇三塊鮑魚﹐夠膽死又係收我地百幾銀﹐不過都唔算離譜﹐最令人氣憤都係果碟傳說中既蒜蓉炒芥蘭﹐唔知碟野係"箱"左金﹐定係特登系月球或火星用穿梭機運返黎﹗要成$240一碟﹗我同過晒我D朋友講﹐話明比佢地聽﹐碟菜係"超貴﹗﹗﹗"問佢地估下幾多錢。我每個朋友都話﹕"超貴呀﹖咁我諗都要百幾喇﹗"我開頭聽到我D同事話超貴﹐我諗都係幾百蚊0姐﹗點知佢夠膽死話係$240﹗真係當我自由行第一次黎香港食野咩﹗跟住個Waiter仲話﹕“係呀﹗碟菜加大左﹐價錢冇錯架喇﹗"我差D想講句﹕"嘩﹗死喇﹗頭先碟瑤柱蛋白炒飯好似都加大左喎﹗咁咪要收$400﹗"Anyways,總之呢間咁既"yap"野﹐係唯一可以比美甚至係"明搶"過太平館$150三隻瑞士雞翼既所謂食市﹗

和國外回來的姐姐敘舊, 在尖沙咀行完一整天, 剛吃過許留山的芒果甚麼東東, 還未”落膈”, 大家都沒甚麼食欲. 經果太陽廣場, 看到聘珍樓的牌子, 印象中好像聽過這個名(可能是在openrice 看過食評?), 雖不知它是怎麼一間食店, 還是進了去~環境比想像中高級得多! 小弟無知, 原以為聘珍樓是像泰豐樓, 泉章居那些只重食物, 不重環境氣氛的食店, 原來卻是另一回事…看來我們是來錯了地方, 一看餐牌, 果然如此…好貴呀~~~ 我們原來想找的是低食夾大件的食店, 可是聘珍樓顯然是鏞記級的價錢…我們一行四人, 便點四碟小菜: 燒味拼盤, 椒鹽魚塊, ＸＸ雞煲和清炒什菜(他們有些較別致的名稱, 可是我記不起了). 每碟大約一百大元吧~ 連碟什菜也要八十元.味道是不錯的, 卻算不上是非常好吃. 份量? 當然是少啦. 以燒味為例, 一個百多元的拼盤只有五六件叉燒, 五六件乳豬, 幾片熏蹄和一”執”海蜇. 其他小菜味道也不錯, 像那椒鹽魚, 魚塊炸得鬆脆, 加上蒜蓉辣椒後更惹味非常.姐姐最後的評語是: “細路仔應該食返細路仔野”. 說得好 下次我們還是去巴西燒烤, 大排檔好了.

唉.......諗住特登放假就去試下聘珍樓啦...點知book左枱去到仲要等位.....有冇搞錯.....唉...都算啦....入到去見到將點心紙都已經想死....竟然冇乜點心...離晒譜......d點心冇乜特別.........同其他酒樓差唔多.....d service又唔好喎.........我以後都唔會再去呀.......

一行六人去食晚飯, 叫個「良朋歡聚餐」, 共六道菜加個腊味粒炒飯。其實食物水準尚可, 最騎呢係D服務。唔係話D侍應無禮貌, 只係非常唔醒目: (1) 依家沙士又試圖回勇, 好多酒樓都識俾公筷, 偏偏聘珍樓無呢種意識, 最後要我o地自己去搵公筷公匙。(2) 食完第一道瑤柱羹又無人換碗碟, 要三催四請至有人換個隻碟食菜。(3) 想叫甜品, 侍應小姐話唔sure個佢有無甜品跟。Well, 我又無要求你送, 俾個甜品餐牌睇o下得唔得? 最後係搵o左個部長, 問佢要甜品餐牌, 佢竟然好細聲好鬼祟(附加眨眼數下)咁講「我送俾你地啦。」Fine! 我地要o左4個免費甜品之後都係堅持想睇甜品餐牌, 因為席中有外國朋友想睇甜品英文名兼諗住叫多兩種「收費」甜品。就係咁, 竟然發現?牌上o既甜品有50%都唔available! 可能因為咁個部長至唔願意俾個甜品餐牌我地………喂咁大間酒樓, 做個seasonal menu有幾難呀?? 埋單HK$1,320, 如果唔係食物OK, 絕對唔使考慮會俾個喊樣佢。

client lunch time 請食飯，一圍人要了套餐。個翅好足料，而個蟹籽炒飯亦好好味﹗其他菜如拼盤、西芹炒帶子等等，其實都不錯。特別是次前一天在逸東軒吃了一餐相近的宴席，但一點也不好吃(除了單尾的甜品)。(可能因為逸東軒那次侍應一早分好菜，拿上來時食品已冷了，而分鮑魚時更分少了一碟﹗)因為不知價錢，所以說不上抵食與否(相信應該不便宜)，但環境及服務都好ok。

同公司一班同事去食,食左3圍,d野好細份,"bud"埋每人一份仔就無得食,而且座位好迫,最好味係春卷,真係好鬆化好脆,其他點心就一般,收得咁既價錢,比d咁既食物,真失望。

我仲以為佢D 野好好味，放棄一天工作去試下。得到失望同後悔，早知賺埋一日D 錢，500 蚊食乜都好過食佢。