老鍋台式火鍋 (京都廣場) (已結業)

同朋友去咗銅鑼灣京都廣場食台式火鍋，點了二人套餐，咪睇套餐好似好少嘢食咁，到最後係食唔晒😂 餐廳座位都幾寬闊，店員亦會主動幫忙添加湯水👍 湯底揀咗 老饕酸菜白肉鍋，本身已經有好多食材係入面，有蕃茄，菇，粟米，腩肉，寬粉等，湯底酸度剛好，唔會太酸，好味道，寬粉吸收晒湯底精華超好味，但一定要盡早食，如果唔係一夾即斷開😅 肉類揀咗雪花肥牛肥牛質素唔錯喎，雪花幾平均，入口又有牛味 丸餃拼盤 墨丸、貢丸、魚皮餃同台灣蛋餃各2粒，丸類幾彈牙，蛋餃都係第一次食，原來入面包住既係調咗味既肉餡料，唔錯喎 五彩鮮蔬盤菜都幾翠綠，倆個人食份量剛好 米線幾彈牙，食埋真係好飽🤭 飲品  額外點 $28/枝分別係冷泡白桃烏龍茶及冷泡雪梨桂花茶，前者聞落有白桃香味，飲落即茶味蓋過桃味，後者飲落都係較為清淡，2款都係比較健康既飲品

老銅都真係好多嘢食, 地鐵出嚟見到樓上有得打邊爐, 就行咗上去.入到餐廳都見到勁多嘢食, 睇下睇下見到個自選午餐幾抵食, 又想食米線又想食泡飯. 最後都係冇打邊爐🤣🍲酸菜養生湯+飯+鮮雞肉+金菇 我會話係好食到飲埋湯嘅. 唔算勁酸但係飲落好ok. 唔會係飲完會口渴嗰隻~ 蛋餃我係第一次食, 呢隻餃皮都幾特別~🍜酸菜養生湯+米線+鮮雞肉+香菇貢丸+魚皮餃+酸菜勁勁勁勁大碗lo chisin🤣除咗米線多之外餸都好多. 鮮雞肉係嫩嘅雞肉, 份量又足. 大食嘅朋友真係可以trytry呢間. 冷泡白桃有咁大樽cold brew tea覺得開心. 味道唔係勁濃嘅茶仲有白桃味. 正~下次會想試埋打邊爐~

#銅鑼灣美食 ♡ 老鍋台式火鍋 ♡位於銅鑼灣既台式火鍋位置一出地鐵站對面就係好方便餐廳座位寬敞舒適見餐廳評價幾好食物質素有保證🥢𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧呢度有得簡2/4人套餐平日5折，星期六/日仲有7折✨湯底二選一，祕製麻辣火鍋/酸菜白肉鍋肉類三選一，雪花牛肉/美國梅花豬肉/嘉美農場雞肉丸餃拼盤（香菇貢丸、魚皮肉、墨魚丸，台灣蛋餃各兩粒）麵食類（可選米線/白飯）五彩鮮蔬盤❥ 酸菜白肉鍋酸菜鍋入面有大量豚肉、玉米、蔬菜菇類同寬粉，豚肉好爽口，寬粉索曬酸菜湯，湯底鮮甜又開胃👍🏻❥ 雪花牛肉🐂賣相吸引肉質好靚，卷得好精緻，雪花油脂均衡，牛咪濃，咬落去唔韌又多汁❥其他蛋餃同丸類都唔錯，蛋餃唔洗淥太耐，其實滾一滾就食好好食🥢𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧📍 銅鑼灣駱克道491-499號京都廣場2樓#foodie #hkfoodie #hkfood #hkrestaurant #hkig #food #foodpron #likesforlike #hktstfood #foodstagram #restaurant #hktstfood #美食 #銅

熱辣辣既天氣，邊個話唔可以打邊爐。呢間係銅鑼灣地鐵站出口既台式火鍋岩晒夏天但又想食火鍋，佢餐廳啲冷好及力，未食野之前都有啲凍。我地叫左個麻辣火鍋，真係好麻辣，我都算食得辣，但都要叫返佢啲冷泡茶止止辣。佢麻辣鍋入面有好多配料，例如鴨血、豆腐、菇類等，要讚一讚啲鴨血，一黎好大塊，二黎一啲都唔腥，算幾新鮮，口感都唔錯。我地揀左肥牛做火鍋料，佢啲色澤好唔錯，切得好薄身，滾一滾就食得，係出色。佢個麻辣鍋本身有超多香料，所以其實放落去啲食物煮熟完都好有味，都可以唔洗沾豉油，值得一讚。

火鍋以外的養生米線 銅鑼灣老鍋台式火鍋喺銅鑼灣嘅老鍋台式火鍋除咗台式打邊爐之外，原來午餐時段都有養生米線食㗎！嚟到台灣餐廳食米線，湯底當然係台式嘅養生湯啦，但餐廳都搞搞意思，喺湯底加上酸菜或麻辣，令味道更有層次。台灣蒜香腸份量好多，煎過嘅香腸好香口，蒜味香濃。酸菜養生湯米線配料就揀咗鮮雞肉、豬腩片同鴨血。整體份量算多，但鮮雞肉就唔建議大家叫喇，因為雞肉好淋，完全無口感、相反豬腩片肥瘦分明，口感唔錯、而鴨血唔散，入口好嫩滑，好好味！至於湯底嘅配料就加咗酸菜，其實味道有啲似韓國泡菜，令本身甜甜哋嘅養生湯底，酸酸甜甜，夠晒開胃。麻辣養生湯米線麻辣湯底無得揀辣度，呢個位要扣少少分。至於麻辣湯底少少少少辣，另帶有少少麻香味，同樣地養生湯底本身甜甜哋，甜甜辣辣，夠醒胃。至於配料就揀咗雪花肥牛、蜂巢牛肚同鴨血，特別推介蜂巢牛肚，勁有口感，索晒麻辣味。冷泡白桃烏龍茶、冷泡雪梨桂花茶飲品方面，我哋一人一支冷泡茶，白桃同雪梨味道好突出，好鮮甜解喝。

中午忽然想食火鍋，記得有朋友曾經介紹過呢間幾好食，今日專程嚟試吓！公眾假期二人套餐有限時七折，七折後$405 ，二人餐包括秘制麻辣鍋，湯底好香香料味，食落唔算好辣，感覺亦都唔會好油膩，反而幾惹味！湯底裡面都已經好多料，其中蜂巢豆腐同鴨血都有埋，索埋湯汁超入味！特別推介蜂巢豆腐～雪花肥牛，脂肪分佈平均，牛味幾重，幾厚身！推介～丸餃拼盤，拼盤包咗墨魚丸、貢丸、蛋餃、魚皮餃各2粒，丸類感覺好高質，有啲都係平時出面冇得食嘅～貢丸裡面爆汁，魚皮餃皮薄餡靚，食落唔會太咸～蔬菜盤，包咗幾款唔同嘅蔬菜，油麥菜、娃娃菜、南瓜等。包1碗米線，超飽！炸午餐肉，真材實料，午餐肉厚身，炸得香脆！

今日出開銅鑼灣，周圍又搵下野食，係大廈樓下見到有老鍋，之前係尖沙咀打過邊爐都OK，入左 lift 發覺原來佢地 lunch 做埋米線，不如試下 !!我地坐底之後再睇下 menu，都真係好抵食。我地每人選左3個餸，仲可以選湯底。正 ~我仲左個酸菜湯，我叫左牛肉、午餐肉、生菜米線，同個湯底好夾，個湯底好甜，一路飲湯佢仲有一堆自家制酸菜，真係唔錯 ! 特別一提，個午餐肉佢都真係炸起出黎，仲脆架 ~ 如果你鍾意，千奇唔好浸湯。牛肉唔係好肥，仲好香牛味，都幾高質 !! 生菜落左個湯底變甜左 ! 整個米線都真係好食 ~隻佬叫左麻辣湯底，梗係要點番D夾架啦 !! 哈哈 ~ 鴨血、牛肚、大腸冇得輸 !! 個麻辣湯好香，同邊爐果個一樣，可以當湯飲。鴨血實左少少，但都好吸湯，牛肚同大腸都滷到好入味，連埋麻辣湯底一齊食，正 ~我地仲叫左個小食，甜不辣 !! 我地以為同台灣一樣，係魚餅 !! 但呢道係自家制，佢除左魚之外，入面仲好重本！勁多芋頭，一入口芋頭味好重，味道都幾淡，所以隔離個醬幫佢加番分。我地仲點做兩個 白桃烏龍茶，個桃味好香，烏龍淡左少少，但整體都唔錯 ~

銅鑼灣駱克道京都廣場二樓有一間老鍋台式火鍋，係約埋三五知己去打邊爐嘅好地方，嗰度嘅地方好寬敞，坐得好舒服，而且有個二人套餐，價錢實惠，星期一至五去食就最抵，都是大約300元，星期六日都只是大約400元。星期日放假，我哋去叫咗個二人套餐，套餐包咗湯底，我哋選咗老鍋酸菜白肉鍋湯底，酸酸眯眯，好開胃，湯底入面有好多冬菇、粟米、菜，腩肉同埋薯粉，好有特色，套餐仲可以叫一個雪花肥牛，的牛肉質素好好，嫩滑，數量都唔少，唔係太肥，入口即溶，加上彈牙嘅墨魚丸子、魚皮餃、臺灣貢丸、臺灣蛋餃，我們兩個女孩子，唔係好大食，覺得分量好足夠，還有一籃蔬菜和一碗拉麵，如果鍾意食香口嘢仲可以叫個炸豆腐，價錢合理。星期六日約朋友，一邊吃一邊談，一邊落單，慢慢坐，慢慢消化食物，坐上兩個鐘頭，才百多二百元一個人，是不錯的選擇啊。

之前到呢間台式火鍋店打邊爐，食物質素唔錯，而且座位闊落。今次午餐約咗朋友再次到訪，午市除咗打邊爐之外，仲有午市定食套餐。午市套餐米線湯底有麻辣養生湯、酸菜養生湯揀同朋友各揀一款湯底酸菜養生湯米線加配台灣蛋餃、鮮雞肉雞肉肉質嫩滑，食唔出有雪藏味道🤭而且份量都好足夠。台灣蛋餃 感覺好似香港嘅魚皮餃，味道唔錯湯底酸酸地，配米線非常開胃米線口感爽滑，比起連鎖店更有口感😋朋友嘅麻辣養生湯底都唔錯，湯底酸酸甜甜，辣到適中！另外加配小食台灣蒜香腸 即叫即烤，帶蒜香味，簡直食到停唔到口🤣 午市套餐配烏龍茶充滿淡淡的白桃香，茶底非常清新

早幾日先打完邊爐，今日又心思思想打多次，不過唔同既地方係今次呢個係台式火鍋，地點係位於銅鑼灣駱克道既老鍋台式火鍋。餐廳位置方便，係銅鑼灣地鐵站出口對面。呢度有做2人同4人套餐，星期六黎仲有7折。2人套餐$405，包湯底二選一，精選肉類三選一，丸餃拼盤（即墨魚丸，香菇貢丸，魚皮餃同台灣蛋餃各兩粒），五彩鮮蔬盤（細），同麵食類（可選米線或白飯）。呢個套餐只限午市供應。平時齋鍋都要百幾二百，呢個餐好似都唔貴，今日就不如試吓呢個餐。湯底可揀老鍋秘製麻辣鍋或老饕酸菜白肉鍋。今日唔想食辣，就叫左老饕酸菜白肉鍋。老饕酸菜白肉鍋秘方醃制東方大白菜，極品豬王花腩，配上寬粉條，風味獨特，酸香醒胃。呢個湯底少少辣，酸酸地，好開胃。豬腩肉脆脆哋又煙韌，豬味濃。湯料有大量醃制既酸甜爽脆大白菜，大量其他蔬菜如蕃茄，粟米，蔥同冬菇！湯底又有大量寬條，非常滑。精選肉類有牛，豬同雞揀。我哋揀左美國梅花豬肉，豬肉一客十塊，好粉嫩吓。有豬味，唔算太鞋。丸餃拼盤有墨魚丸，香菇貢丸，魚皮餃同台灣蛋餃各兩粒。墨魚丸同香菇貢丸好彈牙同味道天然。魚皮餃個皮超煙韌，魚皮餃味重，好肥美! 台灣蛋餃既蛋皮好簿，唔會過鹹。五彩鮮蔬盤有油墨菜

💬 好耐冇食台式火鍋喇！我哋4個人嗌咗3份牛、雜丸、雜餃、鴨血、響鈴，仲有啲立雜嘢同嘢飲等等，人頭費$500。嗌嗰啲嘢食全部都好食，係略嫌貴咗少少，不過都可以接受。.湯底我哋嗌麻辣小辣，但覺得唔夠香，可以再濃啲，同埋本身跟埋嘅鴨血唔入味，要煲好耐先好啲🥲 酸菜嗰邊ok，再酸啲仲正，寛粉好食，有一點好可惜嘅係加湯係加同一隻湯，唔會分唔同湯底，所以味道會愈嚟愈淡。.喺香港嘅台式火鍋嚟講算係咁，雖然性價比唔高，但間唔中食吓都唔錯😋

香港人愛打邊爐，相信冇人會唔認同，麻辣火鍋更係愛辣人士朋友聚會首選，今日係銅鑼灣行行下街突然好想食打邊爐，醒起朋友推介「老鍋」午市二人套餐，依家仲做緊半價😋套餐湯底有兩款選擇，麻辣火鍋同酸菜白肉鍋，選擇困難嘅我最後揀左麻辣湯底，先講湯底一上枱已經有嗆鼻既刺激感，湯底入面已經有好多蜂巢豆腐同鴨血，留番最後入哂味先食。肉類揀左肥牛，肥牛薄身油脂足夠，入口即溶，一卷肥牛淥完可以分成兩塊，一碟夠哂兩個人食。跟餐有四款丸餃類，包括墨魚丸、貢丸、蛋餃同魚皮餃，每一款都有特式。另外仲有一個蔬菜籃同好彈牙既米線，順帶一提醬料免費任調，有d餐廳要額外收錢。午市二人套餐夠晒兩個人食不過為食既我哋再另外加叫咗一客台式腸，炸到熱辣辣又惹味。今次午市打邊爐體驗新鮮，食物有質素而且地方闊落坐得舒服，食完又可以再血拼了，好滿足。

銅鑼灣火鍋林立，要係當中佔一席位一d都唔容易，甘岩係朋友介紹下就搵到一間食午市幾出色既火鍋，試下睇下水準如何先😝——————🐽 老饕酸菜白肉鍋打邊爐湯底本身已經好重要，而黎到既湯底基本上d料多到可以當一餐，有好大量既娃娃菜、香菇等蔬果，亦到有好夾打邊爐既白肉豬腩肉😝🐽 雪花肥牛本以甘既價位對肉類都無好大既要求，估唔到肥牛竟然有驚喜，油脂分布好平均，食落口亦好嫩滑好林🥰🐽 丸餃拼盤一款拼盤可以食曬4種丸，分別係墨魚丸、香菇貢丸、魚皮餃、台灣蛋餃，全部都好新鮮由其係墨魚丸，佢似係墨魚膠打成，咬落好香口彈下，唔錯！🐽 五彩鮮蔬盤蔬菜好新鮮，處理得好乾淨，可以放心食用！

美食博士銅鑼灣搵嘢食，咁啱見有間台式火鍋店而家有米線食就去食下🍜。🍜麻辣湯底米線 $66松葉蟹棒、豬腩片、唐生菜🍜酸菜湯底米線 $66鮮魚腐、台灣蛋餃、桃膠🥟小食台灣蒜香腸 $20手拍小青瓜 $20冷泡白桃烏龍茶 $8椰青 $28其實都唔知算唔算係台灣嘢食，因為台灣好少係出名食米線🤔。佢嗰度可以俾我揀飯或者米線，如果食飯嘅話加埋啲配料感覺上應該好奇怪😅。麻辣湯底食落就唔係好辣，係飲啲湯都算幾辣🌶。小食來講，小青瓜我就覺得麻麻哋😔，所以食咗幾粒就冇食。配料來講都唔係好特別，有台灣蛋餃叫做特別少少囉👌，整體來講其實同食車仔麵差唔多，但如果係平時食車仔麵就唔使咁貴💰，所以俾我會想去食返車仔麵好過🤷🏻‍♂️。

老鍋新出咗午線米線系列，之前你個打邊爐質素唔錯，台式米線都少食開，價錢同出邊差唔多，唔貴喎<自選米線$66>同女朋友一個叫咗米線，另外一個轉左白飯一個要左墨魚丸、雪花肥牛、金菇麻辣米線，另一個就要左炸午餐肉、豬腩肉、唐山菜酸菜白飯餸菜方面豬腩肉同埋炸午餐肉最出色，豬腩肉口感爽脆唔肥膩，炸午餐肉卜卜脆兩個湯底都試過，我就鍾意酸菜湯底多啲，好清甜<台灣小香腸$20>另外加咗台式香腸，蒜香味好香口<冷炮白桃烏龍茶+$8><冷泡雪梨桂花茶+$8>加$8可以轉冷泡茶，個人鍾意白桃烏龍茶多啲，除咗龍口嘅烏龍茶味，仲多咗淡淡嘅白桃香味