老鍋台式火鍋 (京都廣場) (已結業)

其實之前都係呢間餐廳食過火鍋，但今日中午時間唔太多，我哋就叫咗啲午市套餐。佢嘅牛市套餐大概係五十幾到六十幾蚊，一個飯或麵，再包多一杯嘢飲。我哋叫咗兩個餐再加多一個小食。酸菜養生湯米線，再配三款配料（雪花肥牛，魚肚，大腸頭），配菜嘅份量都幾多，係滿滿嘅大碗，仲有紅棗杞子木耳等等養生嘅食材。而個米線麵質就正正常常。台灣蒜香腸配滷肉飯個人好鍾意台灣腸，因為味道偏甜，佢呢個煎香左之後切咗一塊塊，而個滷肉飯都好大碗，仲有半隻滷水雞蛋，滷肉嘅肥肉同瘦肉比例啱啱好。麻辣牛肚絲呢個好惹味，食落好麻好辣，好香口。不過佢都幾辣，啱晒平時鍾意食辣嘢嘅朋友。烏梅汁 冷泡雪梨桂花茶烏梅汁酸酸甜甜幾好飲。而個冷泡雪梨桂花茶就唔算太濃味，有淡淡的茶香味。

見到有好多好評，今日終於試到。食物質素的確唔錯，環境亦都舒適，枱與枱之間有一定距離，食得安心。不過服務就普普通通，只有一位中年姐姐態度幾良好，其餘的哥哥姐姐都比較cool……. 沒有笑容，可能做嘢太辛苦了。不過，總體都係滿意的。嚟到呢度梗係試吓台灣啤酒，唔錯喎！牛肩唔算頂級，但係都可以桃膠烏雞湯底，烏雞出奇地滑椒鹽豆腐～台式腸仔，送酒唔錯台灣冰菜，唔知係咪自己大鄉里，係咪酸酸地㗎？丸類可以減半分，幾好喎，可以食多幾款。水蓮～好特別啊，第一次！爽脆呢個唔使介紹啦稻庭烏冬都幾滑依家啲食肆收拾點，其實打邊爐都幾趕時間…. 9:00 last order~ 最後一轉嘅食物陸續到達，要嗱嗱聲三扒兩撥！都幾趕時間。仲有想讚下呢度抽風都唔錯，唔會食到一身打邊爐味！

距今大概二十幾年前，小弟第一次被友人帶左去銅鑼灣禮頓道的松竹樓食涮羊肉，猶記得當晚正值寒冬，我們一行人急急腳走入松竹樓，當時店內已坐得八八九九，人聲鼎沸，好不熱鬧！每枱的火鍋所冒起的蒸氣令溫度最少上升幾度，正是一室皆春。當晚我初嚐麻辣的刺激，十幾廿種醬料放在你面前給你混個過癮，羊肉片得超薄，一卷卷的看着十分可愛，吃着十分可口，一眨眼間一碟食完又要再嗌，通常一晚下來吃它三兩碟羊片是等閒事。一轉眼間廿幾年過去了，松竹樓同其他香港嘅正野一樣陸續消失，我哋一班涮羊肉的好朋友亦都各散東西。但正所謂：「念念不忘，總有回響」，我們不定時地也會相約食下火鍋、飲下啤酒。有時去到好嘅店咪食得高興啲囉；相反，真係咁唔好彩去到渣的店，咪食少啲，傾多啲計囉。好似今天撞咗入去呢間老鍋，麻辣湯底只辣不麻，羊片雪到硬晒一舊黐住一舊夾都夾唔起，鱔片軟林林睇個樣都知道唔新鮮，食一啖仲係腥嘅，仲有其他，都唔知點講好了…..老友敘舊，唔食嘢齋飲啤酒咪仲高興！但係啤酒一送到黎大家即刻謝晒，明明嗌咗日本啤酒出名啲泡夠滑，泡沫同啤酒三七比例係人都知㗎啦，但偏偏呢度上到枱啲啤酒就冇晒泡…..臨走入𨋢之前睇到一幅牆上全是店主與明星的合

中午三个小伙伴一起去的，第一次来，还会再来.服务好食品种类多. 可以拼锅，辣锅够辣, 美人锅里面半个乌鸡不错的，蜂窝豆腐和白鳝片最美味，还有百叶鸭血拼盘, 中午有折扣所以划算的.可惜中午没有黑毛肚和鸭肠，下次再来

OpenRice 有7折，所以去試吓呢一間台式火鍋(中午時間)，結果令人非常失望！兩個人叫咗個麻辣鍋，手切牛肩肉，羊肉，餃子拼盤，鵝肝墨魚丸，芋絲，雜菌，老油條，粉，兩樽飲品。埋單$780（折後價錢)，真係有啲貴，醬料每人要收$20麻辣火鍋又唔香，好普通手切牛肩肉，好明顯係急凍貨，上枱時仲好冰凍，肉質鞋口羊肉，唯一好食嘅嘢餃子拼盤，唔新鮮，啲肉有啲酸味鵝肝墨魚丸，唔新鮮，墨魚有啲酸味芋絲，雜菌，正常老油條，好乾，浸咗好耐都好硬粉，兩樽飲品，正常永遠冇下次

期望太高，見到評語，以為真係會有好嘢食😬由員工推介成餐最貴$398的海鮮船，有魚、蚌、蝦員工話係餐牌冇啊🐟好新鮮啊，加呢個魚食，湯好甜啊。。。🚫中伏😵‍💫只係怪自己吧😔相信/以為真係真心推介好嘅食材😔魚係腥味、魚肉係梅嘅蝦唔錯、彈牙新鮮嘅蚌冇特別其他另叫嘅食材都算唔錯，包括餃子、鴨紅、牛肚，唯獨$218一碟牛肉唔叫都冇所謂，一個字「柴」酸菜白肉湯底係唔錯，味道適中，飲都唔口渴👍🏻

dinner時間找來銅鑼灣京都廣場搵食京都廣場好多火鍋見到老鍋食台式火鍋一於試一試台式火鍋二人套餐有折，有五折湯底二選一揀左老饕酸菜白肉鍋湯底味道豐富白肉份量充足酸菜好香另外仲有好多蔬菜蕃茄粟米都好甜又有綠豆粉淥冇耐就食得好有台灣味道揀左雪花牛肉雪花牛肉份量夠哂兩個人丸餃拼盤有墨魚丸，香菇貢丸魚皮餃，台灣蛋餃特別鐘意餃魚皮餃大大隻五彩鮮蔬盤雖然係細盤，但非常多蔬菜好適合中意邊爐又想健康既我最後揀埋米線吸哂湯汁好好味😋

老鍋出名既係火鍋，好多時去到都係打邊爐🥘開頭同fd本身想去打邊爐，但係見佢而家有lunch set😇就變左試lunch set😂😂見佢有滷肉飯便當🍱仲包埋🥤very nice🤡鹽酥雞滷肉🍚：滷肉飯有肥位又有瘦位，食落幾香幾有口感，肉都夠入味！同埋都俾幾多滷肉汁，略嫌過濕😅鹽酥雞幾酥脆，細細粒，容易配飯入口，椒鹽都夠，鹹度岩岩好🤤麻辣養生湯米線🍜：個湯底幾特別，麻香得黎又甜甜地，唔會話好辣！入面有鴨血😍仲有大大粒既香菇貢丸！鴨血食落好滑嫩，連埋呢個湯底，幾惹味！香菇貢丸就正常水準！麻辣牛肚絲：食落幾重八角同川椒味，都幾惹味又爽口，送酒真係一流冷泡白桃烏龍茶🫖：淡香帶甜既白桃味配合埋清清地既烏龍茶，好消濟☺️解返野食既肥膩沖繩黑糖烏梅汁🥤： 第一次飲，幾解渴，飲落酸酸甜甜，唔錯

老鍋喺香港嚟講都算係一間小有名氣嘅火鍋專門店，坐落於銅鑼灣京都廣場嘅呢個黃金地段，平時都好多人幫襯，可想而知夜晚會幾咁多人。今次我就揀咗喺午飯時間去試佢嘅特色午餐。除咗普通打邊爐之外，原來呢度嘅午餐可以揀台式主食，啱晒胃口一般嘅我同我朋友。我哋兩個一共嗌左兩份主菜同一份小食。我就揀咗滷肉飯配鹹酥雞，至於我嘅朋友就叫咗一份酸菜湯米線，小食就揀咗甜不辣。呢度畢竟係一間火鍋店，所以即使係午市，佢哋嘅配菜選擇都非常之多。我哋就揀咗雞肉、鴨血、魚皮餃呢幾款作為米線嘅配菜。可以睇到你會米線嘅份量都幾多，而酸菜湯呢款湯底出乎意料地唔會太辣或者太酸，的而且確有種養生嘅感覺。米線煮得軟硬度適中，雞肉夠晒唔嫩滑，唔錯。滷肉飯都非常之大碗，而且除咗滷肉嘅份量唔少之外，啲汁都俾得好大方，每啖都有豐富濃郁嘅味。鹽酥雞亦都炸得好香脆，有少少似炸魚皮嘅嗰種酥脆感。呢間餐廳午市嘅人流唔多，而且作為火鍋店本身枱櫈都比較寬敞，所以都坐得幾舒服。總括而言都幾推介大家午市嘅時間嚟試吓。

去銅鑼灣行街、搵食係最方便, 高級食肆無處不在, 平民食堂都唔少。朋友帶到去樓上鋪「老鍋」,最初以為佢想中午食火鍋添, 坐低睇下餐牌原來午市係有套餐供應。朋友話這間餐廳好闊落又舒適, 果然冇介紹錯。老鍋自選午餐:湯底+主食+2配料+自家制飲品, 都係收$56, 嘩, 真係抵食到冇朋友😍思前想後, 終於叫左:一碗酸菜養生湯, 鴨血, 鮮雞肉, 墨魚丸米線。微酸嘅湯底最啱夏天食, 鴨血彈牙, 雞肉冇雪味, 應該係鮮雞, 墨魚丸都好好食, 不過得兩粒, 可以多兩粒就好啦~😋仲叫咗個好正宗嘅鹽酥雞滷肉飯。飲品揀咗凍烏梅汁同白桃花茶，以兩款真係好啱夏天飲，前者酸酸甜甜、後者微甜淡香👍🏻

咁耐冇得去台灣 成日都好掛住台式火鍋呢間餐廳唔少好評 而且仲有明星幫襯過餐廳環境闊落 兩個人坐大大張卡位 坐得舒服二人套餐有齊哂肉類 蔬菜 丸同麵最吸引係週末午市7折 折完四百幾星期一至五仲抵 有半價唔洗三百蚊原本諗住唔夠飽就再單點野食點知我地淨係食個湯底已經飽咗一半湯底可以揀麻辣鍋或者酸菜白肉鍋我朋友唔食辣所以我地揀咗後者 幾鐘意呢個湯底 酸酸地好開胃而且好足料 豬腩片同大量酸菜 食極都有配料有番茄 粟米 鮮冬菇之外 仲有寬粉條肉類雞豬牛三揀一 我地揀咗雪花肥牛牛肉脂肪分怖幾靚 而且肉味濃丸餃拼盤有墨丸 香菇貢丸 魚皮餃同台灣蛋餃蛋餃幾特別 裡面包住鯪魚肉 幾有蛋香味五彩鮮蔬盤有我鍾意嘅油麥菜 好新鮮最後揀咗米線 配埋個湯底好好味

平時都有嚟老鍋打下邊爐, 見佢有做埋lunch就一於去試下啦佢嘅老鍋自選午餐 $56有幾種養生湯底可以揀, 岩哂OL 我想開胃d就揀左佢嘅酸菜養生湯配米線, 唔會太重口味.套餐本身包兩款餸，我就揀左鴨血,台灣蛋餃同埋加錢要多左份豬腩片宜家好少地方可以食到蛋味香濃嘅蛋餃另一碗就揀左雪花肥牛同魚腐D肥牛唔會搞到成碗野肥哂，抵讚!+$8可以加一支冷泡茶, 我地就揀左支白桃烏龍茶同埋雪梨桂花茶兩款都清清地解返食完成碗米線嘅罪惡感

一聽餐廳名都知呢間主打食火鍋的😌不過由於時間關係今次就試唔到啦😉趕行程的兩個家伙🤣🤣就最後來個快閃午餐吧🥸鹽酥一口豆腐+滷肉飯豆腐不錯炸得幾好味滷肉飯是肥豬肉來的小食：台灣蒜香腸烤到香香的酸菜養生湯+米線 自選三款 （魚腐+肥牛+台灣蛋餃）台灣蛋餃覺不錯幾好味第一次嘗試沖繩黑糖烏梅汁這個飲品酸酸美味的我聽鍾意烏龍茶老鍋台式火鍋 銅鑼灣駱克道491-499號京都廣場2樓

前幾日去開銅鑼灣，想食返個台式火鍋，之前有朋友試過有間唔錯，裝修有幾靚，又近地鐵站，於是就去咗呢間火鍋店試一試。火鍋晏晝有套餐優惠，可以二人或四人同行，平日就平啲有五折，週末嘅時間都有七折，計返都幾抵食。二人套餐 $405（七折）湯底：老饕酸菜白肉鍋我哋就揀咗個二人套餐，兩個人食啱啱好，食到好飽，湯底就揀咗個酸菜白肉鍋，味道濃郁但唔油膩，湯底本身都會有寬粉，腩肉等等，食材都非常之足夠，加埋火鍋其他嘅配料，一定夠食。丸餃拼盤 丸餃有墨魚丸、香菇貢丸、魚皮餃、台灣蛋餃，每款都有兩隻，食材幾新鮮，加埋酸菜白肉湯底一齊食，非常好食。肉類：雪花肥牛雪花肥牛唔會太肥，食落有肉感，肉片唔會切得太薄，厚度適中， 係高質素嘅肥牛。五彩鮮蔬盤蔬菜幾靚幾新鮮，一路打邊爐一路食菜，可以清清腸胃。麵食類：米線米線配火鍋湯底簡直係一流，可以吸收到湯嘅精華，個人推介揀米線做麵底。

想食個好味嘅麻辣 睇完食評先黎依度 但完全冇辣冇麻 淨係得個紅油喺面 另一邊個唔辣嘅仲有味d 不過薯粉一開波就有兼太多 中段就燶底 食材一般 脆鯇新鮮 但牛同豬就好麻麻 冇乜肉味 有85折 冇睇價錢叫 叫左1個牛豬雙拼 1個栢葉 1碟魚 1個芋絲 3個菜 5個啤 收我1300幾 完全唔值服務都幾好 不過撞啱啤酒冇氣 等個啤要十幾廿分鐘 吹佢吹到我都唔好意思 之後燶底叫佢換都好爽快 服務唔錯 但我希望係好食加好服務 而唔係難食d野又唔黎時我吹佢叫換野時好服務囉 再加上冇乜人 服務都可以唔周到就死得啦