老趙越南餐廳(大頭蝦專門店) (已結業)

閒來無事，同太座去官涌街市行下。見最近很少吃越南菜，就行入山林道來這裡。原本去了舊舖，但那裡是「清潔時間」，店員禮貌地帶了我們去不遠的「大頭蝦專門店」。呢邊裝修不錯，地方比舊舖還好。已很久沒有來，叫了兩個午餐，小吃要了蝦多士及春卷，另外牛肉湯河及秘製撈金邊炒，另外叫多一客蒸粉包。小吃份量小小的，是剛好夠二人吃。春卷炸得不錯，不會過份的脆卜卜，夾上金不換卷著生菜，味道不錯；蝦多士只是法包塗上蝦膠再去焗，味道卻比想像中好；先喝牛肉湯河的湯底，都幾濃郁，但當然又有味精的成份在內。除了牛肉，還有牛柏葉、牛丸等，加入了不少的洋蔥、香茜及蔥，份量夠又幾好食。再要了一碟紅辣椒碎加進去，又辣又好味。單以這碗牛肉粉論，個人覺得比華順遜色，但已比不少坊間舖頭好了；秘製撈金邊粉也不錯，金邊粉加入了蝦米、鹹菜、肉碎、香茜及蔥等去撈，不用下任何額外的醬汁也相當夠味，真的不錯，值得推薦。現料有豬紅、牛肉等，份量大，吃完夠飽。蒸粉包一客四份，粉皮略不夠薄，但配料下到足，都食得過。要了滴溜咖啡，這裡的不夠香，喜歡華順的多一點。年青的店員服務也不錯，快手怏腳的。埋單一百七十蚊，食物都算有水準，吃得飽飽，坐得也舒適，食得

尋晚約左一班朋友去食，我係第一次去食呀，叫左好多野食。(共4個人)1. 咖哩炸蝦粉絲煲。(一定要試下)2. 豬肉凍檬。3. 春卷。4. 粉皮卷。5. 雜菜煲。6. 4人甜品併盤7. 一客麵包(是沾上咖哩汁食的)樣樣食物的味道OK，我覺得最好味就係咖哩炸煆粉絲煲，D蝦炸得好好食，不過記得一定要是沾上咖哩汁食。份量不會太少，足夠4個人食得飽，其實佢地出名係大頭蝦，因為本人吾係好識得欣賞，所以無叫到，如果你地有機會去的話，可以試下這款菜。埋單共$388

無意中去左山林道，見到lee間野門口大排長龍~ 就去試下啦~ 因本人勁中意食蝦, 見到大頭蝦當然試下啦! 所以就選左"辣椒膏炒大頭蝦", 一個"黃sin酸湯", 同一個"牛肉粒濱海"~ 先上碟既係大頭蝦, 其實見到個size有點失望呀~ 得兩隻, 不過好彩個味都真係幾好食~ 只是有點唔夠喉啦... 跟住個酸湯係我推介大家既~ 若個大家中意飲泰色冬蔭公既, 就岩晒啦! 真係好正, 份量適中, 一流既選擇~ 但最差既係"濱海"啦~ 或許我唔中意食河粉吧~ 佢係一d花生放在河粉上, 但d河粉又凍又無味(或許這就是特色啦)..所以對lee個是最失望的。整體都ok既~

又係蔡潺旗下的名店這間分店更號稱大頭蝦專門店百一蚊有兩隻的咖喱大頭蝦煲算不上十分特別肉質稱不上鮮嫩不知是否蝦羔和咖喱有保護色總覺得大頭蝦也沒有羔似的之前在隔離街的鳳凰花食的較好反而另叫的香茅雞翼和蒜蓉飽更特別不似一般香茅雞翼的乾癟反而像有香茅味的豉油雞翼不錯蒜蓉飽份量多更有豐富的蒜蓉鋪面主菜不及配菜好不知是否也是特色了

經過老趙好多次，見每次都有幾多人等，前幾日終於慕名入去試試，因為唔想煩叫左個２５０幾蚊既二人餐，點知幾乎係一路食一路鬧！個餐有個豬肉蝦片，有４片，但全部都係「林」既又唔好食！個辣椒膏大頭蝦更加唔掂，仲話係大頭蝦專門店！味道一般不在話下，兩隻個ｓｉｚｅ細到食完都唔覺食左，等我地之前仲問個侍應有冇飯跟諗住撈汁食，仲驚食唔晒！唔好話我聽佢餐牌９８蚊果碟都係咁細！好彩有個蟹肉粉絲（唔覺有蟹味而味道一般）同碟菜頂住，我地兩個女仔先食得飽！剩係得個類似綠豆爽既甜品味道ｏｋ，不過ｓｉｚｅ又係細到無倫！埋單要２８０幾，但感覺只食左個粉絲同菜，極之唔抵又唔好食，無錯新鋪比對面舊鋪光鮮但相當嘈，總之唔值呢個價，仲話好有歷史又多食家讚，真係把鬼！見其他枱碟碟都比我地既大，好後悔冇散叫，不過餐牌價都絕對唔平，比燕萍等貴得多，人地地方雖然迫但ｄ野好食飽肚得多！呢度見過鬼都怕黑，唔會再幫趁喇！

今晚出左尖沙咀，一班團友仔同我&小寶寶慶祝生日。好開心…一行十人，揀左呢個唔錯o既地方…大家怒食：炸軟殼蟹：味道唔錯，作為一個小食，碟頭都唔算細炸蝦餅：勁香、勁彈牙沙爹串燒(豬、牛各半打)：個沙爹醬好味，唔辣咖喱雜菜：好多菜，超好味！！！強烈推介！！！蒜蓉包三客：本身只叫左兩客（一客八塊），　　　　　　但後來因為太好食，忍唔住再叫。七彩凍檬：好味，不過唔係好特別蟹肉炒粉：有蟹肉，好好食！！好夠味鮮蝦炒米粉：ｄ蝦幾大隻！我個人好鍾意！越南家鄉炒飯：冇食到，不過友人話佢有意想不到o既材料，好味！原個菠蘿炒飯：呢個都冇食，但係賣想唔錯！不「飽」無歸！題外話：佢地仲買左個美心新輕芒果慕思蛋糕。

今日返返吓工忽然好想食越南嘢....咁又咁啱去佐敦, 就叫咗男朋友陪我去食....老趙!!!! 因為以前食親都係去九龍城...今次第一次去食老趙...都好大祈望....一入到去...真係有d想走!!!! (that's why 唔上黎complain一吓唔得呀!!!)今日去到...唔算十分多人...門口又唔係企滿人...但係d waiter & waitress 就好似唔係好想做咁....有個好似經理咁既人黎幫我落order....佢自己聽得唔清楚...落錯單...送到個錯黎我地話唔係呢樣....佢就開始黑面....一路食一路都有人refill水俾我地...唔叫又唔refill...仲要講緊係$5一位茶錢...我真係第一次去食越南嘢被收茶錢......估佢唔到....但係又唔加茶ga wor....講到d食物...又唔係真係咁好食wor....叫咗個咖哩中蝦粉絲煲....咖哩味就香...但係食落去又冇咩味....d中蝦就用粉漿炸咗食時先點落d汁度...但係又係冇味...好彩個蒜蓉包真係有蒜蓉ja.....個生牛肉粉都過得去啦....叫做正常...又唔係十分唔好食!!!之但係個越南金

好耐無去山林道食飯老趙搬左新舖都唔知越南春卷-生菜好新鮮,更有一枝小小的九層塔,令喜愛九層塔的朋友好開心鮮蝦凍檬-蝦肉幾新鮮,不俗濱更-即蟹肉熏蹄湯粉,無乜蟹肉,味道一般一個短髮侍應姐姐服務好好雖個樣cool cool 地但為我們主動拿公筷,碗仔,濕紙巾又提點我們趁熱先吃濱更我同友人都認為如果店內有意見書填一定要讚揚下佢所以這個笑臉是給她的

Haven't been to Lo Chiu for more than a year, so went to eat in its new restaurant opposite to the old one. Extremely disappointing!!! The prawns we ordered are not fresh and are tasteless! Other food are of unsatisfactory quality!Never go there again!

試過一間越南餐廳，食到滿口油，所以見到越南食肆都不想入去，但今次同事話要食呢間，冇計5個人叫了個4人套餐涷檬：加上魚露，好好食炸蝦餅：不夠脆口，但打得幾“膠”，同事都覺得幾好食排骨煲：不太好吃，吃剩了許多炒飯：好吃，飯炒得夠乾身，夠獲氣雞翼：煎得香，size不算太細，有６隻甜品：有棷汁的，我不喜歡，但同事吃得津津有味食物不算太油膩，還可接受不知是否人少，服務很好，(見到老闆為我們開門tim),是貴了點

一行十個同事,叫左8-9人餐,啱啱好,唔會太多食唔晒.手撕雞沙拉,好似係唔記得個名,唔錯,中式另外一種食法咖喱牛腩,重點係蒜蓉包,不可不試大頭蝦,炸到好香口,D蝦膏好鮮,要熱辣辣食.青口,金邊粉,牛肉粒一般裝修唔差,環境坐得舒服,一大團人的選擇!!!

朋友想食東南亞菜, 諗左幾個選擇, 最後決定黎呢間.晚上八點半左右, 要等位, waiter話舊鋪有檯, menu一樣, 帶左部分人過去. 不過我想坐新鋪, 佢又猛咁話好快有檯, 於是咪等下囉, 十分鐘後有位.有幾款套餐選擇, 不過滿足唔晒我地既願望, 所以散叫. 四個人, 點左:家鄉砵仔糕----係少見, 不過食落唔算特別, 白色米糕上有肉碎、綠豆蓉等等雜不甩既配料. 本身無乜味, waiter提我地蘸魚露食, 我就覺得唔係好夾咁.蟹肉金磚----蟹肉、粉絲等絞碎整成細細件, 上面有層蛋, 朋友們都鍾意呢味, 我就嫌佢整得太油膩.蒜蓉包----叫黎蘸咖哩食, 烘得唔夠香, 不過一客有八件, 勝在份量大.咖哩鴨煲----咖哩唔係幾香, 偏稀. 鴨既質地非常奇怪, 大家既結論係完全唔似鴨肉, 呢味可以不叫.黑椒大頭蝦煲----我想試大頭蝦, 但價錢幾貴, 朋友們好似不太熱衷, 於是揀左呢個比較經濟既大頭蝦菜式. 主角煮得太熟, 肉質偏韌, 又唔覺有膏(唔知會唔會溶入左個煲度). 反而配角好食喎, 黑椒非常香, 粉絲索晒味, 正~~侍應們好似好忙咁, 有咩需要都要等下先有人應, 不過態度

同男朋友行尖咀行到餓,見食尖咀食到悶悶地,走遠d去山林道試下老趙,我地入左舊店,叫左咖哩雞,濱更(蕃茄蟹肉豬手檬),辣椒膏炒豆腐,蒜容包.咖哩味好香,點蒜容包好正,忍唔住叫多個白飯送汁,不過雞就鞋左d,辣椒膏炒豆腐微辣好香口,味好濃,不過多油左d,食多幾舊就好口渴,濱更湯底好鮮而且唔肥,幾得.豬手都好滑,肥肉部份都幾爽,只係佢點都係脂肪,唔敢食咁多...最後我地都食到好飽,樣樣都差唔多食晒,總括都有70分,不過越菜黎講唔算抵食,如果環境好d,個位坐得舒服d,扮番高級少少會感覺抵d!!

3個女仔去食, 叫左馬戎休炒雜菜, 咖哩雞撈檬, 蕃茄蟹粉撈檬, 越南春卷, 海底椰黑白糯米, 椰汁眉豆糯米馬戎休炒雜菜都幾好味, 四十零蚊都大碟的, 有芥蘭，椰菜, 白菜, 都有好幾款, 馬戎休味道好香, 汁多左少少, ok啦! 咖哩雞撈檬,個咖哩汁好濃味, 雞有d鞋, 皆因煮過時啦, 但係咖哩汁配檬粉呢個配搭好正, 真係連汁都飲埋蕃茄蟹粉撈檬係第2次食啦, 清清地, 不過第1次食個時surprise多d, 今次比咖哩檬搶左風頭, 覺得佢有d淡越南春卷有少少辣, 但係好香脆, 味道比一般越南春卷唔同, 呢度大件得多, 重配埋越南香草, good!海底椰黑白糯米, 椰汁眉豆糯米都係一般啦, 眉豆配糯米煮得腍過頭, 無咩咬口, 但海底椰就good啦, 甜品一般啦 service一般, waiter好似打衝鋒咁, 跑來跑去, 好怕佢會倒晒d野係我頭頂, 驚驚........

我地星期六下晝，一行4人，去0左老趙食午餐。0係朋友介紹底下，我地吃左：咖喱牛腩(好好味d咖喱，不過牛就嘛嘛，加埋脆pokpok蒜蓉包，一絕)快牙車(原來其實係沙律，好大碟)豬扒凍檬(ok)生牛肉麵本來想試埋扁糯米，不過師父落0左場，下次請早。都係333落樓。下次同男朋友食，一定要食咖喱雞加扁糯米先得。