老趙越南餐廳(大頭蝦專門店) (已結業)

食物水準不過不失,但係食得唔開心.我地一早訂左6-7 位,去到竟然問我地一張圓枱拍一張方枱好唔好,得果6個人都要坐得咁辛苦梗係唔制.等左一陣終於有枱,叫左幾樣嘢 話冇,我地咪叫其他.本來都見味道唔錯都算啦,點知叫甜品就又出事啦...首先最想食既拉椰糕又係冇,改叫黑白糯米佢地又話要成15分鐘...都算啦,點知等左好耐,起碼有半個鐘頭,再三追問先至話材料唔夠,要係第二間送過來,唔記得同我地講聲,咁都得!呢樣又冇,果樣又冇點得架.

冇乜講~~~ 頭先寫寫下食評,諗起呢度d生牛肉河~~呢度既生牛肉河真係有100 個好食架~~~~~有機會去試下啦~

好一段時間沒來，椅子全都不美觀，人造皮都有破爛的地方，有些連內裏的海棉也露了出來。最難看的，是冷氣出風口，可能有滴水的緣故，用紙巾把冷氣風口的邊緣包起，用公文夾固定紙巾，實在難看！吃了以下東西：蒸粉包- 這是我愛吃的一項，水準不變，仍然爽口。牛柳粒炒紅飯- 招牌名菜，牛柳粒沒有過火，仔細看，可以見到牛柳粒中一些小點的牛脂，咬下有肉汁，而且彈牙。茄汁炒飯，可再乾身一點。牛肉濱海- 只是普通，牛肉片可能薄，難控制火喉。燒白膳- 不太特別，但好吃，膳還新鮮，也無骨。但這次還要給喊臉，一是環境，二是服務，落單的侍應嬸嬸根本不專心工作，牛柳粒炒紅飯可變做越式炒粉皮，當然要換。串燒牛肉濱海，可以沒有了串燒，但不追究了。反而見習的（制服上的名牌有寫）的態度較佳。多年不變的，魚露的瓶設計仍是差得很，這個越南菜重要的東西，倒的時候應該不漏的。

抵食既生牛肉湯河, 湯底正! 成碗清晒!

五月中晚同女友來食, 叫左越式春捲, 炒通菜, 沙嗲雞飯; 越式春捲幾好食, 炒通菜一般, 沙嗲雞飯個沙嗲汁太”水”, 感覺怪怪的, 應該”傑”一點會好d, 不過味都ok, 雞肉就真係”諧”左d; service方面極d滿意, 有位肥妹仔service得好好, 有禮貌又好笑容, 敬業樂業精神值得欣賞, 埋單大約$120都算抵, 所以”為食結論是...service取勝,糧尾時首選之一!

日期：2004.05.18購買時間：19:00 ~ 19:45食品：香茅豬扒炒紅飯、七彩凍檬、蒸粉包（$40/4個）、水晶豬肉卷（$20/條）、香草咖哩炒蟹價錢：約$330（兩男一女）評語：香茅豬扒炒紅飯：香茅豬扒不算特別出色，個人覺得略乾，亦因此顯得不油膩，可接受。紅飯濕度剛巧，有少許油膩感，但可接受。七彩凍檬：少許扎肉絲、火腿、甘筍絲、配上大量芽菜、生菜，以及乾檬粉。淋上大量魚露，口感清新，甜甜酸酸，好味。清簡的一道越式料理。蒸粉包：份量和味道交足貨，平均要$10 件，二啖食完一個，幾貴！但勝在水準之作。水晶豬肉卷：1張越式粉皮包裹著瘦豬薄片、芽菜、生菜、粉絲（乾檬粉？）。另一款口感清新的越式小食，水準之作。香草咖哩炒蟹：據同行兩男士所講，蟹肉不「梅」，但不見得特別鮮味。倒是炒蟹的汁很好味。（兩男士另外點了碗白飯和蒜蓉包，拌炒蟹的汁食。）感想：環境、衛生、服務很差。倒是食物衛生尚可接受。服務員不冷漠，亦不太熱情。感覺店子好似日久失修，這兒的環境令人「食完即走」。幸而，食物水準好穩定好平均。所以，雖然唔平，仍然一年會光顧三次左右。註：（還有，食完好口渴，似乎真係好足料喎！）

唔錯既越南餐廳~~~ 食蒜容包、菠蘿炒飯、粉米(唔記得咩)，但係好味，雖然都唔係平，但係樣樣都大碟，應該係多人食就抵d....唔錯....

兩個人食唔到d咩野，只叫了三款已經好飽啦，因為份量都唔細。香茅豬扒凍檬，豬扒大塊又鬆化，香茅味又香；牙車快第一次食，原來係雞絲加椰菜絲，d雞絲似鹽焗味又唔肥，椰菜又有d酸酸味，o岩晒瘦身女仔食。馬拉盞炒油墨菜，亦都好野味，不過食完個口勁大陣蒜蓉味。不過講到環境就麻麻，因為地方又迫，又多人食煙，真係食完快d想食。

一個星期六下午,2個人到老趙食0野,食到好多野,好飽易都好好味,1. 七彩凍檬好好食( 有雞絲,羅白絲, 雞蛋絲.....)2. 咖哩雞( 幾香,但d 雞好硬)3. garlic bread ( 新鮮,香脆)4. 燒鱔(好好味)5. 串燒( 要左蝦同牛肉,但冇咩特別)但我第2次去黃埔個間分店佢雖然環境文為舒適,但都係山林道呢間好食d .....

以前細個同屋企人食過,一吃難望!去過好多間食越南嘢都食唔番嗰種味,有日帶男朋友再去食,連佢都話唔錯。首先講番D食物先,一定要試竹庶蝦,即叫即整,用D蝦肉包住甜庶,好好味;而D湯粉味道都唔錯,我最鍾意就係食七彩湯粉;D咖哩煲味道夠濃,配合蒜蓉飽食就最好al,價錢都ok,兩個人食約under$200

呢間野出名就出名,不過我覺得唔好食又貴囉~<br />其實都幾耐之前去,己經唔係好記得食過d 乜,淨係記得都等左幾耐同埋d 野唔係咁好食,好油...仲有用黎撈凍檬o既汁好難食~ 服務亦唔好<br />要食越南野我就唔會係我既選擇.

大致上野食都正宗好食...<br>特別一提就係個酸子牛肉...<br>熱住一鍋勁酸既湯料...再自己放d 生牛肉落去....<br>個味幾特別..不過想話飲下d湯真係無咩可能....真係太酸....

我去就冇叫咖喱,但個越或排骨煲好好食,汁用黎送飯或garlic bread都得.大蝦又大又好食.唔係咁唔好食呀.服務好好喎.

香茅雞翼好大隻, 好好味!!第一次試牛肉濱海, 感覺唔錯.蟹肉粉絲好好味呀! 好重蟹味.咖哩鴨就麻麻了, 不過咖哩+蒜蓉包就好正了!! 扎肉四拼都幾特別!!8個人食了不$900, 但好飽!!

呢度好出名,阿爸成日話舊時成日帶我o黎食,但我就唔係好記得有件咁o既事...Anyway,近排o黎過幾次試菜,發覺唔係真係好似D 人講得咁好.蔗蝦鮮甜多汁,幾好.蟹餅都OK. 凍檬D 豬扒唔錯,但個汁就唔合格.生牛河都係麻麻,咖喱直情唔掂.牛柳粒紅飯亦冇"樂工" 咁好味.