老趙越南餐廳

营业中

休息中

剛和朋友食完第一餐，完全沒有飽的感覺，決定再來這裡食多餐；剛到，看見都幾多人在等位，等了差不多半小時才有位。因唔算太餓，所以只叫了越南啤酒、甘蔗蝦兩支、越南春卷和蒜茸炸大蝦兩隻。越南啤酒- 非常冰凍，入口清涼，在這悶熱的天氣，已經值回票價了。甘蔗蝦兩支- 蝦味幾夠，但蔗味就唔夠出，肉質偏實，但總括來說，都算幾好食。越南春卷- 外皮炸得好脆，內餡也好入味，加上適當的香草，增加了不少香氣和口感，食得過。蒜茸炸大蝦- 大蝦相信應該是先煮熟後，再上蒜茸、粉醬等再拿去炸，可惜可能廚師大忙，沒有好好看好火，令蝦肉炸得太過火，蝦肉變得好韌好，完全失去這味菜的，實在非常可惜。雖然失望，但假期人客多，也可以明白；看來還是等平日來食，相信會好一點。

星期日下午八時, 附近的餐廳都只有三兩隻小貓, 老趙還是人頭湧湧, 獨行俠的我, 找個坐位當然沒有問題.點了扎肉凍檬. 扎肉的份量少了些. 米粉就非常非常多. 首先加入大量的魚露, 雖然有好多辣椒, 但是其實不太辣. 酸酸甜甜非常開胃. 不錯.

又行入黎呢個獨立小社區食野，估唔到夜麻麻都有咁多人食野。呢間野個名聽過好多次，算係呢度最多人個間野，所以就試下啦。叫左一個紅酒牛腩粉，個汁紅色一片，好似好辣咁，但係其實以羅宋湯，不過d牛腩幾腍又好入味。另外叫左一個咖哩雞粉絲，d咖哩汁好有椰味，但係d雞就係雪雞，好乾! 兩碗粉既份量都幾多，食完都有d滯。老趙d服務態度快就快，但係都係一貫香港風格...一樣咁「好」囉!

特地來吃聞名的生牛河. 上桌很快, 只等了2-3分鐘. 配塔簡單, 有洋蔥, 牛肉和河粉. 味...哇! 極鮮甜! 牛肉非常薄, 燙兩燙就熟. 河粉吸入湯汁, 非常入味. 附近都沒有東西看, 大部份食客應都是慕名而來的. 下午2時多, 若有4-5人的話, 還是要等一陣子, 可見生意極奇暢旺! 若非侍應效率奇高的話相信大家有排等!

老公想食濕濕地既野, 所以建議佢食越南野, 佢亦十分贊成。一樣外賣揸 車去第二個地方食。老公去拎外賣紙, 上車一齊睇食咩先, 返黎之後問老公入面多唔多人, 佢話無咩人, 極少人。下? ! 仲記得上年諗住同老母、細妹、我同老公一齊去呢間食, 當時d 人多到排晒出黎, 一勁大棚人等位, 為有轉去尖沙咀山林道1 7 - 1 9 號呢間老趙食, 但點解依家就. . . d 野唔好食? ? 惜日風光不在? ? 定服務唔好呢? ?老公: 上湯海鮮粉( 河粉黎架) $32老婆: 香茅豬肉撈檬$32以下兩樣SHARE 食:馬拉盞炒時菜( 芥蘭黎架) $30越式蒸粉飽$32除炒芥蘭" 林" 左少少之外, 其餘都好好食, 老公亦同意。最遺憾係. . . 本人記得帶相機, 但唔記得帶相機裏面張MEMORY STICK 咭, 唉也! 點會咁架? ? 激死我喇! 好對唔住大家比唔倒靚靚食物相, 現只有影張外賣紙, 等大家可以睇下/ 睇定有咩食丫麻! 都好丫可? ?

星期日下午同肥B食LUNCH,無SET叫,睇餐牌都幾貴(以地區講),兩條春卷$30,又唔係好肚餓,最後我叫生牛肉河同沙嗲牛肉河,生牛肉河個湯OK,好甜,無乜味精,跟一舊仔蘿白,都好甜,無乜渣,不過好細舊,如果大舊D就好啦,生牛肉都幾淋,仲有好多生洋蔥,OK,沙嗲牛肉河無蘿白,變配青瓜,青瓜唔好食,都唔夾,沙嗲底太多花生,都係食返生牛肉河好味D!PS.一路食一路有唔少大,小烏繩飛來飛去,好煩!

去到街頭,見舊鋪烏燈黑火,原來間鋪搬了去7-11,轉角位。起初還不肯定,見見裡頭的阿姐是舊鋪的,才肯定是"原裝正版"。每次到老趙,一定會吃咖哩和生牛河,今次也不例外。不過,是次晚飯還第一次在這裡點了酸子牛肉煱,正呀~!牛肉很有牛肉味,而且湯底有香茅味之外,酸酸的。那碟牛肉底下有洋蔥墊底,也放了入湯裡。平時對洋蔥麻麻的我,也禁不住吃了全碟的洋蔥。下次,我會再叫這一個。個人認為比牛仔粒紅飯正好多!

平時同個ｆｄ都會去西環間越南鋪津津食野。見食評咁精采，咪上完堂去試下囉。原來ｄ野都好貴下……叫左個豬扒撈檬＄３２（想試下佢個特製魚露）ｆｄ叫左個熟牛河＄２３加杯熱可樂＄１７。特製魚露　果然　好味。〕但塊豬扒真係吳好味，好乾好　火農。我覺得　銅鑼灣間新強記　好食ｄ。問個ｆｄ碗牛河好吳好味，佢話ｄ湯ｏｋ，ｄ牛同河無怎特別。都係食評精采ｄ。（下次都係早ｄ去買法包食好了）

尋日同mami食lunch,天口咁熱近近地就老趙啦雖然價錢係偏貴左d,但勝在有水準,用料足翻了翻餐牌,菜單和價格亦無改動毋須多想,來了兩客開胃撈檬母親大人的七彩撈檬首先登場,一看,心中不禁有點失望儘管檬粉的分量還是依舊的多,但其他材料的分量則少得可憐(和以往相比之下)而自己要的雞檬亦然唯一值得慶幸的是食物還是一貫水準該怎麼說呢?雖然最後都係食剩打包帶走但還是因為分量少了而耿耿於懷...無法釋懷的自己只能給你一個ok面,但願下次再來的時候能有機會再次為此店掛上笑容~

食完精彩嘅法包後，就走過對面老趙老舖食正餐。諗起自己細細個嗰陣成日同阿爸阿媽"撻拖"落嚟食，好懷念...人算幾多，大部份都似係專登入嚟食，食食吓仲見到要等位添，可見有麝自然香...同女友諗住食得簡單D，只係叫咗扎肉凍檬、三寶飯及粉包。粉包皮煙韌，餡份量適中，配合精彩絕倫嘅特製魚露，無得彈...講起呢個魚露就真係無得傾，一睇色水就知佢掂，指天椒及酸瓜碎份量十足，但啖落又唔會過酸及過甜，係有生以來食過最好嘅魚露。我同女友竟然夠膽差唔多倒晒人哋成樽魚露，實在太誇張..有咗呢樽魚露，基本上乜嘢都可以變成佳餚。凍檬大大碗，檬粉算煙韌，配上魚露，good..三寶係豬扒，雞翼及扎肉。師傅非常聰明地將豬扒片得薄薄，令到豬扒變得更入味，食到啃晒手指；雞翼好"香茅"，醃得夠味，心諗都好耐未食過咁香茅嘅雞翼..埋單一百蚊有找，雖然對好多人嚟講，呢度地點係比較隔涉，但淨係為咗個魚露都值得入嚟..P.S. 以後都唔會再去山林道嗰兩間分店，要食就情願行遠d嚟呢度..

佐敦老趙搬家了，搬左去同一條街後小小。新舖乾淨一點，坐都好坐D。\"生牛肉河\" 保持水準，差不多一星期便食一次呀!不過最唔好的地方，一人多便趕客走，咁令人好反感呀!

還記得幾年前我仲嚮大角咀番工嘅時候，我舊老細帶我同一班同事嚟呢度食晏。這亦係我第一次嚟呢度食嘢。之後每次有老外朋友自遠方來，我都會帶佢地嚟呢度試吓。其實如果話好好食咩又唔可以話啱哂，雖然話啲咖哩點法包真係相當惹味，不過其他菜式都係一般而已。我帶老外嚟呢度嘅目的，係想佢地體驗一吓香港七、八十年代嘅風貌。舖頭位於渡船街一帶嘅舊樓，呢度啲舊樓採用咗當時最新式嘅建築設計，樓面面積由大約十五樓開始減少，使大廈頂部至大廈中層成為一個梯形，使到有更多陽光可以照射到街道上。講到離咗題，講番食物本身。我建議嗌咖哩嘅話就唔好嗌咁多其他嘢，因為咖哩落咗唔少棷汁，會幾滯吓。如果想一嚐昔日香港風味，可以一試。

前兩日同小吉去食咗牛車快, 香茅雞翼豬排, 同埋生牛肉河. 前兩樣都不過不失. 但最好味係個河粉嘅湯底, 好甜, 好好味. 小雲唔食粉, 淨飲湯都好滿足.不過, 係呢d咁嘅舖食嘢, 一定唔可以講服務, 要求靚裝修, 始終舊舖有舊舖嘅特點.

我幫趁佐敦個間好味道, 選擇多,不過好逼,食完好快要走.

强力推介: 酸子牛肉火煱, 酸子係越南特有材料, 與牛肉味道丁分相襯, 上菜後千萬不要立刻進食, 最少等10-15分鐘, 讓酸子出味, 湯底有明顯嘅酸味後才落牛肉, 將牛肉灼至粉紅色, 舀一湯匙嘅湯底, 和着牛肉一齊放入口中, 係讓酸子同牛肉味道結合嘅最佳方法, 試過之後, fellow之親朋戚友無一不擊節叫好嘅 地址: 油麻地渡船角文苑街18-20號文苑樓地下(近文成街) 泊車: 門口任泊無人拉嘅 $$: 約$100蚊/每位