老趙越南餐廳

营业中

休息中

風水師也是凡人, 也要食飯, 遊完水行入老趙, 一坐底竟然發現鄰枱是蘇文峰,她和一名靚女, 點了很多餸, 相信是 FANS。我們點了 咖哩鴨、蒜蓉包、豬扒湯河。 咖哩鴨 - D 咖哩幾好, 但D鴨真係無乜味。 蒜蓉包 - 正, 夠香、夠脆、夠蒜蓉味, 用來送咖哩非常好! 豬扒湯河 - 麻麻。返到屋企好口喝, 唔知係間野太多味精, 定係 D 蒜蓉包太熱氣。

大約半年前已經想黎試，不過因為o係google map見到老趙身處不知名位置，所以一直提不起勁前來。今晚有人帶住，我呢個路癡都不用怕=D其實我之前未黎過呢頭，黎到發現呢度原來有好多好野食，睇黎真係一個臥虎藏龍既地方!行左一陣終於到左老趙，二人叫了蟹肉金磚、馬拉盞通菜、香茅豬肉凍檬同埋生牛肉粉絲 蟹肉金磚：其實我食唔到D蟹味，我都唔知係咩味，不過一咬開就滲出陣陣胡椒既味道，熱力亦都十足，我覺得好好食! 同埋我o係第度未食過呢味菜，所以我推薦大家試下 馬拉盞通菜：呢個普通，好似唔係好夠鑊氣咁 香茅豬肉凍檬：好大碗!! D豬肉甜甜地，唔靭，有香茅味，幾好 生牛肉粉絲：呢個真係要讚! 個湯底超濃，好好味~ 因為怕河粉肥所以選擇了粉絲，碗粉絲有一舊白蘿蔔，索晒湯既精華，即使佢都幾大舊，但咬到入面都依然有濃湯的味道，令人回味。唯一美中不足係上菜時大部份牛肉已經俾D湯浸熟左，同埋d牛有d鞋口。食食下發覺椒鹽軟殼蟹好似好好食咁…好多枱都有叫，可惜已經叫左好多野食所以冇叫，下次黎要試下呢個同埋佢既CURRY!!!

自問自己仲未食過哂全港的越式生牛肉粉, 所以這個"無敵", 只局限自己所知所聞不過, 自己食過咁多間, 真係未食過如老趙咁好食的生牛肉粉, 唔介紹真係唔得一上桌, 碗中間已經見到大量香噴噴的洋蔥, 底下係兩件好香牛肉味的白蘿蔔, 無錯, 蘿蔔好香牛肉味, 因為件蘿蔔已經索哂牛湯既精華!可能個湯底夠濃味, 每一啖河粉食到入口都有牛肉味, 係! 牛肉湯已經完全攻下了河粉的每一個粒子, 變成牛肉味河粉了牛肉係普通的牛肉片, 但切得很薄, 比起金寶所用的肥牛優勝, 因為肥牛浸完湯之後會有比較多油, 入口就變得肥了, 雖然金寶的牛河的湯味道都濃, 但牛肉就輸了給老趙了如果食生牛肉粉, 唔使諗, 老趙一定係first choice

這裡打烊比堂記早，所以同食友先來吃碗牛肉粉，再過隔離堂記吃即拉腸粉。老店，做的牙車快也是「平民」版本，很多的雞絲及椰菜與及花生，份量十足，如果再多些金不換效果更好。而牛肉粉，夠熱，而湯底醇厚美味，也是Le Solei及火車頭外，的正宗越南味道，未試過的，要來一試了。留意由於近收工，湯底也較濃郁一點，如喜歡清一點的話，早點來有著數，反之亦然。食友作東，在此謝過。

幫襯此鋪已20年老店俾新店出品好.每次都必叫生牛肉粉絲湯底夠濃好味白羅白入味又林生牛肉夠嫩滑,但係２間新店食都有一問題多次發生,就係上枱時生牛肉一定變咗10成熟老哂.咖喱鴨煲配法式長包,鴨入味唔會老咖喱汁用麵包配嘢食唔嘥(試過配蒜蓉包但覺咸)蒸粉包夠健康,炸春卷唔會好似其他地方炸到好乾身啱啱好出品水準好平均服務可以

越式的牛肉河及用生菜香菜包著吃的春卷向來也是難似抗拒之物.喜愛程度是去到外地也會找來吃!吃過澳洲的水準比香港好一點,而温哥華又比澳洲再好一點.約一年前市面突然多了很多吃PHO的店舖,那時剛好在這裡吃到水準低下的一餐,便決定頭也不回的周圍去試新店,要四出去試也要用上一段時間,喜歡還喜歡但總不成天天也吃吧!一年下來當中出事的佔了八成!這天終於回到曾離棄過的老店.牛肉牛筋河----在外吃過這麽多間後,終發現最愛還是這裡的湯底!濃香的骨湯底帶有一點洋蔥的甜味,喝後喉頭有一點甘味.牛筋是炆至半溶狀態,牛肉始終嚡了一點(越南亞呂的牛肉不錯)河粉滑溜夾起不易折斷.蔗蝦----蔗的甜味十足,蝦膠鮮味非常彈牙,咬開後中間部份仍然帶點濕潤,沒有因經高温油炸過後被抽乾水份.蟹肉金磚----食物的温度是提高了(上次來此物是冰凍的)但味道始終是一般,淡淡的沒蟹的鮮味之餘蛋亦太硬身. 牙車筷----大大碟的椰菜、青瓜、釀蘿蔔及甘荀絲.拌份量不少的手拆雞肉,加入酸酸甜甜的碌冧後吃起來非常開胃.兜兜轉轉到最後還是回到這裡才吃到滿意的牛河,老店的味道確是只此一家.

一班老友去搵好野食我就提議大家不如到佐敦老趙試下結果一行四人為左等埋後尾加入嘅嗌左個六人餐先講小學同學聚會之前我作為聯絡人緊係要上嚟開飯取經啦都係各位前輩千錘百鍊之下嘅菜單如下馬拉盞炒什菜鹵水排骨湯河咖哩鴨煲配蒜茸包牙車快越式拼盤炸春卷本來想叫招牌越式三文治可惜原來分店先有不過無損興致我一見到個餐牌同我手頭上嘅餸好似有少少出入個員工仲好細心咁幫我轉左做我原本擬定好嘅餸添等左好耐仲有兩個朋友都未到唯有食住等可能等待會令人更增食慾我哋四個人無驚無險咁食左個六人餐蒜茸包脆係脆唔係特別香椒塩炸軟殼蟹勁惹味食完可以加多一round串燒雙拼普通唔特別蒸粉果皮略厚味道不俗春卷拼盤扎肉蟹肉焗蛋金磚熱辣辣好好味春卷好味惜未夠脆牙車快撈甜甜酸酸嘅魚露或檬汁都好醒胃馬拉盞炒什菜没有像清亭一樣鹹鹵水排骨湯河勁惹味黑洞四人首次感到壓力但因為等朋友到場有幾個字時間消化下結果亦順利清場食到飽飽又好味道要定日子再去先^^

剛在佐敦出沒，見到老趙越南菜館，見人氣頗旺，心諗實無死，點知又係捉蟲叫了三人餐，一杯椰汁涼粉冰，一杯所謂香檳啤酒。先說椰汁涼粉冰椰汁的份量極少，完全失卻了本飲品的精髓，大失所望也。再說香檳啤酒一心諗住未見過呢隻野諗住試下酒精度 1.2 %，淡而無味，氣亦不夠，完全唔知自已飲緊乜野 再說主菜馬拉盞雜菜煲真係好雜，亦煲得好老，只有死辣味而無馬拉盞應有之香味，不及格。炸軟殼蟹好明顯選材不新鮮，有油溢味，吃了兩件已經不想再吃件件的辣度亦不均勻，鹹味偏重，肉質亦偏梅，不及格。炒金邊粉沒有越式風味，無論粉的質感及口味皆不見得越式，有點像星洲炒米，大失所望如果不是抱著吃越南菜的心態去吃，以茶餐廳的水平是及格的但是既然叫稱得上是越南菜，好明顯這店家沒有用心去制作吃一次沒有所謂，但肯定不會再去第二次。

十月下旬•寒冷有雨 在香港，越南菜館為數不少，但有水準的，不要說兩隻手，可能用一隻手數也有找。天后的火車頭不錯，但價錢頗貴。要吃平民化一點的，始終還是要來這裡。以往來吃，多是兩、三個人，一次試幾味，只知道吃的水準也好，總沒有機會找多些朋友來試一次。 然機會來了，十九幾個月前，食友Ming說「很久沒有越南菜的飯局了，KC不如搞一局？」當時口裡應承，但一直也沒有行事。十九幾個月後，適逢Susan及Ming的慶生宴，那就順理成章的來來這裡掃一轉。為數十多人，店方給我們安排了靠一邊的長檯，企理又妥當，相當不錯。 拿著餐牌，跟阿姐說說想吃什麼。她聽了幾款，就反建議我們吃其中兩款套餐，而將其中幾款食物轉做我們想吃的。價錢較相宜，份量又足，提議是真正為客人著想的，值得一讚。未開飯時，食友也在分享外地的手信，吃得不亦樂乎。 未幾食物一款一款的送上來，小吃以併盤形式奉上，春卷、蒸粉包、蟹肉黃金磚、札肉、蝦餅等。一來說是兩客，大家不停的拍照，再傳來拿去的，都要好一輪才吃勻所有食物。沙爹是例牌的每邊「半打牛、半打雞」，肉質嫩滑，不錯。主菜方面，炸軟殼蟹肥美多羔，值得推薦。香茅豬扒及雞翼遇著是晚的其他豐富菜色

招牌越南三文治$28：好正，味道正宗，如食過添記不妨try吓呢間!三料牛肉粉$30：味道一般,個湯用咗少少胡椒粉,去咗啲牛腥味，河粉滑環境似茶餐廳沒有越南咖啡有小小失望

之前成日經過依間出名既老店~但因為得一個人~入去都唔知食咩~今次三人行~咁就可以一嚐其真味~叫左個二人餐~都有好多野食~有個越式拼盤，甘蔗蝦，馬拉盞炒通菜，咖哩鴨煲配蒜蓉包，同埋椰汁涼粉糖水~另外我地再叫左碟黑椒生牛肉~個越式拼盤有春卷、扎肉同粉包~D春卷好脆~粉包入面D料同出面既有少少唔同~入口覺得D料好爽口~同個粉包個皮有好大既配合~GOOD~!!!甘蔗蝦好大支~D蝦肉好爽甜~GOOD~!!!馬拉盞炒通菜因為馬拉盞有少少辣~唔同出面剩係識畀蝦醬或者蒜蓉黎炒~GOOD咖哩鴨煲配蒜蓉包D鴨既份量都幾多，而且入面又有少少著仔~不過都好正常~但係估唔到入面會有豬紅~仲要咁夾~D豬紅佢煮到岩岩好~正~!!!而D蒜蓉包佢整到好脆口~加埋D咖哩汁真係無得頂~著實佢D咖哩汁真係好香~佢加左少少椰汁~更香~更滑~而且唔係好辣~真係叫好好味~個椰汁涼粉糖水唔掂就正常既~佢個主題都唔會係sell依樣~不過又係唔得唔寫既就係佢碟黑椒生牛肉，第一次食~好好味~真係唔係個個地方有得食~點美極醬就畀美極醬帶起左佢既鮮味~唔點美極醬但係加洋蔥食就有另一種味~而且都幾大碟~雖然個價錢係貴少少~不過真係抵食~有機會真

Wow the food was very very good. We all enjoyed it so much! We had spring rolls, shrimp patties, curry beef brisket, some veggies, fried soft-shell crabs and yummy fried rice. ^^ The service was friendly! Although the tables were pretty close together but not a big problem!

上年因外遊,而錯過與福兄慶祝生日,今年不容再失,於是便聯同十多位朋友,照他的意願,來到渡船街的老趙,為他慶祝生日.小弟只到過山林道的一間,和佐敦的"包包傾",老店反而一次也沒有來過.聽友人說過老店比分店水準好得,但同時亦比較大口氣,就算訂了位也不一定能夠入座,要自己早點去等位.我說訂八點,店員說要八點半.十三人佔據了一角,幾張檯拍埋一起.老趙的菜單選擇不少,但難於選擇.店員提議不如要兩個六人套餐,而且可在套餐內容上作出更改.靈活性大.一個六人套餐只是六百多,相當便宜.近期身邊很多朋友,也學起整燻蛋起來,繼莎朗之後,今次到史提芬的女友C,泡製了一些燻蛋給大家分享.作為是夜的頭盤.老趙的上菜速度很快,當落單不久,即刻奉上兩碟炒菜.一碟馬拉盞,一點蒜茸炒,為何用蔬菜來打頭陣,我真不明白.咖喱牛腩味道濃惹深厚,辣度輕微,牛腩做得入味,很稔熟.牛筋膠質豐富,同樣吸盡了咖喱的味道,一邊咖喱一邊骨膠原,兩者兼得.因為咖喱好吃,另上的法包變得搶手.香茅牛肉濱海是另一種個性,牛肉有嚼頭,帶有幽幽的香茅味,濱海用米粉包成一舊,實在不易散,連同牛肉,炸蒜一起吃,非常豐富的感覺.椒鹽軟殼蟹炸得酥化,送酒一流.

是晚突然興緻一來，提出不如來渡船街吃晚餐，其實我只是隨口說說，結果竟真的來了。其實附近有數間好像頗不錯的餐廳，但礙於只有兩個人，還是吃點輕巧些的，最後還是來了老趙。我們來的時候還只是 6 點多，店內還未有客人，店員便說我們隨便找個位置自己坐下。通常店員也會推介吃套餐，不過套餐個太多了，最後還是散叫，而且又可以叫自己喜歡吃的東西。左想右想，最後要了一個蟹肉焗蛋金磚，一個牛筋湯金邊粉和一個越式炒粉皮。蟹肉焗蛋金磚其實只是見名字吸引所以叫來吃，之後來知原來是名物呢! 其實味道個人覺得是可以的，內裡有蟹肉，肉碎，木耳，粉絲等等。雖然感覺是油膩了點，不過肉香很突出，加上表面香香的蛋皮，也是可以一吃的，但如果就這樣吃會比較膩，要來送飯相信會比較好。之後是牛筋湯金邊粉，這個很好吃呢! 好吃的原因當然是因為湯底，真的很濃牛骨味，既鮮甜又香濃，而且還有點點香茅的味道。金邊粉幼滑有咬勁，而且吸收了湯的味道，蘿蔔也是一樣，吸收了湯的精華，又沒有渣，好味道!! 不過蘿蔔只有一件，如果再多些就好了!! 由於湯太好味，所以牛筋也變得沒什麼特別了。最後是越式炒粉皮，配料很多，倒是粉皮較少，真有趣! 配料真的整碟都是

在圓方閒逛超市之時接到好友電話Happy Hour~原來lunch都未食先係真~~~就捨棄辦年貨的計劃等他來~沒有計劃地就決定到附近的渡船街一帶~方便泊車~~這一帶除了法式三文治和黑夜腸粉外~都沒有試過其他~~老趙當然是心水~~原來好友在這邊打滾多年吃過無數次~還說如果未搬之前是好好好味~現在只是好味~明明不餓~明明個多鐘之後就要吃團年飯~但坐下來見好友二話不說要豬扒撈檬~呀姐姐又在旁邊等著等著~~就要了個牙車快~~~~員工在餐廳中間吃晚飯~~希望我地無阻住人~豬扒檬先到~~問呀姐拿了不少金不換~再淋了大半樽甜酸魚露醋~~變了凍ge湯檬XD~豬扒處理得平平~實而帶點”鞋”身~個人覺得此品在小巴黎總店做得較好較入味~~~而小比的牙車快實為雞絲椰菜沙律~~索價$60~有點過態~但老早就想來此店試這個沙律~~有如到印尼舖想吃加多加多~~大量的椰菜絲外~有六七件雞件圍了一圈~面層放了雞絲蔥油蘿蔔絲花生碎等~~二話不說小比又下了半樽甜酸醋~落到d辣椒塞住要換過樽~hehe~雖然整道菜的原材料配搭都好像很raw~放埋一齊就事成~但每一口包了不同的材料~拌著醋汁來吃反倒是開胃而且花生碎夠多有咬勁嘛~