老街 (已搬遷) 新店位置

台灣美食深信是唔少港人至愛，一碗好吃的牛肉麵或滷肉飯確實很難找，此間的味道跟台灣很相近，是我近年來在香港吃過的比較下，確實不錯，店鋪都以復古懷舊裝修風格，像舊式台灣般感覺，令人置身其中<<紅燒牛肉麵>>牛肉像牛腩般，口感軟熟又入味，麵條分明，口感爽口彈牙，但當中吃到有數條麵條未熟透，湯頭濃郁不太咸，是我愛吃的味道，但略厭油多了，若牛肉是切成片狀會更好吃<<台灣滷肉飯>>叫了大碗飯，滷肉真正是台灣所吃到的半肥腩肉，而不是平日所吃到的瘦肉碎，正宗古早味味道，白飯用了珍珠米飯，入口軟熟易咬，可以叫店員再加多點汁配白飯<<木魚炸豆腐>>豆腐炸得香酥脆口，淋上少許醬汁和沾上甜醬，木魚的香配豆腐一口吃味道更佳，非常出色

今晚我們去咗旺角豉油街見到有間叫嘅「老街」係食台灣菜，所以我們就入咗去食晚飯！我們叫咗台灣滷肉飯「小碗」嘅肉燥係半肥瘦，滷肉嘅肉汁滲透晒米飯入面，味道相當芳香濃郁！滷水豬手肉燥乾拌麵嘅麵質好煙韌彈牙，豬手燜得好入味，質感好爽滑彈牙！紅燒牛腩牛筋麵嘅牛腩肉質就實咗啲啲，而牛筋嘅質感就非常煙韌彈牙！紅燒牛肉麵嘅牛肉係牛𦟌嘅位置，肉質超級軟滑腍身，牛肉味相當濃郁，湯底嘅味道好鮮甜香濃！香酥排骨滷肉便當嘅排骨外層嘅炸粉就比較厚身，但肉質都幾鬆軟！店內嘅環境有啲懷舊嘅台灣風格，而且播放著非常經典嘅台灣流行歌曲！

從未試過咁嬲 零服務中伏中到七彩 幾時執左佢話說我四點九入去 問佢仲有無午餐佢答「無啦喎！」 （五點截）我都算問佢有無set 佢答「無喎！」好不容易叫完餐 原來有下午茶餐嬲嬲地 問個職員頭先做咩唔講個死xx職員仲要補多兩句 「你頭先問我有無set啊嘛！」態度其差 唔想做生意咁我覺得你唔出聲我都算 仲要補多幾句下午茶唔_係set 差成一倍價錢我唔明點解可以咁樣對客人我已經唔識形容呢間餐廳永遠唔會再黎祝成世零生意 _那星Sorry for 1999

非常馬虎，唔信邪可以自己去試吓。叫咗兩個飯，我老婆食滷肉飯便當，九唔搭八放啲蘿蔔喺度，好重嘅生抽味，唯一正常嘅係隻蛋，同啲白飯。我叫左個鹽酥雞便當，都係一樣唔知點解啲肉燥飯啲山抽味咁重。雖然話＄40個飯姐，都唔可以咁馬夫ga 杯嘢飲都係正常嘅

夜晚七點鐘點左個麻辣牛肉麵，但無上牛肉。同佢講番比人話我叫剩麵都算。食完野叫佢比牙纖，叫左4次話拎，到賣單都未有。永不再食x1000000000000000000

服務差到暈，砰一聲放低食物係基本，叫十聲應一聲，員工妹妹仔應該昨晚浦完通頂再返工食物食左個午餐，香酥排骨魯肉飯便當，42+3熱飲豬扒炸粉厚，肉薄，蛋凍，魯肉不夠碎

有日同男朋友行完街,本身想去對面間米線鋪食,但條隊太長唔想等,就黎左試呢間,個時夜晚9點幾,入面坐滿人,等陣5分鐘度就有位睇MENU時,我想食魯肉飯,又想食牛肉麵...選擇困難症發作,最後對面個個揀雞扒魯肉飯,我就食牛肉麵等左陣就有野食,試左個湯先,還可以...可能我個人比較鍾意重D藥材味個類,到食麵,麵質不過不失.最後先佩舊牛肉,估唔到最有驚喜竟然係舊牛度,一咬落去同平時食個D台灣牛肉麵D牛好唔同,佢舊肉係爽架,無錯!!係爽口,爽口,爽口(重要事要說3次),好好食....唔知係咩部位,但因為舊牛肉我一定會再返黎食.

撇除近年的政治因素，其實台灣無論娛樂圈、旅遊業、夜市還是其飲食文化，都有它的可觀之處，和引人注意的地方。在我的眼中，我喜愛的台灣菜特色主要在於四方面：第一，是由上海移植過台灣的蟹粉小籠包和蟹黃湯包，例如「鼎X豐」。第二，是由台灣夜市文化而來的台灣街頭小吃，例如「八X雲集」的麵線、「豪X大」的炸雞排和「繼X香香雞」的香香雞。第三，是台灣街頭流行的珍珠奶茶，是台灣的代表性飲品， 如「X茶」和「Come Bxy」。第四，亦是最愛的台灣美食，無人不曉的牛肉麵，例如「士林X」、「小X牛肉麵」，還有在旺角新開張不久的餐廳「老街」。我不排斥吃牛肉，但對牛肉的觀感始終不及雞肉那麼喜愛。對於台灣有名的牛肉麵，我只求一嚐以止口癮，點到即止如願已足矣。就像當年去台灣旅行，我都是留到最後一日，臨上飛機離開前，才在台北市中心吃我的第一碗牛肉麵。至於台灣人特別喜歡吃的滷肉飯，由於我近年已經戒掉豬肉的關係，已經沒有再試。今次去了旺角豉油街某間台灣菜館「老街」試食。原來此店開業已近一年，但我常常去旺角購物試食，偏偏對此店毫無印象（反而大角咀的「士林X」我去了兩次），每次經過花園街都沒有為意它的存在，直至看過開飯網食評

昨日在旺角一帶行街買衣服經過此食肆, 吃了一頓午餐。食物包括一碗鹵肉飯, 一碗紅燒牛肉麵。鹵肉飯有很多肉碎和猪肉粒, 很好味和不油膩, 飯粒又很軟糯。牛肉麵的牛肉又大塊和很軟熟又入味, 麵又爽不稔, 湯又清甜。那處的年青侍应又好招呼, 感觉肚飽又開心。

穿梳港九多個地方，最後選擇左旺角老街呢間台灣食店晚餐。大家胃口不大，所以叫既野食份量都揀較少。呢碟滷味切大腸22蚊，豬腸唔算多肥膏，只係少少肥，切得幼細。滷水味唔算重，如果可以滷耐幾個鐘，加多啲八角會入味好多。一提起食台灣野，朋友百分之九十九都話會食番碗滷肉飯，份量唔似香港野食咁多，但食完會岩岩飽肚。久病初癒既朋友被我禁止食熱氣野，慎防再病，於是佢叫左鐵路雞扒滷肉飯，雞扒做法我覺得有啲似炸子雞，雞皮薄，經熱油生滾雞皮，雞皮薄脆但冇多餘油份，外層少少金黃，內裡都算嫩口，加上帶油香既醬汁連蔥花一齊食，味道整體唔錯。至於滷肉飯我覺得就普通啲，滷肉如果可以多醃一陣，並且可以加多啲汁會好食好多。

服務態度好像，所有店都爸爸過身一樣。餐牌上面嘅相片全部都係欺騙人，圖片只作參考，但係事實係相差極遠。「食送」嘅份量極孤寒，$28 得三條台灣腸，$5x 滷肉飯 水平一般.....旺角一個老點一個老街，價就識加食物質素不停下降。如果想食好味台灣野，我推薦CWB 台南阿豆仔老街冇下次

自已一向都好鐘意食台灣野，但未食過一間甘難食，服務態度又差仲記得當時叫鹽酥雞飯,d雞勁厚粉勁鞋!!!魯肉飯都超一般,真係好失望,完全吾值得比錢去食,呢間真係一次就夠

近來發現這一所細小的台菜食店甚有好評，而且其身處的位置又是屬小弟經常出沒之地，而更重要的是，我已有頗久沒有吃過台灣嘢了....三個因素加起來，實在沒有一個不前來的動力及理由了....午餐時段店內充斥著放飯的學生哥們，正式是插針也插不入。在人流高峰時期，和不熟悉的人搭檯，自然是少不了的場境....牆上貼滿台灣老街的舊風光，登時令我懷緬多年前到寶島旅行時的好光陰....從回憶返回現實，還是馬上醫肚最實際....套餐加三大洋換來一大杯冰涼的台式紅茶。和我們港式茶記的出品大不同，台灣紅茶於我而言除了得個甜字及夠凍之外便毫不吸引，呷入口是一絲茶味及香也感受不到....我個人一向十分吃魯肉飯的，特別是帶皮帶肥的就更是吾之大愛也。所以今天放在小弟的面前，便是一大碟魯肉加香酥排骨飯....魯肉粒很可惜大部份都是瘦肉。沒有皮又欠肥的魯肉，說實在好食極也有個譜啦。最大的吸引力，還是用那滷汁用來撈飯吃；台式的炸排骨即是炸豬扒。皮弄出來雖夠脆但並未算酥化，肉有很重的五香粉味但也太過死實欠肉汁，咬起來有點柴口....很明顯肉太瘦了....配菜方面，粟米、紅蘿蔔粒加上洋蔥，這組合不甜就怪啦；蛋滷得味甚鹹而且質地同

牛肉麵好食。 麵質軟硬適中，牛肉入味。湯底味道濃郁。 唯獨是服務態度極差。 服務員黑口黑面。十問九唔應， 眼神極度不友善! 對客人呼呼喝喝。。。 一間餐廳,食物無論幾好, 態度差都令客人反感。

今晚趕時間，喺旺角食到厭，求其搵間食過嘅餐廳食飯算，今次食麻辣豬軟骨麵，之前食佢啲麻辣麵辣到食唔到咁滯……今次醒目要超級無敵最少辣！麵軟硬適中，豬軟骨就嫌啲軟骨唔夠腍，同埋唔夠入味，湯底幾好味，不過飲多幾啖就辣到嗆喉。而飲品我就飲冬瓜茶，喺哩間食嘢到宜家我都好專一只飲冬瓜茶，不過如果可以再小甜啲啲就perfect!