老街 (已搬遷) 新店位置

超難食，呢個所謂排骨便當d豬扒入囗成舊粉咁，又唔香，個飯又林又濕。滷肉又大舊又唔香。成件事食兩啖想放棄，超難食..仲有個珍珠奶茶，一d香味都冇，成杯飲飲落唔知乜料，加咗$3要珍珠，未食過林成咁嘅珍珠，一d彈牙口感都冇。都係果句，成囗粉！！😡😡😡仲以為旺角食嘢會有一般水準，一d都接受唔到！真是貼＄買難受 第一次就咁，Never again!!

六點三黎到 店內坐滿一半入面裝修得幾靚 似小咖啡館一直播係國語歌但係坐得比較迫 食物價值公道 亦都唔洗加一 （不過可能因為咁 服務麻麻）我點左蕃茄排骨麵 $55 加$3轉成新竹米粉跟餐加$10 要冬瓜茶蕃茄湯底酸甜適中米粉幼滑 分量相當多 排骨雖然唔係好厚肉 但炸得香酥 唔油膩朋友點左鹽酥雞肉燥飯再加 台灣奶茶 （呢款係無粉圓既）佢既鹽酥雞亦都一樣炸得好好只係d肉乾左d啫呢度既食物調味偏清淡連飲品都係「自動」少甜朋友既奶茶好似無落糖咁即使後來請店員加糖漿亦都無咩甜味我既冬瓜茶都係淡淡既

8點半左右見冇麥人就諗住試下喇，好喇，坐低之後就叫左個職員(高腰褲)落單，之後見其他人晏過我地落單都已經食緊，甘就問下啲野未到，點知啲職員擾攘完一輪，就有個行過黎比菜單我地問我地落左未，冇人話同我地落過單。我地白白係到坐左成半個鐘，真心火都黎，最緊要係，個職員仲同我地對左幾次單，甘都漏唉，以後唔會去食。

麻辣牛筋牛腩麵 - 牛筋同牛腩食落是上品, 麻辣既湯唔算超級辣但十分之油, 麵條普通無咩特別。滷肉飯 - 食台灣野我必定會叫既滷肉飯~可惜呢個唔合格, 完全冇個種味道, 肉汁唔夠多, 比較淡。滷味大腸、炸花枝丸 - 大腸OK~ 花枝丸就唔得囉, 冇花枝既味道。總括黎講: 如果咁岩經過、又咁岩想食台灣野、而又無咩要求既話, 此店可以一試。

同男友睇完戲，就去搵食，晚餐隨便揀了平靚正的台灣菜。套餐加$10就有凍珍珠奶茶，珍珠比一般的細少少，但好Q好好咬口，奶茶順滑甜度適中。我地還叫了小食，就係小香腸拼鹽酥雞$38，小香腸脆皮好咬，包著的肉味幾濃，香口小食。鹽酥雞唔算好香脆，但有酥香鬆化的炸皮，雞肉不乾，味道也不太咸。我就叫了麻辣牛筋牛腩麵$59，辣味刺激左一陣，好快就消失，麻度也不高，好易接受。牛筋好有彈性，牛腩又鬆化又煮得淋，而且香料好入味。男友的紅燒牛肉麵$55，湯底清而牛味濃郁，一點油也不見。麵質較硬身好咬。牛肉份量不多，但牛𦟌有筋有肉位，所以肉質平均，特別有口感。基本上，小食類都定價偏抵食，牛肉麵可配飲唔成套餐，價錢合理。服務同環境都合格，想平靚正解決晚餐就岩。

蕃茄豬軟肉麵 $56 有五舊豬軟骨，骨爽肉軟，容易咬，而且都入味的。麵質QQ的，正正子😋大大碗！蕃茄湯味濃！好想飲晒d蕃茄湯😂蕃茄控表示十分滿足🙋🏻 另外仲試左鹽酥雞 $25， 香脆又吾太咸👍🏼 魯肉飯（細）$28 有吾少魯肉，吾會太肥膩👍🏼出餐速度好快，吾怕餓親😁

天氣熱熱，最岩食台灣野配大大杯台式飲品，有點厭倦連所式台式食店，一於試下細細間ge老街Menu選擇多，台式麵飯及小食，樣樣齊！最欣賞小食大部分細細碟，就算兩口子開飯都唔怕食唔曬我地點左紅燒牛肉麵加大，魚鬆皮蛋豆腐同滷水大腸，香芋奶茶魚鬆皮蛋豆腐先到，賣相吸引，有好多木魚片配上魚鬆同豆腐好match，醬汁都好好味又唔太鹹紅燒牛肉麵加底夠曬大碗，牛肉好淋好入味，湯底略嫌太啖，麵幼身口感普普通通la滷水大腸細細碟甘，大腸肥美，食落入味又唔un，無so味香芋奶茶都有水準，唔係死甜果種！

麻辣牛筋牛腩麵碗麻辣湯(血紅色好吸引)嗅到好香麻辣味(味道真的好辣)夾起麵條(已滲出麻辣的味道，喉嚨的感覺，只有辣)喜歡辣的話，可試一試，牛筋，牛腩煮得好淋但牛腩有好多肥膏(多到，有陣陣的蘇味)似羊肉的蘇味……扣分魚鬆皮蛋豆腐木魚塊，魚鬆香口，配上皮蛋的口感(好夾)豆腐口感算滑口，但配汁方面鹹左小小蜂蜜柚子茶(熱)加$10好濃郁的柚子味，有柚子肉(蜂蜜的天然甜，好飲)

川味麻辣牛肉麵 $59.路過見到哩間價錢算係大眾化既台灣食店又好耐冇食過台灣野所以入去試下.店好細坐得好逼 明明冇乜客都要求我地坐埋一邊😑所以我都食得快d咪阻住人做生意啦🙈🙈🙈.哩碗牛肉麵其實唔係好正宗 因為本身我已經叫左川味😂其實有時食辣既目的就係怕d野唔好食 起碼辣味可以保證味道岩胃口😂😂😂 雖然湯地係深色好似好牛既湯底 其實我剩係食到川味 都ok既其實 心諗好彩叫辣 原味一定好淡口好難食😐牛肉都幾淋下 索埋d湯就好辣啦.麵質都幾特別 有咬口既 唔會煮得太過火 不過我覺得扁身個隻牛肉麵好似正宗d者😌仲加送條菜 雖然唔收加一 不過我覺得真係唔多值$59 實在是太普通 不過周圍都100起跳咁計都叫抵食既.酥脆鹽酥雞 （小）$26.然後就是點了這個小食 吃不到台灣重口味既風味 只有普通既咸味 剛剛炸起 算係脆口 但係舊舊都係鞋既 同乾身 咁岩食晒雞腔肉嘛⁉️ 定係炸耐左.感覺十分普通.想當年既高登炸雞好食好多又平d.

又是休息天的日子，睡到自然醒的感覺很幸福。好友一個whatsapp來，相約到台灣小店醫肚，很久沒有去過台灣，順道來個望梅止渴吧。「老街」位於旺角的一條老街上，店內面積不大，但裝潢精緻，播著一首首懷舊台語歌。午市餐牌分了星期一至五，有便當有麵，選擇未算很多但組合款式搭夠。便當的賣相令人有點失望，還在想會是可愛的方盒造型。不過沒緊要，把焦點放回味道上，牛筋和牛腩都非常入味，而且軟淋，牛腩中間更有少許肥膏，罪惡感令人內疚但有想再吃一嚿。朋友怕不夠飽，所以點來了小吃。咬一口鹽酥雞驚喜地很鬆化，雞肉嫰滑，而且咸味恰到好處。炸豆腐表面其實包了木魚乾，非常脆口，再有醬汁包裹著，味道帶微甜，中間豆腐挺身滑溜。拌面的面底拌上肉燥粒，肉燥汁染上每一條面條，面條咬落挺煙韌。香酥排骨的外皮跟鹽酥雞差不多，仍然非常喜愛那酥感，這份排骨沒有很重的鹽味，不過勝在啖啖肉。午餐+$3就可以配上簡單的珍珠奶茶，經濟實惠的台灣午餐就是這樣煉成的。

大約八點半去到旺角搵啲平民啲嘅價錢嘅餐廳，最後黎左老街食肉燥飯，平均大約四十幾至五十幾一碟都ok嘅。一去到，搭枱，唔駛等，我地八點半去到。都唔算貴嘅價錢。鹽酥滷肉飯，45蚊，價錢與質素相附。麻辣牛根牛腩，好辣，不過我試味，唔係我食唔記得影兩杯野飲影漏咗說好的肉燥飯呢？原來我最後點左滷肉飯總括黎講，價錢合理。

突然好想食台灣牛肉麵...雖然網上睇過介紹... 明知老街既牛肉麵既麵唔係寬條個種... 但見係台灣味就試試先... 點知失望... 唔係難食既... 但每碟既味道都係唔夠味... 淡左 d...台灣滷肉飯（細碗）夠晒多汁但都係比較淡味... 撈飯食唔覺油~滿漢大塊牛肉麵有花枝丸、貢丸、金錢、牛腩、牛筋原來係微辣既... 仲勁多油... 牛腩金錢都夠淋... 牛筋中間就帶點點硬... 婆仔都係比較鐘意食寬身既台灣麵...滷味切豬耳如果個汁可以濃 d 就好啦~小香腸併鹽酥雞小香腸微熱... 味道一般... 鹽酥雞好淋好食既... 但鹽真係得幾粒... 多番少少就會更正~香濃朱古力又話香濃既... 勁淡... 好在叫左一杯試下先啫~早去到 staff 比我地揀位置... 咁我同肥丁兩個人就緊係揀番雙人撐台腳位啦~ 服務都唔錯... 收碟上菜都好快... 食飽都未夠 8 點... 門口都開始有客等位...

老公吃過這裏的紅燒牛肉麵說很好吃，所以便到來一試。牛肉面的湯雖然淡淡的，但是感覺沒有太多味精，很好。而且牛肉很淋，麵質也煮得剛好，不會太硬身。麻辣牛肚很惹味，刺激味蕾。花枝丸就沒有什麼特別。

好耐冇試過台灣野。今次點左牛肉麵，鹽酥雞滷肉飯飲品就係珍珠奶茶同冬瓜茶先講啲失望既鹽酥雞滷肉飯--啲滷肉啲個少少汁又唔夠，雞就炸得幾好，但啲肉就冇乜味。至於飲品，冬瓜茶好淡，飲唔出係冬瓜茶珍珠奶茶調返轉，成杯糖水咁，奶茶味完全冇。碗牛肉麵就好啲，牛肉入味但個麵感覺似係日本拉麵多啲囉。。。

同朋友2個去食夜晚太狹窄了 連行嘅位都無乜 我地每人都叫左鹽酥雞滷肉飯配珍珠奶茶大概50幾蚊到野食好快黎到 但第一眼見到真係嘩左聲d滷肉係碎黎嘅 仲要得幾粒 汁又太少 d汁唔夠味雞嘅份量就ok嘅 都有8 9舊外面ge味都ok 不過入面就無咩味奶茶就加10蚊 都可以啦 要飲好飲嘅 去天仁啦如果唔係話要食好野嘅 呢到都可以嘅50幾蚊 算係咁啦