老街 (已搬遷) 新店位置

台灣菜系有佢獨有既魅力，呢間個位置有點兒難搵，最尾搵到戈下磡有滿足感，btw今次都幾有驚喜入到去既環境真系似去左台灣人既餐廳咁，四周圍好多台式既壁畫、掛飾等等，感覺幾有台灣風味，不錯，但座位方面會同隔離枱比較近距離。食物方面就緊系叫招牌既紅燒牛肉麵啦，紅燒牛肉麵既牛肉好軟身同入味 湯底亦十分正，好濃味飲左好多啖，牛肉麵既精髓，正是這個模樣台灣菜當中鹽酥雞球相信系必叫既一樣食物，呢個真心好食，可以形容為炸到岩岩好既程度，脆卜卜既外皮，裡面系雞肉新鮮嫩滑，完全達致正宗鹽酥雞既標準P.s. 服務方面，侍應真系零笑容，又系叫極都冇人應，企埋一邊吾知做乜鬼野戈啲

大家都知旺角多台式餐廳，今次介紹呢間係超抵食咖！因為小食黎講十幾廿蚊都有（不過唔係全部），一班人嗌好多小食同主菜夾埋食都好平 — 老街！其實佢入面唔算大間，但座位都充足，我每次去都唔洗等位！今次都嗌咗幾多野食，首先由主菜講起啦！首先呢個係台灣腸滷肉飯，我幾推薦咖！滷肉唔太鹹唔太油飯係珍珠米，台灣腸好扎身！紅燒牛肉麵個湯底好濃郁香料味，但最出色係牛肉，入口即溶！整個紅燒牛肉麵都做出台灣嘅味道出黎！講完主菜，咁就食下小食啦！今次都嗌咗幾多款！鹵味拼盤係唔錯之選！最正係牛筋，入味又唔膩，滷蛋同牛耳都幾好咖！係香港就食得多蠔油時菜，而呢度嘅菜係配肉燥，肉燥比起滷肉少肥肉咖，唔怕菜會吸曬啲油嘛！呢碟炸花枝丸，價錢比較貴，廿八蚊但上枱只有四粒，味道普通。炸豆腐，我都幾推介！豆腐用咗類似吉列嘅方式炸，面上淋咗豆瓣醬同加咗青瓜絲，三樣夾埋都幾惹味咖！鹽酥雞，同出面食嘅都差不多！份量也ok！今次推介呢間餐廳性價比高，平價黎講都唔錯，大家行過都可以試下！

是日晚餐，男朋友帶我去一間係橫街既台灣野食食晚餐，餐廳名好特別，叫老街，因為都係晚餐時段，所以都要等一等😅。叫左個川辣牛肉麵，麻辣味好香，麵都好彈牙，正男朋友叫左個滷肉飯，好地道好台灣食到既味道，仲有個小食台灣香腸配鹽酥雞，男朋好鍾意食台式腸，佢話好正，食曬，鹽酥雞都好好味，似係台式店賣既個種，不過加埋個小食就好似太full啦，但都係忍唔住叫左，最後兩杯野飲結尾，真係好滿足呀，不過男友唔鍾意百香果綠茶，覺得怪，但我覺得好好味，仲有椰果，好正！

講起滿漢就諗起大碗麵既滿漢全席😂😆😆😆不過完全唔同level，呢碗豐富太多。 🔺滿漢牛肉麵 ((HKD$68))+$12 跟特飲 洛神花茶 本身想食牛肉🤔但又想食牛筋牛腩🤔又想食花枝......所以唔好煩啦黎個大雜燴既滿漢啦。本身單牛肉麵係$50，貴左少少但多左好多款其實都算抵既，不過呢個價錢加埋飲品要近$90就唔多抵啦🙊🙈 牛肉湯好香，麵身軟硬適中幾岩心水。牛肉煮得好林，肥瘦都均勻，不過牛腩就上下都有一層肥膏包住😳🙊🙊🙊牛筋煮得好林好膠著感 比一般茶記牛筋麵更交貨，花枝丸同貢丸都係一般貨式唔會太差但無咩驚喜，不過總結來講都覺得幾唔錯既，係價錢偏高少少😛🤘🏻 🔺麻辣牛腩牛筋麵 ((HKD$50))+$12 跟特飲 洛神花茶 另外朋友點左麻辣湯底既牛腩牛筋麵，味道都幾濃，唔算辣帶少少麻，我諗平時唔食得太辣既朋友都可以試下😌😛不過就偏油左啲。我覺得唔差，但都係中意牛肉湯底多啲XD

1️⃣) 小香腸拼鹽酥雞🐔 我覺得幾好 鹽酥雞個皮好薄👍🏻👍🏻-2️⃣) 但個豬軟骨拌新竹米粉就真係😅😅😅 米粉無乜野 幾好，但我真係從來未試過食豬軟骨食得咁狼狽😅😅😅😅😅 豬軟骨正常(我食過既) 應該係 肉又軟🍗 骨都冧🍖架嘛，但我想講呢間既豬軟骨既骨同肉係非常強韌😅😅 食到我一面都係😅😅😅😅-服務態度亦有待加強😥😥😥

同事極力推薦下就黎左試，好彩差不多8點到都唔洗等位😎⭕️鹽酥雞肉燥拌麵 $50黎到個陣本身擔心會唔好味，因為賣相真係麻麻。佢既味道有d麻醬味，好香，又有青瓜芽菜拌住食，十分有口感！麵質唔會硬，又易撈😍鹽酥雞份量好多，啖啖肉冇骨，調味唔會太咸，係食過甘多鹽酥雞最好味的！必點！ ⭕️蕃茄排骨麵 $55蕃茄湯唔係用蕃茄煲，麵又硬，有d失望😭😭😭😭排骨份量足，唔會死咸，唔會硬，不錯！ ⭕️魚酥皮蛋豆腐 $29十分推薦！好大份！醬汁甜甜地，將所有野撈埋一齊食口感豐富，又開胃又有滿足感！必點！ ❌香濃朱古力 $12完全唔香濃，下次黎會俾多次機會其他飲品💢

話說行過見台式野 店面好似不錯 兩口子就行入去食啦⋯⋯一入到去都唔覺伏,但直到點餐時就發現中左伏，服務沒禮貌，食物味道見仁見智⋯⋯但重點係我地兩個人，昨晚食完兩個台式飯就一直輕瀉......可見衛生認真一般。兩人被安排座細房內二人桌，很不通風，有點焗，地方逼得黎連隔離桌講咩都聽得一清二楚！唯一可取，上菜勁快，但D飯菜溫度不一。感覺中伏！雖價錢可取，但質素同衛生真的令人好失望！希望店主有幸見到可改善一下啦！

突然想食台灣野...點知發現原來而家旺角的台式料理真係小之又小...因為台灣真係太近香港，所以大家都去台灣食?定因為大家唔鐘意食台灣野呢??真係冇解..搵左好耐先搵到呢間~佢都開左好一段時間但我一路都冇幫襯過..就試一次喇!入去坐底見裝修都唔錯~同行友人話想食花枝丸，所以就叫左一個花枝丸先~講真...同75x賣個隻台式花枝丸冇咩分別...不過好彩價錢唔算好貴...再黎就叫左一碗牛肉麵同一碗滿漢大塊牛肉麵(即係咩都有)個湯有牛肉味，但唔算好濃...比我前一日係x木台式料理個個有分別。(x木比佢濃，但唔知有冇加其他野)牛肉不過不失，但同行友人就唔係好鐘意，話佢好大舊..但我就覺得ok，因為都算淋,唔會好硬同好柴，牛根分量係唔多..但都滑身!丸就唔駛多講喇~冇特別..唯一要講的係飲品，因為佢本身係冇包野飲的~所以一定要加錢叫。當日叫左一包冬瓜茶同巨峰qq綠茶...但真心...有的扣分..因為真係一的誠意都冇...本野真係唔好飲...仲好似十幾年前台式料理個的...完全冇跟住個社會進步.....只可以講...唔怪得香港咁小台式餐廳..因為大家都仲係以十幾年前的想法去做....

今日同朋友去旺角焗身係焗身之一梗係要食返餐，食到飽飽啦朋友帶我嚟到呢一間餐廳，太耐冇行過呢度都唔知開咗間新嘅餐廳叫咗一個大嘅滷肉飯成為＄38呢一個同台灣食嘅十分之相似夠晒多汁而且味道夠濃郁而且都唔係話好油，加上佢有少少蔬菜同蛋，可以舒緩返滷肉飯嘅油膩另外加咗個檸檬綠茶，成為＄12，唔係好甜，飲完之後唔會話甜到有痰🤤 個人應為啱啱好不過略嫌啲檸檬唔係太夠，篤左好多下都飲落冇乜咩檸檬味不過整體來講都算幾好，而且唔算貴

近排多左出旺角,行到新寶戲院果邊,望去對面豉油街有間老街,門口用好多木條切成既牌匾晚上加上射燈既效果(仲有細字,牛肉麵,鹽酥雞,滷肉飯),好令人想走去望下(因為台灣小食好吸引呀)見到menu既香芋珍珠奶茶流哂口水,天氣熱一入到鋪最想叫杯野飲先。*香芋奶茶$24加珍珠$3(我跟餐轉特飲$12+$3)好大杯呀,一飲就覺得系香芋雪糕既味,用令粉來沖好香濃既香芋味甜度剛好,珍珠煮得好,粒粒都軟硬剛好,夠煙韌。*蜂蜜檸檬水$24,好香甜蜂蜜味,檸檬新鮮成杯野勁fresh!!*酥脆鹽酥雞(大)$38大約有12粒,比一般既大粒,粒粒都咁多肉,兩個人食好飽呀!*滷肉飯(細)$28,細細碗,肉同汁都幾多,仲有菜莆撈飯。兩個人好似叫左好少食左好少野,但杯野同鹽酥雞份量好多,好飽呀!

美食哥倫布今次去咗旺角搵野食!有乜野咁伏?一齊睇下啦! 一個飯加杯野飲,記得好似$60蚊,話平唔平話唔貴啦啲鹽酥雞都幾大粒,肉又算多不過啲唔知係腩肉定肉燥嘅野真係好奇怪....因為我都唔知自己係食緊乜....當汁撈飯囉....格雜介有啲雜豆...唉....奇奇怪怪咁...蛋無味...真係(老)蛋囉...杯珍珠奶茶好淡,你唔會覺得係一間台式餐廳應有嘅水準....不過啲飯係多嘅...求飽肚應該都岩嘅....不過60蚊求飽肚...係咪要揀佢先.....自己諗啦!!

本來諗住試另一間 點知冇開而呢一間係我朋友建議話要試下✨見到台灣野 都幾吸引就去食lunch😬我地大概12:30去到 都唔需要等位但係過多半個鐘 可能中學生放飯就開始多人排隊😉舖面好有舊式既台灣風味✨再講下啲食物先😌我地嗌左3個餐香酥排骨肉乾拌麵 $45乾拌麵真係好好食！味道岩岩好 有少少麻油香味又唔會特別咸✨相反 個鹽酥雞排 就超級超級咸真係食一啖 飲一啖水😞😟鹽酥雞肉燥飯便當 $39紅燒牛筋牛腩飯便當 $49兩個飯既配料都一樣我覺得啲肉燥少左啲 搞到個飯有啲乾身😞但係啲粟米好食！😝鹽酥雞相對雞排冇咁咸 但係雞肉唔係特別滑口而紅燒牛筋牛腩 我都係覺得配麵會好食啲但牛筋牛腩煮得好滑 好容易入口😝左 水蜜桃冰紅茶中 茉莉綠茶右 洛神花茶我覺得最好飲係洛神花茶 唔會特別濃同太甜 茉莉綠茶 幾清新 幾中意 而水蜜桃係麻麻地 又唔算係藥水味 但係就唔係好推薦

係香港...要食到正宗台灣味真係有D難...我都唔抱太大期望今日一行4人去左MK 呢間台灣野食飯~一人一個麵食麻辣牛筋牛腩麵~好大一碗...味道係點我就唔知..因為朋友叫既..豬手肉燥麵...非常一般...豬手骨好大而且無咩味..靠個肉燥去帶起D味香酥排骨便當...個排骨唔錯~咬落都鬆軟香口紅燒牛筋牛腩麵~ 出事位黎啦~~~小膠拼盤....個鹽酥雞黎講呢.....未熟...其實店家都好好人已經即刻換過一碟..但係個感覺已經唔太良好鹽酥雞唔夠咸香..唔合格整體: 算合格...可以再黎,不過位太迫真係坐得唔太舒服

好多時行開旺角個附近，都會黎呢間老街食。主要食台灣菜式及小食。整間店都帶點懷舊風，用木紋枱、舊唱片包裝和舊畫構成。其實珍珠奶茶好好飲架，今次冇特別叫到，所以集中講返今次食嘅嘢。講到台灣菜，我個人必食就係肉燥飯。呢間肉燥飯香而不膩，係瘦肉碎加上肉汁製成。如果鍾意食肥膩少少，不妨試下鹵肉飯，肥豬肉不但至有油滲入飯，而且咬落有豬肉皮嘅爽口，真係好香。肥膩得黎冇平時食菜飯個種成口油嘅感覺😎之前我未食過呢間店嘅小食，冇諗過一試難忘☺我首先試嘅係黃金脆薯，驚喜在於炸個層外皮，咬落似食緊粗薯條（有紋個種），口感相當特別。但敗筆就係蕃薯，因為入面個蕃薯唔甜，而且冇咩蕃薯味，影響左呢道小食的分數。 之後到鹽酥雞，其實跟外面的比差不多，但呢度size比較細，畢竟係小食。而調味做到剛好，唔會太鹹，有一陣粉係雞上面。通常係街邊食到的鹽酥雞都會灑上大量雞粉，胡椒粉去調味。而老街做的就不會太超過，但食完都需要飲飲品，又未至於令你好口渴。木魚炸豆腐就很普通，似街邊炸豆腐的縮小版，外加少量木魚碎。🤔小香腸方面，我講唔到個味道有幾唔同，平時我地食小食店嘅台灣腸雖然都津津有味，但我覺得老街做嘅係滋味無窮。細細條香腸，食完

台灣牛肉麵應該都好穩陣，不過這間就差少少了。牛肉很老不嫩滑，要咬很久喔鹽酥雞味道OK，而且肉質尚算嫰滑。魚酥皮蛋豆腐味道偏鹹，豆腐亦沒有豆味青菜當然好一般，飲品方面亦不特別。服務方面，每位呀姐看似都好忙咁，落單時又唔算準確，要問幾次