老街 (已搬遷) 新店位置

台灣遊後，回港的第一餐晚飯。和朋友商議最後在眾多台灣菜中選擇了這家，看到食評牛肉麵較似樣，因為去完台灣後完全變台控了。吃了牛肉麵+酥炸雞球飯+豬大腸。牛肉麵牛肉係口感最似樣，我非常記得個味，但面同湯就有點不同，但仍然好味，還有炸雞球也很不錯，很意外 ! 最後點左杯珍珠奶茶就真係完全唔掂，唔知係咪佢地唔記得落糖，係一杯無味既奶水。。。。不過都總算令我解一下台灣相思之苦

專程乘車到旺角找這食店，店外店内也裝修特式，有些古式感覺，老街改得非常正確，滷肉是我的至愛在台灣美食中,所以叫了大滷肉飯，煮得十分淋，加了個香酥排骨小食，也炸得香口鬆脆，還叫了一柸洛神花茶，甜度剛剛好。

今日路過旺角，見到老街就同女朋友入去試下老街既下午茶，因為聽講過野食唔錯。點知到上檯就知道中伏瀨野。入到去環境都算乾淨唔錯，野食上檯賣相都ok但杯野飲酒真係不知所謂。我同女朋友一個叫個特濃朱古力 另一個係香芋奶茶。先講個特濃朱古力，個名就有特濃，但杯野上到檯飲落同水無分別，一dd既朱古力味都無，真係唔知究竟係飲緊水定係特飲。其二係我杯奶茶，一落去，芋頭既香味就好足，都預左呢d鋪頭會得個香字唔會真係有芋頭味係杯野飲度。點知比預期差好多好多。杯奶茶一d奶茶味都無，又唔甜，又係一杯同水無分別既特飲，只係多左香芋既香。兩杯特飲都係成餐fail中之fail。只係野食可以話唔錯。野飲大家真係要小心伏！！！！！！仲有同店員講兩杯野無味，佢叫我等陣，等左佢企係度10分鐘都唔過黎。之後我再叫，佢黑住面咁就叫廚房比左杯糖我地。真係………一定唔會有下次，大家小心衡量下去唔去好！！！

同男友行陣旺角，發掘了一家食台式食物的小店。晚上八時已經坐滿人，見到仲有不少人在等位呢，人流是質素的保證所以我們先決定試食嘢。肉臊鹽酥雞乾拌麵 ($48)乾拌麵麵身彈牙，而且有少少似拉麵的感覺，有驚喜。加上爽口青瓜也不錯呢！要讚鹽酥雞切粒十分易食，香脆是有的，不過不是太熱。肉臊很多，也不是多肥肉，不過愈食愈咸，會想叫嘢飲。嘢飲都有好多選擇，不過都係忍住先，因為旺角唔愁無台式飲品嘛！男朋友在不約而同下點了湯麵版，所以無映相。台式腸 ($25)這個作為餐前小食剛剛好，台式腸有少少甜味，切片更加易食。不過食到好多添加劑，少食多滋味。總括價錢上也是抵食的，而且很多香港人食，台式速食黎講算快靚正！

曾經有次經過豉油街，恰巧碰上這間老街，於是把這餐廳記下來，待他日到訪。到了今日，於是走訪這間餐廳，一嚐台灣菜。走進內堂，被那佈滿了相片的牆壁吸引，細看相片中的街景囅邊廂也有各品牌的招紙，對於這些品牌，也許感到陌生。餐牌上有肉躁飯和牛肉麵，對於牛肉麵興趣不大，反而點來一客鹵肉飯就算了。其他的還有乾麵和風味小食，可謂有不少選擇。炸雞鹵肉飯。鹵肉並且是常見的肉碎鹵肉，而是用上了豬腩肉，並加以切成細細粒條狀的豬腩肉，當中清晰可見，肥瘦梅花相隔，增加入口時的滑溜層次口感，亦具備了咀嚼的口感，層次分明，而炸雞則炸至金黃且具外層酥脆，唯雞肉稍欠肉汁及略為硬了一點，不過問題不大。點來香芋奶茶，除了有其香滑而濃厚的茶味外，還有加了一層香芋的口感，不至於單調地喝到台灣奶茶的茶香，兩種口味共融在一起，才算得上台灣獨有的口味。一個客飯和一杯茶，算是一個非常簡單的午餐，還需複雜的菜式嗎？

店裡有著古典的掛畫，還不錯。服務也OK。兩個人order左1）主食：小滷肉飯，紅燒牛腩牛筋麵； 2）小食：魚酥豆腐皮蛋，小香腸拼鹽酥雞 3）飲品：檸檬綠茶，冬瓜茶滷肉飯d肉有d肥，牛腩好大舊但唔夠淋其他就一般。overall 以佢價錢系同食物質數成正比的。如果想平平地食餐台灣也，可以考慮來里度

身為台灣人，理所當然聽到哪兒有台式菜，便忍不住想去試試看，以往會先在openrice看看食評如何，減少踩到地雷的機會，過往經驗都算順利，誰知，這次竟然吃得如此慘痛。看食評都推介牛肉麵，兩公婆一坐下便點了滿漢紅燒牛肉麵及牛腩牛筋牛肉麵，看到肉便知不妙，跟平日見慣完全兩回事，第一口，是豬肉吧？很想問服務員，確定是牛肉嗎？咬得費力又無味，比起茶木或小王，真的差太遠了，麵條更是不合格，像尚未熟透，入口還吃得到未軟的麵條心。另點一盤小食炸豆腐拼鹽酥雞，也是令人無言的一道小菜，唉唉唉，食不下嚥的一餐，留下三分二不吃了，或許，不打著台灣菜的名號，我或許就不會這麼生氣和失望吧！

眨下眼原本畢業左4年，真係光陰似箭日月如梭..畢左業咁耐都係第1次同Charming食飯，由於佢係沙田番工架關係，我地就揀左個中間點旺角食喇。係又吾知食咩架情況下我地就是但搵左呢間食喇。我點了紅燒牛腩牛筋麵，成碗麵一d都吾熱，湯底好重果皮味我最憎，麵質有點糊，牛腩牛筋都不過不失啦。朋友就點左紅燒牛肉乾拌麵，佢都係話麵質糊糊的。老街風味雞翼，其實都是用滷水汁浸的，只有雞皮食到滷水味，雞肉係一d味都冇。餐牌寫住有5隻但我地果碟有6隻，不過都食剩2隻，吃不下了 鹽酥雞炸得不夠鬆脆，而且肉質乾身鞋口。反而小香腸味道不錯，可以一試可能成餐飯最好味就係杯野飲吾係講笑。

好少食台灣菜既我，今次都要去下呢一間老街。身邊好多朋友都話佢地既牛肉麵拍得住係台灣食而且佢地既價錢都好抵食。紅燒牛肉麵，牛肉煮得夠淋，好入味同大大塊，麵質剛剛好唔會過淋，湯底就鹹左少許，份量都大碗。鹽酥雞伴小香腸，外層炸得夠脆，肉質唔係好乾，又唔油，好好食小香腸就真係一般，冇咩特別。

原來係旺角搵間台灣野食好難架～上左OPENRICE見到呢間幾多好評，就去左試，好彩無失望！Menu幾多台灣小食，唔錯花枝丸好好味！！！炸到話岩岩好，唔算好油熱烘烘上檯，即刻比我地食晒！仲即時ENCORE多一碟 豆腐就一般啦，外面炸得唔夠脆，一食有d散，但係佢個醬汁同配料吊味令到成件事好好食！欣賞佢既醬汁！！另外叫左蕃茄湯牛肉麵，個湯底唔係話好濃，應該係用鮮茄，唔係茄膏，如果可以多d蕃茄蓉就好了，d牛肉都算幾入味，肥美的！整體我係幾滿意！另外珍珠奶茶幾好味，下次再試試其他主食！

天氣凍既話整碗熱牛肉麵♨️或乾拌麵最好不過👻👻呢到叫到成檯都係野每人一百蚊都唔洗😆大大碗最緊要熱辣辣🙊：滿漢大塊牛肉麵🐂 $65滿漢大塊？有d乜？有花枝丸貢丸各一粒，金錢𦟌，牛腩，牛筋～係咪好豐富呢🤔 猶豫左好耐食邊款，但咩料都想食就倒不如由經典既紅燒牛肉麵（$55）加多十蚊就乜都有得食啦😋又唔洗心大心細😂 而且份量十足！其實可以叫多幾款小食再兩個人share👍🏿牛肉偏肥，都係牛筋最好味😎 丸一般湯底冇想像中咁濃，但好在麵口感都唔差，好似煮過籠 有少少太冧，冇左個煙韌口感😭

很久冇食台灣菜了經朋友推薦就試下食物果然有水準個湯底好濃好入味牛肉燜得好淋但麵條唔夠彈牙份量都幾大唔叫小食已經好飽個湯底我試左少少都幾辣大致上同上面差唔多鹽酥雞炸粉唔會太厚外脆內軟 有7粒台灣腸有驚喜個邊脆脆地 似烤過內有好多胚芽亦唔會太甜

SNAPPY成日介紹韓燒芝士乜乜乜，今次一於食下台灣野☺-話食台灣野，一講就梗係唔少得【紅燒牛肉麵】$55同【台灣滷肉飯】(大)$38。呢到嘅麵質尚可，唔會煮得好稔，但依然欠缺麵粉香。紅燒牛肉倒是不俗，香濃入味，入口軟稔但不會鞋。至於台灣滷肉飯真係都幾大碗😛如果想試小食可以叫細碗就夠🙈滷肉調味幾正，送飯👍🏼-【炸豆腐拼鹽酥雞】$38 大大舊嘅係炸豆腐泥㗎，個炸粉略厚同個醬汁好重口好鹹🙈個雞都幾滑嘅但都係厚粉左d😶-【滷味切大腸】$22唔好睇少呢個碟仔！呢個山仔收埋唔少大腸㗎，滷味味道都ok【老街風味雞翼】$30呢個十分之普通😅而且唔入味

今次食這間，俾個環境吸引左！今次食了招牌牛肉麵，見佢有兩個good, 所以就食，心唸，講到咁好，如不好食就拆招牌，結果，真係好好食，好入咪，真係牛有牛味呀，份量又OK，男仕食都夠！條菜都好食埋！另外一碗都OK，麵質幾好，D丸都好新鮮。小食方面，D豆腐就真係麻麻，好淋，不脆的！腸仔就OK，香口又入味。

朋友都知我喜歡台灣，每年最少到訪一次，所以我在香港吃台灣菜的機會微乎其微。因為價錢一定比那邊貴得多，而且煮法和味道未必正宗。早陣子有食友推介旺角這間小店，說這裡的食物挺不錯，又很划算，我就跟中學同學來了，順便聚聚舊。中午時分幾乎坐滿，大部分都是學生，有點懷念以前吃學生餐的日子呢……店鋪佈置帶點懷舊風，牆身掛滿台灣的照片，望著望著仿如置身其中，我又想去台灣旅行啦牆壁木牌刻有菜式名稱，倒有幾分台灣的味道。餐牌款式非常多，我們都花了一些時間看。天氣實在熱得很，所以我們點了水蜜桃冰紅茶($20)跟香芋奶茶($20)，還加了珍珠($3)！特別推介香芋奶茶，帶有濃濃芋香，珍珠煙煙韌韌，很重黑糖香這是整頓飯中我最喜愛的菜式木魚片下的豆腐是冰凍的，入口超滑溜，加上皮蛋很搭配，是一道簡單好吃的涼菜。我一向喜歡吃涼拌茄子，這裡的茄子熟度剛好，口感爽脆，配上酸酸辣辣的醬汁非常開胃！台灣香腸絕對稱得上是人氣小食之一，小香腸調味適中，不會過鹹。可是鹽酥雞炸得不夠香脆和乾身，粉漿亦有點厚，不禁令我想起麥樂雞...真的很懷念台灣的滷肉飯，便宜又好吃！這裡的算是做得不錯，滷肉肥瘦適中，帶脂香，飯亦煮得軟熟。如能多加一