老街 (西洋菜南街) (已結業)

今日同事提議食台灣野，所以就行到黎呢間老街。午飯時間人多，一行七人大約等左15分鐘就有位，以寶貴o既午飯時間黎講尚可接受。午餐選擇多，飯、湯麵拌麵均可選擇，加$5便有珍珠奶茶好吸引啊，最後我點左蕃茄牛筋牛腩麵+珍珠奶茶(走甜走冰)。蕃茄味夠，麵身軟硬適中，牛腩牛筋都夠軟身入味但我份牛腩就比較多肥肉，同事就叫左紅燒牛肉麵。另外，我地仲加$20追加左小食- 酥炸花枝丸同鹽酥雞，香脆可口，亦不會太鹹太油膩，無追加錯啊😋唔記得影個充滿懷舊氣氛o既裝修，唯有下次再黎啦😆