老虎堂黑糖專売 (渣甸街)

营业中

休息中

熱潮到底過左未呢？黑糖珍珠同黑糖珍珠，間間都話黑糖珍珠又台灣超人氣過江龍咁，其實杯杯都成$30-40，真係飲完唔洗食飯咩，仲貴過一餐飯。呢日路經銅鑼灣，醒起有兩間新野試喎。原來仲要開埋一齊！真係明係搶生意喎唔好以為排緊成人用品，亦都唔係迫緊去行花市，其實係排緊買野飲，兩間開埋一齊，成條行人路比兩條人龍霸哂，好誇張。兩間都未試過，就揀人路短d 既老虎堂啦，人龍短又唔代表唔好飲既，可能因為隔離幸福堂新開，先多人爭住去潮聖呢！大概排左15分鐘就去到落order counter 啦，比想像中算快，見朋友試過等左1-2個鐘。餐牌就主打黑糖珍珠鮮奶，價錢就$30，原來已經係最貴一杯，咁樣睇價錢都算係可接受喎！最後買左招牌虎虎生風厚鮮奶。$35。點餐到拎到野飲上手等左10分鐘左右。即前前後後30分鐘就成功買到一拎上手，底部黑糖仲係熱辣辣架，杯既size $30黎講都算適中，唔算細杯，入口好重奶味丶好滑，珍珠就有大有細，細細粒好似西米就易入口又唔會好甜，大粒就好有咬感較重黑糖味。正！會再買黎飲！

今天跟朋友吃完四川菜，她說要喝最近很火熱的黑糖珍珠鮮奶，那我只好捨身陪朋友咯。去到現場長長的人龍，排了大概15分鐘也就買到了，等拿大概也等了10分鐘。黑糖珍珠厚鮮奶 含奶霜 （$30）不知道是不是厚鮮奶的緣故，奶味比較重，黑糖味還可以，。珍珠很Q，值得讚賞，我建議像我這樣不太喜歡奶味的話可以點普通鮮奶試試。不過啊，這樣一杯飲料三十塊，還要等那麼久，值不值得就見仁見智啦，我也是第一次排這種網紅店，終究是期望越高，失望越大啊⋯⋯

香港人真係好中意排隊，但實在太中意黑糖加鮮奶嘅味道，名氣咁大，見要排隊都決定一試🤔嗰日去到排已經夜晚九點幾，排排下嘅時候個店員就過黎話波霸可能會賣晒，咁難得去到已經排左幾個字，唔通唔繼續排咩..🙄最後又真係賣晒喎，唯有買杯黑糖厚鮮奶trytry🤗黑糖厚鮮奶係除左冇嗰啲其實唔係手抄嘅波霸變左細細粒嘅珍珠之外，都係有黑糖，同埋鮮奶。但係奶味又唔重，黑糖味又唔咁濃，反而陣類似蜂蜜味嘅甜味仲大過黑糖味😑細細粒嘅珍珠都算好咬嘅，但諗起排左九個字飲唔到想飲嘅仲要比左35蚊，就會覺得成件事唔夠好味。

試過n杯黑糖珍珠鮮奶～終於的起心肝去潮聖。（主要原因係因為要等人，無嘢做就排下隊）飲完之後終於明白點解咁長龍啲人都願意等。我覺得比起其他家嘅黑糖珍奶優勝之處，係個奶蓋。奶蓋令奶味有層次咗，同埋有厚度，襯返個黑糖珍珠。如果要講缺點，我覺得個珍珠太稔。係俾錢個位有講到珍珠係即煮偏稔，如果等一陣冰溶咗就會硬返，等太耐就過硬。但好難買完唔即刻飲😂😂😂，同埋冰溶咗味又會淡，等同唔等都唔係。另外要讚下店員真係好快手，就算有二十幾三十人係我前面，轉個眼十五分鐘飲品已經係我手上。👍🏻👍🏻👍🏻

呢排無啦啦又掀起番台式珍珠奶茶風潮，成街都飲緊黑糖珍珠銅鑼灣呢間老虎堂都算係呢陣台風既表表者，行過見到唔太多人，就排下先可能少飲珍珠奶茶，望住Menu 黑糖系列分左兩條lines, 一個係波霸，一個係珍珠，有d 疑惑，應該係珍珠大細有分別叫左一杯波霸鮮奶同一杯波霸淳紅茶因為趕住番office ，所以影唔到靚靚虎紋呃like因為怕太甜，兩杯都係少甜。好期待既波霸鮮奶，飲落正正常常，因為係奶味（廢話），珍珠就一般，可能我拎到番Office 已經係十零分鐘，珍珠唔煙韌，口感麻麻另外杯紅茶，同事見到仲以為我買左廿四味飲😂😂飲落好濃紅茶味，但溝埋黑糖珍珠我覺得真係有浸涼茶味，但係甜既涼茶總括黎講，我會揀番坊間普通既珍珠奶茶

之前老虎堂新開張，幸福糖未開嗰陣，我都試過排成個鐘隊去買杯黑糖珍珠厚鮮奶。而家幸福堂開左，造福平民，老虎堂條隊少左一大半，咁更加要買啦😆老虎堂嘅糖同冰都係固定嘅，所以想要少甜少冰嘅朋友可能會失望啦。不過飲過咁多間黑糖珍珠嘅飲料，始終都係老虎堂最正，黑糖虎紋掛杯又好靚。鮮奶味突出之於俾人一種好thick嘅感覺，可能係因為有個厚奶蓋令奶底好綿密。而主角黑糖珍珠好Q好煙韌，黑糖入味得黎唔會過甜，飲完一杯都唔覺膩。

我哋得咗啦!我哋飲到啦!🤣🤣🤣🤣好好好好飲! 認真好飲過珍煮丹好多好多好多倍! 我哋買嗰日咁啱係珍煮丹開咗嘅第二日所以中午冇乜人排，我哋前面只有15個人，連埋拎杯嘢都只不過係等咗15分鐘都冇 🤗🤗Sooo lucky~雖然佢冇得揀甜度，但係我覺得佢甜度適中，總好過珍煮丹(有得揀微糖半糖但係都甜到痴線㗎🙄黑糖部分拎到嘅時候仲係熱辣辣好舒服😋😋 鮮奶都香滑濃郁😍😍😍 同埋佢個老虎紋真係做得好靚呀❤❤❤ 珍珠好有黑糖味同埋真係好chewy呀!!👍👍👍由於實在太邪惡,我同媽媽兩人分一杯,之後媽媽不斷咁話點解唔買一人一杯喎😂😂😂因為我哋五分鐘之內就飲曬啦同埋佢係咁話啲珍珠唔夠食囉😅

終於趕上黑糖鮮奶呢股熱潮！今日下晝經過銅鑼灣，見到人龍大約有二十幾人，由排隊到拎到杯飲品大約半個鐘左右，快過上深圳排喜茶😂 虎虎生風厚鮮奶黑糖虎紋真係幾靚，有齊奶霜、黑糖波霸同黑糖珍珠，可以享受到兩種口感。波霸同珍珠煙韌偏軟身，有咬口，係我鍾意嘅口感。黑糖味唔算好濃，鮮奶幾香滑，唔會太甜。

That day was a rainy day, the rain poured down over the city with a roar. My friends and I queued for around half an hour even in this weather.After getting our clothes wet, finally we could try this hype drink in Hong Kong. It looked great, you could feel the brown sugar syrup at the bottom is pretty warm mixing with the icy milk on top. Honestly I am not a big fan of milk, therefore, I would prefer milk tea over milk, unfortunately they don't do any milk tea, what a shame! But if you like milk

老虎堂一出新口味就即刻去試。事關佢係限定款至到今個月19號咋。朱古力波覇厚鮮奶 $38試後先知道朱古力會掩蓋曬黑糖既味變左杯朱古力珍珠奶茶都係原味最驚艷😝😝😝又平啲又香濃啲！

最近每次經過銅鑼灣，都會黎呢條街望一望，睇下條長龍仲有幾長。。。今日似乎俾我等到了，目測排隊人數只有10個內，比起高峰期確實差太遠。第一次試完全唔知叫邊款，唯有就話最出名果隻，波霸厚鮮奶。淨係睇個樣，其實確係幾特別，不過同一時間都幾驚佢太甜，因為始終係黑糖。相機食住，始終係等左好耐先試到(之前要排咁耐確實有點兒怕不值)。味道比想像中冇咁甜，黑糖味都幾出，而珍珠好彈牙，比平時飲開嘅確實好飲少少，未試過嘅可以趁冇咁多人果陣排下隊都ok嘅。

最近開咗好幾間台式飲料店，當中最跨張的，非這間叫老虎的，無論中午或夜晚都排到打曬蛇餅，我自問未至於想飲到願意日曬雨淋咁去排成個鐘，今日午飯後，突然有位好同事攞咗呢杯埋嚟比我，雖然無傳說中咁好飲，但勝在飲到好同事的愛

今日小編打算去睇下幸福堂條龍幾長，順便睇下老虎堂既聲勢係咪完全比打弱左，結果一如小編所料幸福堂排長龍而老虎堂呢排隊買野飲既得3個人，我當然即刻排隊買杯飲下，見到幸福堂咁既境況都係遲d至考慮況且小編一向唔太 like鮮奶既，本來打算飲老虎堂既波霸綠茶、但見到佢新出左一款期間限定既hershey’s朱古力黑糖波霸珍珠厚鮮奶、小編一向like朱古力當然唔會錯過啦。等左大約8-10分鐘就有🉐️飲，好快呀，香港人真係善忘呢飲落口好正！冇鮮奶咁漏、咁騷、不過朱古力蓋過黑糖味都係預期之中啦，但佢地既波霸珍珠好味左！比之前QQ好多！encore指數好高！因為真係好like朱古力味，同黑糖珍珠好夾

可能落雨天關係 所以唔長人龍可能d人以為12點開的關係，所以我排的時候得小貓3隻排得來，條龍開始來料可能隔離開了另一間，隊分開排了所以今次竟然可以5分鐘搞掂買到杯飲品 早知道隔離果間又係出面 我一次過買埋老虎堂沒有限量買所以一人買了4杯慰勞下d員工最終變左慰勞老闆 剛好在店 $30杯 一日買過千杯 應該好好兼珍珠都有兩款正常size 和 mini size講真 正常size先食到珍珠有幾chewymini size 一飲就直接落肚，無得咀嚼至於杯奶味道同鹿相比 一開始就要先搖好因為裡面還有奶霜但就將本身黑糖味道沖淡了所以就覺得 老虎堂比鹿沒有這麼好飲

一直聽聞老虎堂好好飲好正，朋友仲要用從來冇飲過咁正嘅黑糖珍珠奶茶☕️，但因為一直冇機會出銅鑼灣所以冇試過，難得有一晚朋友生日約喺銅鑼灣食飯當然要順便去買杯試下喇～一早已聽聞要排好耐隊先買到，去到時見到人唔多算埋都唔過30人，心諗應該唔洗排好耐，點知得個幾十個人原來都要排成粒鐘先到我哋，其實係d職員人手唔夠先會咁慢，咁多人落order 得兩個人沖野飲一個收銀，難怪要排咁耐，買完都要等太概10-20分鐘到拎到傳說中好好飲嘅虎虎生風喇～老實講30蚊杯係有d貴，佢哋嘅厚鮮奶其實係用明治奶就咁倒落去佢哋d黑糖珍珠度，冇咩特別沖製技巧⋯店完教我哋飲前要上下倒轉搖，搖渾先飲⋯⋯飲落感覺好甜好甜～黑糖味對我個人黎講覺得冇咩特別手炒同機炒都唔重要🤣重要係味道其實d珍珠真係好普通不過都算彈嘅，不過真係太甜，老實講我個人覺得天X茗茶都好飲過佢，真係名大於實。冇下次！哈哈