老虎堂黑糖專売 (渣甸街)

营业中

休息中

成日見到ig好多人po story, d 人嘅review又講得佢咁好飲，排隊條龍又成日都咁長，搞到我都心郁郁想試吓。近來喺銅鑼灣開多咗幾間賣黑糖珍珠鮮奶嘅飲品鋪，令到老虎堂條隊終於短啲，終於有機會黎跟風潮聖！我哋而家竟然排左大概10分鐘就買到！真心失望😩撈勻左之後奶香唔夠突出，甜度亦不足。黑糖珍珠認真麻麻。珍珠唔夠淋，亦唔夠入味，咬咬下好快就冇晒黑糖味，好似咬緊冇味嘅膠咁🤦🏻‍♀️如果啱啱開業嗰陣時要我排成粒鐘先買到呢杯野嘅話，我個人認為真係一啲都唔值得。

黑糖鮮奶令到香港人去到瘋狂的影界⋯⋯其中位於銅鑼灣的老虎堂，更係多位飲家推介的飲品店。一直都想試好耐的我，每次經過都比長長的人龍卻步了！難得今次落雨，見到人龍比平常短，就算個肚食得飽飽，都要同朋友仔Share一杯超人氣黑糖鮮奶⋯⋯飲品店的選擇唔多，主要賣點都係用鮮奶取代奶精及黑糖波霸(珍珠)。前後等左20分鐘到就有得飲了！黑糖「虎紋」係幾靚的⋯⋯呢間係我試的第三家黑糖鮮奶，味道比想像中奶味及黑糖淡⋯⋯加上珍珠的味道及口感跟一般的珍珠無咩分別⋯⋯我本人就未必會Encore啦。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

黑糖珍珠鮮奶的熱潮已經興起左一排，我都一直想試下🤤。睇過唔少食評都話老虎堂的係最好味的🐯🐯！但係一直都怕要排好耐隊而無去試！今日經過銅鑼灣，諗起隔離開左幸福堂，有競爭應該唔洗等咁耐，就決定去試一試。去到見到竟然得10幾人排緊隊，梗係即刻走過去排隊啦！但係原來只係一個幻象，排左隊無耐就店員停左收錢，去左專心整野飲🙈 所以到最後都要45分鐘先拎到野飲！一場黎到，梗係試下我期待已久的招牌波霸厚鮮奶啦！拎上手珍珠仲係熱辣辣，感覺好新鮮🤗🤗 而老虎堂的特色虎紋真係幾靚！搖匀之後一飲，鮮奶好重黑糖味，但係仲保持到鮮奶的味道，亦唔好太甜，珍珠煙韌有咬口，不過就無咩黑糖味，但整體黎講都好好飲！🤤🤤🤤完全明白點解會咁多人排隊！下次有機會，要試埋虎虎生風厚鮮奶！☺️

勁，排隊買到飲這段時間花左45分鐘，好多兩個人連續買10幾杯，所以要等好耐啊收銀的服務態度超好，自動化講自己，十問七答，體諒，排長龍不擔心無客飲一口，黑糖味系濃，珍珠不夠彈牙，每粒珠外面軟內里有少少實，有嚼口的，鮮奶被黑糖味蓋左，所以鮮奶味不濃，但都滑的

同朋友食完生日飯,唔想佢再破費請我食甜品,就介紹咗佢嚟試下呢個咁出名嘅老虎堂啦 話說我上個月試咗一次之後,再飲過幾間唔同嘅牌子比較,始終都係覺得老虎堂最好飲,成日都令我囉囉攣心癢癢咁掛住佢嘅味道,今晚有機會再飲,真係令我十級咁開心,肥死都算罷了 今晚落住雨,我哋擔住遮行到過嚟,我已經見唔到上次嚟嘅誇張人龍(話說我上次都等咗差唔多成個鐘先有得飲)我朋友都已經話: 「嘩乜咁多人嘅?洗唔洗呀?」我心諗...唔落雨嘅話仲嚇死你呀傻仔......😂😂😂朋友見唔算等好耐,又見我介紹,所以就買咗一人一杯虎虎生風厚鮮奶(波霸+珍珠) 買咗飛之後,只係等十零個號碼,所以都係等咗大約十分鐘左右就已經飲得喇!!!真係可喜可賀👏🏻👏🏻👏🏻跟住我朋友試咗之後,都話我冇介紹錯,堅好飲,黑糖味好重,啲珠又好食😋 我再向佢介紹,虎虎生風嘅意思即係將杯反轉,搖幾下,再反番正面,然後裡面嘅黑糖流落嚟嘅紋好似虎紋咁樣~所以個名就係咁嚟啦,而厚鮮奶嘅意思,如果有細心留意佢哋沖調,佢哋係用日本某牌子嘅鮮牛奶製造,而呢一份厚實嘅質感一定要用全脂牛奶先可以做到,朋友亦都同意佢嘅奶味十分之香濃,好滿意

見到網上洗版式的食評同宣傳，今天終於決定來排長龍飲黑糖鮮奶。佢招牌虎虎生風厚鮮奶（波霸+珍珠）即系大小size的珍珠，大的波霸咬落特別Q彈，小的珍珠就黑糖味比較濃。固定的糖度，固定的冰量，長長的人龍，想打卡的，想飲上一杯，真的要花很長時間，我地終於排到，真的勁開心！不過份量很小杯，兩啖就冇晒！三十蚊一杯來講真的系貴左d。店主提醒要半小時內飲晒，保證珍珠的軟，所以我地冇打包。成條街都系賣野飲，下次會試下其他。

今次終於試左出名既台灣過江龍了！開左係causeway bay來自台灣既「老虎堂」 剛開門人龍不斷 想飲排上1/2hour是閒事！我可沒有這個能耐排隊！今日友人多買了一杯給我 order 了「虎虎生風厚鮮奶」，其實就是黑糖鮮奶珍珠奶茶罷了，特別的是冰度糖度都不可change.這才可keep到同一口味，同一溫度！個人不喜太甜，如果可以order少甜會比較好！另下，佢珍珠十分有口感，相對special,可以咀嚼很久

十点多到那没人，就顺便占个位置，11点营业，回头看已经一条长队，招牌黑糖厚鲜奶，厚鲜奶不是那种浓稠，就是想对黑糖的比例多放一些，所以不喜欢黑糖的人，这个口味应该会适合滴，总体不会太甜厚重

剛剛開張的老虎堂實在要等太耐最近開了幸福堂在旁後，等候時間好像縮短了當日排隊時場面十分混亂！完全不知道自己是在排老虎堂還是幸福堂下單後好在不用在旁等實在太熱了外貌很美！搞拌還我覺得不太甜奶味比較出但珍珠偏軟 味道偏淡 飲到最後已沒有黑糖味30$有點貴 鹿角巷比較好

注意⚠️虎出沒處🐯注意⚠️最近有隻大名頂頂的過江老虎來香港，個個都爭相朝聖⋯⋯講緊當然係『老虎堂』啦，所以我都要向朝聖一下先。呢隻台灣老虎果然勁！排長隊就必需的，但真係值得，我叫咗個『虎虎生風厚鮮奶茶』，當然『波霸鮮奶茶』都係必選項目老虎冲出來的奶茶非常美麗，老虎紋靚到成件藝術品一樣！茶香味濃層次分明，真係視覺同味覺的雙重享受

每次經過老虎堂門前，都會見到大排長龍。今日好好彩，見到老虎堂條隊唔太長，排左約10分鐘就可以落單，就試一試呢間係網上好評如潮既飲品店先！我叫左杯虎虎生風厚鮮奶，入面有波霸同珍珠，口感彈牙兼有香濃黑糖香。搖匀左之後都係略嫌太甜，但等啲冰溶左之後就岩岩好～相比起尖沙咀某間黑糖珍珠鮮奶，老虎堂出色得多，無論珍珠定鮮奶都更勝一籌，如果唔洗排太耐，都會再回頭👍🏻👍🏻

早早係Facebook 見到好多廣告。熱愛黑糖既我 已經鎖定左老虎堂，點知最近幸福堂開正係隔離打對台，本來諗住兩間都試一試。老虎堂既策略極速出單，排隊落單出單，前後五分鐘左右就可以拎到手要試既依架真係大好機會。而幸福堂打晒蛇餅，買完郁都冇郁過，所以放棄左。波霸厚鮮奶 $30鮮奶好香滑，可惜黑糖份量不多，冰又多，味道略淡大珍珠，上手熱辣辣份量多，大大粒，煙銀煙銀價錢不算貴可能期望過大，黑糖味不如想像，唔洗排隊都可以一試。

於銅鑼灣的老虎堂，是一間來自台灣的過江龍。聽聞在台灣也要排兩個多小時才買得到，經香港的傳媒不斷報導，令香港人最近出現黑糖珍珠奶茶排隊潮，超級誇張阿。虎虎生風鮮奶$30老虎堂的選擇頗多，二話不說，選擇黑糖珍珠鮮奶的口味吧。黑糖老虎紋，果然漂亮，斑紋絢麗，必定要拍照打卡呢。黑糖不過甜，選用的鮮奶，應該是明治奶，奶味香厚濃郁，但波霸和珍珠則非常遜色，兩者都煮得過軟，質感太腍，小珍珠基乎咬一下就爛掉，有點失望呢。幸好星期六也只排二十分鐘，還可以啦。

星期日晚上食完飯，大概七點幾，朋友建議去銅鑼灣飲老虎堂，呢間網紅我想試好耐當然舉腳贊成！但其實有點擔心，因為d人話要排好耐，今日仲要星期日！巧剪張😖.點知去到又有驚喜喎！點解有兩條人龍嘅？原來老虎堂隔離開咗一間叫幸福堂的黑糖珍珠奶茶分薄左不少客人，其實係幸福堂嗰條人龍遠遠長過老虎堂，我哋排老虎堂大概10分鐘就買到!好快！再等多大概5分鐘就拎到野飲，比預期中快好多！😝但飲完之後我就知道點解人龍咁短，同埋客人去哂隔離幸福堂☹️我點左招牌黑糖波霸厚鮮奶($30), 講真拎上手嘅時候真係有少少期望，我一飲落去真係好失望！因為真係好一般，首先佢啲奶，奶味真係唔夠，好淡嘅奶味，而佢嘅波霸(即大珍珠), 煮得唔係好够稔身之餘，黑糖味不够，完全唔夠入味，黑糖同埋珍珠完全分開，珍珠越𡁻越淡，擺明就係未煮好就趕住出貨😞👎飲完之後我個胃有少少痛☹️佢仲要買成$30一杯，真係幾失望，又一次失望，回想之前飲過最好飲嘅黑糖珍珠鮮奶(青蛙下蛋)真係台大對面陳三鼎，人哋賣緊$35台幣一杯，即$10港幣，珍珠煮得啱啱好仲要愈𡁻愈有黑糖味，香港果啲真係冇得比🙁______________________________店名:

今日晏就去咗銅鑼灣搵朋友，一齊去左湊熱鬧～ 就係去老虎堂同幸福堂，佢去咗幸福堂，我因為之前去過幸福堂試過了，所以今次揀咗老虎堂😊見門口人龍真係差不多。門口真係好似打交咁，好癲！真係長期咁多人，笑左老虎堂好快，7分鐘到就買到，過左去個friend度陪佢，之後叫number都好快到 我拎完個friend都未買到~我叫左細珍珠鮮奶~ 包裝就還好啦，但飲一啖就覺得好正，除左係好難搵到搵到嘅細珍珠之外，鮮奶味道啱啱好！細珍珠好有口感，比起而家淨係主張波霸嘅珍珠奶茶突圍而岀佢嘅奶本身係淡淡地，但係溝埋珍珠嘅甜，就啱啱好味道~ 越飲越好味！因為我最近都飲得幾多銅鑼灣嘅手作珍珠奶茶鋪頭，我覺得呢間係最好飲，暫時第一！