老虎堂黑糖專売 (渣甸街)

营业中

休息中

工作經過銅鑼灣當然要試一試最近極為出名的老虎堂大約4點 門口等候的人龍最少已有30人加上已落單的客人應最少大約50至60人吧人山人海！排隊落單都已等候約15-20分鐘點了較為熱門的珍珠厚鮮奶再等大約10分鍾終於接過期待已久的飲品了！總共等了約半小時了！珍珠厚鮮奶(奶霜)$30影相呃like首選！遠處已看到黑糖紋超靚！果然是黑糖專賣黑糖味好重但不會太甜值得一提是細細粒的黑糖珍珠煮得剛剛好 有咬口同時不會太硬或太腍重黑糖味 加入淡淡鮮奶味襯托得好好不會一味甜！近來試過黑糖鮮奶飲品中算係有驚喜的一間！推介！

老虎堂是我期待已久的台式飲品店（沒有之一），因為上次去左4日台灣，就飲足了4日，我對黑糖系列最期待的。之前怕了香港的排隊文化，於是開了數個月後先黎試一試香港分店，星期六的晚上黎到，可能因為是雨天的關係，我只等了15分鐘便有飲品到手了，比起開店時的情況，現在快了1個小時之多。我點的是黑糖珍珠鮮奶，是店中最經典，而且是店員推介的產品，試了一口，果然便是我在台灣飲到的味道，一點也沒有變，是香濃的牛奶味，而且珍珠是熱的，黑糖的香味加了牛奶的鮮甜，完美成就了整杯飲料

食完正餐想飲啲甜野 見到人頭湧湧都有條人龍不過見飽飽地 覺得排下隊等肚入面啲野落下隔都得點知居然唔使十五分鐘就野飲到手波霸厚鮮奶（$30）個花紋好似唔算好靚無平時人地影落個啲咁明顯珍珠咬落煙韌算係偏軟熟多啲黑糖味好明顯但似係係珍珠表層而唔係入面話就話鮮奶但奶味唔濃唔出唔點飲到奶個隻鮮味飲到後尾直頭覺得太甜好似得個甜字咁都係鍾情於奶蓋類飲品多啲雖然第一次飲哩類黑糖奶無嘜可以比較但老虎堂絕對唔係會令我回頭既一間

小編見有時間終於去咗排隊試近排好hit嘅黑糖珍珠奶茶啦！！！可能係平日翻工時間所以條人龍唔算瘋狂，但都要等20分鐘左右😃-🔸老虎堂🐯 黑糖鮮奶珍珠 $30個人覺得嗰名好襯杯飲品，真係好似虎紋~😆飲之前要先搖15下，等啲黑糖均勻啲先飲。第一啖飲落去個人感覺好甜！！！黑糖味好香，珍珠口略為淋身，但都係新鮮嘅～🔸總結: 如果唔係甘啱有時間都唔會去排隊，個人覺得太heavy太甜，但間唔中一杯都OK！鍾意黑糖嘅朋友可以去試吓，都值得一試嘅~😜

第一次飲老虎堂，心大心細飲邊款好，見佢有分黑糖波霸同黑糖珍珠，都係講緊珍珠既大細。既然第一次試，所以揀左招牌！💕排隊唔洗好耐，買野到拎野飲20分鐘都唔洗！啲黑糖虎紋好靚😍佢建議先手機食先，再係飲之前先搖15下，但我冇認真數住，搖左一陣就飲🤣第一下飲落去奶味比較重，唔算好甜，珍珠淋得黎夠煙韌，有咬口，黑糖味唔算突出。但飲到一半都冇已經開始冇咩黑糖味，加上佢落既冰偏多，愈飲愈淡，去到尾直頭覺得啲珍珠冇味😥整體冇我想像中咁好飲😭😭😭可能我鐘意黑糖味重啲多過奶味重🙊

//2018年香港被一股黑糖珍珠鮮奶既熱潮吹襲台式飲品店開到成行成市今日就同大家比較下同一條街既兩間台灣排隊熱店分別係「老虎堂」、「幸福堂」首先插旗既「老虎堂」可以話係製造呢段熱潮既佼佼者今次就買左佢最招牌既「波霸黑糖鮮奶」用黑糖珍珠掛杯既形式製造老虎花紋然後放置冰塊再倒入「明治牛奶」製成一杯「黑糖波霸厚鮮奶$30」賣相真係幾吸引人佢既建議係影完相呃like之後搖勻黑糖同牛奶先插飲管但我今次係唔記得咁做既唔搖勻既後果就係唯有用飲管混和黑糖同牛奶第一啖入口既感覺真係好好飲因為本身「明治牛奶」已經奶味好濃配合埋黑糖既甜味真係好夾牛奶面會鋪一層薄薄既奶霜而無咩甜味既珍珠比較結實唯一既缺點會係當飲到尾聲既時候黑糖牛奶會被冰塊沖淡曬結果慢慢飲既時候會發現越來越淡味順帶一提「老虎堂」係無得揀少冰少甜架習慣左叫半糖少冰既你可能要改變下呢個習慣「老虎堂」每次都會透過以下6大方面評分(滿分:30分)味道 : 3.25 / 5環境 : 2.5 / 5外觀 : 3.5 / 5價錢 : 2.75 / 5服務 : 3 / 5 回頭率 : 3.25 / 5總分 : 18.25 / 30性價比 : 經過我地既評分後

因為想飲野又有啲餓，黑糖鮮奶正合我心意。呢日係星期六又係下午四點幾，再加上 隔離新開嘅幸福堂，條街多左好多人慕名前來試飲。今日我就排老虎堂條隊🤭，叫左杯波霸厚鮮奶試下。波霸係岀面正常size 嘅珍珠，仲以為大粒啲😳排左十五分鐘左右就攞到喇，比想像中快攞到飲落去，黑糖味岀，奶霜飲落有驚喜，好綿好滑，再加上黑糖珍珠，好味，啱哂鐘意珍珠但又唔飲茶嘅我。但都係略嫌珍珠唔夠q感。不過我就覺得啲冰多左少少，飲到一半多啲因溶冰而味道淡左，如果有得叫少冰，就會好味好多。

呢間過江龍新開業嘅時候人龍不斷！排隊購買要超過一個小時！對於台式飲品店來講佢真係算好勁👏🏻👏🏻👏🏻但係開業幾個月之後嘅今日佢哋嘅人龍終於減退。某一個既星期六下午時間...見到排隊嘅剩係得十幾20個人，對我來講當然係開心不過...因為我一早已經想試下佢係咪真係咁利害、咁好飲！而令到啲人等一個小時都係為咗呢杯黑糖珍珠鮮奶🥛同埋我有個朋友日日都係ig度post佢又飲又飲...就睇下係咪真係咁好飲！🙊🙊價錢大眾化👌🏻👌🏻因為其他唔同牌子嘅台式飲品店都係差唔多價錢，咁佢人氣咁高而唔會話貴係可以接受！佢哋嘅掛杯真係做得幾好！我亦都有依照店務員嘅指示搖勻15下先飲嘅～黑糖珍珠鮮奶嘅靈魂黑糖珍珠...我覺得佢嘅珍珠黑糖味唔夠濃唔夠香，反而xx亭比佢仲濃仲香黑糖味☹️☹️☹️ 而珍珠嘅煙韌度還好，唔會令我覺得特別深刻☹️☹️總括嚟講，我飲第一啖之後講嘅嘢係: 呢杯嘢好普通...同行朋友仲話: 唔好飲，嘥時間🤦🏻‍♀️🤦🏻‍♀️我又覺得試吓無妨嘅，但係期望唔好咁高就得啦🤪🤪🤪*以上食評係以當日質量去評價，唔會一概而論

咁多人講緊老虎堂，仲要就開分店，梗係要來試吓啦！排隊打晒蛇餅🙈 咁嘅天氣下真係暈暈地😂 不過真係好想試，睇吓係咪想像中咁好飲🤣等咗大概12分鐘左右就有得order, 我叫咗佢嘅招牌黑糖珍珠鮮奶，但係細珍珠~ 好正，呢間又細珍珠👍🏻👍🏻 即試～ Order完之後到拎就快好，5分鐘就有！✌🏻佢嘅黑糖分布令到外觀好靚🤣 又係必影既👍🏻 味道方面，同我想像差不多！奶唔會太奶粉感，黑糖煮得好啱，唔會太甜，細珍珠又唔會淋，一pat pat咁，反而好彈牙～ 因為係細珍珠，更加有口感！一啖就成口都係珍珠😍 讚👍🏻 但係因為排太耐了，我覺得試一次係OK既🤣

終於飲到D人排到癲既老虎堂!!! 唔知係熱潮已經過去定係因為附近競爭太大, 我地星期日7點幾去到!!! 排隊買再加等拎既TOTAL TIME係15分鐘!!!!!!!!又話等個半鐘先飲到既野咁快就到手!!!開心興奮!!!虎虎生風系列(波霸+珍珠) $30最期待既畫面出玩啦, 影完相再SELFIE完一輪之後就飲第一啖啦!!!! 超香既奶味!!!!!好中意啊!!!!再加上黑糖味真係絕配, 唔算太甜, 甜度適中!!! 注意*****甜度同冰度都係冇得揀SET死左!!! 甜度我明, 但點解冰度都冇得揀!!!! 其實有半杯都係冰!!!! 飲到下面好淡!!! 重點*****珍珠超’’林’’, 有失所望, 失敗位就珍珠!!!一D都唔好食喎!!!(可能之前期望好高) 亦有朋友解說可以同多唔多人排隊有關, ANYWAY, 決定唔到會唔會有第二次, 因為仲有好多選擇可以試, 到時試完再決定邊間自己最中意!!! =]

老虎堂未喺香港開之前已經聽朋友講過，話係台灣飲都排成個鐘經過cwb見唔算多人排，就去朝聖下平日5:00去到都有條人龍，目測20-30個人叫左杯poster印嘅波霸厚鮮奶問店員先知原來波霸就係大size珍珠，厚鮮奶會多一層奶霜，冇得揀甜度最後排左ard 20分鐘就落到order，再等5分鐘拎得個杯比平時個d細，chok左10幾下再飲飲落好香焦糖味，同鮮奶好夾平時唔會飲奶嘅我都鍾意個味！會偏甜少少，因為冇得揀甜度，所以要左正常冰份量，飲飲下就冇咁甜。可能因為加左奶霜，囗感濃厚d，同平時d珍珠奶茶好唔同波霸珍珠好好味，夠大粒有咬囗~雖然個杯細，但珍珠多，飲完都幾飽肚！果然名不虛傳

想試飲好耐啦，次次都好多人排隊，難得今日一早出去，剛開門無耐唔洗點等，二話不說就買了，不過估唔到原來幸福堂就喺格離，可惜只能二選一。可能太期待，結果有d失望，飲得出奶味濃ok的。不過感覺d黑糖珍珠唔重黑糖味，之前飲過鹿角巷，覺得好似仲好飲d感。

老虎堂算係引起香港一片黑糖鮮奶熱潮嘅舖頭所以就算對我來講銅鑼灣有啲遠就算條龍真係好長都無損我去試一試嘅決心波霸厚鮮奶我買過兩次，兩次都落雨都依然有好多人排隊但排隊有啲混亂，因為多人排隊之餘亦都好多路人店舖有幾款不同配搭嘅黑糖珍珠鮮奶飲品所以最好分清楚有咩分別先好叫呢款波霸厚鮮奶，係大粒珍珠加鮮奶及奶霜外表一流，虎紋好明顯老虎堂係我試過咁多間奶味係最重嘅配上黑糖漿，味道剛剛好不過唔鍾意食甜嘅人就一定覺得過甜而波霸珍珠幾有咬口，可惜珍珠嘅黑糖味就冇乜呢一方面有啲失色雖然我覺得味道啱啱好，但飲到最尾都覺得膩食飯之前或者食飯之後就要留意喇

嘩成日都咁多人排隊....今日食完飯就去試吓搏下有冇機會可以飲竟然唔算多人.....排咗大約10分鐘就可以買到啦排到隊頭嘅時候服務員貼左張紙話啲珍珠準備售罄嚇死寶寶好彩去到嘅時候仲有得買第一次飲都唔知叫啲乜嘢好就揀咗佢推介嘅兩款虎虎生風厚鮮奶波霸厚鮮奶我叫嘅時候想少甜小冰但因為可能啲生意太多人買嘅關係係冇呢種服務嘅😂個杯嘢飲下面係熱辣辣嘅而上面就係凍冰冰嘅要自己搖左先可以再飲奶味香濃珍珠非常有口感其實兩杯個味道係一樣只不過係有一杯啲珍珠有大有細令一杯d 珍珠係正常size

去開銅鑼灣，醒起依排勁hit嘅老虎堂！我之前係台灣飲已經覺得好好飲，本身諗住順粹睇下，但去到見到竟然好少人😍😍😍(可能咁啱落好大雨😂)，咁就梗係排隊啦！老虎🐯堂嘅黑糖珍珠鮮奶係冇得減甜嘅，店員會叫你搖15下(印象中係15😝😛)先好飲！飲落奶味香，珍珠夠大粒，煙un度十足！甜味仲啱啱好，唔太甜(我平時飲開走甜或微甜😆)！👍🏻👍🏻👍🏻👍🏻👍🏻仲有，唔計排隊時間，佢出飲品嘅速度都算快😝😝