老掌櫃東北菜館 (海之戀商場)

营业中

休息中

黎到荃灣就諗住去行下donki 但又唔想買到一袋二袋咁先去食野所以決定去搵左野食先估唔到Donki隔離岩岩好就有一間所以今晚就黎試下呢間東北菜 呢間環境都幾開揚不過座位編排上有啲逼同隔離座距離都有啲近有壺茶放檯比你自己斟 但要收茶位價錢每人8蚊野食方面 叫左乾煸四季豆 $68呢個炒得幾香 唔油 豆都好爽口 幾岩送飯小雞燉蘑菇 $88同我想像既係唔同既 入面有冬粉 茶樹菇 同雞先講佢既雞 應該係用雞全翼切件 不過入面勁多雞翼尖 呢兜入面都有7隻雞翼尖同佢啲雞既肉質已經燉到好爛 仲有啲鞋 冇咩雞味佢既湯汁好濃既花椒八角既味 冬粉都吸收晒湯汁既味茶樹菇就正正常常秘製杭州骨 $78呢個似糖醋排骨 酸酸甜甜 幾開胃排骨粒唔會好韌 包住晒醬汁 都好送飯入面仲有啲薯仔粒同菠蘿粒薯仔粒應該炸過 幾脆口呢間野食價錢唔算貴 但份量十足性價比唔錯👍🏻

donki應該係最近大家常去的地方去完shopping當然去搵食一向麻麻地東北菜因為怕佢太濃味但見到有片皮鴨食入去坐下食下侍應服務好好環境望海坐近窗位風景相當唔錯眼見都幾多台留座肉三鮮水餃餡多夠juicy醉雞花雕酒略甜雞肉嫩滑啱我口味清炒蝦仁蝦仁份量多不失爽口北京填鴨半隻半肥瘦鴨肉配脆口鴨皮再加配菜同暖身粉皮入口滿足半隻份量都好多四至五人都夠食都幾抵食最後主角登場拔絲蘋果記得細個係酒樓食過之後就好小見有得食功夫菜唔食唔得當然冇令我失望外層拔絲脆口甜蜜蘋果不失爽甜重拾兒時回憶肥幾磅都無所謂記得食個陣要浸一浸凍水焦糖更脆口下次要encore拔絲地瓜

為左去行don don donki，就黎左OP mall行下！行完donki一出去就見到呢間餐廳，見佢價錢適中，又好耐無食過片皮鴨所以就入去試下😂**********<北京填鴨> $168北京填鴨以呢個價錢黎講嘅話性價比算高，填鴨上枱嘅時候仲暖暖地，鴨肉唔算好肥，餑餑皮夠熱而且厚度適中，重點係有好多塊，所以包到好多嚿，啱曬鍾意食填鴨嘅朋友👍🏻**********<黃金四季豆> $74一上枱咸蛋陣味已經好濃烈，撈落四季豆好香，咸蛋控一定好鍾意！美中不中係啲四季豆無搣到啲根，搞到食落會有渣😩**********<麻辣海蜇> $60海蜇食落幾爽脆，份量都幾多，不過辣油好多，味道都幾辣下，唔食得辣嘅話可以叫蔥油海蜇🙊**********<高力豆沙(2件)> $24呢個唔推介，個皮無咩味同埋口感好實，好似食緊炸麵包咁，感覺唔太正宗🙄

自從海之戀的商場開了之後，真係對我這些西鐵來說是天大喜訊，就算打風落雨，西鐵上蓋唔使淋雨就可以開飯。今晚同老公去了幫襯這間東北菜館。東北肉皮凍簡直係女士補品，肉皮凍骨膠原豐富，食啫喱般，加上鎮江醋令整體唔會太膩。韭菜豬肉餃正宗東北餃子是唔會皮薄，所以這個餃皮好正常，唔會成舊粉，亦都唔會薄到透，餡料調味得剛好，肉餡都很juicy。雞絲粉皮粉皮份量很多，夏天食最清爽，麻醬味夠香。京式炸醬麵表面舖滿了炸醬，跟麵拌勻一起，麵質就偏腍，但唔會糊口，炸醬亦唔油膩，比較健康。紅燜豬碲豬手又係充滿了骨膠原，炆到入口溶化。桂花酒釀丸子丸子煙韌彈牙，充滿桂花香味。食物抵食夾大件，會再翻兜👍🏻👍🏻👍🏻

久不久都會幫襯大角咀嗰間老掌櫃，雖然次次都排好耐，但食完都會覺得值得～驚荃灣開咗分店，我又住得近，就過來呢間試吓。結論就係比大角咀，美味程度-30%左右。片皮鴨，需要預訂先有得食，呢個就正常不過不失。京醬肉絲唔係好夠味，因為用嚟包餅食可以濃味啲。拔絲蘋果，剛剛炸起，又甜又脆好美味～酸溜土豆絲，都係唔係好夠味。總結來講，我會去大角咀本店食

第一次吃這家是在 大角咀時候，記得個陣好多人排。呢加難得荃灣開左分店，梗係要試下！預先在app 上訂位 ，由於是星期六早幾日訂也只有6點這位置。但幸好有book! 7 點過後基本上較要等位。先叫了前菜麻辣海蜇頭，這個十分推介！因為好少地方有得食，海蜇頭係挑選最爽滑的部分，所以食落去好似食緊啫喱咁！加上麻辣味好夠好開胃。主菜片皮鴨都好食，唯一敗筆係甜品個拔絲地瓜。總括泥講，野食跟大角咀時一樣 環境開揚了坐得舒服啲。如果泥荃灣donki 行的話 都推介可以食呢間，除左donki foodcourt 之外

打電話去訂位，佢話要訂到8:30，一係你嚟攞位啦！咁我6:30去攞位，點知佢要我坐露天，但係入面大把位，又要限定個半鐘，員工態度又差，未食已經卻步走人！好彩冇食睇到評語勁差！

比較少係香港食東北菜，見朋友話黎donki行下，就順便去左呢間食，價錢都幾抵食。不過略厭裝修比較簡單睇門牌以為好似海底撈果d裝修其實有點似food court...疫情期間都有量體溫既每張枱都分隔得比較遠，所以都冇隔板既。因為主要都係同朋友食飯吹水，就冇細影每碟餸啦片皮鴨都唔錯，但略厭油脂比較多，凍左有小小羶味餅片都痴得幾實下，都要雙手met開先分開到雞絲粉皮幾好食，大推！！雲耳好爽脆，有小小辣另外嗌左餃子，味通普通的確抵食，可以一試！

專登去荃灣和朋友搵好野食～～之後見到這間餐廳裝修唔錯。。。諗住去試一試餐廳環境舒適又有海景朋友聊天一流，食物賣相精緻，牛肉麵簡直一流,牛肉入味, 麵條又彈又滑,而且價錢超優惠,即頭係大件夾抵食。附近商店又有好多野買，我和朋友一定會再去............

今次老弟請食飯，為了他的荷包著想，我特意揀了一間價錢大眾化的餐廳，並於訂位時預留了半隻北京填鴨。自海之戀商場開業以來，除了去過DonDonDonki，我們就沒有逛過其他地方，所以我們各自浪費了不少時間搵路，而路痴的老媽最終比原定時間遲了30分鐘才出現😂於18:15抵達餐廳，門口已有很多人在等叫籌號入座，還好有訂位😆由於只有1.5小時用膳時間，我們沒有等及老媽就開始點菜！北京填鴨餅皮較厚而少，鴨肉的份量卻不少，所以餅皮與鴨肉的份量不是對等，味道不過不失，還好沒有聽老媽提議預留一隻，否則因份量太多會浪費😆糖醋魚片魚片啖啖肉又無骨，味道及製法與咕嚕肉菜式相似，酸酸甜甜幾開胃😋清炒萵筍老媽從未以萵筍入饌，所以只能在街外用餐才會食到萵筍，味道清清地又爽口，老爸很喜愛😋老醋海蜇頭海蜇頭爽脆有口感，而且混合了清爽的青瓜，加入老醋調味，非常適合炎夏食用，最後老媽更後加單多一碟😆拔絲蘋果蘋果淋滿煮溶了的糖漿，要趁糖漿還未凝固時放入水中冷卻，之後就會變得外脆內熱，是不錯的飯後甜品😋

今日第一日返工，未知架部亦唔方便帶飯住，食飯又得一個鐘又要打卡唔想食咁耐，所以去左公司旁邊嘅餐廳🍴‘老掌櫃東北菜館’是也😁時間為2點，過左最繁忙午餐時間但座位都6成滿，同幾個新同事一齊叫左佢嘅午市套餐，我個份係‘咕嚕肉炒青椒配白飯‘$48冇跟飲品，黎到時見份咕嚕肉都幾大碟內裡都有6-7舊，味道就酸酸甜甜、甜甜酸酸咁好開胃💋💋，飯🍚亦都好大碗靚靚仔仔咁啦！配酸甜汁一流呀🥰🥰但略嫌粗身，唔夠白滑！上午要高度集中精神學習，下午就係要有d酸甜野醒醒個腦🧠，比自己身體有返開心嘅感覺🥳🥳！希望新工能做得開開心心🥰🥰。

有一日喺網上面見到呢間餐廳嘅推介，於是即刻同朋友去試一試。我哋早幾日打去book，已經話冇乜位，去到嘅時候見到出面排長龍，想來食嘅朋友記得要早少少訂位。餐廳內嘅座位比較迫，枱同枱之間嘅空間唔多，而且環境比較侷促，怕熱嘅朋友可能會食得有啲辛苦。Menu食物嘅選擇都幾多，我哋叫咗個青瓜海蜇頭，唔知係咪平時食慣海蜇，海蜇頭對於我來講個質感有啲奇怪。另外亦都叫咗擔擔麵，個人來講覺得好好味，好啱我胃口，絕對推薦！不過好戲在後頭，我哋叫咗個蔥爆羊肉，非常香口，而且唔會數會so，送飯一流！鍾意食辣嘅朋友可以叫辣嘅蔥爆羊肉！當然呢間餐廳嘅主打係片皮鴨，轉皮鴨半隻只係$160左右，非常超值！而且質素一啲都唔差，可以媲美所謂名店，甚至好過xx鴨子，鴨皮夠脆，肉質嫩滑，我同朋友忍唔住叫多半隻！

今日去開荃灣激安買完嘢見到有老掌櫃，一直食開大角咀嗰間，無論價錢同食物質數都一流，諗都唔諗就衝咗入去。點知出事😔間舖有少少似food court咁嘅裝修，可以隨便揀位坐。坐低前見到張櫈濕咗咁就用紙巾抹吓，點知唔係水，係有黏性嘅透明液體！即刻轉枱，但發現每一張枱同櫈唔係有食物碎就係濕嘅。好無奈搵到張好少少嘅坐低，先發現全間舖嘅地下都係食物碎😣叫咗兩個set，京蔥羊肉餃刀削麵 + 雞絲粉皮，酸辣湯麵 + 醬豬耳。兩個小食先上。一見到我笑咗。請自行找亮點。再嚟個酸辣麵，好重味精。最後上嘅京蔥羊肉餃刀削麵。個餃好食嘅，但個麵係半生嘅，中間係唔熟，食到生麵粉味。個湯啲味精好勁。如果店主會睇食評，請認真注意一下店鋪嘅衛生同埋食物嘅質數。真心失望😔

由於無訂枱walk in要等位不過為咗抵食嘅北京填鴨決定等最終等左40分鐘入得除咗點左半隻鴨，另外仲有乾煸四季豆，京蔥羊肉餃（$46有10隻），兩個人食份量有啲多片皮鴨係幾香嘅，皮都算脆，不過如果可以皮薄啲，有埋蔗糖配搭更好羊肉餃好好味，皮薄餡靚，夏天食過寶但都要食一食

聽講大角咀一間人氣中菜館開到黎荃灣~🙆🏻‍♀️就同屋企人黎試試佢!.📍老掌櫃東北菜館.🥗東北大拉皮($72)-涼菜平時叫得最多係雞絲粉皮~今次試下呢個大拉皮🤣原來即係粗薯粉喎!配埋蘿蔔絲青瓜絲青椒絲牛肉絲口感豐富😆🥟韮菜豬肉餃子($42)-韮菜豬肉嘅內餡味道都幾好~不過餃子皮太厚🐷紅燜豬蹄($78)-份量都算多!豬手好淋~呢個不錯🧆黃金南瓜($74)-呢碟真心係失敗之作!!上枱個樣已經唔吸引...食落口好淋南瓜似烚得太耐好多水份然後再落穫兜啲咸蛋黃😐口感太淋爛🥬清炒萵荀($68)-翠綠嘅萵荀好爽脆~但有啲偏鹹🍜秘製牛犇麵($46)-見到個名其實係唔知乜黎🤣於是試下啦...但同牛肉麵無乜分別喎🤔牛肉好碎湯底都偏鹹但麵條口感啱啱好