老掌櫃東北菜館 (海之戀商場)

营业中

休息中

早日前老豆生日，老人家話想食東北菜，朋友介紹下去咗呢間老掌櫃東北菜館呢間餐廳喺荃灣西鐵站隔離個商場，行出啲又有個巴士站，交通都算方便餐廳有露天部份，可以望到海景同埋汀九橋，環境好舒服片皮鴨 – 厚切鴨肉，食落好有口感，而且鴨肉嫩滑，鴨皮鬆脆，點醬好味，加青瓜食更開胃紅燘豬蹄 – 好香！豬手燘得好林！京燒羊肉 – 羊肉一啲羶味都無，而且羊皮燒得好脆拔絲蘋果 - 蘋果爽，糖脆，咬落有兩種感覺，好過隱蝦仁，呢個冇乜特別，味道OK水餃不過不失老豆表示好滿意呢餐mission complete

晚飯時間，客人不多，枱與枱之間有1.5 米。但眼見執枱沒有用除菌之類的清潔劑抹，用來用去都係同一塊布。餐具同紙巾放喺枱下面的櫃桶裏，任人取，落單要客人自己用佢地提供的紙筆自己寫，有同餐廳職員反映這樣很容易交叉感染，職員有點覺得不耐煩。食物質素ok，希望衛生可以注意多啲！

這一間店原先在大角咀的總店常常排長龍，就算book了位都要等，而且入面好窄好逼，不過因為D野真係好好食，尤其是佢個片皮鴨，真係一試難忘。衣家佢終於開分店，而且仲要在荃灣，真係成個人開心晒。片皮鴨就一定叫啦，不過好不幸地，因為掛住食，所以唔記得影相，我覺得個味同大角咀總店的一樣咁好食。另外，我仲叫了羊肉餃同蔥爆羊肉，味道都同大角咀的一樣咁好食，而且呢一間大好多，坐得舒服D，第日我都會選擇黎呢一間。

鑱咀萬萬歲!🙌🏻ChamZeoiLongLongLife🙌🏻🐭老掌櫃一d都唔萬歲！😥....🐭食店係海之戀商場裏面，有室內及室外位置，室外能夠望到全海景，景觀開揚壯麗非常寫意清休。....🐭食物選擇非常多，賣相亦唔錯，可惜味道令人失望...明明係食東北及上海菜，但味道口感就像好一般的港式茶餐廳.......🐭魚香茄子 $68分量好多，外表吸引。但冇魚香味，醬汁亦唔惹味。茄子及肉絲亦唔入味，有點像白灼茄子。整體就是完全不香濃，完全冇鑊氣😔....🐭東北亂燉 $88裏面有蔬菜、紅蘿蔔、粟米、茄子、粉絲、一字骨，全部都冇乜味。醬汁味道奇怪，就像淡淡的豉油味。一字骨肉質好硬。整體完全沒有風味...🥴....🐭老掌櫃中國白酒 $55支野細細枝好得意！但極度劣質，完全飲唔到！入口果吓都尚算正常，但忽然非常乸口，然後散發出陣陣濃烈嘅臭膠味，好臭，真係好臭，根本吞唔到😤....🐭食神鼠到老掌櫃失望一遊，拜~

弟弟試過佐敦分店好吃，今次有老人家和孕婦，打算去荃灣新開坐得鬆動d,雖然內堂似普通canteen,但露天景一流！餐廳店員沒有服務可言，不知道有沒有傳菜和樓面次分，但叫加水加左4次都未拎黎，上片皮鴨時詢問：「唔好意思，想問有無即棄手套提供？」（因現時疫情嚴重）相信主打片皮鴨的餐廳都會貼心一點，但問完待應望住成分鐘唔出聲，然後家人說沒事了，唔該，她亦沒有作聲走了。除了點菜後，完全沒人服務的狀況，成檯都係食完既野無哂位都無人收。片皮鴨十分有驚喜的，雖然外貌一般，但味道和質素比起其他主打北京烤鴨的性價比很高！醬汁和鴨香都十分驚喜，鴨肉質素很好不乾肉嫩，唯一美中不足是鴨皮被忽略了，不脆。其他菜式十分一般。

第二次去啦～最近唔知點解對東北菜ge食慾大左少少今次試ge係木須炒蝦仁，整道菜係ok ge 碗飯都唔係好夠食，碗半就差唔多啦～講返個菜，我本身對東北菜ge概念唔係好強所以我ge評論完全係我個人口感而寫ge，各位自行調整啦第一口食落去幾重醋味好彩本人對醋無咩反感反而有D鐘意tim所以無咩所謂，食食下越食越開胃食食下先知D飯已經食曬剩返3份1菜我就唔叫飯u～食完發現完來木須咁好食已經加入我的菜單了老實講依道菜依個價錢本人覺得好低～

過去的星期天終於踏足荃灣新場海之戀！行了一圈發現場內店舖的開業率不足三成，而開幕的除了食肆比例較多最矚目必是佔地50000呎的Don Don Donki！ 跟車爸爸在Don Don Donki逛了一會便走到老掌櫃東北菜館吃午餐，選擇來這兒最主要是被户外海景座位吸引，這天風不大加上有新鮮空氣感覺吃得很安心！ 我倆各選上一碗心水粉麵另外點多一客涼菜便夠吃了！看賣相好像不俗快快手影好相便開餐。 涼菜是東北肉皮凍＄52口感像果凍般爽滑，配上酸辣的醬汁醒胃可口味美。 車爸爸的韭菜豬肉餃麵＄42湯底有點怪像淥麵水般極不討好的味道！從刀削麵和白麵中取捨最後選了後者，麵條味道沒問題可惜弄得較淋車爸爸很不喜歡呢！ 而韭菜豬肉餃皮尚算滑口也是一般北方餃子的質感，但肉餡汁豐味濃挺合我口味喔！ 我則點了惹味的排骨擔擔麵＄52，炸排骨會分開上檯夠正宗，炸得酥香的排骨大件肉厚口感軟淋不錯耶！ 擔擔麵湯頭微辣帶麻夠濃香，我這碗麵條烹得口感恰好，這碗排骨擔擔麵我挺為滿意呢！看見餐廳還有片皮鴨供應而且價位挺抵吃，搵日約埋車公公、婆婆來試先！

剛去完海之戀商場的日式超市，原本想在美食廣場吃下午茶，但平日下午竟然座無虛席，望一望隔壁也是新開的東北菜館有做特價下午茶，於是就去吃吧。首先散點了酸辣湯，味道還不錯，用料足，又酸又辣，有醒胃效果。然而之後的排骨拉麵就不好吃。排骨很肥、無鮮味無肉味。至於拉麵，也是無味白素麵，湯底不是湯，味精也無，簡直是白開水、伴隨一顆白菜頭。店內的裝潢簡單，而由於是新開張，衞生及環境都OK，店內人手充足，服務都到位。

知道老掌櫃開左新分店係海之戀商場，專程嚟一試，知道會多人所以提早訂枱，去到就有位喇，6點零已差唔多坐滿！！！先講環境，因為鋪頭係正驚安隔離，同要去到幾入再轉彎先見到，都搵左陣，建議加多少少路牌指示；去到新鋪夠開揚，半開放式，有幾張露天枱，不過今次坐唔到出去，但坐窗邊坐位都可睇到靚景，睇住維港晚景食飯都好享受！！！今次兩個人去食，叫唔到太多款嘢食，不過必食招牌北京填鴨半隻，一碗牛犇麵，同肉三鮮餃子，都大滿足喇，食物同大角咀水準一樣，安心哂！！！繼續支持老掌櫃！！！

見價錢唔高又係新開所以去試下，本身都幾鐘意食担担面見到依到又有咁就叫左個排骨担担面同争羊肉餃子，個餃子本身有配面大食ge朋友仔可以要埋個面，環境同服務係ok ge最正係有個一字排開海景位但得5至6個位自己執生啦～講返食物個担担面湯底係幾好ge面都啱啱好個排骨都唔差衰在有幾塊碎骨同唔多肉；餃子真係唔騷因爲入口即溶所以我都唔知食左D咩味道係無問題ge個人覺得接駁口個位置皮厚左少少，整體唔差啦～下次會試其他菜p.s.下午茶未必會有午餐D餸要問下先。

昨晚是第二次光顧這間食店，今次一行14人，可試多幾款食物！總結吓食物質素先😋涼菜試咗雞絲粉皮～芝麻醬味濃，醉雞～淡淡酒香，雞肉嫩。老醋海哲頭～酸味味開胃，海蜇頭爽脆。片皮鴨～鴨肉嫩，皮脆，不過皮份量唔夠，要再 order. 回鍋肉～好味，個人喜好可加辣一點清炒萵荀～夾，好味乾煸四季豆～唔駛講，正糖醋魚片～開胃，魚片嫩滑。另外仲有牛犇麵，東北農家炒飯... 我地真你好大食！但埋單又幾抵。出品快，服務尚可，見到佢地好盡力應單（但好似唔係好夠 waiter🤔）下次再試其他食物😁

讚1. 價錢抵，每人唔使兩舊水2. 有露天環境，仲有啲海景咁，幾舒服3. 有啲野食唔錯，餃子、蔥油餅都幾好，餃子足餡，京燒羊肉意外地好味，肉味濃，係燒得有啲韌啫彈1. 填鴨係平，但實在唔正宗，根本就好似普通燒鴨，皮唔脆肉亦乾

想行donki 又想食片皮鴨🐣所以試左老掌櫃但兩個人黎試吾到好多款👉🏻叫左片皮鴨（半隻）因為鴨有大約三十件 (可以for 3-4人用)但皮就包十二塊鴨幾厚肉 反而覺得太厚肉添薄啲可能更好價錢經濟過美中鴨子個啲 但質素都係普通啲啦🥱👉🏻叫埋兩食 (即鴨炒個菜)揀左茄子炒係惹味既但真係好油膩啊食多兩件都怕腸胃受吾住😂❤️但天氣涼涼坐户外都加返分既但要book枱，見walk in都有好多人等位有機會想試埋個雲吞雞🙂

叫了七碟餸，其中片皮鴨、雲吞雞窩、松子魚、羊肉都很得，特別是羊肉入口美味而不覺騷。片皮鴨好好食，不油膩，食了半隻都不夠，不過片皮鴨要預早訂。其價錢大眾化，六人叫了七碟餸，平均每人$130。人氣十分旺，晚餐需要預早訂位。餐廳特色，餐廳有露台可於室外進餐，眺望汀九橋。室內裝修簡約，但吃下午茶時坐近窗邊可享受黃昏汀九景色。服務方面，與一般餐廳差不多，但食物價錢相對其他餐廳較抵食。溫馨提示：1. 先預約，輕鬆按時取位；2. 沒有book位的話，取飛後要行下驚安超市；

7:45開始拎二人枱飛, 門口職員話好快有位. 等左半個鐘, 再問職員, 職員依然話好快有位. 到8:30大批訂咗8:30果輪既客人黎到被安排入座. 我地即刻問其實係咪真係有位比我地呢d walk-in既客人. 佢哋話等等, 好快有位.我再等到8:55, 終於放棄. 因為成個鐘根本冇叫過二人枱飛, 仲不斷有已訂位客人黎到. 我前面仲有幾張二人枱, 根本入曬8:30 訂座果輪之後, 我係冇可能今晚有飯食.如果餐廳係冇足夠位比walk-in, 就唔好為左賺到盡而呃客人好快有位.