老掌櫃東北菜館 (海之戀商場)

营业中

休息中

荃灣海之戀商場越來越旺，去Donki 行街之餘，就係揾野食。就在Donki 旁邊有間老掌櫃東北菜館大大個招牌唔會睇唔到，地方大座位多，今晚就在這裡吃晚餐。見到餐牌寫著不設加一服務費，好開心！ 食物價錢大眾化，有東北菜、有上海菜，夠曬多選擇。頭盤先來一碟醉雞$68,見到醉雞汁浸滿一碟，雞肉熟度剛好，新鮮而且嫩滑，酒味香濃，浸得很入味，喜歡略帶甜味而不苦澀，值得一試。秘製杭州骨$78,是這裏的招牌菜，一試之下，真的大讚！其實就是糖醋排骨，不過味道比平時的糖醋排骨多了一份香甜的味道。蜜糖味香甜，汁液濃稠可以拉絲，排骨肉質爽口，份量也頗多。配菜還有炸薯仔粒和洋蔥，香濃的吃著很惹味！蔥爆牛肉$78,分量比杭州滑更澎湃！沒想過 親民的價錢，食物分量完全不吝嗇，未食已愛上這間餐廳的熱誠！牛肉和京蔥爆炒得均勻，鑊氣夠，有洋蔥炒過令牛肉更香，吃的時候連京蔥、洋蔥、牛肉一起吃才是最惹味 ! 牛肉醃過，肉質頗滑，每片也是大大塊的絕不欺場，光說份量已經值回票價！酸辣湯麵$46,是我的至愛，無論那處有酸辣麵，我都要吃一碗。一上桌，嚇了一跳！這個大湯碗裝滿了酸辣湯，以為送錯了一大鍋 湯給我，原來真的是酸辣麵！麵質

［荃灣］老掌櫃東北菜館.蔥爆羊肉🐑食剩指數：0/100羊肉一啲都唔騷京蔥洋蔥多到數唔到睇落好濃味食落剛剛好又唔會好咸當然要用嚟送飯都唔錯.蝦仁炒蛋🦐食剩指數：2/100蝦仁都幾大隻同彈牙蛋炒得幾香中間有啲韭黃粒增加口感有家常小菜既感覺.雞絲粉皮🐤食剩指數：0/100小食竟然咁大碟雞絲都幾多麻醬調味都足夠粉皮幾彈牙加埋青瓜絲都幾爽口.高力豆沙食剩指數：0/100唔知大家細個有無食過呢個甜品係我回憶而家好多地方都無得食高力豆沙材料係蛋白和豆沙雖然係油炸但係入口唔油膩蛋白香加豆沙幾夾加埋沙糖真係唔錯如果你第一次聽呢樣甜品建議你叫嚟食吓

一路過海之戀 當時見到門口側邊有間東北菜叫老掌櫃價錢非常之抵食 見到promotion北京填鴨半隻只需要168蚊立即狗衝入去食 六點鐘入到去已經八成滿差唔多圍圍都係食北京填鴨.🍖北京填鴨半隻 $168對於食肉獸嚟講簡直係福音 外皮脆卜卜鴨肉滑+師傅刀工好好 見到啲皮之餘仲可以有啖啖肉另外要讚下佢啲粉皮塊塊都有輕輕烘過咬入去柔軟得來唔會嚡颯颯配菜有遵從同青瓜加埋甜醬簡直係超抵另外抵讚既係份量 雖然講係半隻 上碟睇上嚟係成隻嘅份量性價比好高!!🥟玉三鮮水餃子(十隻) $44有蝦豬肉韭菜 外皮唔算厚但係好有銀勁好多蝦肉仲好新鮮 一咬入去啲汁爆曬出嚟好juicy四蚊一隻抵食🍜秘製牛犇麵 $46大碗覺得味道比較健康 唔會非常之咸同味精牛肉份量都唔小 食落去份量真係太多建議細食嘅朋友嗌少面 費事浪費..落去好彈牙同個湯好襯🥘酸辣湯 $64之前已經提過我鍾意食濃味嘢 呢個湯直情係正宗嘅上海酸辣湯料非常多 有大量嘅雲耳豆干同辣味都啱啱好芡汁唔會落得過量 相對冇咁邪惡🧇豆沙鍋餅 $48非常抵食即叫即整 皮非常薄但係煎到非常之脆冇用油係烘 感覺健康啲紅豆蓉好滑.推薦三個人食 飽到不得了人均消費一百蚊左右

新開幕每次經過一路都想試晚飯，但一見到多人就冇心機等；之後疫情已經忘記了。直至最近疫情轉好出嚟行吓又記返起喇今次食lunch叫左個京蔥羊肉餃子+雞絲粉皮+酸辣湯。一碟10隻餃子🥟size 適中，睇落平平無奇點知原來每咬一口都爆汁超正。唔好睇少個set lunch 份量，食曬真係好飽飽。下次一定要試埋個晚飯先得

等候時間長 即使我係買外賣 一早set好8點取餐最後亦遲等外賣同 餐廳門口人龍 一齊眼見衛生惡劣 倒垃圾職員在正門出入與餐桌鄰近仲要垃圾漏水一行啡色嘅水流過店員亦無理最後有好心食客提店員清理 以免食客滑倒但店員只清潔對正門口的污水沿住門口既一行污水路係無理到既食物方面叫左東北酸菜餃外賣首先唔明點解蒸餃要等耐啲而餃子餃皮厚但又會癡埋一堆一夾好容易弄破酸菜餃只食到一舊肉餡完全無酸菜味外賣盒又唔裝好 啲醋漏到一袋都係食左呢次 永不錄用幾近屋企都好 用餐經驗絕不愉快

係第三波疫情之前就同老公約好左黎呢間食片皮鴨, 可惜當時去唔到, 一等就等左兩個月, 見疫情暫緩又可以過黎食下啦!我個人唔太喜歡食中菜, 但係唯獨北京填鴨好鍾意食, 來老掌櫃東北菜館都係主要為左佢呢~~我個人好鐘意食肉，所以特登叫佢比多肉，好岩口味～底下都有多皮的，加埋青瓜同醬好正！白菜豬肉餃子🥟有好多餡料，加埋醋同辣椒豉油好味😋叫多個蒜蓉娃娃菜，菜量好多啊侍應好勤力收碟而且有禮，我地坐窗邊，環境都唔錯～

行完街搵野食，想食中式野，見呢間平平地又未食過，一於入去試下啦😋😋環境比起海之戀其他餐廳簡陋，雖然望到海景，但係啲枱櫈格局擺到好似一般飯堂咁🤣🤣星期六黎到都有平日既lunch，有客飯、湯麵、餃子，大概40幾蚊左右，野飲要另外加錢水煮牛 $49 配菜飯 加酸辣湯 $8呢碟餸既份量比想像中多，好多塊牛肉，個底仲有薯粉、其他配菜，索曬啲辣汁好好食，夠晒辣，用黎撈飯一流😋😋菜飯就略嫌細碗得濟，另外加咗8蚊既酸辣湯就一般喇🙄🙄 淨係得個辣字羊肉餃 $44 我最鍾意食厚皮既餃子🥟，呢到岩曬我口味😋😋整體黎講，服務質素同環境就一黎，食物味道未去到嘩超正，但係抵食既

是晚我地嚟到荃灣西站嘅海之戀商場，因為知道呢度開咗老掌櫃嘅分店，想試下東北菜。我地要求坐室外，因為可以睇到汀九橋嘅夜景。店員就叫我地等陣，轉頭會Call我地。咁我地就去咗Donki打咗個Round。轉頭收到Call, 咁我地就返番去。我地都點咗好多款菜式，好豐富！秘製牛犇麵。裡面都幾多牛腩同牛筋，牛腩炆得幾入味，都算軟稔，湯底嘅牛肉味幾濃，麵又很彈牙，值得推介。涼拌海蜇。海蜇頭很爽脆，酸酸辣辣的，是個開胃的小食！肉皮凍。湯多過肉皮，這個就較為失望。清炒萵筍。脆脆地，唔太油，都幾清新。羊肉餃子。羊肉味不是很濃，可以一試。好豐盛嘅晚餐呢！雖然冇乜服務，但係唔駛加一，都幾抵食架！

老媽子生日，但因為疫情關係冇左晚市堂食，唯有外賣自取同佢同細佬一家慶祝，一早經openrice預訂一隻北京填鴨，酸菜魚，宮保蝦仁，蒜蓉炒皇帝菜及甜品豆沙鍋餅，我同老婆訂左下午6點自取，未到6點到達已經準備好可以拎走，仲感到啲餸菜係熱既，跟住嗱嗱聲搭車返屋企開餐，北京填鴨幾好食，啲皮仲熱亦唔會痴埋一嚿，可以一試，酸菜魚我揀左魚柳，味道幾好，最好味係啲酸菜同薯粉，宮保蝦仁同炒皇帝菜就一般水準啦，豆沙銅餅餅皮煎得唔夠香口，整體呢餐我會比70分，疫情下外賣自取已經算唔錯，大家同心協力齊齊抗疫!!

六點後衹可外賣食物質素難免比堂食失色北京填鴨似欠缺鴨味，主要靠醬汁味道補救同枱七人也覺得唔好味但其實係今次外賣主打菜大家都有少少失望砂鍋雲吞雞係今餐最好味餸菜純粹係因為外賣返屋企懶得再煮熱覺得佢唔夠熱酸菜桂花魚真的不適合外賣要堂食熱辣辣才好味愛食魚之人表示魚唔夠滑可能因為始終係外賣啦焗都焗到過曬火喉啦其他較常見餸菜ok高力豆沙作甜品也一流總括 之前堂食覺得此店好有水準外賣真係差太遠了希望快啲有返晚市堂食

夜晚放咗工同朋友食飯，大家返屋企都要搭西鐵，於是揀咗喺西鐵站上蓋既餐廳食野，夠哂方便。餐廳望出去有無敵海景，睇住日落食飯夠哂寫意。如果有興趣，仲可以坐出面露天位tim~好耐冇食東北菜，樣樣都想試😋最後我地2個揀咗北京填鴨 半隻（跟12塊餑餑皮）、酸辣土豆絲、桂花酒釀丸子同豆沙鍋餅。自己最期待係北京填鴨，烤得外皮酥脆，肉質柔軟唔嚡口，再配上新鮮爽口既青瓜，好味~酸辣土豆絲切得幼身。上碟時見到啲辣椒仲驚好辣，點知又ok wor，屬於微辣程度，適合大眾口味。土豆絲麻中帶酸，麻味好過癮，酸酸地又幾開胃。成碟份量都唔少，兩個人食啱晒。豆沙鍋餅即叫即整，所以上碟既時候熱辣辣。佢既餅身比較脆口，豆沙甜度適中，甜而不膩。桂花酒釀丸子酸甜可口，小丸子煙煙韌韌，而且酒味恰到好處，作為甜品非常唔錯！兩個人食咗300蚊左右，唔洗加一真係好抵，仲有coupon 比我地下次用~

利申以下純屬個人觀感請自行判斷可信程度完全唔值得去首先等左45分鐘等嘅過程成間舖好嘈好多廢老一路除口罩一路撩牙有d檯又成台垃圾好恐怖然後一入去度體溫完全hea度我都幾肯定個侍應完全無望過個探熱計就走去帶位見蘋果日報報導過佢以為唔錯啦所以就諗住試下佢個片皮鴨寫單寫左幾樣嘢食再加埋一隻片皮鴨點知侍應（同量體溫同一個）可能見我地後生好無禮貌問我地有無訂鴨我地話無然後超無禮貌講左一句「無就無架啦」就走左吓搞笑啊入門口你唔講門口又無寫入到去落單先講好我算服務態度咁差🙂其他野食都係普普通通但係個雞絲粉皮真係好一般雖然18蚊姐但係個酒釀丸子少到好似無咁拔絲蘋果簡直係大笑話歡迎大家去幫襯了解下究竟發生meh事

有行過荃灣donki 基本上都會見過老掌櫃既大招牌今次好奇望下有咩食，一秒就畀$168半隻北京填鴨吸引住，就決定試試佢__________________________🔹 北京填鴨(半隻) $168初初以為人地好大碟嗰啲相係全隻鴨無諗過原來只係半份，超級抵食.上枱既時候勁香油脂味、皮都香脆、食落有肉香、帶有少少野性既騷味不過始終係填鴨，唔係片皮鴨，雖然有油脂，但肉會厚身啲，口感會乾身少少但就真係啖啖肉、半份4個人食都得.本身已經有12塊餑餑皮，唔使另外嗌黎嗰時熱辣辣，皮夠薄、但又唔會穿，係有少少乾身.配既青瓜同葱普普通通，總合黎講鴨體唔錯，其餘合格，性格比甚高.🔹醉雞 $68雞本身唔錯，肉唔係滑但好嫩個皮都幾靚，雖然未去到水晶皮咁，但已經幾靚幾好味佢個酒好重味、但無乜其他調味最大問題係唔入味，啲酒味唔喺個雞肉.🔹乾煸四季豆 $68價錢黎講都唔平、不過份量搭救豆煮得好脆，咸咸地都幾好味雖然見到好多辣椒、但其實只係吊吊味、基本上唔辣食到個底有少少油，但唔會太膩

想食老掌櫃好耐，雖然屋企附近就係總店，但因為想去行下Donki，索性去荃灣海之戀分店。總店平時人氣旺盛，繁忙時間要等位接近1小時，以為分店會好一點，點知一樣全場爆滿，好受歡迎。好彩老公一早排隊，我放工後到等一陣已經可以入座！入到去先發現餐廳有海景露天座位，對住海景食飯，環境舒服又浪漫。可惜今次坐室內，唔知有無得訂位要求呢？北京填鴨（半隻 $168)幾乎每枱都必點，因為$168有半隻填鴨實在太抵！份量亦絕不欺場，超足料！雖然老掌櫃主打食東北菜，但味道明顯有改良過，唔會好濃味或太油膩，迎合番香港人口味。每片有皮有肉，餅皮亦好薄身，包住青瓜，大蔥等一齊食，口感豐富，唯有需要改善嘅係鴨肉比較乾身，肉汁唔夠。京蔥羊肉餃子(10隻 $46)餃子頗有水準，羊肉調味剛好，而且保留肉汁，皮薄餡靚，唔錯。老醋海蜇頭($64)海蜇食得多，海蜇頭就比較少見，難得見到，當然唔可以錯過！海蜇頭冰涼爽滑，配上酸甜有致嘅陳醋汁，非常開胃。特別係配搭填鴨，不失為醒胃嘅一道前菜。

平時出街食飯就算食中菜都好少會食東北菜，呢間東北菜館原來係老字號黎，雖然係Donki 附近，不過位置唔起眼，但食飯時間非常full，睇黎幾受歡迎！仲睇到海景添架😆..◾️雞絲粉皮 • $58本身以為細細碟，點知份量幾多，可以當主食。粉皮晶瑩剔透，口感爽滑，麻醬好香濃，加上青瓜十分清爽，但雞絲可以再嫩滑啲🙈◾️四喜烤麩 • $56烤麩就係類似麵筋，口感軟綿綿咁，用黎吸收左醬汁就～整體就係甜甜地嘅南乳味，有啲似食盤菜嘅味道◾️京燒羊肉 • $128羊肉真係唔可以冇左孜然粉呢個最佳拍檔，加左之後唔單止可以僻羶味，仲可以令羊肉香味昇華🤩羊肉唔會乾柴仲帶點嫩滑，外皮亦酥脆😋◾️豆沙鍋餅 • $48係甜品黎嘅，餅皮入面夾住軟滑而不膩嘅紅豆餡，即點即整熱辣辣。