老掌櫃東北菜館 (海之戀商場)

营业中

休息中

::: 好耐無食東北菜 好懷念個味道店鋪座位：有分室內室外，室外睇到幾靚既海景，不過當日都幾熱就坐左室內，室內位有少少迫落單方面，除左片皮鴨要人手落，其餘都係掃qr code落單，十分方便食物味道：1）魚酸酸甜甜好開胃2）四季豆如果有少少辣味會更香更好味3）油潑麵就同想像好唔同，以為係好油同辣既，意外地唔會又唔辣，只係酸醋味，相對無咁特別4）蕃薯上菜時比左碗水我地，平時食開既都係已成形，問落先知，原來熱辣辣既蕃薯係要浸水先唔會搞到d蕃薯痴埋哂一舊，甜甜既蕃薯好好味整體都算唔錯

和家裡人一起晚飯，共點了五個菜，包括雞絲粉皮，羊肉餃子，北京填鴨，酸菜魚和酸菜白肉鍋。 值得推薦的地方：份量十足，價錢優惠。北京填鴨好食，十分推介。略為欠缺的地方：環境一般，酸菜類食物真的不符合我家口味。羊肉餃也沒達到預想的水平。

呢度晚市分兩輪, 同埋限時90分鐘用餐. 記得預早booking , 今次我就揀左6點入座, 試一次人氣東北菜⭐️ 京燒羊肉作為打頭炮!!! 羊肉係非常有驚喜, 外脆內嫩, 有肉汁, 非常好食, 呢個係必order 之選!!⭐️ 北京填鴨 聽講呢度最有名氣,  我地5個人, 揀左半隻 (有12塊餅皮), 配以傳統嘅京蔥, 青瓜, 甜醬, 份量都足夠. 北京填鴨係常見有皮有肉類型, 有幾件中間會有層肥膏, 鴨皮都算脆, 但鴨肉就睇你好唔好彩喇...不過麵皮就唔好放太耐, 要快D 食晒, 唔係就係痴住晒.  呢度就有進步空間.⭐️ 煎三鮮餃可湯可煎, 有10隻, 唔太特出, 算合格之作⭐️ 酸辣湯麵雖然係好多材料同埋個湯羹夠晒杰,  味道偏向辣, 不過唔太係我杯茶⭐️ 四喜烤麩如果可以再濃味D, 會更好味😅松鼠魚&沙鍋雲吞雞, 可以skip. 而最後我地都order 咗高力豆沙作為甜品, 冇乜豆沙, 可skip😎 整體黎講, 一家大細黎就食就啱晒, 大件夾抵食, 又可以試到好多東北菜, 同埋, 仲有機會望住個海境晚餐, 其實都算幾好了

第一次黎食2個人吃左半隻片皮鴨, 一份 鍋包肉, 一份冷盤 醬豬手.片皮鴨 ok     8/10分 性價比 幾好鍋包肉 ok     8/10分 味道ok 不過有個問題係 D汁 掛唔上D肉到.  如果掛得好我會比 (9/10)醬豬手 好麻麻  3/10分     隻豬手冇底味,冇醬咪. 似比D 燻蹄 點 醋.    唔知我係比個菜名FAKE 左定係點. 準備下星期再黎試下 其他野

呢間餐廳食片皮鴨嚟講呢間真係算性價比高！水餃同粉麵炒飯都好好食。食物種類都好多，到依家為止食過4,5次，除咗鴨，小黃魚、水餃、湯麵同蝦蛋炒飯都係我最愛。試過一次杯豆漿夠濃都唔錯

此店我都唔知來過多少次.因鄰近是Donki.我耐唔耐就去Donki 掃貨.就會順便到來老掌櫃東北菜.因佢個午市小菜套餐性價比高.午市套餐三點後落單.又有九折優惠.令到CP值更高.本人較喜歡食辣. 所以到Donki掃貨.一定到老掌櫃嘆返個午市東北菜！尼度套餐包括一個白飯.轉菜飯要加2元.一般小菜由49元至最貴的78元不等.還有多款特價小食.由12元至18元不等！環境都唔錯.有海境.今次點餐如下：1. 口水雞$51元轉菜飯加＄2元2. 菠蘿咕嚕肉$50轉菜飯加＄2元3. 雞絲粉皮$18元4. 酸辣湯$12元5. 四喜烤麩$18元全單埋單總數＄153元因下午三點後落單九折優惠.折實＄138元

跨區外賣用左個叫做點單既apps送去上水村屋食因為我媽同呀妹未打針所以生日飯唯有叫外賣咁啱我爸又想食依類型餐廳就揀左依間之前都有係堂食食過食次試下叫外賣外賣同堂食價錢一樣黎到啲野仲係熱既本身都好擔心咁遠會遲到所以千叮萬囑外賣平台個邊唔好遲結果又真係準時咁遠啲野都冇打瀉同埋仲keep到温度6個人食都食唔哂可以分到2餐條魚好好食同埋鐘意紅油抄手雞絲粉皮豆沙餅就麻麻地好似平台唔見有片皮鴨唔知係咪賣晒定季節問題呢

北京填鴨 半隻（$168），有12塊餅皮，京蔥青瓜，甜醬。比預期中好味道，份量都足夠。鴨皮是脆的，而且仲係熱，有驚喜。另外係我喜歡的類型，有皮有肉，鴨肉尚算嫩。京燒羊肉（$128），保持水準，外脆內嫩，有肉汁，夠惹味。水餃 白菜豬肉（$42），有10隻，合格之作。呢間餐廳啲食物質素唔錯，而且價格合理，回頭率高。PS：自己 scan QR code 落單，但片皮鴨就要同職員講。PPS：$4@茶錢，冇加一，只收現金。

每次去到中菜館 見到有片皮鴨 都一定會嗌嚟試！呢一度嘅北京填鴨 價錢非常之經濟實惠🤑塊皮燒到脆卜卜 鴨肉夠嫩滑 中間仲有一層對對嘅肥膏 食落好甘香 再加埋青瓜、京蔥同京醬一齊食 真係大滿足！

出席左話我缺席食物味道還好，員工態度一般，感覺係我有訂枱先好少少，環境感覺除了海景位加分其餘都很一般、普通，食唔出什麼是東北菜最後我哋3個人叫左7樣野食，辣子雞丁，北京片皮鴨，鍋巴肉，地三鮮，土豆絲，麻辣海蜇，酸辣湯麵，成枱還是食物已經吹我地結帳，最後成碗酸辣湯麵簡直係入唔到口囉還只收現金同支付寶，其實可以入座前同confirm booking時講聲

同同事係附近做完野，難得出去做野實要搵下啲好野食既，呢間係同事係其他分店食過覺得不錯，所以就提議一齊去食。最令我期待既係有北京填鴨（半隻），事關唔係道道都整得好食，呢間啲鴨肉都幾厚，鴨皮都脆既，不過敗筆係個麵皮到，應該放左幾耐下，唔係岩岩整好個啲～ 所以食落就差少少🤏京燒羊肉（$138）呢個令我印象好深，因為本身我係唔係好食羊，係驚嗰浸羊羶味，呢個京燒羊肉外皮炸到好酥脆，裡面既羊肉係香，係會中意左食。草捆牛骨-大（$198）真係成條骨上，啲肉燜到好腍，肥瘦均勻，送飯一流。酸菜桂花魚酸菜夠酸，魚夠滑，辣度都好夠，我食小辣都食到，有好道地既味道。最後叫左水餃🥟，煎餃都值得食，外脆內多汁，餡靚唔靚我唔係好識講，但係皮係真薄！甜品叫左個拔絲蘋果（$78）第一次食，上到黎我地唔識點整，結果錯過左拔絲最佳嘅時間🫣好正常不過不失既甜品，佢都有良心既，蘋果全部都甜既。不過有少失望既就係個環境，佢唔算一間好有好靚裝修既舖，而係位於Donki 側邊用partition 圍住既餐廳。同事仲話好期待個海景，海景都係得4塊落地玻璃，仲要起哂水氣既景😂😂😂總結就係想食道地啲既野食，係值得一試😊

係公司嗌左甘多次樣樣都好好食！份量好多，嗌三個餸三個人食唔曬。外賣平台都甘親民價，堂食一定仲抵🫶🏻佢嘅水煮同酸菜系列都好出色，一打開蓋香到不得了，唔會太辣，想食辣嘅又過到鋪癮，真心唔錯。土頭燒牛肉所有野都好入味炆到好淋，餃子足料好大隻，口水雞較辣，花生味到幾重～

The restaurant reopened with the food tasting as same as before! Some dishes you must try : the dumplings , sour and spicy soup, and the cold dish jellyfish we arrived at 8 ok for dinner, it has open area and indoor tables for options. Saw some seafoods dishes we might try next time.

原本是大角咀受歡迎的小店，現在在荃灣間開了分店。這次和友人一起到這間餐廳是一試，看看水準。真心說，這間餐廳的午餐價錢10分合理，性價比也很高，多種菜式中，我比較喜歡酸辣湯，因為酸酸辣辣的，十分醒胃，配上鄙薄餡靚的上海雲吞，絕配。

之前經openrice訂左位，一去到好快就可以入座了。餐廳採用QR code自助落單，但個系統運作得唔係太順，下單要對清楚先好按送出。餐廳的食物水準穩定，餃子應該是即叫即煮，所以上菜時間比小菜及飯等還遲，但味道係好食的。炒飯炒得干身，食落唔會太油。黃金四季豆成碟充滿咸蛋黃碎，配飯或麵比較適合。高力豆沙不會太甜，即叫即炸上菜時還熱辣辣的。