老掌櫃東北菜館 (海之戀商場)

营业中

休息中

餐廳安排極之差！完全明白母親節會好忙，入座後，等候左差唔多成半個鐘先比到QR code我落單，第一道餸等左成一個鐘，都完全冇投訴冇催促過，因為都明白節日真係好忙，而且飲食業都好艱難。但係，重點！我揀呢間餐廳就係食片皮鴨，而早兩日餐廳打過比我confirm booking，並表明片皮鴨需要提早預訂(說其他booking也全都即時Confirm已預訂鴨)，問我是否需要，當時我已立刻預訂了一隻！餐廳說沒問題，已確認並會預留比我！但當我等左成半個鐘先有得落單後，再等多一個鐘先食到第一道餸後，餐廳人員先黎同我講，片皮鴨已售罄，真係佛都有火！我體諒你地餐廳節日忙，一句催促都冇！但係，點解已預留左既野可以冇左？咁請問你地打黎既意義係邊？點解又要提早問我是否要訂？又點解我落單後冇立即告知？而一早聲稱已預留比我既鴨又去左邊？極之極之差既體驗！再好食都唔會再有下次！

星期五，提早慶祝母親節，一早預訂左呢間餐廳。餐廳格局似一般茶餐廳；但食物質素都幾好。預留左半隻片皮鴨兩食。整體嘅食物都幾OK，性價比高，可以encore。下次想坐戶外可以睇到景色。

第一次去吃，口味偏重，是北方的口味。点了几样都好吃，边吃边想着下次带别的朋友来。分量多，香料足，口味重，是我期望的食品。第二次吃，第一道菜就偏甜，太南方口味了，完全就不是一个样。之后叫的有和第一次叫的是一样的菜，但都是甜，不是一个师傅做的，应该是南方的。如果我们要吃南方菜就不会来这里了。希望店铺的师傅能把控好食品的质量。是以前吃的，忘了叫什么。

預訂半隻片皮鴨$168,凳都未坐定, 餐牌都未看,預訂的片皮鴨又乾又凍已趕住擺上桌, 包鴨的卷皮凍到一個點, 其他食物質素一般無驚喜,坐位密集環境如快餐店,永無下次！

-//位於荃灣西·東北菜，香港有三間分店上網睇話推介北京填鴨、口水雞及酸辣湯。📍北京填鴨（半隻）$168如果大家都想食北京填鴨*記得要訂枱預留*兩個人食半隻鴨 份量啱啱好🤪一份係$298賣相都唔錯，有12塊餅皮，仲有啲醬料包括有甜醬、大蔥、青瓜🥒一定要包住一齊食另外鴨皮係脆卜卜，不過個人覺得油咗少少個肉都半肥瘦適中，整體都唔錯，可以再來📍老掌櫃東北菜館 (海之戀商場) (荃灣)荃灣大河道100號海之戀商場2樓2006號舖

3人Lunch叫了油潑麵、秘製杭州骨、肉三鮮餃子、秘製牛奔麵同埋蒜蓉秋葵五樣野。五樣野之中最好食首旗油潑麵，睇落去D辣椒好凶狠，其實食落又唔係真係咁辣，幾有特危幾好食。第二好食就係肉三鮮餃子，一份有10隻，典型北方口味，餃皮比較厚身，餡料都幾新鮮，點醋食，唔錯。排第三嘅會係秘製牛奔麵，牛肉好鮮味，D湯好香好入味，D麵吸晒D牛肉精華，好食。第四名就係蒜蓉秋葵，簡單講就係無乜特別純粹有D蔬菜類食下。第五唔係第五好食而係難食，呢碟秘製杭州骨真係麻麻地，個名改得好啱︰杭州骨，主要得骨無乜肉，個汁唔係唔好味不過就係好似糖醋排骨的少甜版，雖然有汁但係可能少肉多骨的關係另到呢個秘製杭州骨乾爭爭咁。

今日Lunch Time食左個重型午餐，有幾重型？就係叫左一隻片皮鴨同埋紅炆豬手。聽講呢間京菜的片皮鴨好好食，所以訂位的時候已經預訂左一隻。上枱時鴨肉分兩碟，而京蔥絲青瓜絲同埋個片皮鴨甜醬都有兩份，疫情之下3個人要鈕分開兩枱就真係Fit晒。佢嘅片皮鴨比較瘦，真係無乜脂肪，雖然少左D油香，不過瘦D健康D都係一件好事，唔會食到一口油。佢用黎包片皮鴨的餅皮唔係平時成日食到的蒸包包皮，而係相對有彈性的餅皮，都幾薄嘅。個紅炆豬手反而就只屬一般，我嫌佢炆得未夠淋，如果再淋D會好食D。

我第一次食雞絲粉皮就係呢間海之戀老掌櫃,之後就愛上左食雞絲粉皮。😄第一次買雞絲粉皮做晚餐🤣平時都係叫開雞絲粉皮作小食。外賣份量可以再多啲 🤪我覺得可以落多啲芝麻醬，啲雞絲可以唔好咁硬啦😋😋如果晏晝都有得食雞絲粉皮當午餐就好啦😂😂等晚市開返可以再試其他特色菜（水煮牛肉）片皮鴨加埋雞絲粉皮。唔知道晚市嘅份量係咪都咁大份啦😊😋😋 👍🏻👍🏻Very delicious😜😚😚😚

之前食過元朗分店 覺得食物質素幾好😋 所以見到Donki隔離有呢間餐廳就入咗嚟食 其實位置都有啲隱蔽 所以都係有緣份先食到😂我地嗌咗兩份午市套餐同埋一份小食 咁啱個時間係三點三 門口有張紙寫到明午市套餐有九折 所以真係更加抵食呀☺️ 唔駛加一 埋單$100咋脆椒香雞本身以為呢碟會好辣 點知原來都唔係辣到食唔到😂 辣椒入面好特別有啲芝麻痴係上面 每舊都好脆 好似食緊薯片😝 少少辣辣地 幾刺激 啲雞就唔算太多骨 都幾多肉秘製杭州骨呢碟上次食元朗分店已經食過 質素都係咁上下 甜甜酸酸嘅醬汁喺表面 每一嚿肉都沾上咗呢啲醬汁 仲有薯仔同洋蔥做配菜☺️ 非常好食 覺得最驚喜嘅係同晚市嘅份量係一樣咁多 所以呢個午市套餐真係好抵食呀🤑千層醬豬耳呢碟都非常好食 有啲酸酸地嘅開胃醬汁伴住呢個嘅千層豬耳 豬耳疊埋一齊 除咗有賣相仲好有口感👍🏻好彩係下午茶時間 唔算太多人咋 上次元朗分店等咗成個鐘先有位啊🥲

外賣嘅酸菜魚嘅湯倒到成膠袋都係，包裝嗰個阿姐應該唔知道點樣包外賣。凍/冇汁嘅食物放喺底，而上邊就放熱辣辣同埋有湯嘅酸菜魚。唔倒瀉先至出奇。酸菜魚質素一般，有很大改進空間。其他食物尚可以接受。

超級海景不在話下，牛腩麵大大碗剩價比極高，雖然牛腩的材料可以再調整一下！，值得一讚的是餃子皮的質感是很久沒有嘗過的好！十隻一份差點吃不完呢！值得推薦！下次要再試曬其他出品，看看跟在國內出品有何區別！

究極失望北京烤鴨其實係香港燒鴨雲吞雞其實係白切雞加啲菜再加啲我都包得好食過佢嘅雲吞真係令我非常非常非常非常非常非常之失望非常非常之唔建議大家去食我寧願去食M記🥲

北京填鴨（半隻） $168京式醬牛肉 $68土豆燒牛肉 $78香樁炒蛋 $68肉三鮮水餃 $44兩丁友食中菜，但又樣樣都想嗌啲，好容易就嗌丁成檯餸擺唔落， 而且每碟粉量都好多！.🦆填鴨咁嘅價錢真係好平，但一分錢一分貨，皮唔脆、多肥膏同鴨肉粗糙；卷皮唔夠熱又痴埋哂；。頂吓口癮可以一試，但絕對唔係精緻嘅填鴨。.第一次喺香港成食香樁炒蛋，香樁味唔夠勁，但蛋好滑，送飯一流！.一般涼菜份量會的骰啲，但呢份醬牛肉份量超多，而且口感紥扎實，搭配酸酸哋嘅醋醬頗為開胃。.偏鹹嘅土豆燒牛肉，有好多牛筋牛肉，煮得好稔。薯仔炸完再索哂醬汁，比牛肉更出色，可惜呢份牛肉太足料，反而薯仔就得幾舊細嘅。水餃飽滿餡鮮，最鐘意佢皮嘅厚實，食到麵粉香，配埋肉餡超滿足。.老掌櫃東北菜館 (海之戀商場) (荃灣)📍荃灣大河道100號海之戀商場2樓2006號舖

京燒羊肉（$128），望落以為烤得好乾身，但食落恰到好處，外面脆脆，中間仍軟淋兼且有些少肉汁。香料味有但可以再多少少，羊騷味有但我接受到（有羊騷味咁先似食緊羊）。提供嘅醬汁幾夾，點嚟一齊食，味道提升。份量合理，價錢合理，味道不錯，抵食。宮保蝦仁（$78），太耐冇食過宮保明蝦，見到有蝦仁，照殺。上枱時嚇咗一嚇，咁多辣椒嘅，以為一定辣到死，好在得個樣，得好少好少辣。至於味道就比較普普通通。秘製牛犇麵（$46），湯底清唔油膩，有牛味但唔算濃郁。牛份量不少，而且唔嚡有彈性又唔痴牙。麵底份量亦多，夠哂飽肚。性價比高。水餃 肉三鮮（$44），有10隻，餡料有豬肉、韭菜、蝦仁。餃皮適中，唔太厚，味道正常。冇加一，茶錢$4@。只收現金。

新一年祝大家新年快樂，身體健康🥳🥳1/1 紅日冇帶飯就近近地喺公司隔離食，好彩唔使等位😄😄～～～京式炸醬麵🍲～～～伴菜嘅青瓜好多，擺位都幾靚！🤴🏻攪勻後唔會好乾幾好味但建議炸醬可以再多啲😄😄～～～蝦🦐蛋🥚炒飯～～～正常水準炒飯，蝦仁嘅份量都頗多同大隻！上枱時係微暖，炒熱啲會更好😊😊～～～拔絲蘋果🍎～～～完全唔知係乜嘢，🤴🏻貪得意叫你試吓！上嘅時候會同時上碗凍水侍應話係降溫用嘅😮😮我同🤴🏻都一頭霧水😑😑！先試吓就咁食，夾起上嚟有好豐富嘅拔絲效果，食落超熱要慢慢嚟，甜甜嘅外層糖漿包裹住蘋果🍎塊，甜味蓋過蘋果🍎味少少！我鍾意佢甜脆口感🥰🥰我哋嘗試夾起放落水度一陣，除咗係溫度低啲但相對甜味會俾水沖減咗少少，冇太大作用😅😅（唔知係唔係正確方法）食到最後糖漿會變硬，感覺上食糖果🍬咁幾得意😘😘