老掌櫃東北菜館 (利奧坊)

营业中

休息中

大角咀一間人氣東北菜館，每晚7點過後🕖，必定大排長龍🚶‍♂️🚶‍♂️🚶‍♂️，點解咁犀利？係因為佢價錢夠平，而且質素唔差，百幾蚊食到半隻片皮鴨🦆，仲要冇加一，你係邊度搵😍？店舖面積算大，但座位亦多，所以空間比較狹窄，加上樓底唔高，所以都幾嘈🥲。北京填鴨半隻 $168半隻鴨份🦆量足，皮薄肉厚油脂略少，啖啖肉肉味香濃，配埋青瓜🥒、大蔥及甜醬一齊食，配搭簡單又好味，食完半隻鴨都飽咗六七成😅。鮮蝦魚肉餃(5隻) $33皮薄餡料飽滿🥰，餡料用蝦加魚做成滑，味道鮮甜，口感彈牙嫩滑😋。白菜豬肉餃(5隻) $24豬肉🐖同菜嘅比例啱啱好，味道鮮香有肉香味，同樣皮薄餡料飽滿😍。高力豆沙 $13 (2件起)即叫即炸熱辣辣，口感軟熟輕盈，味道香甜。凍豆漿每杯 $10豆味濃又唔太甜，凍凍地解渴又消膩。總括而言，3個字...勁抵食，仲要唔收加一，人均唔洗二百，一定可以飽住肚走。

大角咀這間老字號好出名，次次去到都大排長龍。店入邊除咗有東北特色菜之外，仲有北京烤鴨同埋一啲上海菜嘅選擇。不過店舖位置就坐得比較迫，枱同枱之間嘅距離都幾近。叫多兩樣送都唔夠位放。🥢砂窩雲吞雞（半隻）勁大窩，仲有完整嘅半隻雞🐔好多雲吞，但啲雞肉要自己拆，湯入邊亦都有啲小棠菜同埋娃娃菜🥬🥢片皮鴨（半份）半份都十分大碟，相當於外面嘅一份有多。皮薄肉嫩，油份足夠，十分惹味。但餑餅皮有時好厚。🥢蝦蛋炒飯好多配料，大份到食唔曬。𓆝𓆟𓆜𓆞𓆝𓆟𓆜🍴 老掌櫃東北菜館 (利奧坊)📍大角咀嘉善街18號利奧坊地下G708-G709號舖——————————————————

今日同朋友係旺角行街，行行下行左大角咀，平時好少行過呢頭，發現原來都係美食雲集既好地方，經過呢間餐廳知道係食上海野，朋友話呢間餐廳一向好出名，好多人會特登會入黎食，我地反正誤打誤撞黎左，緊係要試一試啦。一入到餐廳見到裝修好中式，燈光亦都非常光猛，見到好多三五知己都過黎食，餐牌勁多唔同款式美食，我同朋友都心大心細左好耐，終於都決定好要食咩！白菜豬肉餡餅白菜同豬肉從來都係非常夾，呢個餡餅完全唔熱氣，而且豬肉份量極多，調味亦都調得岩岩好，加上餡餅重係輕輕煎過，食落熱辣辣架！京燒羊肉平時好怕羊既味，但冇諗過佢完全冇羶味，重非常多肉汁，醬汁調得非常惹味，如果配埋白飯簡直一流！可惜我同朋友已經食到開始飽，佢呢個羊肉份量亦都唔少加！醋溜大白菜食左好多肉之後，我同朋友都想食下菜解油膩，今次特登叫醋溜大白菜，煮得好入味，食落酸酸甜甜，口感層次非常豐富。整體呢間餐廳經常排長龍係有原因架，值得排隊😄

話說以前係舊店址已經幫襯過幾次，成日都會同朋友嚟食片皮鴨！而家搬咗去利奧坊入邊大間咗好多，而且人氣依然不減！加上佢食物嘅份量都算多，性價比幾高！🔹片皮鴨（ 半份$168 ）有皮又有肉，鴨皮燒得Bling Bling✨🔹口水雞（ $78 ）好惹味，下面仲有青瓜絲！🔹京蔥羊肉餃（$52/10隻）個皮稍為厚咗少少，如果煎餃應該更好食！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 7/10環境： 7/10CP值： 8/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯

到大角咀這間老字號「老掌櫃東北菜館」吃片皮鴨。食片皮鴨上酒樓吃動輒要數百元，今晚我們就專程前往一試。餐廳裝修簡潔，一排排木系的桌椅坐滿了食客。感覺已經非常良好，即是食物質素有保證吧！看看電子餐牌，首先一定要叫片皮鴨！還有餃子亦是我的最愛。實在太多選擇了，我們擾攘了很久才能選出心頭好。我們糾結於叫小炒還是叫飯麵，最後，還是選了擔擔麵和甜品。1. 紅油抄手：大大隻，餡料份量十足。一口咬下去鮮嫩多汁，搭配紅油調味醬，口感辛辣香辣。2. 片皮鴨：半份都十分大碟。皮脆嫩、肉質鮮嫩，帶有一股油脂香氣。鴨肉剁不是太薄，所以仍保留少少肉，搭配着青瓜大蒜及美味醬料一同進食，大滿足！而且整碟片皮鴨份量十足，兩個人真是吃得飽飽的。3. 排骨擔擔麵：湯汁濃郁，辣味十足，花生醬的香味和排骨的鮮嫩口感使得這整碗麵香味俱佳。排骨炸得脆脆的，外皮不是太厚，內裏肉質鮮嫩。4. 高力豆沙：口感綿密細膩，豆沙內餡甜而不膩，大大個，咬下去，口感十足，給人一種幸福的感覺。每樣食物都份量十足，今晚真是吃了豐富的一餐！尤其是那出色的片皮鴨，真的是皮薄肉嫩 ，十分超值！這一餐的回頭率甚高啊！

之前見過網上有YouTuber介紹呢間東北菜館🍽️咁啱經過大角咀就過嚟試吓，就算間舖位於比較隱蔽嘅內街，晚飯時間都係好full🔥店入邊除咗有東北特色菜之外，仲有北京烤鴨同埋一啲上海菜嘅選擇，不過位置就坐得比較迫，枱同枱之間嘅距離都幾近🤔水晶肴肉 $78份量驚人地大😳呢份肴肉嘅份量應該差唔多等於出面食嘅兩倍，而肉嘅比重佔多🐷如果多返啲水晶凍就更好，不過呢個價錢嚟講性價比好高👍🏻大蔥羊肉餡餅 $44餡餅嘅兩面都煎香咗😋餅皮帶點煙韌，入邊塞滿咗大蔥羊肉餡，羊肉無羶味，調味適中🤓食完一個都幾飽肚🐐砂窩雲吞雞（半隻） $148呢個份量同樣都好多😎雲吞都起碼有八粒，雞肉係原整嘅半隻雞🐔要自己拆啲肉，肉質唔會好似湯渣咁鞋熠熠，湯入邊亦都有啲小棠菜同埋娃娃菜🥬鍋包肉 $96第一次見呢款菜式😮原來係一款東北菜，係將豬肉炸咗之後再加上薑絲、紅椒絲、蒜片同糖醋汁🐷感覺有少少似咕嚕肉，但係個汁就偏甜啲😆高力豆沙 $26呢款甜品都係大大件😝外層係炸咗嘅蛋白，入面就包住紅豆蓉，再沾上白糖食，蛋白已經打到好鬆軟🍳雖然睇落好似好多糖咁，但係入口都唔怕好甜😙

老掌櫃東北菜館 • 大角咀中菜好適合一家大小或者親朋好友聚首一堂去食，氣氛熱鬧，而呢間東北菜館之前其實已經介紹過，係個好建議。小菜種類豐富，真正嘅東北菜量大、味濃，呢間嘅東北菜相信經過改良，符合本地人嘅口味😋😋..✅ 排骨擔擔麵 🍜 $58湯底香濃花生味，加上辣油襯托，不過辣味唔重，適合唔想食辣嘅朋友。唯一特別係湯底加入花椒，半香半麻，口感較平時食開嘅擔擔麵多一份新鮮感。麵條有筋道，而排骨正常，整體都會推薦😙..✅ 糖醋里脊 🐷 $88里脊肉都係豬嘅一個部位，原本以為瘦肉多可能較鞋，但食落都發覺肥瘦相均，而且處理手法好，肉質爽彈而有油香。糖醋汁係平時咕嚕汁，酸酸甜甜夠開胃😙..✅ 雞絲粉皮 🐔 $68粉皮完整唔會太散，雞絲正常，份量算多，麻醬略嫌調較得少少鹹，但整體都可以👍🏼..✅ 肉三鮮餃子 🥟 $50三鮮指豬肉、韮菜、蝦仁，餃子飽滿大大粒，而且餃子入面肉汁豐富，韮菜佔比重，比較香韮菜味十😍..✅ 家常餅 🌮 $38類似蔥油餅、「鹹薄罉」嘅薄餅，中間加上香蔥，散發蔥油鹹香味。質感煙軔，唔乾帶點油潤，推薦！

去朋友屋企house warming大家諗唔到想食咩又想珍惜相聚時間最重要係懶唔想洗/準備決定買自取外賣la咁岩朋友住落黎都食過附近呢間鋪頭就決定試試佢當然重頭戲梗係片皮鴨la買到返屋企仍然都香脆既食落口都有一股鴨油香味配既餅皮，配菜都足夠咁多fd 食當然有叫埋其他小菜例如西季豆 炒飯 涼拌茄子果d味道都唔錯我自己就冇去過東北唔知實際東北菜係咩味道不過呢家餐廳就起碼做到多選擇， 抵食， 味道唔錯咁我地每人夾返一百出頭已經試到唔同野食

老掌櫃東北菜館 (利奧坊) (大角咀)大角咀嘉善街18號利奧坊地下G708-G709號舖。老掌櫃呢間老字號相信唔少人都識佢，出曬名平靚正，特別係片皮鴨，就算平日去食都經常要等位。6度之下再次n度探訪，就算咁凍都差唔多full house 😯。今次兩個人食就唔食片皮鴨lu~ 。糖醋魚柳（$85）酸酸甜甜用黎送飯食就最岩。天寒地凍叫左砂鍋雲吞雞（$148）暖下身，一鍋野有得飲湯、食菜、食雞，又健康又好味。黎到呢度唔少得食下餃子，餃子係東北人主食，呢間東北菜都將餃子整得好出色，羊肉餃子皮薄薄的，入面羊肉味濃，如果你唔食羊肉仲有好多味道選擇ga 。@laozhangguihk 。#gpigtaikoktsui

放工約了老婆去奧運站一帶逛下，逛完奧海城就落大角咀一帶的食店找美食。在大角一帶是新舊交融的磨合地帶，我們在嘉善街的利奧坊.凱岸地舖找了一間人氣十足的食店~老掌櫃東北菜館。老掌櫃東北菜館是以弄京川東北菜為主，食店座位擺設頗為緊密應付食客需要，我們點了：北京填鴨(半隻)~$168、東北農家炒飯~$76、、大蔥羊肉餡餅（兩件)~$44、酸梅汁~$10等。細心觀察，此店頗受區內歡迎，在平日晚飯時段也坐了8-9成客，半隻片皮鴨份量充，東北農家炒飯保留傳農家風味更配以蝦仁等材料，味道偏淡。總括而言，兩公婆在此店吃了一餐性價比高的晚飯。

旺角大角咀一講就知的東北菜館─老掌櫃東北菜館，主打香港少見的平價東北菜餐廳裝修簡單，門口掛了兩個大紅燈籠，室內天花亦了掛不少富中國特色的掛燈，充滿著北方情懷餐廳菜式經典，選擇豐富，上菜快，價錢實惠，份量超多，可自行用QR code落單(溫馨提示：不想排隊就記得預先打電話留位啦~)北京填鴨 半隻$168半客北京烤鴨份量足料，有二十數片鴨肉及12片餅皮，價錢非常划算，外皮很薄脆，肉味香濃，油份足夠，不會太肥太油膩；配爽脆的青瓜、京蔥，沾上甜醬十分惹味，但餑餅皮可以改善偏乾及黐黏的問題肉三鮮餃子 $50共有10隻，有豬肉、韭菜、蝦仁三種口味，餃子皮煙韌，肉餡裹得飽滿，肉汁鮮味，層次感重，沾黑醋或豆瓣醬口感更豐富排骨擔擔麵 $58份量超級大，湯底濃郁而不膩，有淡淡的花生味，麵條幼滑爽口，拌以肉碎、蔥花和酥炸排骨，口感層次豐富，風味十足豆漿$10味道香濃，口感較稀薄清爽-總體評分-環境：7/10 食物：7.5/10 服務：7/10 抵食：9/10老掌櫃東北菜館 (利奧坊)📍大角咀嘉善街18號利奧坊地下G708-G709號舖

【大角咀•老掌櫃東北菜館】@laozhangguihkππππππππππππππππππππππππππππππ大角咀日立多年嘅東北菜食堂老掌櫃超人氣多人排隊全場爆滿豆沙鍋餅 52$外皮酥脆，內含豆沙餡料。通常在鍋子裡用油煎熟的，這樣可以讓餅皮變得更加香脆可口。麻辣海蜇 70$口感獨特，麻辣的調味給人一種麻辣鮮香的感覺，海蜇本身有著細緻脆爽的口感，結合麻辣調味後更加美味可口。糟溜魚片 86$風味鮮美，口感鮮嫩，非常適合作為主食佐菜，或者配米飯一同享用。鮮蝦魚肉餃配全蛋麵 65$餃子的餡料選用了鮮嫩的蝦肉和魚肉，口感鮮美。全蛋麵更是獨具特色，口感細膩飽滿。熱豆漿及酸梅汁 10$+10$餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 303✨✨✨✨✨✨✨✨✨✨✨✨✨#大角咀美食 #老掌櫃東北菜館 #web3大角咀老掌櫃東北菜館 (利奧坊)大角咀嘉善街18號利奧坊地下G708-G709號舖

價廉”鴨”美、味道岀色的熱鬧東北菜館這家片皮鴨菜館非常划算，半客北京烤鴨有二十數片，沾醬甜而惹味，鴨肉先生敦厚：肉味香濃；皮薄脆。配青瓜京蔥，餅皮乾爽不會像連鎖酒樓般黏在一起。好吃！這裡的手工餃子也非常岀色，我們選東北酸菜蒸餃，肉餡裹得好，醃菜是入門版口味，不會過酸，沾沾黑醋或豆瓣醬甚美味！排骨擔擔麵我都喜歡，湯底濃而不膩，花生醬恰到好處，麵條分明，拌以肉碎和酥炸排骨，很飽！最後甜品來一對即叫即炸的高力豆沙球：新鮮！碩大！甜度適中！這店真是客似雲來，週一晚已經座無虛席，好不熱鬧。留意只能現金和八達通付款。

呢間東北菜館真好吃，但比到驚喜我 我地點了 ⭐川式回鍋肉 川式回鍋肉比較重口味，空口吃比較鹹但配飯吃剛剛好!豆豉味濃，有爆炒香味，有很多蒜苗青紅椒，五花肉也不少，超送飯 ⭐白菜豬肉餡餅 新鮮煎出黎，不油，咬開裡面很熱，皮薄，夠熱的餡餅很難不好吃 ⭐酸菜龍利柳 這是我媽最愛了，我也覺得很不錯。 酸菜魚用沒刺的龍利柳做，一塊塊雪白嫩滑飽滿，湯裡放了大量泡椒酸菜，還放了花椒辣椒，夠酸夠辣，配上粉條很辣很過癮 ⭐地三鮮 第一次吃地三鮮，沒吃之前總聽別人說地三鮮好吃，我還納悶三個素菜能有多好吃，還真挺好吃的哈哈哈哈。 青椒茄子薯仔都過了油，素菜吃出滿足感 ⭐鴨屎香手打檸檬茶 超大杯手打檸檬茶(700ml)，很解膩，香水檸檬味很香，還不錯我其實只點了一兩道東北菜，但川菜也很好吃，可以放心點，盛惠三百幾，好平

年尾緊係約唔同嘅朋友聚一聚，今次朋友話想食北京填鴨，左搵右搵下見依間餐廳有不少好評，就即刻book枱試試佢。餐廳地店鄰近地鐵站，行十分鐘內即到。原本以為係好似美中鴨子嘅高級中菜館，點知餐廳鋪面設計反而似大陸啲餐飯，就咁睇都幾有風味🤣因為得3個女仔食，嗌唔到好多餸，嗌咗1個小食、2個餸加埋半隻北京填鴨，再嗌多兩碗飯就夠哂飽。首先上嘅炸饅頭，每次都抗拒唔到炸饅頭嘅吸引力，點都會叫😂可惜佢就炸得普普通通，唔算炸得好脆，食落少少油，冇乜野可以唔洗叫。其次就係魚香茄子，食落啲茄子唔會淋哂，辣辣地，幾好送飯。再之後就係重頭戲北京填鴨，估唔到咁出色，啲皮唔會太肥太油膩，啖啖肉又唔會太柴。反而附送嘅皮就差啲啲，口感偏乾同埋全部黐埋一齊，比較難夾（唔記得影相🥲）。最後係我最意想不到嘅松鼠魚，味道甜甜酸酸，想追住食😍而且條魚炸得好夠脆，上枱個時熱辣辣，非常惹味！！建議必試！！埋單$403，每人只係百零蚊，但非常之飽，都叫幾抵食！🍀