老掌櫃東北菜館 (利奧坊)

营业中

休息中

好一段時間已經無喺香港食片皮鴨，今日跟成班同事一齊黎呢間東北菜館😆同事們大力推薦當然要試下🤣🦆北京填鴨（半隻） $168上碟時已經排到勁靚😍好大碟🤣摩摩皮夠哂煙韌，熱辣辣，再配埋大蔥，青瓜，燒鴨同醬，超好吃🤣自己一個人都包左一輪然食左4件，特別係佢成個份量都大，呢個價錢真係抵食😋😋😋🐟松鼠魚（龍脷柳） $98松鼠魚係我最愛🤣呢度係用龍脷柳炸，炸到好酥脆，淋上去嘅酸酸甜甜，驚喜嘅係超多松子🤣每一啖都有野咬，魚肉又唔會乾哂，呢個都好好食🤣送飯一流😻🐮水煮牛 $54呢個水煮牛一上碟已經知辣到飛起🤣但我食唔到太辣就放棄左，但聽同事講呢個好正，牛肉份量都多，佢地都用黎送飯食🤣🍚東北炒飯 $50呢個飯好足料😝，唔係平時嘅炒飯，佢有蝦，有菜，三色豆，同類似欖角嘅配料，口感好豐富🤣我個人覺得係好食😆整體而言，我覺得性價比係高，呢個價錢，份量大同味道好，唔怪得午餐時間都座無虛席，值得下次再食😗btw記得留意返餐廳係唔收信用卡架💳🚫

【大角咀•老掌櫃東北菜館 】✨🐝————————————————————————岀名抵食片皮鴨唔使講🥰上次食完，今次試其他。平日都幾多人，建議book定位。。2人枱有少少迫，叫多少少野都冇位，同隔離枱幾近。🍯｜口水雞 ｜HKD 78推介😍‼️唔係度度好食，首先夠凍，夠辣，夠麻香。🍯 ｜麻醬蒜泥茄子｜HKD 60涼菜點知係熱😵‍💫熱麻醬感覺怪怪，但食落都不錯。🍯｜京式醬牛肉｜HKD 78每片牛肉薄透，不會太乾，加醬汁開胃。🍯｜韭菜豬肉｜HKD 48呢度餃子大大隻，味道正常，抵食。🍯｜高力豆沙｜HKD 13/件等候需時，建議就食完要叫定。食沙翁咁加了紅豆。。🍹｜酸梅汁｜HKD 10食咁多飲番杯開胃汁，甜甜的。。🍹｜王老吉｜HKD 14

以前有段時間班朋友好鍾意食片皮鴨 會專登走入去大角咀呢間餐廳食 反而小編搬咗入去大角咀就從來都冇去食過嘢 呢度可以提供半分片皮鴨 啱晒兩個人去食片皮鴨 🪿 ($168)廚師會將鴨烤得金黃酥脆 然後切成薄薄嘅片 食嘅時候 你會聽到啲脆脆嘅聲音 口感爽脆 配埋啲甜甜嘅醬汁同薄薄嘅蔥絲 真係好開胃 令人食得停唔住😋乾扁四季豆🫛 ($74)四季豆炒得乾身 外脆內嫩 好有咬口 啲豆仁同啲調味料炒得香口 有啲微微嘅辣味同香氣 隔離枱都話下次要叫🤣🤣四川擔擔麵🍜 ($48)一碗擔擔麵 面條細細嘅 有彈牙嘅口感 湯底就係辣辣嘅辣椒醬 加埋香噴噴嘅花椒 入口就嗡嗡地 辣辣地刺激呢 仲有肉碎同花生碎 增添口感同香氣👃🏻紅糖流心糍巴 ($58)糍巴係由糯米粉製成 外面裹住一層粉粉嘅紅糖 一摑落口 啲糍巴即刻破裂 露出那啲融化咗嘅紅糖流心 紅糖係香甜嘅 滲透晒入糍巴裡面 係你嚟緊食嘅時候 會一下子傳遞咗甜蜜嘅滋味

位於大角咀利奧坊附近的東北菜 晚餐時段滿席 今次到訪係被親民價錢扁皮鴨吸引而來 基本上見到每一枱都order左🤩🤩▫️北京填鴨(半隻) ($168)店鋪招牌菜式 呢個價錢可以叫到半隻鴨都幾抵 而且份量好足 肥瘦適中 肉質都幾嫩 包上餅皮、洋蔥、青瓜同甜醬一齊食 好滿足～▪️黃金蝦球 ($108)大約有8-9件蝦球 粒粒沾滿鹹蛋黃沙 好邪惡 香口 惟炸粉略厚▫️乾煸四季豆 ($74)四季豆炸後香口辣辣地 連埋肉碎一齊食更美味😋

睇住呢間舖頭由細舖搬大舖，一樣維持高質素！素三鮮水餃🥟$48就有10隻，皮薄餡靚，爆曬汁，性價比超級高！白菜粉條丸子湯$70 可以分到4碗，多料多到好似係食粉條煲咁😂京醬肉絲(跟6塊摩摩皮）$96，好大碟，多到6塊摩摩皮其實包4哂～不過好惹味，我撈埋落羊肉常湯麵🍜（$54）食🤗 羊肉常湯麵入面個羊肉夠哂羊味，下次要試埋其他羊嘅料理先！如果多人一齊嚟強烈建議叫半隻片皮鴨都係$168，好好食的呢！不過今次得2個人食，所以冇叫꧁☬小編食左咩☬꧂✅ 素三鮮（10隻）✅ 白菜粉條丸子湯✅ 京醬肉絲(跟6塊摩摩皮）✅ 羊肉常湯麵(◔◡◔) ♥ 人均傷害💰： $150♥

本住期待的心情去試片皮鴨，不料失望。片鴨凍，D 皮硬到不得了，換了幾次都很硬，懷疑係皮既問題。反而炸雞軟骨好食。建議不用試片皮鴨，食下其他炒餸好了。見到隔離枱D 炒飯都好似幾好。不過由於2個人食，就試吾到其他

呢間野由舊舖食到新舖…水準都保持到…價錢唔貴…大件夾抵食我地點左好鬼多野…差少少就被K.O.三鮮餃 呢個皮好煙韌…好香麵粉味…餡料夠多…隻隻都肥嘟嘟排骨擔擔麵 炸排骨味道唔錯…可以厚切dd就perfect。擔擔麵質煙韌…個湯帶花生同麻醬味…幾好飲香椿豆腐 呢個第一次點…其實都幾鍾意京菜既涼拌食物。豆腐通常都配馬蘭頭…配香椿都唔錯…簡單加入麻油同花椒油就好味辣子雞丁 小麻小辣…加上啖啖肉唔錯…片皮鴨半隻 呢個價錢有半隻鴨真心抵食…建議多人黎會好d…因為份量好慷慨…多人黎先可以點多幾樣野試下同埋呢度上菜速度可能比澳牛仲要快🤣🤣…真心食唔切…堆到成檯野有d呢hea不過…呢個價錢呢個食物質素係抵食既…你見座無虛席就知

提起食北京填鴨，就會諗起老掌櫃。份量多，價錢唔貴，性價比高。今次嚟到大角咀嘅老掌櫃，夜晚7點左右已經好多人，可見幾受歡迎。 北京填鴨(半隻)老掌櫃必食！填鴨係厚切，皮脆、肉結實，配料同醬汁份量啱啱好。 紅油抄手紅油麻辣酸甜，抄手嫩滑味美。蒜蓉、蔥花同芝麻鋪面，加強咗成道菜嘅香氣，成個口腔都充滿蒜香🧄😋 酸辣土豆絲🥔用大辣椒乾同酸辣椒炒，土豆絲酸酸辣辣，非常入味。而且炒得乾身，土豆夠爽口。 環境方面，餐廳座位都幾密，侍應比較忙，可見真係好受歡迎😂

大角咀人氣東北菜館 常常見到大排長龍趁平日比較少人當然要試下❤️.🥯炸銀絲卷 $24比普通饅頭鬆軟 外脆內空氣感足濕潤 😋配上煉奶 真係絕配.🦆北京填鴨 半隻 $168店內招牌 好多人叫肯定要試下半隻兩個人食完全食唔曬🤣餅皮好薄 配青瓜、洋蔥、甜醬一齊食唔錯👍🏻.🐷川式回鍋肉 $86小辣夠惹味 好送飯～回鍋肉係比較厚身嘅肉片 食落好有口感🤤.🍚白飯 $10/1bowl🍵茶味 $10/1person.📍老掌櫃東北菜館大角咀嘉善街18號利奧坊.凱岸地下

去親大角咀都見勁多人排緊. 今日就約埋朋友黎晚餐試下. 店內裝修簡約, 都好多菜式, 我哋兩個人叫咗5個菜. 本來想試埋個高力豆沙. 最后當然無啦...太飽了1) 肉三餃($50/10隻) , D餡料好多. 好足料. 2) 酸辣湯 $64 , 好大盆. 味道都好唔錯. 偏酸開胃. 3) 辣子雞丁 $86 . 雞肉都嫩滑唔會炒到柴，雞粒都大粒,唔會好辣但惹味，外皮少少焦香, 唔錯. 4) 乾煸四季豆 $ 74, 個份量真係好驚人超大份. 都幾惹味. 5) 排骨擔擔面 $ 58 個排骨都好脆身. 個面都好香彈牙. 我地飽到行唔到. 要休息下先埋單! 成5個菜先$350 有找. 真係好抵食.

炸銀絲卷，我覺得係升級版，有兩個層次。最簡單嘅最有驚喜🤩🤩麻辣豬耳，好有咬口！ 醒胃😃正👍👍以為好普通... 都可以做到好特別😁北京填鴨（半隻）😊份量足，有足夠嘅皮、配料、醬汁非常抵食🤗🤗清炒萵筍 😁勁爽東北醬骨架 😋味道唔錯，骨肉分離 又冧冧地。我地3個人食到超飽🤪 全部清晒🤣🤣

週末將至，計劃約朋友出來放鬆，互訴生活中的大小事，朋友想行街購物之餘，又可以食晚餐，於是大家多番決定之下，來到地點人流很旺，交通四通八達的大角咀「老掌櫃東北菜館」食東北菜。店內裝修簡約，佈置優雅，乾淨整潔，見到很多顧客前來捧埸。我選了幾款美食，性價比高，每款價格相宜，未食巳吸睛，令我胃口大開。北京填鴨（半隻）半隻北京填鴨的份量，皮薄好脆，鴨油香肥膏少，食落啖啖肉，口感Q彈，配上大蔥、青瓜，沾上醬汁，十分惹味，抵食又滿足。黃金萵筍黃金萵筍外層脆卜卜，炸得香脆，入面是鹹蛋王，彈牙豐盈，口感細膩，容易入口。高力豆沙非常大個，即時炸的高力豆沙，可口的蛋白外皮，入面是豆沙餡，甜甜地，正合我的口味。老掌櫃東北菜館（大角咀）地址：大角咀嘉善街18號利奧坊.凱岸地下G708-G709號舖

好耐之前已經有朋友推薦過老掌櫃，話佢嘅片皮鴨好食。事隔幾年，終於有機會去到大角咀分店，估唔到都幾多人等位，同朋友夜晚八點去到，都等咗一陣！餐廳嘅面積幾大，不過座位密密麻麻，好迫，枱同枱之間都冇咩位置，要夾硬攝入去😂一於試吓個片皮鴨，落單到上菜，只係5分鐘😂不過咁嘅價錢就預咗唔係即叫即整嘅，$168/半隻，仲平過平時去茶樓叫小菜叫片皮鴨嘅價錢。片皮鴨嚟講，真係唔推介，寧願俾貴少少，食返啲皮脆肉嫩嘅鴨，鴨肉鞋口…見到隔籬枱都有嗌餃子，我哋都叫咗十隻酸菜餃($48/10隻)，每粒都包到幾大隻，豬肉餡都新鮮，呢個酸菜餃值得一試！

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥 📍老掌櫃東北菜館 (利奧坊)🥗菜式: 東北菜/京川滬/粉麵/米線/雲吞/餃子/中菜館🔍 大角咀嘉善街18號利奧坊.凱岸地下G708-G709號舖 🩵北京填鴨(半隻)💰168呢個價錢黎講質素都唔錯🤣半隻份量都好多～鴨肉切得適中又大塊，好高性價比！味道肉質鮮美，皮脆好香呀油脂味🤤🩵酸菜魚(龍利柳)💰118酸菜魚份量好多，龍利柳大大塊好嫩口，魚肉鮮嫩滑潤，搭配酸菜的醇厚口感，味道還可以🩵韭菜豬肉(10隻)💰48韭菜清香味濃郁，豬肉肉質鮮嫩多汁，幾juicy唔會好乾，可以一試😙

幾次係大角咀食飯都見到哩間好多人排隊，食完終於知點解啦，因為真係好抵食，今晚300蚊有找食到兩個人飽飽仲有片皮鴨食，CP值超高!北京填鴨（半隻）$168包左12塊皮，半隻份量好足，鴨皮薄又脆，唔會有厚厚既肥膏，肉鮮嫩👍🏻幾乎枱枱都有一碟就知咩料👍🏻乾扁四季豆 $74原本諗住叫黎送飯，但食完半隻鴨已經有d飽，無叫白飯就咁食啦，其實係好好送飯，微微辣炒得香夠乾身惹味😋大蔥羊肉餡餅🫓 $44哩個勁有家鄉風味咁，外皮微焦脆脆地，一咬入去咇d肉汁出黎，大蔥加埋羊肉香，正😋本身野食已經唔貴，仲要免加一!! 超抵❤️