老掌櫃東北菜館 (利奧坊)

营业中

休息中

🍽️抵食高質家鄉菜😋-係大角咀附近返工嘅朋友仔呢晚話約食飯👀 所以㨂咗間佢平日team lunch好鍾意去嘅好抵食專食北京填鴨嘅中菜館🦆-🐥砂窩雲吞雞 $148/半隻因為當晚朋友話要戒口所以冇得食鴨 所以我地轉戰咗另一個出名嘅項目 砂窩雲吞雞😝 一大窩熱辣辣夠哂氣氛😙 佢個半隻雞都唔細 煲完肉質都仲係幾嫩 一推夠可以同骨分開😜 雲吞大大粒都有好多隻 皮薄饀多😎 最正係佢嘅雞味煲哂入去湯底到 飲落好清甜😋-🥟韭菜豬肉餃 $50 (轉煎底+$8)另一個招牌係佢嘅餃子 做咗功課知道佢係行皮比較厚身嘅流派 所以更適合煎嚟食😎 果然冇㨂錯 佢煎完 外皮係焦香嘅金黃色 內饀扎實之餘好多汁 同小籠包有得揮😂 大家記住唔會心急 如果唔係就會好似我地咁差啲淥親🤪-🐄秘製牛奔麵 $52朋友話佢lunch食過牛奔麵都唔錯 係樸實無華嘅comfort food好味道😆 果然冇介紹錯 佢湯底濃得嚟唔會死鹹或者好油膩 佢唔係啲好fancy好有變化嘅湯頭 但係就非常平實穩陣信得過嘅果款味道😂 牛肉同牛根都煮到幾淋 都幾出色😍-🍎拔絲蘋果 $78最後見到甜品竟然有買少見少嘅拔絲甜品當然唔可以錯過啦🤣 上碟嘅時候熱辣辣

之前已經聽朋友講話大角咀有間東北菜館入面既北京填鴨好好食，晚晚都有好多人排隊同預約；咁鍾意食填鴨嘅我又點可以錯過，梗係要過去試吓喇🤣我地食左：👉🏻✨北京填鴨（半隻）✨ $168店內招牌之一既北京填鴨當然係唔少得❣️我哋只系叫左半隻，已經好夠飽；鴨肉肥瘦均勻，鴨皮燒到脆卜卜！每塊都有皮有肉，仲片得幾薄添👍🏻餑餑皮較薄身，放上青瓜🥒大蔥連沾上醬料嘅鴨肉包埋，一啖咬落去，超有層次感，仲唔會覺得好油膩，的確系幾正😋✨京燒羊肉✨ $138孜然粉同羊肉一向都係Perfect match。羊肉🐑好夠腍，唔臊唔嚡啱啱好，惹味之餘又香口🤞🏻✨高力豆沙✨ $13/1個高力豆沙係我妹幾鍾意嘅甜品之－❤️呢度嘅高力豆沙大大嚿，入面d豆沙又夠多，沾上糖粉，質感鬆軟又唔會太甜，正😋✨拔絲蘋果✨ $78上枱嘅時候店員就提醒我哋要將d拔絲蘋果放入涷水「過冷河」，過程幾好玩😆過完冷河之後，包裹住蘋果既糖漿即時變到脆脆哋，食落外脆內軟，口感都幾得意😎既有糖嘅甜味又有蘋果嘅微酸，超好味😋餐廳食物幾高質⭐️價錢亦唔貴😍餸菜仲大大碟添，係多人聚餐嘅好地方👏🏻

這是我第二次來到這間餐廳，這間餐廳便宜又好吃，我們兩個人吃了很多，埋單先至$312。唯一美中不足嘅就係每次嚟都好多人，經常需要等位，上菜時間也比較慢。我沒有在其他時間來過，每次也是週末晚上，或者其他時間會比較少人。我們叫了：北京填鴨（半隻）（跟一份摩摩皮約20塊）Beijing Roast Duck (Half)$168（我們兩個人叫了半隻北京填鴨， 份量大，足夠三人吃）地三鮮$78Fried Potato, Capsicum & Eggplant（炒菜很有鑊氣，配合特別的醬汁一起炒很惹味）高力豆沙（2件） Deep Fried Egg White Ball $26(新鮮炸起的豆沙波，外面包着糖，裏面包着紅豆餡，十分好吃）豆漿（凍）Soybean Milk$ 10白飯Rice$10茶位 （兩人）Tea （2 person)$10

✨大角咀·老掌櫃東北菜✨🔹🔹🔹🔹🔹🔹🔹🔹🔹🔹🔹朋友帶我試新野，去到門口見到好多人排隊，不過都好快入座☺️我地嗌左鮮蝦肉餃配全蛋麵，啖啖肉又飽肚😋糖糟魚片是高分之作，攞左撈麵一流！小食叫左海蜇同豆沙鍋餅，好爽脆，好香脆🤤🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

I used to work in Tai Kok Tsui and dined at Lao Zhang Gui from time to time because of the large portions and cheap prices. Happened to be around that area and realized they have already moved to a way bigger shop.◆白菜豬肉餃 Pork & Cabbage DumplingsServed with black vinegar and spicy bean sauce. Balanced amount of meat and veggies. Smooth wrapper. Juicy filling.◆秘製杭州骨 Hangzhou Style RibsServed right after ordering. Appetizing sweet and vinegary sauce. Loads of bite size ribs with onion, fried potato

呢間片皮鴨真係有水準第一次食就係大角咀呢間就算佢荃灣/元朗有分店都會特登去大角咀食搬左舖👍🏻環境舒服好多👍🏻比起之前舖頭更乾淨兩個人食午餐北京填鴨(半隻)$168鴨片得好薄👍🏻好脆口👍🏻唔會好多肥油肉都好嫩滑午餐 煎肉三鮮10隻 $50+$8轉煎餃 跟咗杯凍豆漿加$5本身對佢嘅煎餃冇乜期望但係嚟到又見到唔會油冧冧好脆口，餡料都好足👍🏻裏面有韭菜、鮮蝦同埋豬肉午餐 老壇酸菜魚 $58 都係跟咗杯凍豆漿加$5一人午餐黎講都幾大碗👍🏻裏面有薯粉同埋酸菜薯粉唔會爛蓉蓉好彈牙煮到啱啱好👍🏻另外跟餐加喊2個小食麻辣豬耳 跟餐+$20呢款豬耳係千層豬耳我自己勁鍾意食千層豬耳比起普通豬耳耳更有口感👍🏻呢個麻辣都幾辣，幾好食👍🏻水晶肴肉 跟餐+$23水晶滑捋捋，同平時食開嘅一樣黎完一碟又一碟四周圍嘅人望住我哋食嘅兩個人午餐食咁多😂我都覺得自己好誇張😂唔好掛住打卡📸記得食得晒先好嗌呀🤭

大角咀一間人氣東北菜館，每晚7點過後🕖，必定大排長龍🚶‍♂️🚶‍♂️🚶‍♂️，點解咁犀利？係因為佢價錢夠平，而且質素唔差，百幾蚊食到半隻片皮鴨🦆，仲要冇加一，你係邊度搵😍？店舖面積算大，但座位亦多，所以空間比較狹窄，加上樓底唔高，所以都幾嘈🥲。北京填鴨半隻 $168半隻鴨份🦆量足，皮薄肉厚油脂略少，啖啖肉肉味香濃，配埋青瓜🥒、大蔥及甜醬一齊食，配搭簡單又好味，食完半隻鴨都飽咗六七成😅。鮮蝦魚肉餃(5隻) $33皮薄餡料飽滿🥰，餡料用蝦加魚做成滑，味道鮮甜，口感彈牙嫩滑😋。白菜豬肉餃(5隻) $24豬肉🐖同菜嘅比例啱啱好，味道鮮香有肉香味，同樣皮薄餡料飽滿😍。高力豆沙 $13 (2件起)即叫即炸熱辣辣，口感軟熟輕盈，味道香甜。凍豆漿每杯 $10豆味濃又唔太甜，凍凍地解渴又消膩。總括而言，3個字...勁抵食，仲要唔收加一，人均唔洗二百，一定可以飽住肚走。

大角咀這間老字號好出名，次次去到都大排長龍。店入邊除咗有東北特色菜之外，仲有北京烤鴨同埋一啲上海菜嘅選擇。不過店舖位置就坐得比較迫，枱同枱之間嘅距離都幾近。叫多兩樣送都唔夠位放。🥢砂窩雲吞雞（半隻）勁大窩，仲有完整嘅半隻雞🐔好多雲吞，但啲雞肉要自己拆，湯入邊亦都有啲小棠菜同埋娃娃菜🥬🥢片皮鴨（半份）半份都十分大碟，相當於外面嘅一份有多。皮薄肉嫩，油份足夠，十分惹味。但餑餅皮有時好厚。🥢蝦蛋炒飯好多配料，大份到食唔曬。𓆝𓆟𓆜𓆞𓆝𓆟𓆜🍴 老掌櫃東北菜館 (利奧坊)📍大角咀嘉善街18號利奧坊地下G708-G709號舖——————————————————

今日同朋友係旺角行街，行行下行左大角咀，平時好少行過呢頭，發現原來都係美食雲集既好地方，經過呢間餐廳知道係食上海野，朋友話呢間餐廳一向好出名，好多人會特登會入黎食，我地反正誤打誤撞黎左，緊係要試一試啦。一入到餐廳見到裝修好中式，燈光亦都非常光猛，見到好多三五知己都過黎食，餐牌勁多唔同款式美食，我同朋友都心大心細左好耐，終於都決定好要食咩！白菜豬肉餡餅白菜同豬肉從來都係非常夾，呢個餡餅完全唔熱氣，而且豬肉份量極多，調味亦都調得岩岩好，加上餡餅重係輕輕煎過，食落熱辣辣架！京燒羊肉平時好怕羊既味，但冇諗過佢完全冇羶味，重非常多肉汁，醬汁調得非常惹味，如果配埋白飯簡直一流！可惜我同朋友已經食到開始飽，佢呢個羊肉份量亦都唔少加！醋溜大白菜食左好多肉之後，我同朋友都想食下菜解油膩，今次特登叫醋溜大白菜，煮得好入味，食落酸酸甜甜，口感層次非常豐富。整體呢間餐廳經常排長龍係有原因架，值得排隊😄

話說以前係舊店址已經幫襯過幾次，成日都會同朋友嚟食片皮鴨！而家搬咗去利奧坊入邊大間咗好多，而且人氣依然不減！加上佢食物嘅份量都算多，性價比幾高！🔹片皮鴨（ 半份$168 ）有皮又有肉，鴨皮燒得Bling Bling✨🔹口水雞（ $78 ）好惹味，下面仲有青瓜絲！🔹京蔥羊肉餃（$52/10隻）個皮稍為厚咗少少，如果煎餃應該更好食！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 7/10環境： 7/10CP值： 8/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯

到大角咀這間老字號「老掌櫃東北菜館」吃片皮鴨。食片皮鴨上酒樓吃動輒要數百元，今晚我們就專程前往一試。餐廳裝修簡潔，一排排木系的桌椅坐滿了食客。感覺已經非常良好，即是食物質素有保證吧！看看電子餐牌，首先一定要叫片皮鴨！還有餃子亦是我的最愛。實在太多選擇了，我們擾攘了很久才能選出心頭好。我們糾結於叫小炒還是叫飯麵，最後，還是選了擔擔麵和甜品。1. 紅油抄手：大大隻，餡料份量十足。一口咬下去鮮嫩多汁，搭配紅油調味醬，口感辛辣香辣。2. 片皮鴨：半份都十分大碟。皮脆嫩、肉質鮮嫩，帶有一股油脂香氣。鴨肉剁不是太薄，所以仍保留少少肉，搭配着青瓜大蒜及美味醬料一同進食，大滿足！而且整碟片皮鴨份量十足，兩個人真是吃得飽飽的。3. 排骨擔擔麵：湯汁濃郁，辣味十足，花生醬的香味和排骨的鮮嫩口感使得這整碗麵香味俱佳。排骨炸得脆脆的，外皮不是太厚，內裏肉質鮮嫩。4. 高力豆沙：口感綿密細膩，豆沙內餡甜而不膩，大大個，咬下去，口感十足，給人一種幸福的感覺。每樣食物都份量十足，今晚真是吃了豐富的一餐！尤其是那出色的片皮鴨，真的是皮薄肉嫩 ，十分超值！這一餐的回頭率甚高啊！

之前見過網上有YouTuber介紹呢間東北菜館🍽️咁啱經過大角咀就過嚟試吓，就算間舖位於比較隱蔽嘅內街，晚飯時間都係好full🔥店入邊除咗有東北特色菜之外，仲有北京烤鴨同埋一啲上海菜嘅選擇，不過位置就坐得比較迫，枱同枱之間嘅距離都幾近🤔水晶肴肉 $78份量驚人地大😳呢份肴肉嘅份量應該差唔多等於出面食嘅兩倍，而肉嘅比重佔多🐷如果多返啲水晶凍就更好，不過呢個價錢嚟講性價比好高👍🏻大蔥羊肉餡餅 $44餡餅嘅兩面都煎香咗😋餅皮帶點煙韌，入邊塞滿咗大蔥羊肉餡，羊肉無羶味，調味適中🤓食完一個都幾飽肚🐐砂窩雲吞雞（半隻） $148呢個份量同樣都好多😎雲吞都起碼有八粒，雞肉係原整嘅半隻雞🐔要自己拆啲肉，肉質唔會好似湯渣咁鞋熠熠，湯入邊亦都有啲小棠菜同埋娃娃菜🥬鍋包肉 $96第一次見呢款菜式😮原來係一款東北菜，係將豬肉炸咗之後再加上薑絲、紅椒絲、蒜片同糖醋汁🐷感覺有少少似咕嚕肉，但係個汁就偏甜啲😆高力豆沙 $26呢款甜品都係大大件😝外層係炸咗嘅蛋白，入面就包住紅豆蓉，再沾上白糖食，蛋白已經打到好鬆軟🍳雖然睇落好似好多糖咁，但係入口都唔怕好甜😙

老掌櫃東北菜館 • 大角咀中菜好適合一家大小或者親朋好友聚首一堂去食，氣氛熱鬧，而呢間東北菜館之前其實已經介紹過，係個好建議。小菜種類豐富，真正嘅東北菜量大、味濃，呢間嘅東北菜相信經過改良，符合本地人嘅口味😋😋..✅ 排骨擔擔麵 🍜 $58湯底香濃花生味，加上辣油襯托，不過辣味唔重，適合唔想食辣嘅朋友。唯一特別係湯底加入花椒，半香半麻，口感較平時食開嘅擔擔麵多一份新鮮感。麵條有筋道，而排骨正常，整體都會推薦😙..✅ 糖醋里脊 🐷 $88里脊肉都係豬嘅一個部位，原本以為瘦肉多可能較鞋，但食落都發覺肥瘦相均，而且處理手法好，肉質爽彈而有油香。糖醋汁係平時咕嚕汁，酸酸甜甜夠開胃😙..✅ 雞絲粉皮 🐔 $68粉皮完整唔會太散，雞絲正常，份量算多，麻醬略嫌調較得少少鹹，但整體都可以👍🏼..✅ 肉三鮮餃子 🥟 $50三鮮指豬肉、韮菜、蝦仁，餃子飽滿大大粒，而且餃子入面肉汁豐富，韮菜佔比重，比較香韮菜味十😍..✅ 家常餅 🌮 $38類似蔥油餅、「鹹薄罉」嘅薄餅，中間加上香蔥，散發蔥油鹹香味。質感煙軔，唔乾帶點油潤，推薦！

去朋友屋企house warming大家諗唔到想食咩又想珍惜相聚時間最重要係懶唔想洗/準備決定買自取外賣la咁岩朋友住落黎都食過附近呢間鋪頭就決定試試佢當然重頭戲梗係片皮鴨la買到返屋企仍然都香脆既食落口都有一股鴨油香味配既餅皮，配菜都足夠咁多fd 食當然有叫埋其他小菜例如西季豆 炒飯 涼拌茄子果d味道都唔錯我自己就冇去過東北唔知實際東北菜係咩味道不過呢家餐廳就起碼做到多選擇， 抵食， 味道唔錯咁我地每人夾返一百出頭已經試到唔同野食

老掌櫃東北菜館 (利奧坊) (大角咀)大角咀嘉善街18號利奧坊地下G708-G709號舖。老掌櫃呢間老字號相信唔少人都識佢，出曬名平靚正，特別係片皮鴨，就算平日去食都經常要等位。6度之下再次n度探訪，就算咁凍都差唔多full house 😯。今次兩個人食就唔食片皮鴨lu~ 。糖醋魚柳（$85）酸酸甜甜用黎送飯食就最岩。天寒地凍叫左砂鍋雲吞雞（$148）暖下身，一鍋野有得飲湯、食菜、食雞，又健康又好味。黎到呢度唔少得食下餃子，餃子係東北人主食，呢間東北菜都將餃子整得好出色，羊肉餃子皮薄薄的，入面羊肉味濃，如果你唔食羊肉仲有好多味道選擇ga 。@laozhangguihk 。#gpigtaikoktsui