老掌櫃東北菜館 (利奧坊)

营业中

休息中

《本次為自費用餐食評》大角咀高質抵食東北菜館！餐廳以平價CP值高的片皮鴨聞名，鴨皮香脆鴨肉不鞋，配上一份摩摩皮，真係皮薄餡靚，重點係一份半隻鴨只是hkd$168，絕對抵食！此外，餐牌亦有各式各樣特色東北菜，尤其係鍋包肉，醋的酸味和甜味沾上炸肉片，酸酸甜甜而且香口。脆椒雞軟骨亦都係必嗌之選，雞軟骨酥脆而且有肉感，配料亦十足。整體而言，食物質素好，價錢便宜，絕對值得一試！-🔘 北京填鴨 (半隻) | hkd$168🔘 脆椒雞軟骨 | hkd$86🔘 鍋包肉 | hkd$96-🍽️ 食物 | Food: 4.5/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4.5/5📝 總結 | CP Value: 4.3/5-A foodie documentation of dining experience in restaurants based in Hong Kong 🇭🇰.

開咗屋企朋友House warming 朋友樓下就有呢一間老掌櫃東北菜同朋友嗌咗片皮鴨 魚香茄子煲片皮鴨$148 大大隻 味道不過不失 塊皮係偏大塊 都幾香口有油脂味魚香茄子煲係偏向廣東味，唔會話好辣最後再嗌埋呢個糍粑 做甜品軟糯適中 加埋黑糖醬五個人三個餸再加幾多飯都已經好飽不過可能我哋有三個女仔喺細食啲嘅

喺屋企附近近呢間老掌櫃東北菜館overall 都唔錯, 我哋叫咗個黃金蝦球,一個雞絲粉皮, 一個京蔥羊肉同埋兩碗白飯, 成餐飯都唔使$300已經有三個餸,我覺得都算抵食。不過嗰個雞絲粉皮稍嫌個醬多咗少少，下次可以少返啲就完美，個京蔥羊肉啲羊肉份量都算唔錯，如果辣返少少會好啲，不過如果自己唔係太食得辣，呢個係一個幾好嘅選擇。餐廳環境其實都算唔錯，不過二人枱嘅位同隔籬枱就距離近咗少少，唔係坐得特別舒服，但係如果落嚟食個快飯其實都冇乜挑剔。

今天晚上 ，我們去到大角咀老掌櫃東北菜館(利奧坊) 晚餐。這家餐廳，客人們絡繹不絕。 我們點了酸辣湯，香氣撲鼻而來，湯底濃郁，帶著微微的酸和辣，讓人忍不住想要再來一碗。炸銀絲卷外脆內嫩，令人一口接一口。雲吞麵，薄薄的雲吞包裹著嫩滑的肉餡，搭配滑順的麵條，湯頭清淡卻充滿鮮味。而涼拌海蜇，皮清爽可口，帶著一絲微辣，刺激著味蕾。清炒豆苗色澤鮮綠，清新爽口，讓人感受到家的溫暖。在這裡用餐， 我們有賓至如歸的感覺。每一位客人享受美味的同時，感受到親切的服務。每一道菜品都流露出廚師的用心，讓人不禁對這家餐廳讚不絕口。

今日朋友帶咗我去食一間超級抵食嘅片皮鴨，平絕全香港，所以平日夜晚都爆曬場✨因為比較抵食份量大，所以座位都比較多似茶餐廳🍽️💫片皮鴨半隻$168就食到包埋配料同醬料，份量大質素都ok，不過美中不足係溫度唔夠熱。🍆炒地三鮮茄子、薯仔、青椒，鑊氣夠，好惹味同好大份。🫓羊肉餅羊肉幾juicy唔會有蘇味。🌸高力豆沙而家唔係好多地方有高力豆沙，豆沙餡唔會太甜，出面個皮夠fluffy，甜品都做得好。🍴

難得一間唔使加一嘅東北菜館 價錢都幾親民見到都唔少人推介 一於試下佢🤪嗌完之後啲嘢食好快就嚟齊晒可能因為史努比坐嗰個位冷氣好大 所以嘢食好快凍🫣加上張枱好細 如果好似史努比咁影相嘅話有啲難度同埋會好 “呢hea”🥴Anywaysssss講咗啲嘢食先茶位 $5👌🏿北京填鴨(半隻) $168份量足嘅 尤其系啲包鴨嘅皮 佢寫廿塊真系有廿塊但就唔系正宗片皮鴨嘅荷葉餅皮取而代之嘅系摩摩皮 好似春卷皮咁樣Size偏細啲 同埋質感偏硬雖然佢有個keep warm幾好嘅容器裝住啲餅皮但真系冷氣太大同餅皮太薄攞上手未包已經凍咗 所以食落都系得個硬字就算佢薄都救唔到🥴但未至於話好差 at least佢唔算韌 唔會話好厚好難咬烤鴨肉比例較多 同史努比認知嘅填鴨有啲出入淨系得中間個column系皮 而其他鴨肉嘅皮都系得periphery有少少包肉食嘅時候 鴨嘅肉質稍鞋同埋完全食唔到油香🤷🏿‍♀️要食皮先會食到~不過青瓜 大蔥同醬料都比足份量又唔少$168有半隻北京填鴨 算系咁啦🤣味道: 6.5/10性價比: 8/10👌🏿拔絲蘋果 $78一嚟到店員突然間幫我哋拔晒啲絲佢話驚凍咗拉唔到 史努比當場呆咗😳影都影唔切

今晚搵咗住大角咀嘅朋友敘舊，就去咗佢屋企附近呢間東北菜餐廳，好彩早少少到，七點鬆啲就已經全場滿座！黃金蝦球每個蝦球都大大嚿，蛋黃配埋啲炸粉炸得好鬆脆，超好食！蛋黃味都好出！蔥爆牛肉好有鑊氣，洋蔥同蔥一齊炒牛肉爆香！牛肉都好大塊，厚身唔薄干鍋田雞係期間限定嘅小菜，麻辣辣得好過癮，調味啱啱好，田雞份量都好多，四個人share食都可以！佢哋嘅小菜份量好多，每樣小菜都好有鑊氣！下次想試埋佢嘅片皮鴨！📍老掌櫃東北菜館 地址：大角咀嘉善街18號利奧坊地下G708-G709號舖

老掌櫃東北菜館📍九龍大角咀嘉善街18號利奧坊地下G708及G709舖夜晚一大班人想搵嘢食，喺唔知食咩好嘅情況之下入咗呢一間老掌櫃。12個人食咗超多嘢。😂 整體嚟講全部嘢都唔錯，份量大碟，味道都幾好，唔會太鹹。我哋一人俾咗大概$150，有咁多嘢食係講算錯。⭐️鴨屎香手打檸檬茶（700ml) $32⭐️北京片皮鴨 $318⭐️黃金蝦球 $108⭐️砂窩雲吞雞 $268⭐️炸饅頭（3隻） $26⭐️回鍋肉 $86⭐️麻辣皮蛋 $48⭐️鍋包肉 $96⭐️四川擔擔麵 $48⭐️麻辣束海蜇頭 $74⭐️豆角燒茄子 $76⭐️一口金磚豆腐 $78⭐️東北農家炒飯 $76⭐️紅油抄手（10隻） $50比較推薦片皮鴨，紅油抄手，黃金蝦球，仲有砂鍋雲吞雞（啲雞肉好嫩滑，清清地幾好食，而且仲好高蛋白質🤣）

今日嚟到奧運站附近嘅日間小菜館～晚市都記旺場，呢個食物選擇都好多～見到片皮鴨幾抵食就入咗嚟，但係環境就有啲凍🥹《北京填鴨片皮鴨 🦆》呢個幾抵食～烤到金黃酥脆,食落肉質鮮嫩！配埋特製甜醬、蔥絲同青瓜,一口咬落太過癮👍👍《白菜豬肉煎餡餅 🥟》呢個小吃真係好料,肉餡又嫩又多汁😋《蝦蛋炒飯 🍚》新鮮彈牙嘅蝦肉同香濃滑溜嘅蛋,炒到同白米飯絕配～但係呢個飯加咗三色豆如果可以改良吓就好啦🥢🙈🙈🙈🙈

呢間老掌櫃有幾間分店， 今次同男友放工黎左食東北菜，價錢超值， $168食到半隻片皮鴨，食物又大大碟，價格親民，所以平日黎都見爆哂場。點左半隻北京填鴨，鴨皮脆肉薄嫩，不過略嫌餅皮小小硬，但份量十足，性格比超高。另外點左上湯娃娃菜，又係超大碟，夠哂2-3人食用，娃娃菜清甜爽嫩，湯底唔會太咸，食完北京填鴨食番個菜去膩岩哂。炸銀絲卷，濃郁麵包香配上香甜煉奶，作為甜品岩哂。仲有高力豆沙，估唔到禁大粒😂 新鮮炸起外面包住糖，食落口感綿密細膩，裏面仲加入左紅豆餡，一次過食2款甜品，好幸福😋

大角咀有間親民價錢的東北菜，香港有三間分店，吃飯的時候人流不斷，真的深受街坊歡迎呢！北京填鴨（半隻）（$168）份量很多，鴨子皮酥脆，肉質鮮嫩多汁，配青瓜、大蔥及甜醬（可免費添加）。白菜豬肉 （10隻）（$50）餃子新鮮，鮮味非常突出，熱辣辣上枱，皮薄餡靚，仲要入面很足料，鮮嫩多汁！蒸銀絲卷 （$22）正常味道的銀絲卷，清淡健康之選！高力豆沙（$13）兩個起質感鬆軟，裡面的豆沙夠，豆沙不會過甜！好吃！整體食物性價比超高，雖然環境較擠逼，但員工熱情有禮，真係物超所值！

哩間老掌櫃晚晚爆滿真係唔係冇原因, 雖然佢D位有D迫, 個晚去到仲要唔知冷氣壞左定坐門口位既關係, 好鬼熱焗, 但係依然全場超熱鬧。無他, 就係因為一個字, 抵食。北京填鴨只係$168有半隻, 皮肉均勻, 唔會肥滕滕。該有既青瓜, 京葱絲同埋醬都齊備, 仲有麵皮都有十幾塊, 基本上都唔洗再另外加。哩個價錢對番哩個質素真係唔知去邊度搵。土豆燒牛肉 $86都係好多料, 牛肉已經炆到好腍, 醬汁係五香牛肉既味道。好彩叫左杯超大檸茶 (可能真係壞冷氣好焗), 飲啖舒服哂又唔洗懢住飲

今晚又去咗老掌櫃食飯次次想食北京填鴨就會好掛住呢度今次照舊嗌咗半隻鴨另外仲點左京式炸醬麵、京蔥羊肉餃同埋高力豆沙食物質素不嬲都好價錢又平碟頭又夠大份填鴨係正常版唔係迷你版同埋京式炸醬面都係好大碗京蔥羊肉餃今次第一次試好鍾意佢有羊味但又唔會太騷高力豆沙熱辣辣肯定係新鮮炸起而且夠曬軟熟好好食！嚟開食都知餐廳啲位係迫夾啲㗎喇但係老實講呢個價位食到一餐飽肚得嚟又好味嘅東北菜迫少少咪迫少少囉呢晚我哋兩位$300左右埋單仲要飽到打包走樓面侍應又好好傾佢哋係好爽直果種風格多一分真誠少一分虛偽係抵讚嘅👍🏻

當晚晚上九點去到，但依然全場滿座，枱與枱之間嘅距離都幾近🫢 招牌北京填鴨已經售罄，不過都好彩佢售罄，我先發掘到佢哋啲小菜仲出色🤫松鼠大鱸魚 $158一整條魚上枱，夠哂霸氣，都真係好大條，炸到熱辣辣，小心焫親個嘴仔🤭 紅紅嘅糖醋汁下係炸到金黃酥脆嘅魚，師傅已經起哂骨，食落啖啖肉，酸酸甜甜，開胃得嚟又夠惹味👍🏻蔥爆牛肉 $86炒得幾有鑊氣，牛肉肉質嫩滑，幾濃牛味，夾埋啲蔥一齊食，惹味到震，一啖佢一啖飯加多支啤酒，爽啊🤪蝦蛋炒飯 $76份量都幾多，炒到啲飯粒粒分明，夠乾身，恰到好處嘅調味，食落係啱啱好，呢個炒飯睇得出師傅嘅功架😗除咗好食之外，最重要係佢無收加一，你知喇，叫得多嘢食，個加一夠你叫多個餸啦😜

想食片皮鴨 近近哋就去大角咀老掌櫃🦆鐘意呢度選擇多 價錢唔貴 由舊店食到利奧坊新店 一直都多人幫襯 建議預先book位☎️ꕥ 北京填鴨每次去必食 兩個人叫咗半隻 份量好足 跟嘅摩摩皮大約有20塊 配料都係青瓜/京蔥嗰啲基本款 皮夠脆 唔會太肥🦆ꕥ 回窩肉第一次食呢度嘅回窩肉 幾惹味 唔會太辣 送飯一流🍚美中不足係食到底就真係太多油ꕥ 黃金蝦球黃金即係醎蛋黃✨調味啱啱好 唔會食到好漏 最正係蝦球夠大隻 啖啖肉🦐呢度其實好啱一大班人嚟食 不過留意有限時交枱 想食完嘢再慢慢傾計就未必適合