老掌櫃東北菜館 (利奧坊)

营业中

休息中

早幾日朋友提起想食片皮鴨但又唔想俾太貴， 於是就早兩日book 咗大角咀老掌櫃， 打去book枱時順便留一隻北京烤鴨。入面枱同枱之間無咩空位都幾逼，用餐時間就90分鐘，個人認為食得都有啲趕，所以唔建議一d想邊食邊吹水既人過嚟食，始終人地做生意都想快翻枱做下一轉。北京烤鴨1隻$318跟24塊麼麼皮，至於半隻北京烤鴨價錢$168 跟12塊麼麼皮。叫多一份麼麼皮就$15有6塊。鴨可以2食，如果一隻鴨2食就加90蚊。整體而言食物質素係好既但未去到有驚喜，價錢合理，但環境較窄。

一個人入去完全無視你，你搵位自己坐低就話呢度留比人，坐第度又話有人，嗰度又唔想你坐， 態度惡劣唔憂冇生意做！一大班人就多咗條尾熱烈招呼，明明坐低咗都叫你好趷返起身閃埋一邊，擺明嫌你一個人最好全部留哂比一大班友，佢哋先係大客仔，奉勸一個人食繁忙時間千祈咪入去此店，d位唔到你坐會被人歧視㗎，識做啦人哋要做大生意，食物又唔係特別出色服務態度仲咁差，出面大把選擇囉以後唔會再去！

今晚同屋企人食飯 一早book定枱 未夠六點到都大排長龍 好彩好快就入到去 亦都好快就全場坐滿哂人餐廳用QR code落單 但係都會有本Menu俾你地睇睇值得推介嘅有以下菜式✨片皮鴨半隻 $168好抵食 7個人每人食兩卷都仲有剩✨黃金萵筍 $86第一次試 外層炸得好脆好香口 入面就淋淋地 口感好特別✨高力豆沙 $13/粒之前試過好快賣哂 所以今次一早落定單先 個高力豆沙黎到好熱 幾好食 係嫌外層嘅糖唔夠平均 總結報告 係好大份好抵食 不過90分鐘少少趕 入座即刻落單 到啲餸開始黎 只係剩返一個鐘食

店名: 老掌櫃東北菜館地址: 大角咀嘉善街18號利奧坊.凱岸地下G708-G709號舖奧運站C1出口，行4分鐘環境: 3.5/5價錢:4.5/5味道: 4/5大角咀呢間餐廳出名片皮鴨好抵食，經常都排哂長龍，大家可以係open rice預先訂枱想食片皮鴨嘅記住最少早一日預訂，如果唔係可能賣哂就無了😳北京填鴨 (半隻)$168鴨肉唔會話太乾身，皮同肉中間有少少油脂，好香口同幾好食🥰😍但餑餑皮因為就咁用碟上，無話用蒸籠熱住，勁硬同乾哂🫠🥲食到最尾只想食啲肉，無食啲皮，畢竟啲肉好食咁多🫢留意翻醬汁有啲咸，大家唔好點太多🙈麻辣青瓜粉皮$62份量算大，一食落去好香辣味同麻油味但因為落得太多辣油麻油，成碟嘢好油，食多幾啖已經勁滯🤥😪蒜蓉炒油麥菜$68餐廳食嘅炒菜永遠都比屋企嘅好食，更有鑊氣☺️本身想叫小棠菜但賣哂，不過炒油麥菜一樣咁好食🥬東北農家炒飯$76以為呢個價錢應該得3-4碗飯嘅份量，點知唔係，啲飯成左身咁高，食左6碗都仲有剩但偏濕身，乾身少少嘅炒飯會更好食🤨高力豆沙 (2件起)$13@1件一件都成2個拳頭咁大，上枱熱辣辣啱啱炸好，食要小心辣親入面紅豆蓉唔太甜🫘，表皮好脆而入面好淋，配左砂糖，口

這店發揮了東北菜特質，份量大，價錢亦都大眾化，所以十分多人光顧。除了涼菜較為特色之外， 其他的東北菜都是一般般， 如果你只求一大班人喝啤酒吃大塊肉 這裏不失為 一個好的選擇。

星期日和家人們一齊去咗大角咀嘅老掌櫃東北菜館食晚飯，雖然早已book位，但門口有好多人排隊，所以都要等一等先可以入座！我哋叫咗：北京填鴨（全隻）跟24塊面皮，鴨片切得很薄，皮脆內嫩，有90分！好抵食啊！鴨兩食-茄子炒鴨架，炒出來很大碟，茄子炒得夠淋，鴨件亦很入味。乾煸四季豆，炒得好夠鑊氣，有少少豬肉碎。蝦蛋炒飯，蝦好大隻，正常味道，飯粒粒分明。雞絲粉皮，有蘿蔔絲、青瓜絲、麻醬撈埋一齊。高力豆沙，必食甜點，炸得趣卜卜，內餡係紅豆，上邊有啲白糖點來一起吃。

由於無留座， 可以walk in, 但我地一到6點就黎排定隊， 幸好都有位。一直好想食片皮鴨， 兩個人係呢度食就岩岩好， 一份半隻12塊皮都係百幾蚊， 勁抵食。 但必須同時間比賽， 個皮 由於無蒸籠， 的確好快會變凍， 一凍就無咁好食， 所以要襯熱食。食中式菜我最愛都係乾煸豆， 好大份，味道不錯但食到最底好多油。炸饅頭都好食， 表面唔算好多油，外脆內熱， 係朋友既至愛。 想食餃子， 於是試了東北酸菜餃， 其實呢個唔算好出色，唔會好酸，但味道剛剛好， 正常發揮。呢間餐廳真係好多餸都大大份， 見到啲炒飯都係4-5個人份量， 所以好抵食

話說有次去荃灣同一班朋友食飯，去咗海之戀商場嘅分店，好多人之餘，印象麻麻哋，味道普普通通而已，今次去到大角咀，朋友話食呢間，我本來都有啲保留，但係朋友就話呢間唔同，係本店，以前呢度未有新商場，仲係舊樓唐樓舊舖哋時候，已經好出名，好有水準，於是就俾多次機會佢試吓，真係唔同喎！感覺比荃灣分店係真係有水準好多，食得出廚師真係有心機做菜。今次叫咗唔係好多嘅，北京填鴨、高力豆沙係招牌菜，好多人叫，另外我哋又叫咗東北醬骨架，呢個味道就淡咗啲但係肉質都幾好，另外叫咗紅油抄手、秋葵、肉凍等等，本店同分店原來真係有分別架。

老掌櫃，我都已經食咗佢好多年，由佢一開頭得一間大角咀兜踎小舖食到而家搬咗利奧坊，同埋荃灣西都有分店。首先每次去到都一定要食嘅，就一定係口水雞，佢果醬整得好好食，可以掛得住d 肉，調味亦都非常之恰當，我一定會將所有汁攞晒去撈飯食，口水雞其實就唔算好辣，不過真係好惹味平時都係食乾煸四季豆，今次食嘅係黃金四季豆，直頭當佢係送酒小食，咁都非常之正。豬肘花真係非常之平平無奇，另外豬耳亦都比較普通。是日最伏既係水煮牛魚，佢用龍利柳嚟整水煮魚，今次好奇怪地啲龍利柳係非常之霉，口感極度差。啲牛就正常發揮。高力豆沙就真係覺得好好食，本身甜度控制得唔錯，仲要新鮮滾熱辣咁樣拎出嚟真係好難忍口

我在网上刷到这家店，就带着家人一起来吃，结果中伏！点了一个松鼠鱼、一个辣子鸡、一个酸菜排骨、还有一份高力豆沙。高力豆沙味道不错！但也只有这个味道不错！辣子鸡太油腻！酸菜排骨只有三块迷你软骨不知道什么部位的不是一根骨的排骨。松鼠鱼全是面糊！太难吃了！！！不会再来的一家店…最关键的是环境太逼仄了！！！跟隔壁紧紧挨在一起！太难受了😣然后整个房间里全是厨房的油烟！乌烟瘴气…服务就是没有，上菜巨慢无比…只能等

相隔一段時間再回來食午餐，仍然那麼多人去等位，我們一行人來到這裡食午餐，因為平日有中午套餐，有麵、飯、餃子等⋯⋯我們決定每樣叫啲可以分享一下😉不過呢間店餃子真係出色，咁多年都保持水準，每樣小菜都好出色又有風味，尤其佢嘅水煮牛每次都食得好滿足！所以佢哋短短幾年都開咗兩間分店👍🏻

老掌櫃東北菜館✨相信好多人都聽過💁🏻‍♀️小妹係盤古初開個時已幫襯姐係大角咀店個時莫名奇妙好多唔同區既朋友都不約而同話想試呢間個時覺得好好食 價錢又唔貴🌝到之後愈做愈大舖位都搬左後面好大間同時都開左幾間分店不過再食就覺得質數下降左😔但北京填鴨畀黎講性價比仍然高👍🏻北京填鴨半隻$168

好鬼多人，中午打去book已經得翻6點！ (去到真係好多人)雞絲粉皮上臺賣相麻麻地😂😂😂超級多麻醬嚇親，原來下面有雞絲嘅！撈左好好正常好多！建議佢一下可以雞絲放係面好d😛😛烤羊好香脆 好多件 又多肉，冇咩膻味！上次食過辣子雞丁所以今次叫咗一個脆椒雞粒。好鬼抵食！辣椒同雞都食得！從叫咗兩份餃子，一份煎餃，一份酸菜餃子。酸菜餃子真係好有大陸特色。好鐘意！最後甜品要早必須嗌嘅高力豆沙！ happy ending！3個人超級飽！

三人聚會，由於網上訂咗枱所以無需等候，叫咗片皮鴨半隻、東北亂燉、清炒蝦仁、豆豉鯪魚油麥菜及炸饅頭，餐廳上菜速度超快，份量大。片皮鴨唔肥膩肉質唔鞋，東北亂燉味道濃、肋骨淋、粉條入味，清炒蝦仁失色、蝦仁粉厚、嗱蝦味未洗清、小小嗆口，豆豉鯪魚油麥菜超多油，不得不贊炸饅頭炸得剛好、外脆內軟。整體評分，滿意一定會再嚟食，期待下次多D人可以叫多幾款菜試。

午餐叫咗酸菜魚配白飯，再加熱豆漿，$59真係好抵！ 酸菜魚我諗大大話話有20片！好似唔駛錢咁 😂 我一路食一路諗唔好俾我再夾到魚！ 但係味道呢我覺得只係剛合格，同埋唔夠熱，不過呢個價錢真係超級抵囉 😜