老川皇

营业中

休息中

呢幾日熱到人都癲，要食返啲酸辣涼菜雖然見到好多人o係度打邊爐，但咁熱... 我同朋友決定狂叫涼拌菜食降溫尖椒皮蛋 $38少有黃色皮蛋，係溏心～ 正涼拌腐竹 $32朋友係腐竹迷，有腐竹 一定會試。 呢個腐竹好有四川風味，大概因為有濃濃ge花椒味，好似o係大陸食到ge味道！必食！涼拌茄子 $28個醬同尖椒皮蛋有d似，比想像中淡味口水雞 （例牌）$58在下係口水雞迷，見到一定叫！ 呢個口水雞係中上級，夠入味，辣椒味夠，唔會太鹹，唔錯～煙筍臘肉 $65又係風味菜，臘肉令我想起細個去貴州食過ge臘肉炒雜菌！ 有呢種風味，不過如果d筍唔好炒到咁熟，同埋無咁多油會更好重慶酸辣粉 $24酸味好重，要咗小辣，所以唔算辣。適合鍾意酸味重ge朋友四川擔擔面 $24開頭望到以為佢黎錯，咁似清湯，但原來撈勻咗，d花生味即刻滲曬出黎。d面望落好幼，但原來都幾彈牙

.四人套餐 $166 + 水煮魚 $55 (優惠只限下午6點前).登打士街真係出名多嘢食，行兩三步已經有大把餐廳揀，最怕唔係無餐廳，係揀唔到食邊間。今次食得辣嘅你有福啦，餐廳主打川菜，菜式唔係紅卜卜就係勁多辣椒，誓要你過足辣癮。.今次四個人去食叫左宮爆雞丁、鹽水鴨、香辣牛展同尖椒皮蛋。本身想試樟茶鴨但太好賣無得試，鹽水鴨好入味，當然樟茶鴨應該更佳。.水煮魚非常大份，有十大塊嘅魚肉，而且每一舊魚都煮得好嫩滑，但要小心魚骨。.曾經有一段時間訓練自己食辣嘢，我覺得自己去到譚仔叫3小辣已經好叻仔，但過一排無再練到，依家食少少辣嘢都胃痛⋯⋯話時話，咁樣叫四個人除開都係$55，飽肚之餘又實惠。.老川皇旺角登打士街32號歐美廣場1樓旺角砵蘭街114號地下佐敦吳松街45號地下.#explosion旺角#explosion佐敦#explosion九龍區#explosion中式

有次跟大班好友在board game遊戲室玩完，大家分道揚鑣以後，我倆見到附近的樓上鋪「老川皇」，突然心血來潮，在網絡上查一下這家餐廳，原來餐廳的拿手菜式「水煮魚塊」曾經獲獎，而這道菜亦是我倆喜歡的菜式之一，所以我們就直接來這邊吃吃看。我們來到的時間大概晚上八時，這時候等位的人也蠻多。即使是預訂了台的食客也好，我聽到他們說他們也等待了差不多三十分鐘，而我們大概等了四十分鐘吧，沒法子啦，想吃好吃的就要有耐性。 小店是蠻貼心的，在座位附近加入了小鐘，有需要的話，按一下這個小鐘就可以了，店員會自動跑來服務食客。 蒜泥白肉 ($56) 這是甚麼東東，放在面前的只有蒜泥，並沒有白肉。然而白肉被完全埋在蒜泥底下。先試一下白肉，它的肉味被蒜泥帶出，而且因蒜泥而帶來的陣陣刺激感更叫人又愛又恨，此外，它帶脂肪的部份更吃到帶點爽。這種感覺令人愛不釋口。再者底部充滿著滲入了辣油跟蒜味的窩荀絲，爽爽的口感令人愛上。 水煮魚片 ($132/斤) 另外就是這個主菜，一斤水煮魚片有足夠兩個人的份量有餘，原條魚上的感覺相當不俗。在滿佈辣椒的「紅海」之下，除了一塊又一塊的魚片，還有不少芽菜作為其中一道

叫左個烤鯇魚，鯇魚走過油，放在鍋上，材料有辣椒乾、蒜頭、小量花椒、青瓜、蒟蒻、莞茜、芽菜。叫了小辣，辣味好輕微，沒有什麼麻味，味道也不算特別。鯇魚多骨，煮耐了肉更嚡，不太建議用嚟做烤魚。小食卻有驚喜尖椒皮蛋好食，用了四川皮蛋，面頭的辣醬料寧舍開胃，香而不辣、又夠惹味。泡椒豬手也很爽口，豬皮爽口、筋位彈牙，隱約的微辣，佐酒一流呀。涼皮腍身，口感不是太吸引，唯獨醬料好惹味

這天和家人到了老川皇吃晚飯，餐點味道不錯。先點了一份醬爆腰花，即是豬腰的部位。廚師把豬腰處理得很好，夠爽滑。同時醬料調得剛好，相當入味，送飯一流。然後我們點了例牌份量的樟茶鴨，肉質較軟，帶有煙燻香氣和咸香。外皮則經過微微的烘烤，帶有香脆的口感。我和家人分別點了木瓜和芒果珍珠奶茶，這杯是木瓜珍珠奶茶。喝下去有淡淡的木瓜香，珍珠較硬身，十分香甜。而芒果珍珠奶茶亦有芒果香氣，珍珠口感不錯，亦是香甜之選。

平時和吃辣的朋友都會去吃老川皇，貪她地點方便而且味道也不錯。今晚又來到，就點些平時不怎麼吃的吧！四川涼麵$24這個是我喜歡吃的！充滿蛋香和鹼水的麵條，配上麻辣的醬汁，夠惹味。四川擔擔麵$24這個是十分普通... 沒什麼味道，不會再點的了。干鍋田雞$98這個好吃呢！炒得十分乾身，配上一大鍋辣椒，配酒來吃就一流。胡椒豬肚雞$138這個的湯可不要錯過啊！雞肉和豬肚的份量都多。而且雞肉肉質夠嫩滑，不禁一塊塊的吃。吃這個用作暖身的確是不錯之選！菜式選擇太多了，下次再來試試其他。

口痕想食下刺激性既食物，不過唔係好食得辣，好在有得揀辣度。於是叫左三個餸。爆炒雞軟骨(最小既辣)雞軟骨表面Feel唔到辣，但一咬落去d油唧番出黎就feel到一開頭既無知，口腔即刻充滿著辣味。官爆雞丁(唔辣)呢個揀左唔辣本身驚佢冇味，點知原來甜甜地。花生淋左諗住唔好食，但甜甜地又淋左既花生反而有另一番既惹味。麻婆豆腐(最小既辣)雖然最小既辣度，但係都感受到果種麻辣既麻痺感，奇怪在於竟然冇肉淨係得豆腐，撈飯果種冇左肉碎既陪伴變左有成道菜有d寡，所以加返D肉碎就更佳。一路食辣野一路飲番涼茶下下火。每張枱都有個禁俾你召喚店員，唔怕太熱鬧揮極手都冇人理。

呢間既川菜夠哂獲氣，位置亦好方便，岩哂約朋友食。水煮魚片 ($132)魚片好嫩滑，份量亦唔少架。汁就好夠香辣，但略為麻香唔夠。底下既芽菜索哂辣汁好香口。四川涼麵份量好抵食。麵條撈上辣汁，辣味香口。不過好油身。

一向同老公喜愛食川菜，又麻又辣就最合心水，之前見朋友食「老川皇」，睇相好似好吸引，而且仲有我最愛嘅口水雞，所以就跟老公一齊去試下。餐廳位置在登打士街一商廈裏，店內空間闊落，裝修簡潔。餐牌選擇多，又小菜又四川麻辣鍋等等，lunch 仲有午市套餐，價錢仲相當便宜，所以我地揀咗2個餐再加幾款小吃。爽口小木耳小木耳加上辣椒黑醋等醬料調味，味道酸酸辣辣，非常適合作開胃小食。涼拌牛肚牛肚爽脆鮮嫩，配上又麻又辣嘅四川醬汁，滋味到爆呀！蒜泥白肉蒜泥香味遠遠都可以聞到，蒜泥下面鋪上豬腩片，青瓜絲，所有食材一同放入口中，口感又爽脆又鮮美，濃濃嘅蒜香包圍住整個口腔內。口水雞餐紅紅嘅口水雞汁浸著鮮嫰雞件，雞肉麻香撲鼻，口感刺激，配上白飯簡直一絕。夫妻肺片餐牛肚，肺片每件都切到好薄身方便沾上麻辣醬汁，味道麻麻辣辣，又夠爽囗，令人食唔停口。短期內我一定會再黎試其他麻辣菜式，份量唔算大，方便可以叫多些款式，而且味道仲真的很不錯呢！

晚上的老川皇好熱鬧，但職員依然不失耐性，努力地解答我的問題。菜式大多也是辣的，我全要了小辣，先叫了兩個小菜。涼拌筝絲十分爽脆，除了辣之外還帶點一種獨特的味道，有趣的是吃到最後，夾到浸在有辣椒的湯水中的筝絲時反而不覺得辣了。是因為舌頭已經習慣了這種辣嗎？干魷魚是已燒好的魷魚，第一次吃原隻烤魷魚，而不是魷魚鬚。表習灑上了辣椒粉，更加香。口感則有點韌。鐵板水晶粉剛上桌時鐵板還在滋滋作響呢！份量超夠，面條好彈牙，可惜有點油。四川擔擔面超抵吃，才24元就有如此大的一碗面，令人驚訝的竟是粉而不是面，但這也令這碗擔擔面和外面的擔擔面顯得與別不同，令我留下深刻的印象。可是，和前面的水晶粉比，這碗擔擔面就顯得有點普通了。金銀饅頭金饅頭是炸過的，銀饅頭就是蒸的，夾雜著吃，相映成趣。金饅頭不會炸得好油，再點上又甜又濃郁的奶油，好正! 小巧的一口饅頭，用來當作飯後小吃簡直一絕! 香芋珍珠奶茶的香芋真的好香濃。柑桔青寧蜜酸酸甜甜的柑桔味頗重，有助去今餐的油膩，又幫到我解辣。總結來說，老川皇比較便宜親民又不會太辣 辣到放不進口的川菜選擇。

※本文以用餐當日的環境、服務和食物質素為準，口味亦因人而異，文章只作參考之用。 -是晚終於去左同事一直推介的老川皇，餐廳環境很闊落，也安排我地坐四人的卡位，服務上也是滿不錯的。老川皇除左食川菜外，仲有得食串燒、烤魚和重慶火鍋，認真花多眼亂！(餐牌在文末)聽同事話餐廳既鮮榨果汁好飲，所以就叫左雪梨檸檬 $20 和蘋果紅蘿蔔汁 $22 各一。果汁即叫即榨，款式配搭多，總比飲汽水好吧！兩杯果汁飲落好清新，清甜的雪梨汁解辣不錯，反而檸檬味不明顯；蘋果紅蘿蔔汁的蘋果味較重，紅蘿蔔的味道也很易入口，連很怕紅蘿蔔味的小妹都接受到，滿好飲的。蒜泥白肉 $56白肉上鋪了滿滿的蒜泥，食落很惹味！底下伴有爽脆的青瓜絲可以清清味蕾。飄香辣子雞 $92餐牌上的有分辣子雞和飄香辣子雞兩款，後者價錢貴$6，詢問下原來前者係有骨的，後者就無骨，當然揀無骨就食得最方便。另外店員推介我地食小辣 （本身要bb辣），果然食落唔太辣。雞件用上雞髀肉，每件小小一塊都炸得很香酥，配埋大量花椒和指天椒，麻麻辣辣的，唔會太辣又十分惹味！水煮牛肉 $152 （薯粉另加$22）同事有推介佢地既水煮系列，所以就叫左水煮牛，初時仲以為底下會有

由於怕辣，平時其實好少食川菜。不過今日個friend約我食老川皇，話呢度啲嘢食辣又得，唔辣又得，好flexible，咁就一於陪佢食餐川菜啦。由佢帶路，我哋嚟咗呢個我平時成日經過但都冇入過黎嘅商場。上到餐廳，又幾濶落喎。老友話呢度夜晚可以打邊爐，又有得食串燒，都幾熱鬧。不過，可能因為午市嘅關係，我哋上到去嘅時候就唔係好多人。呢度嘅午市套餐非常抵食，幾十蚊就有交易。我叫左個走辣嘅酸菜魚一個$55嘅餐竟然已經有一大鍋酸菜魚加一碗白飯，超抵食。講返味道，真係一啲都唔辣，鹹鹹酸酸咁幾好味。魚肉用嘅係大頭魚，肉質細嫩偏腍，唔算多骨。雖然一啲都唔辣，但我都叫咗杯解辣一流嘅凍檸賓，大大杯，一路傾計一路慢慢飮。$30就有一碟小木耳，咁當然唔可以錯過啦。呢啲小食有少少辣，香茜、蒜頭、辣椒嘅味道混在一起其實都幾好食，加上好鍾意食爽口嘅小木耳，唯有一路食一路飲凍檸賓鍾意食辣嘢嘅佢就叫咗泡椒雞丁，嘩，勁多辣椒！佢話其實都唔係好辣，不過雞肉切得細細粒都幾入味！佢話除咗啲雞粒好味，配料都幾好食，我見佢差唔多食晒成碟雞丁入面嘅花生！佢叫咗杯雪梨汁，味道好清新，消暑一流呢間餐廳都唔錯，可以滿足到好鍾意食辣同埋好唔食得辣

我呢個無辣不歡嘅人，終於搵到幾個知己，所以就約埋一齊去尋辣之旅喇~其中一個辣友推介呢間麻辣川菜，所以我地一放工就即刻衝去攞位，睇落餐廳都好似幾爆，不過好彩我地早人一步，快就有位坐~我地四個人就坐卡位，方便我地暢所欲言啊! 一坐低就可以聞到四方八面傳黎嘅辣椒味，所以事不易遲，即刻睇下菜單食咩好~第一道菜係四川涼麵，麵條同一般嘅油麵有啲相似，唔係好有彈性，相反係比較有少少韌，再拌勻麻辣醬，而配料都幾簡單，只係用咗蔥花同花生粒，我就覺得麻味就唔錯，但係可以再辣多少少，同埋有啲單調，好彩唔係好大碗，所一人幾啖就食完下一道黎嘅係涼拌萵笋絲，驟眼有啲油膩，但係涼涼同爽脆嘅萵笋絲減少咗油膩感，比起涼麵，呢個涼拌小食更加麻辣，加上爽口嘅質感，令係我停唔到，不停夾黎食~第三道菜係飄香辣子雞，同普通辣子雞嘅分別就係在於呢個係無骨嘅，眾多嘅紅椒中，可以搵到一粒粒炸雞肉，最好連埋啲花椒一齊，麻麻刺激嘅味道真係幾好，送白飯就一流，而且除咗辣味之外，仲一陣微酸的味道，因為呢到仲加入咗檸檬汁，相信係想減低油膩嘅感覺，不過略厭重手咗少少跟住另一個麵就到喇，就係為人熟悉嘅酸辣粉，半透明嘅粉比薯粉較軟身，輕輕就可以咬開，

之前去過佢地鋪分店，一直以來念念不忘佢既串燒。今日難得晚飯約左嗜辣既朋友仔，就帶佢去試下呢個風味既川菜！今次為左坐得舒舒服服就去左佢地歐美廣場分店。我地8點去到都算遲，但仍然要等位，可想而之係有幾咁出名！坐低就叫左朋友至愛既串燒，我地嗌左墨魚咀，雞腎，雞皮，雞亦，牛舌同貴妃蚌。。串燒可選辣或不辣，更有就咁蒜蓉各樣，真係風味十足。貴妃蚌尤其新鮮，咬下去比d汁燙親個口，大家吃既時候小心。我朋友是茄子控，佢成條食話茄子好香好大條，抵食之選。我地叫左個辣子軟殻蟹，炸得很香，亦沒有臭油膩味，整碟雖然都係辣椒但都不會太辣，軟殻蟹都食極都仲有！酸辣粉是我的最愛！呢個酸辣度岩岩好！呢個涼拌皮蛋係我食過最好味既一次！橙汁亦係鮮榨，絕不馬夫！呢度真係又平又大份又好吃，下次要再來食下酸菜魚嗰d！

已經黎左食好多次，食身夠惹味！辣子肥腸，每次黎都要食！炸得好食，夠味涼拌腐竹好味鴨舌一般涼拌（缺）菜就唔好食土匪豬肝好好味，又唔會煮過頭變硬, 好夠味仲叫左個魚雜但冇影相，入面其實係魚子，好夠味口水雞雖然係有冰鮮雞味但個啲辣油夠味，食落去都幾好味。呢度啲台式飲品都幾好味，珍珠係甜