老川皇

营业中

休息中

今天約了舊同事食飯，由於唔知食咩好所以先約定潮流特區集合。見面後有朋友想食辣野，於是就OpenRice 一下，發現一間較為人氣的川菜—老川皇，看她評語不錯，所以決定一試。我們一行4人在沒有預約情況下到達，發現已有2,3張要輪候，好在不到十分鐘已被服務員10分友善地安排入座。順便一提，室內環境10分清潔，擺脫了以往川菜店內環境都會有油油的感覺。👍👍🏻👍🏾因為我們4人都愛重口味，所以我們選了較為辣的菜色。先來水煮魚$138/斤，我們要了一斤中辣的，魚肉夠滑，骨不多，容易入口。蒜泥白肉$58蒜味夠濃，夠辛，與豬腩肉成強烈對比。perfect match。干鍋田雞$98明火鐵鍋上菜，能夠保持溫度，干鍋一定要明火先好食。田雞肉嫩夠鑊氣，如果田雞切大舊d就好喇，真係好正！推介！搶炒土豆絲$58食辣野必叫菜式，完全食到師傅功架。土豆絲口感較爽，少許咸同辣味。一個字夠鑊氣，係3個字先啱。😂

今日去左個感覺舊舊的老川皇食辣野。喺登打士街個歐美廣場 二樓, 都有成層, 地方好大。一心黎到就係要食辣野, 所以叫左個辣雞煲。滾滾的瓦煲上枱, 香氣撲鼻。雞切得比較細, 雖然方便進食但滿足感就大減。唔夠麻辣,都好惹味又多配菜。泡椒雞腳-冷盤, 唔算辣, 不過好爽脆, 小食黎講係停不了口的。牛栢葉-呢個牛柏葉就夠辣,夠刺激喇。明顯輕輕灼過再撈辣汁, 入曬味, 又係爽口涼伴小食, 爭在多左D 芫荽。這個是黃金蝦, 蝦明顯炸到卜卜脆再炒咸蛋, 成隻可以食曬, 還有輕輕帶一點咸魚香。總括黎講這一餐一定可以用個"抵" 字來形容, Lunch 的雞煲同小食 餐都只係$48-58左右, 有跟白飯同飲品, 叫多幾款都唔肉赤。

話說小胖男友超級鐘意食辣🌶無辣不歡 所以今次小妹專登同佢去左出名食辣既老川皇開餐星期五晚多人到呢就算一早book左位 都要等左陣先有位 入到去全場爆晒棚 原來香港地真係有咁多人鐘意食辣四川涼麵 (辣度: 🌶🌶🌶)唔好睇呢個涼面平平無奇 其實真係幾辣下麵如其名 呢個涼麵食落清涼爽口 食得出有麻油既香味同辣油既惹味 加埋啲蔥同花生 真係好開胃同滋味 鍾意食拌麵的話 一定要試下小妹大病初癒 唔敢食太辣 但小胖男友又想食得盡興d 所以串燒我地分開左落單重慶風味燒羊架 鮑魚 貴妃蚌 (辣度: 中辣 🌶🌶)小妹冇食到 唔知中辣有幾辣 不過聽小胖男友講個羊架夠晒入味同燒得好香燒牛仔骨 粟米 鮑魚 貴妃蚌 (辣度: 走辣)其實除左大,中,小辣,特辣,麻辣,走辣外 仲可以揀蜜糖燒 不過小妹就覺得燒海鮮都係原汁原味最正鐵板茄子(辣度: 🌶)呢個未坐低時已經見到好多人叫 聞到香噴噴 好想食茄子中間原來釀左魚肉?豬肉? 雖然小妹唔夠嘴刁食唔出係咩肉 不過食落好彈牙 茄子皮脆肉軟 個汁熱得黎又辣辣地 好惹味小胖男友已經講定話下次黎要試下水煮系列

無辣不歡嘅我，係要定時定後，一個星期都要食一次嘅四川菜今日嚟到歐美廣場2樓，呢間老川皇!!!係我呢個幾過多次嘅一間餐廳，今次特登寫食評黎讚揚佢地先首先我同男朋友都每人叫左一個午餐🥣我就食咗個口水雞套餐😍😍而我男朋友就叫左酸菜魚午餐價錢超級便宜 只係$48同$55岩哂附近番工既打工仔雖然價錢便宜但係份量都唔少係咪好surprising 呢竟然咁平就叫多幾樣試下啦呢個係椒鹽軟殻蟹嘩好多好多， 2個人都食唔哂炸得香脆可口 但係食完要飲番杯涼茶哦仲有呢個小食 叫川北涼粉我本身未食過 但質感好似粗身河粉上面有好多辣醬 如果食唔到辣就先拎開先哦😘😘

**好鐘意食店既餐牌圖文並茂，真係睇到都增加食慾，依到食物種類款式都幾多，而且價錢重好抵食！！！**炒四季豆，炒得好有鑊氣，好野味！！！ **鮮椒水煮魚，上到枱都好夠熱，個陣香味好持久，辣就唔算好辣，不過其實辣依樣野好講個人既承受程度，水煮魚主角其實唔只係魚，如果無左d調味成窩野就失色啦，魚塊幾乎無骨既，好嫩滑，好好味！！！**涼伴牛柏葉，口感好爽，微微麻辣，好開胃**鳳爪味道較為偏淡。• 老川皇• 旺角登打士街32號歐美廣場1樓

川菜，對於唔食辣既我黎講，甚少接觸⋯朋友想食～硬着頭皮陪佢食緊有啲野唔太辣既，八點幾去到，好多人排隊，好彩朋友卜左位，等左五分鐘就有位喇，經過每一張枱，只見到紅紅辣椒🌶️...每張枱相隔有距離，不會太迫。野食可㨂辣度，我地叫左小辣，侍應話唔夠辣可以再加～尖椒皮蛋晶凝通透既蛋皮蛋，蛋黃流心醬好香濃既辣椒香，唔係死辣....分量挺多辣子雞上枱～嘩...紅到呢，未食已經嗅到好香，以為好辣既時候，食落又ok 喎！麻多於辣，雞炸到乾身、香脆，每件雞都好入味，越食越過癮。不過雞件比較細，唔能夠啖啖肉。酸菜桂花魚叫左個保証唔辣既酸菜魚，侍應介紹桂花魚比較小骨，分量一樣多，每片魚塊都好滑，酸菜湯好開胃。唔知係咪太多人，鋪頭比較嘈，想傾計就要講到大大聲先聽到🙈

今晚一行三人來左老川皇食晚飯，上到來見到門口已經有好多人等緊位，最後我地等左20-30分鐘就有得入去食原來呢度除左辣嘢，仲有重慶燒烤燒茄子好正，平時食茄子其實無乜味，但佢加左辣粉係面，成件事即刻唔同左尖椒皮蛋呢隻皮蛋唔同平時黑色個隻，上網睇過呢隻係松花皮蛋，我第一次食咋叫左碗重慶酸辣粉share，中辣唔算辣，呢隻圓身既薯粉係最好食干煸四季豆雖然有🌶，但其實唔辣既，炒得好乾身，有小小欖菜係入面辣子🐔來到已經好香，🌶多過🐔，🐔比較細粒同有骨，但以前食過辣子🐔係雞塊，反而就無呢個甘惹味，食落麻多過辣水煮牛肉叫左小🌶，牛肉滑身，大豆芽+埋d🌶汁食如果鐘意食🌶，可以直頭叫大🌶吧酸菜🐟見有3款🐟揀，就問下邊隻無甘多骨，店員介紹桂花🐟，真係無介紹錯，🐟只有大骨，食個陣唔洗甘辛苦，同埋呢個🐟好滑身，酸度岩岩好，我地連個湯都飲埋叫左7樣嘢埋單都係6百幾蚊，又幾抵wor

兩個人7:30 左右黎食,入到去9成滿,但剛好又有最後一張雙人位。木瓜珍珠奶:一點點木瓜味,珍珠唔甲同埋無奶味樟木鴨:陣味好似煙肉味,比左好多骨位我地無特別~全都是雞翼:就係雞翼加左辣粉,就係錦,食粉多過食肉之士腸,次士BALL同埋金姑肥牛,金姑:其實都係同一隻辣粉味,無特別吹左兩次先到,叫小辣都好開心啦~但係酸魚太多骨,食到唔想再食~今次既野食好一般,唔會再去了~

下班好心情同朋友去吃飯，五點半落單三個菜，六點十分為止只來了一個冷麵⋯⋯期間廚房出了很多菜，最後連廚房工作人員自己的晚飯都做好，員工坐下吃飯了，我們的菜也沒有！！我們多次提醒，並表明想要結單離開，服務員則多次推託說要做了，說給別桌的只是涼菜(明明是炒菜)，說烤魚需要時間(那茄子炒豆角又需要多久？)，但最後也沒有菜上來。氣憤離場時，服務員還口氣輕飄飄的說因為你們不等啦⋯⋯無法理解餐廳的廚師把自己的伙食放在客人之前。可以理解偶爾的疏忽，但是不斷狡辯並且不付諸行動解決問題的態度，實在是無法原諒。再也不會光顧這家店，也希望其他準備去的顧客三思而行。

夜晚7點幾黎到，一入到黎聞到陣陣香辣味。炸饅頭細細粒但好多粒，脆脆地，但未去到好脆，如果再脆啲更好。燒茄子🍆調味粉好香好好味，蒜蓉好足。宮爆雞丁好大碟，好足料，唔會話得幾夠雞。嫩嫩雞肉配脆口花生，辣辣地，好惹味。😋蔥爆牛肉香蔥味濃，牛肉有嫩滑口感。即柞芒果奶昔芒果味濃，甜甜地，都Ok。🔸大部分野食都好唔錯，可能我地都鐘意食濃味野食👍🏻👍🏻👍🏻👍🏻🔸座位空礦好舒服🔸提供wifi

今日同朋友打算到旺角覓食上openrice search到呢間”老川皇”見到有拎過獎 亦有頗多好評就決定食呢間 8點幾打過去問洗唔洗訂位店員話有位當我地去到既時候 店員叫我地拎飛先拎完飛我地諗住係店內等候店員同我地講:出去等 (語氣不友善)朋友問要等幾耐 佢話要等兩張枱當時我地心諗又話有位唔洗等😑咁算啦 一場來到等下冇所謂入座後 落單叫左三碟餸 分別係:酸菜桂花魚(斤)、干煸四季豆、酸菜肥腸我地大約係21:09落完單21:25 店員上左一鍋酸菜田雞比我地我地呆左呆 然後同佢講我地冇嗌呢個佢一臉唔相信咁講左句:下 冇嗌咩 之後就拎走轉個頭再黎同我地講其實酸菜田雞好好食架問題係我地都唔打算係度田雞 同埋我地點既係酸菜魚 並不是田雞😑過多陣就上左四季豆同肥腸比我地先講四季豆 味道一般 就係普通既干煸四季豆但豆既頭尾正常唔會食既位佢冇切走酸菜肥腸 佢所謂既酸菜一啲都唔酸 好似咸菜 成碟野都好咸 好岩送飯食當我地食哂呢兩碟野 想埋單既時候21:45先上酸菜魚 太離譜 等左差唔多半個鐘先有得食夾起啲魚就即刻聞到臭臭地有陣腥味 完全唔似真正既酸菜魚 真係好恐怖 腥到食左一啖已經吐返出黎以後唔會再幫襯

第一次見呢間野個名，感覺野食應該幾正，睇埋食評有甘多好評，一於去試下。但食後感只有兩個字:難食本身自己吾系話好食得辣，但全部小菜都系嗌中辣，結果系小小辣都冇，極失望叫左4個小菜，紅油豬耳食落味道怪異，吾識形容，完全吾知食緊乜，跟住個辣子雞擺上台後，完全系考眼力，啲雞粒又小又碎，成碟都系辣椒乾，比例九比一水煮魚片極多骨，系其他地方食過系啖啖肉成餐最為好食一定系個四季豆，甘都整得難食既話，真系吾知講乜食後覺得吾系啲人講既甘，相差極遠，系咪打手黎？第一次打食評就比左呢間野，因為真系好很難食😵😵😵

聽朋友說《老川皇》小炒及水煮魚很美味，於是帶著朋友到此挑戰一下！ 地點距離油麻地地鐵站登打士街出口，再步行約5分鐘。 環境清潔，地方開揚也有梳化座辛好早點到了5分鐘，後面的食客都開始排隊了 孜然羊肉 HKD 92 難得我們都喜愛羊肉，於是點了孜然羊肉。滿滿孜然粉絕不稀場，羊有咬口，只有輕輕蘇味，可以接受。雖然看見很多辣椒，但仍是小許辣，不會太刺口。 水煮生魚片 HKD 38 紅卜卜色的看似非常辣，吃了一口魚後，下次知道要大辣了，應該是我昇華了吧。 鍋內有大量芽菜 及雪白不鞋的魚片。

呢間餐廳位置唔係大街，以為會冇乜人會去，點知估計錯誤，一到去超級多人，我地要等一陣先有位坐！但好處係唔需要同人搭枱食，感覺唔駛就住就住。打開menu，價錢合理，但由於朋友前幾日唔舒服，我地都唔敢order太辣 o既o野食，只係點ｏ左皮蛋，口水雞，酸辣粉同埋四川拌麵，朋友唔係好舒服既關係，佢order 左一支水，而我就order一杯檸檬雪梨汁，本身以為普普通通一杯，估唔到最驚喜係佢！佢唔係用果汁左溝右溝嘅果汁，係用雪梨即榨加新鮮檸檬，當我篤完ｄ檸檬，陣味同雪梨竟然好match…呢杯o野飲大家可以一試!!! 冇幾耐其他o野都已經到，酸辣粉好重口味，酸味好重，好開胃!!!四川拌麵好大碟，好抵食，而且只係＋＄６，ｄ牛𦟌份量好多！口水雞都相當推介，夠滑夠嫰，一ｄ都唔鞋口！由於我地覺得D野食真係幾正宗，而且價錢唔貴，所以我地就叫多o左碟涼拌豬肚，呢碟真係冇叫錯，好入味，好快就俾我地清唒！其實如果唔係朋友唔舒服，我地係想叫水煮魚，因為眼見好多張枱都有order…呢間餐廳唔係好貴，但服務質素好好….侍應唔會催落單，我叫酸辣粉同埋涼拌麵時，由於唔太清楚加配料價錢，佢會幫我用機 check，然後再 con

多人一齊食lunch嘅好處就係可以叫多幾款小菜share嚟食✌🏻6個人叫左個4人餐 $166 (任揀4款小菜，跟飯，送青菜)、酸菜魚$55、平煸四季豆$45🥢爽口小木耳：估唔到份量幾多，加埋d莧茜同酸辣汁好香好清新🥢蔥爆牛肉：牛肉爽口彈牙，蔥個衣有少少韌都尚可接受🥢口水雞：d雞件好薄身唔多肉食，不過幸好肉質算嫩同都幾入味🥢蒜泥白肉：蒜泥多到鋪滿曬個面，畫面震撼，而且撈埋啲辣椒籽非常惹味，其實已經食唔出啲肉味不過淨係用啲蒜泥撈飯都已經好滿足🤣🥢酸菜魚：酸菜好香，魚肉吸曬個酸菜湯底好正；肉質好滑，不過都幾多骨，食嗰陣要好小心另外佢地d小菜可以揀辣度，我地要左小辣，食開譚仔10小嘅同事覺得啱啱好，我自己就想再挑戰中辣🤪