老川皇

营业中

休息中

旺角📍一向鍾情於食 #川菜 嘅我，又點可以唔試吓呢間 #老川皇 🌶 淨係#旺角 同一已經有兩間分店📍~*~*~*~*~*~*~*~*~*~*~*~*~*~*~*⭐️酸菜魚🐟 $132 (2人份量) 食川菜點可以點唔食 #酸菜魚 !每一間都有自獨特嘅味道同烹調方式，亦都會落唔同嘅配菜。呢一間味道偏酸，配菜不多，但係如果唔食得太辣同偏愛清淡嘅朋友，可以試吓小辣，味道比較清甜👌🏻 同埋建議唔識食骨嘅朋友記住點 #酸菜桂花魚 會少啲骨✅~*~*~*~*~*~*~*~*~*~*~*~*~*~*~*⭐️ 孜然羊肉🐏 $92 個人認為送飯食很不錯喔！好香口! 🈵~*~*~*~*~*~*~*~*~*~*~*~*~*~*~*⭐️酸辣粉🍜 中 $26 🌶都唔算太🌶 ！如果有食開譚仔，我覺得呢度嘅中🌶就等於譚仔嘅四小🌶 ~*~*~*~*~*~*~*~*~*~*~*~*~*~*~*⭐️金銀饅頭$30 🥢一碟有半打，一半蒸一半炸💥兩個人都食得晒，因為佢啲size係Mini size😆食辣野有啲 #煉奶 中和一下都係一個不錯的選擇💡~*~*~*~*~*~*~*~*~*~*~*~*~*~*~*🌟Overall scores

我地入去果陣都仲有位，點知過一陣就坐爆哂，都幾多人黎食我地今次試左酸菜魚，再叫白飯加幾串串燒，兩個人食已經夠飽酸菜魚我地叫左桂花魚，幾滑冇乜細骨，好好食，但我原本expect 可以酸d, 如果再酸d就perfect啦，但整體黎講幾好食，不過再黎既過應該會叫水煮魚/花椒，因為當食左一半之後覺得有d單調，食辣既人會覺得有辣應該好食d串燒幾抵食，幾蚊至十幾蚊一串，雞全翼唔錯，但魷魚同雞軟骨好細舊，有d失望😞

老川皇 一向都有好評 自己都食過幾次鐘意佢多款式選擇又合理價錢又好味8pm 仲見到好多人排隊 環境都算幾大，但都爆場服務員好有禮貌效率快等了一陣就有位了。這裡菜式種類相當多我點了個 水煮魚 有3個辣可選 泡辣田雞同埋麻辣萵筍 魚選了大辣 上菜時間很快 水煮魚 份量好夠 魚好鮮美相當唔錯又滑又嫩辛辣汁用黎送飯一流田雞呢 相當可口辣味剛剛好份量好足 而且田雞腳好肥美啖啖肉麻辣萵筍食落好爽好脆 一絲絲萵筍能更加索到麻辣味最後飲左杯蕃石榴加蘋果汁係即叫即新鮮榨意想唔到咁好飲總括味道相當不錯 下次會再約多d朋友去去 可以再試更多款式

呢間專食川菜既旺角樓上舖位置唔算係鬧市中心，但都超多人等位🙈佢樣樣份量都好足好抵食，好岩大班人黎食～呢排腸胃麻麻，明明係川菜但我地全部都叫左走辣，結果味道都幾好😆•🐟酸菜鱸魚（$192/斤）本身諗住要桂花魚，侍應推薦我地走辣既話叫鱸魚會比較好冇咁腥，真係唔腥，魚片幾滑，食時要小心有骨🦴雖然叫左走辣，但入面有泡椒所以都有少少辣🌶呢度份量好多，性價比勁高～•🐉干鍋黃鱔（$112）成個干鍋咁上，下面有火熱住，個黃鱔堅正，愈煮愈入味，連唔辣都咁惹味，又香又彈牙，仲有份量多到兩人食極都食唔完！•🐷薑蔥炒豬肝（$78）豬肝（豬潤）又係份量勁多，我覺得3個人都夠食，薑蔥味好夾，好味，不過都幾油～•🍆魚香茄子（$65）煮得好腍好入味，個人覺得偏酸左少少，如果唔走辣可能更好食～•🍎蘋果奇異果🥝（$22）幾新鮮解渴，唔錯唔錯～————————————（5⭐️滿分，💫為半分）整體環境：⭐️⭐️💫味道：⭐️⭐️⭐️⭐️服務：⭐️⭐️⭐️⭐️性價比：⭐️⭐️⭐️⭐️⭐️回頭指數：⭐️⭐️⭐️⭐️————————————

依間位於油麻地鬧市，餐廳要上兩層，一上到去門口已經好多人排緊隊，感覺相當出名！我哋等咗大概15分鐘就有位！餐廳食材選擇相當豐富有點似大排檔食小炒咁！酸菜鱸魚 每次食川菜都會試吓佢嘅酸菜魚，好似已經變成一種習慣！今次依個酸菜魚我哋叫咗唔辣嘅，原本我哋叫桂花魚但係點菜姐姐話如果唔辣怕會有腥味，所以就叫咗鱸魚，不過唔緊要反正在國內網食店食嘅酸菜魚都係大多數用鱸魚做的！呢個酸菜魚分量非常多，而鱸魚亦很嫩滑，值得一試！干鍋黃鱔 我同女朋友都好鍾意食鱔，而依個黃鱔分量非常多，而且好好味！薑蔥炒豬肝 依個菜又係分量非常多，豬肝配搭薑蔥一起食可以好好送飯呢！魚香茄子 依個同出邊嘅做法有少少唔同，係有少少酸嘅總括嚟講呢間餐廳份量非常足夠，兩個人黎食基本上食兩至三個餸已經足夠，所以更適合一大班朋友嚟！

小弟一向喜歡食辣，今日放假同朋友去開油麻地經過這間川菜就入去試下。我地兩個人叫左一客酸菜生魚片同涼拌牛肚，仲有兩碗白飯。個涼拌牛肚係涼菜，我地只係叫左小辣，所以真係唔係好夠辣，但咁樣反而令我地好食得出個麻味，食得出餐廳係有用心整個醬汁。而個酸菜生魚片的魚片好新鮮同滑，個人相當驚喜。個湯底雖然望落比較淡色，但其實好入味，雖然唔算好辣（我叫左中辣都唔係好夠，食得辣的朋友應該要叫大辣），但清得來幾好飲，不過你要食好辣的川菜就會有小小失望，可能要㨂其他菜式。

👭老川皇 (旺角)👭1⃣水煮牛肉餐 (午餐跟白飯) $58簡左小辣既水煮牛肉食落有辣椒油既香味，食完個咀小小麻😋牛肉好嫩滑😍可惜分量唔多，一份大約得8-10塊牛肉，兩人share就要爭下啦😂底層好多芽菜，所以食到最尾感覺好油，一定要配飯同飲野解膩！2⃣涼拌萵笋絲 $30凍食既萵筍絲好爽脆❤即使萵笋浸係辣椒油入面，38都食到萵笋既香甜，而且萵笋絲好掛汁！38十分推介😋👍🏻3⃣口水雞餐 (午餐跟白飯) $48老川皇既口水雞係凍食既，賣相係不錯👍🏻估唔到細細碟但份量都多，每件雞肉都比香辣既紅油包裹住❤但失望在於雞件骨多肉少😵可能係38黑仔遇到隻減肥雞啦🥺4⃣蜂蜜檸檬柚子茶(凍) 跟餐加$10一杯極為普通嘅飲品，似係濃縮劑加熱水配多片檸檬。上枱前再加冰變凍飲，可叫可不叫🤔推薦度：7/10🏠旺角登打士街32號歐美廣場1樓🕐12:00noon-3:00am

朋友口痕痕想在旺角食川菜，我突然想起登打士街歐美廣場這邊有間樓上的川菜，有次坐電梯打開門的那一瞬間傳來陣陣香味，於是就帶朋友來一探究竟。只是中午，又未至於想食水煮魚那類heavy的菜式，就由午市套餐ABC類入手，叫了兩個小菜(跟飯)及一個涼拌菜。涼拌萵笋絲：醬汁有落少少醋，微酸，辣油夠香，叫醒了我們的味蕾！萵笋切得好幼身，夠爽口，廚師好刀工！宮爆雞丁：叫了小辣，皆因朋友是喜歡食辣但又怕好辣(難服侍😝)，他滿意這個辣度及味道，用匙羹筆完一次又一次，不停說好送飯呀、呢個好味呀😋！哈哈！樟茶鴨：唔係太多人知有呢個菜式，香港的川菜館也不常見，見呢度有就試下！這不是辣的，而是有煙燻香味，鴨肉不騷，味道彷彿跟在四川吃到的一樣！太感動了，就是這種風味！座位夠闊，坐得舒服，值得一提是每個卡位都有個按鈴，可以輕鬆呼喚店員！午市的一個小菜加個飯都係$50有找，味道又不錯，抵食過茶餐廳啦！我應該會變成這裡的常客😌

老川皇，一聽個名就覺得係川菜老手，間舖係歐美廣場都好多年架啦，佢嘅午市套餐非常抵食，想刺激一下味蕾嘅不妨試試呀！涼拌土豆絲（$30）薯仔絲切得好幼細，食落爽口，味道酸酸辣辣，好開胃呀！蒜泥白肉 跟飯（$48）真係只見蒜泥不見其肉d蒜多到呢真係有d意外，但其實下面都有好多肉嘅，而且都大大塊，仲有d青瓜絲。中意食蒜嘅人一定會大愛呢個，但食完真係唔敢同人講野樟茶鴨 跟飯（$48）鴨肉偏瘦但一d都唔韌，皮脆肉嫩煙燻味幾重，咸咸香香，用黎送酒唔錯尖椒皮蛋（$32）好奇怪d皮蛋金黃色嘅？平時食開嘅皮蛋黑黑灰灰架嘛！原來呢隻係川式皮蛋，食落阿摩尼亞味少d，口感又彈牙d，都唔錯呀手拍青瓜（$30）可以睇得出青瓜真係手拍唔係手切手拍可以令青瓜更加爽口入味，所以更加好食！留意返老川皇係做正宗重慶川菜嘅，所以d野食都真係幾辣架！如果唔係太食得辣，記得叫小辣啦！

次次想食辣都會即刻諗起老川皇，味道好，價錢抵，夠大碟，又多款式，有小菜，火鍋，串燒，真係無得輸。大熱推介炸饅頭，新鮮熱辣炸出來配煉奶先$30蚊，抵！仲有必食推介花椒魚！超多魚，魚超滑！湯底酸辣仲有萵筍片同酸蘿蔔，份量都唔少，而且只係$132！！邊到搵？仲叫左麻辣牛肚，牛肚切得好薄，所以十分入味！點都要點個菜而每一次都點干煸四季豆，因為太好味又大碟！每款小菜都可以揀辣度，十分體貼。職員效率好高又有禮貌。鐘意食辣又喺旺角覓食嘅朋友，尼間真係不二之選！

坐左系個較偏既位，個場都大同嘈，好難叫到店員黎，好彩有鐘仔，一按就即刻有人黎。【樟茶鴨】$98/半隻食落有一股香味，有D似煙肉味，肉質細嫩，味道鹹香。鴨吾系好大隻好多肉，勝在外皮烤到好香脆郤不乾硬。【干鍋肥腸】$90色澤紅亮，咸鮮辣香，肥腸不老不嫩，但切到好細碎，食得吾太過癮。鍋底勁多油，似油浸肥腸多d。【鐵板水晶粉】$70食親川菜都會叫呢個，鐵板底鋪左層蛋漿，吸左d油，水晶粉偏油既，不過吾會黏埋一舊，軟硬剛好吾會好細碎，淨系用泡椒同酸椰菜無用肉炒都甘香口惹味，叫左少辣，辣度都幾剌激味蕾。

咁岩又去開油麻地做野，2點提早收工當然食下辣野慶祝下，一諗就諗起當然去老川皇之前幫襯都係地鋪，不過位置冇咁舒服，佢係對面商場開多間，當然上去舒服食佢有好多款午餐選擇，大約40至50都幾抵食一行2人就叫個涼拌同2個小菜午餐涼伴就叫左香辣伴海蜇，食落好爽口，而且辣辣地，十分開胃小食當然叫小編中意既麻辣雞煲，雞肉食落唔會鞋口，醬汁濃郁仲麻而香辣，十分惹味午餐份量都唔少，一個人都夠飽友人就叫左個水煮田雞，田雞煮得爽嫩，而且加埋水煮既湯底，唔會太熗口，愈食愈惹味小編仲未夠喉，見到隔離食緊酸辣粉，當然唔土卜執輸咁叫一碗肥腸酸辣粉小編好欣賞呢到既紅薯粉，唔會煮得太軟身或太煙韌，岩岩好湯底以酸為主，即使中辣都唔會好辣，肥腸唔會太肥，同紅薯粉一樣唔哂湯既精華，好滋味食辣野最好就飲酒，不過小編唔太中意下午飲小編就叫左杯雪梨汁，飲落唔會太甜仲有d果肉，清熱解渴總括黎講：食物味道不錯，款式多，價錢得宜，坐得舒服🍳🍴味道: 7.5/10👩👨服務: 7.5/10🏠💺環境: 7.5/10💰💸抵食: 7.5/10總消費: $236 (2人)人均消費: HK$120.00 (午餐)

長假期後的第一個上班日，我和同事仔諗住食好d去迎接未來一星期的工作，在旺角行行吓見到呢間店，諗起之前在佐敦晚餐感覺不錯，所以決定去食~~~呢度的午餐以小菜為主，為了享受四川風味，我地決定叫幾樣試吓，食唔曬我就帶返屋企當晚餐上次跟好友食過麻婆豆腐後總覺得市面好多店做唔到咁正宗，同事仔食過都大讚，話用來餸飯簡直係一流~~~水晶肘子凍凍地，味唔重，同事仔就將佢加麻婆豆腐mix埋，感覺好食到唔停口~~~由於我對酸辣粉有點好奇，怕辣的我點咗豬骨湯底的牛牛筋酸粉，個粉酸酸地，感覺好開胃，牛牛筋切到一片片，能夠將湯味滲入裡面~~~樟茶鴨d肉夠軟熟，食落味道不錯~~~小菜午餐感覺不錯，遲d可以再到此午餐

今晚想食辣，睇食評呢度都好多人幫襯喎，差不多九點先黎到，唔洗等位試下啦。有個朋友勁鐘意食水煮田雞，入口都幾滑，不過田雞份量算少。叫左中辣，但食得辣嘅人應該會覺得點解中辣都唔辣。燒烤試左一碟，包你唔會再叫，矮瓜好細條，完全無味，得調咪粉，劣食。水煮系列一模一樣，不過主菜換左係魚，配芽菜份量多。水晶粉，類似薯粉酸酸may may咁，咬感煙煙UN UN。呢度茶水都唔serve，一定要叫野飲，咁多好評但食物無驚喜🤔

今日同姐姐去旺角行街，講起想食酸菜魚就睇下附近有咩選擇，就搵到呢間📍老川皇登打士街32號歐美廣場1樓上到去見到外面放了一排櫈for客人等位坐的而舖裡面已經好full，好彩我地都唔洗等位就入得去每張枱都設有一部電磁爐同一個鐘仔按鐘仔就會有職員前來服務十分方便店舖設有自助式醬料枱急不及待點餐了口水雞 例牌$58(口水雞有分3個size 例牌/半隻/全隻)我同姐姐2個人揀左例牌，份量剛剛好fit哂雞肉好嫩滑，啖啖肉而且件件切得好平均汁料調得幾好，辣得黎食到有麻香好正干煸四季豆 $65賣相不錯，配埋辣椒🌶️炒食落好有鑊氣！而且炒得幾好.唔會太油又唔會乾到d豆無水份，好好食！酸菜魚 $132 (一斤) 小辣(有分酸菜魚，酸菜生魚片，酸菜桂花魚)點左酸菜魚，超大盆而且滿滿魚肉超抵！我同姐姐都係愛吃魚之人2人輕鬆K.O件件魚都好大件！食得岀好新鮮！魚肉勁嫩滑配埋酸菜汁送飯very good！不過要小心慢慢食，因為魚骨偏多個汁唔會蓋過魚既鮮味，而個汁個辣味後徑好正原來佢地每日d魚係新鮮運到舖頭比廚房師傅處理所以係超級新鮮超級抵食！ ！超大件！我地仲叫左2罐可樂雪碧，一碗白飯。豐富2人晚餐埋單加一都只係