老川皇

营业中

休息中

心癮起要食辣辣，去左砵蘭街的老川皇。爆場勁多人，等位都要三十分鐘。雖然係咁，但食過就會知道，等待都是值得的。兩人都有靚卡位坐，當然開返枝酒啤啤佢。鮮花椒水煮魚 $138好香的花椒，湯底唔油膩，亦唔會太辣。魚片好嫰好滑，係有碎骨的，不過亦份外有鮮魚味。除左魚，仲有窩荀、青椒同芹菜等等。花椒魚的特色係香辣得來不會嗆候，亦唔會食到出曬汗，可以說是辣得恰到好處。而且份量足，一大盤好送飯，抵食平民價的選擇。白飯 $10夠大碗，可惜飯質偏淋，個人來說不喜歡食軟飯，覺得口感麻麻。樟茶鴨 （例）$58例牌來說份量可以，兩人食剛剛好。鴨烤得好香，皮夠脆，又唔肥。鴨肉結實得來唔韌，又夠鴨香。用來送酒堅正！ 大青島 $28啤酒夠凍，價錢又算合理，一枝梗唔夠。干鍋菜花 $80椰菜花真係要咁煮先最好味，有個火爐熱住，有辣椒又有少少肥肉。椰菜花入曬味，好 good ! 埋單又飲又食都係三百幾，不知食得幾滋味。會 encore !

外地朋友回港，約埋一齊去旺角shopping， 買到一袋二袋之後就搵地方食lunch， 朋友突然間好想食辣嘢， 於是我就帶咗佢去老川皇， 我哋費事同人迫，所以提早咗少少食lunch，上到去就有位， 我哋叫咗 前菜係涼拌腐竹( 小辣) ，午市二人套餐: 包括烤魚半條 (大辣) ，附送一碟生菜及兩碗白飯， 另外加個午餐樟茶鴨。極力推介 烤魚， 兩個人食半條魚的 份量剛剛好， 一路食一路滾住條魚，愈滾愈辣 嘅滋味簡直難以形容！呢度都係為咗招待 嗜好食辣辣的朋友上嚟食飯， 因為成個menu基本上都係無辣不歡， 啱曬從外國回流的朋友， 一嘗川辣的風味。

大集團川菜晤夠正宗，要夠油夠辣夠麻夠香先似樣，今次食到老川皇夠鑊氣確係有料到！三個人叫咗一個水煮牛肉，一個干鍋大腸，半隻樟茶鴨，仲有一個乾扁四季豆～ 我地叫咗茶，每人茶位$5，揸車唔飲得啤酒。先上半隻樟茶鴨，入味香脆，鴨皮好熱，鴨肉味香又juicy, 滑肉唔會乾，大家食得津津有味。再同時上干扁四季豆和干鍋大腸。四季豆夠乾身夠鑊氣，好味！干鍋大腸有keep住坐熱，切細件的大腸有鹵過再連各惹味配料如洋蔥、尖椒、蒜頭一起炒過，少辣惹味令人回味不已！大腸弾牙入味，點一點鍋底辣油更畫龍點睛！最後上埋色香味全的水煮牛肉，內有份量足的鮮牛，配有芽菜，$156有如此份量好滿足！其實我地可叫中辣，哈哈！全場爆満，仲有人等位，位於一樓咁多人幫襯就知好嘢！fair價位最緊要係啱口胃必會encore!!!

今次去呢間餐廳，地點都算就腳方便，出咗地鐵站5分鐘左右嘅路程去到餐廳，未入門口，已經見到面積唔細嘅店面裡面幾乎滿座，即時好想快啲食到餐廳嘅菜式 顧名思義，餐廳以川菜為主，餐牌上幾乎都係辣炒、水煮等等，不過其實都貼心地有得揀辣度，甚至可以走辣例牌，第一次去幫襯，先點最低辣度點咗一客土豆絲同埋涼麵土豆絲賣相簡單，但好爽口，辣味唔太重，如果醋可以落重手少少更好涼麵亦係比較簡單嘅菜式，仲有蔥花&香脆花生，增加香味+口感麵質普通，加埋辣油一齊變撈麵，想飽肚啲都可以叫嚟食吓 下次有機會想試吓其他水煮菜式好辣嘅朋友應該會鍾意呢間餐廳

正宗嘅四川菜畀人嘅感覺係好辣好麻， 有好多香港人都未必接受到， 所以要搵到一間適合香港人嘅四川菜但系有四川風味嘅舖頭一d都唔容易。 老川皇成日都聽到朋友贊正宗川菜好好食， 所以今日就決定過嚟試一試。麻辣雞煲： 個麻辣雞煲畀人感覺唔系好麻辣， 可能香港人食開都係炒過的雞煲。乾鍋肥腸： 肥腸嘅數量比想象中的要多好多， 再加上配菜同佢啲麻辣絕對有四川風味。鐵板茄子： 一上嚟就好熱辣辣嘅茄子， 而且佢住得好香好辣好好味呀真係， 下次再嚟絕對要再試一試。燒烤韭菜、雞腎、牛舌、雞軟骨、大元貝： 食四川嘢梗係要食串串呀， 無論係牛舌、雞腎同韭菜，都絕對係燒得好好味， 係雞軟骨比較少。食完之後畀我嘅感覺，呢一間鋪頭嘅四川味係盡量保留到嘅，但係又要合適香港口味，佢絕對係可以平衡到。

今日又去果欄買生果，買完後到附近的餐廳醫一醫肚，朋友上次吃過老川皇，覺得不錯，於是提議去。如果要形容這間餐廳，我會用「平、靚、正」三個字簡單概括。先講價錢，一般的餸菜只不過五、六十元，一般市民都能應付，而餸菜的賣相不錯，今次點了鐵板茄子、蒜泥白肉、口水雞和牛展担担麵，鐵板茄子和蒜泥白肉的賣相尤其美觀，一碟美觀的食物，更容易引起人的食慾。食物畢竟講求好道，鐵板茄子燒得表皮脆脆，而茄子嫩滑，配上微辣的醬汁和肉碎，一定要點碗白飯食；蒜泥白肉鋪上厚厚的蒜蓉和辣椒碎，口口肉都會帶給味蕾上的刺激；至於口水雞，雞肉嫩滑入味，份量合理。如果大家不是追求奢華的裝修的話，老川皇從食物和服務上都不會令人失望，能帶給一個高性價比的用膳。

<老川皇 好正既川菜>🔥呢間老川皇 其實我都食左幾次 一來我鍾意食川菜 二來佢勁近油麻地 mtr地點方便，但味道多好正 夠鑊氣 唔同餸菜既辣都有 d唔同 好多元化🌶餐牌上有各式 既川菜 . 其實川菜除左辣子 水煮 鐵板等辣野外 仲有好多野都唔辣 好似饅頭 米粉 手抓餅 樟茶鴨等等 都正😍 🍴土匪豬肝 78 蚊🔥🐖用好多葱花 菜絲炒成 好香 🌿 最正係好多泡椒 食得辣可以咬少少 酸酸辣辣好 juicy主角既豬肝薄切 炒得好夠鑊氣 🔥口感煙靭 唔會太厚 豬味濃 盡吸辣汁同土匪汁 咸酸辣 層次豐富 😍🍴鐵板水晶粉 70蚊🍜🌶鐵板上 熱辣辣 冒住煙😍 水晶粉比較粗身 同粉絲好似 但口感煙靭彈牙 d . 上面有好至辣椒 酸菜 葱花 味道豐富😍 辣汁同豉油滲哂落 水晶粉度 夠哂鑊氣 好味！🍴口水雞 例 58 蚊 🌶🐤以例牌黎講都算多肉 凍食既口水雞 全部內蓋住一層黃紅油 帶 d麻辣香 上面放左好多甜甜辣辣既辣醬 口水雞肉質嫩滑 雞皮都好香滑 🐤 肉同皮係比較連住 d既 所以口感比較彈牙 整體係一個唔錯既川菜小食#四川菜 #川菜 #豬肝 #豬潤 #口水雞 #水晶粉 #麻辣 #

朋友想食辣野，見到老川皇喺OpenRice嘅評價都幾好就試一試。我地7:45去到，等左一陣就有位，一入門口已經聞到陣辣味 ☺️泡椒豬手本身都鐘意食豬手😆一碟有4舊，都幾入味，個豬手幾爽口，唔錯😋川北涼粉上面放滿辣椒醬，食之前要撈勻，個醬辣得黎有少少麻，都幾過癮手抓餅附上茄汁同沙律醬，不過我地鐘意就咁食，都幾香口☺️酸菜生魚片好足料好入味，酸酸地好開胃，最重要係少骨，懶人至愛！😂😂😂中辣都唔會好辣毛血旺見到層辣油都覺得開心！入面都好足料，叫左小辣，不過唔夠辣，下次可以試中辣😆飄香辣子雞炸到好香脆嘅辣子雞！個麻香都好正👍🏻 乾煸四季豆好好味！係會keep住食😋整體嚟講，我地以為川菜會好辣，所以叫左小辣，但都唔係好辣，如果鐘意食辣嘅朋友可能要叫中辣/大辣😎

以前收工宵夜一定成班人去食辣野出身汗 互相發洩下工作上嘅怨氣而且貪佢位置就腳 易去又易走 今日忽然又心癢癢想食辣 就帶埋老公去 一向知道呢間餐廳夠正宗 就算小辣對我已經夠過癮去到見到全院滿座 門口都有人龍 我地好好彩等咗一陣就有位 二人仲有卡位坐 被隔離檯所吸引 忍唔住點咗一碟酸菜魚另外又試好食到連外國人都有點嘅鐵板茄子慎防太辣要解渴 我地各自點啤酒同鮮榨蘋果石榴汁酸菜魚以窩上 份量多 就算四個人都夠食我地揀小辣 魚塊帶細骨 但肉質嫩滑 每片都大大塊酸菜好食 酸香味濃 基本上夾魚時都必定夾到酸菜 就辣度而言 小辣非常出色 我係邊食邊出汗湯底建議食魚前先試 感受到最原味極推薦鐵板茄子 呢碟真正色香味俱全上碟時鐵板熱辣辣 醬汁滲入食材另外又將肉釀入茄子當中 香辣感包圍整條茄子茄子外表被鐵板煎到脆卜卜 內裡茄子肉汁豐富 既食到茄子原味 又食到香辣口感如果喜愛川菜就一定要黎呢間餐廳試

約左2個月先約到既4人飯局😳 朋友話想食辣野, 就簡左老川皇7點9度去到已經坐滿晒人, 好彩等左一陣就有人埋單✌🏻我地叫左泡椒豬手 ($25)豬手肉質好爽, 同埋幾入味, 唔錯!😋川北涼粉 ($38)口感有d 似大菜糕, 但係整成麵條😳 撈埋辣椒醬同醋, 都幾開胃飄香辣子雞($96)好懶既我地簡左個冇骨既飄香辣子雞, 雞粒先炸後炒, 香香脆脆的, 味道唔錯😆乾煸四季豆 ($65)勁惹味, 好快就食晒😋手抓餅 ($30)朋友唔想食飯/麵, 就叫左個手抓餅, 好香酸菜生魚片 ($162 - 1斤)店員推介生魚片, 因為比較少骨, 佢仲提我地好多人覺得小辣都係唔夠辣, 建議我地簡中辣😌個湯酸酸地, 中辣唔會太辣, 就咁飲都好正!👍🏻 個魚都幾滑身。 1斤有勁多片魚同酸菜, 4個人食岩岩好, 可以留返個胃試其他野食😆毛血旺 ($142)朋友每次食川菜都會叫, 入面有豬血豬肚牛柏葉鱔塊木耳等等分量都幾多, 食極都仲有😳食到飽一飽先走! 見到其他枱既串燒都幾吸引, 下次可以試一試☺☺☺

估唔到情人節嚟食都咁多人😱😱夜晚7點半walk in前面仲有十幾張枱等緊好彩堅持落去等多45分鐘就有位😎（建議大家嚟食之前嗰日好book定位先~）叫左老川北粉、水煮魚、大盤長豆角*全部食物都可以自選辣度~當然唔少得嘅係啤酒🍻食辣嘢飲啤酒真係絕配!老川北粉（小辣）－第一次食，覺得好新奇，我以為麵質會係彈牙，原來係林嘅，不過小辣都好辣呀~好正水煮魚（小辣）－當日得番桂花魚揀，都好好食好大盤! 兩個人食仲未夠喉呀! 覺得唔辣haha下次挑戰中辣先🤗大盤長豆角（小辣）－鐵板上夠哂鑊氣，好多蒜頭，啱哂鐘意食蒜嘅朋友總括嚟講：我一定會番嚟食多次!!! 好食到停唔到口!!

在旺角行住街等男人收工, 無辣不歡既男人話要帶我搵返啲回憶喎, 事關幾年前已經帶過我食老川皇。 時間夜晚七點左右, 去到歐美行兩層樓梯, 以為時間尚早但座位已經滿得八八九九, 遲少少都要門口排隊等位。🔸酸菜桂花魚🔸我地鍾意食比較滑既魚肉, 所以揀咗貴少少既桂花魚, 兩口子一斤份量已經好夠了。 雖然叫咗少辣, 但酸菜本身都辣, 酸酸辣辣送飯一流。 魚片份量都好多, 肉質好滑, 唔多骨, 就算有骨都比較大條易食。🔸重慶風味燒烤🔸以前都成日返大陸食串燒, 孜然粉串燒真係好地道風味, 都可以揀辣度。四季豆, 牛肉, 魷魚鬚。 個人比較鍾意魷魚鬚同四季豆超正, 同孜然粉好夾好野味😋🔸干鍋肥腸🔸香港唔係好多地方有得食肥腸鍋之類, 就算有得食都未必好食。 肥腸真係唔係人人識欣賞, 第一啖就食到濃郁既肥腸獨有既味道, 加上爆炒得有少少脆皮, 會令你好想食第二舊。 鍾意佢肥瘦啱啱, 唔會太多肥膏, 但就好快就食哂啲肥腸囉~😂

【飲食台】之前食過老川皇的晚餐，性價比覺得一般，估唔到今次試午餐，反而有驚喜！今次我地單點，如果大家覺得套餐既選擇夠既話，亦可以點餐，餐平好多，$166已經有4人餐，不過我地今次目標係水煮牛，又要夠咁多人食，就揀左單點HAHA.水煮牛重點介紹！真係好大盤啊，牛既份量比上次食既水煮魚仲多，價錢又唔算貴，叫左小辣，真係唔太辣，好辣者可能要叫大辣lol🌶🌶🌶 但牛肉可以再LUM D，底既芽菜食極唔完，吸哂啲辣比牛肉仲有味，不過就會愈食愈油蒜泥白肉好多蒜泥係面啊，但食落又唔算太重味，可以重味同入味少少～夫妻肺片口感爽口，但同樣地我覺得辣味唔太出紅糖糍粑糯米狀既甜品，外皮炸過，配以紅糖同黃豆粉，食落去唔太甜，外脆內軟，就算凍左都係咁好食🤤總括而言食物以川菜黎講我覺得可以再辣啲，咁食落先有火辣辣搵野飲既感覺，另外服務方面都可以再貼心啲～.店名：老川皇地址：旺角登打士街32號歐美廣場1樓

朋友介紹話呢間野好正, 於是約個 FRIEND 去試下! 入到去好熱鬧, 差不多全場爆滿!望下個 menu, 好多選擇, 食物種類亦同內地好近似, 價錢都好平民化!我甘為食, 當然想樣樣試啦! 串燒做得很好, 好有風味, 厚切牛舌, 雞腎同雞軟骨都燒得好有火喉!帶子好大隻, 有牛油香, 蒜頭不算太多!干鍋肥腸同雞煲我地都叫左中辣, 但就沒有辣味!肥腸師傅將佢切細了, 我個人會較喜歡切圓圈就可以, 雖然不夠辣, 但腸好爽口, 惹味!雞煲汁過多, 不是乾身那種, 個汁未能滲入雞裡面, 但個雞好滑!鐵板茄子非常好味, 多汁, 夠熱, 又大條, 茄子與茄子中間介開了, 釀了點肉, 吾會過咸, 大贊

今日終於約到朋友黎老川皇食飯😍想食好耐嫁喇!!🙌🏻今日終於有時間過嚟試下我地叫左個烤魚原條烤鱸魚本身我地想揀桂花, 因為桂花又滑又少骨店員話冇曬叫我地試下鱸魚都係滑同少骨嘅 咁好啦！就要鱸魚啦！🐟食咗第一舊就停唔到喇好滑, 皮烤到好脆皮, 辣得好過癮真係好好味，配菜有青瓜同蒟蒻 好好味青瓜好入味我地仲叫左個尖椒皮蛋 我地揀咗中辣 辣度啱啱好♥️♥️之後我地就揀左個乾鍋黃鱔，如果再辣啲就正喇呢度仲有串燒, 我地叫左雞腎, 好爽另外我地叫咗燒象拔蚌同燒貴妃蚌燒完都仲好多汁，好香呢度幾野食, 真係堅好味烤魚比出面既都出色下次可以挑戰大辣!!