老川皇

营业中

休息中

小弟一向喜歡食辣，今日放假同朋友去開油麻地經過這間川菜就入去試下。我地兩個人叫左一客酸菜生魚片同涼拌牛肚，仲有兩碗白飯。個涼拌牛肚係涼菜，我地只係叫左小辣，所以真係唔係好夠辣，但咁樣反而令我地好食得出個麻味，食得出餐廳係有用心整個醬汁。而個酸菜生魚片的魚片好新鮮同滑，個人相當驚喜。個湯底雖然望落比較淡色，但其實好入味，雖然唔算好辣（我叫左中辣都唔係好夠，食得辣的朋友應該要叫大辣），但清得來幾好飲，不過你要食好辣的川菜就會有小小失望，可能要㨂其他菜式。