老川皇

营业中

休息中

旺角-老川皇：酸菜桂花魚（$192）、四川涼麵（$26）-茶記風格的老川皇，6點多來的時候還不用等位，但踏入7點半後已滿座，好受歡迎。我黎呢度既目的就係呢個勁勁勁大盤的酸菜魚！！平d既係鯇魚片，好多骨我會食得唔暢快，所以最後點左個貴d但係啖啖肉既桂花魚🥰果然同傳聞一樣，勁大盤，見到塊塊魚片浮在面好舒心😂😂底下就仲有魚骨魚邊，魚夠滑，湯底酸味同辣味都幾足，個湯幾好飲，不過我覺得蘿蔔片硬左d，同埋只係食到一兩條芽菜，如果多d芽菜就好啦，索左湯食會好好食。-兩個人食一盤加個麵已夠飽🤣個涼麵夠涼又夠平👍🏻，味道OK可惜個麵底對我來說就淋d，少了點口感，下次加個薯粉落個酸菜魚應仲正。呢度仲有好多涼菜、小菜、干鍋、串燒都有，川菜集中營黎😂價錢都幾平易近人，好多涼菜前菜都係幾十蚊。呢度仲有個鐘可以叫人黎。

收工想食川菜每次同朋友都會食老川皇 因為價錢親民 種類又多 次次去都好多人排隊 兩個人嗌左三樣餸 飽到上心口不過就好滿足口水雞 例牌嗌左中辣 呢個堅係辣 鋪滿辣辣同紅油 雞肉都算多 呢個好好送飯 仲有脆花生鋪面酸菜魚好大盤 好多魚片 多酸菜 魚質鮮滑帶骨 食既時候要份外小心 我地嗌左中辣都覺得唔夠辣 中意食辣既朋友要嗌辣啲先得 個份量可以三個人食 仲有湯撈下飯 唔錯唔錯架手拍青瓜大大粒青瓜 清新又爽口 蒜味濃 啱哂重口味既人🤤份量都大份架 前菜一流

老川皇坐得舒服 乾淨 價錢合理干鍋黃鱔 $112- 好味呀 都係小辣 黃鱔好爽口 肉質好實 開普火 暖苙苙 有好多配菜 份量都多 值得一試呀 野生長壽菜$34- 見個名好健康就試下 叫左小辣 開胃一流 感覺好似幼牌爽口既海帶 上網睇原來可以殺菌、消炎、降血脂 好少聽餐廳會有呢隻菜到燒烤類別啦 七點之後先有韭菜 $9 貴妃蚌 $23 - 好鮮美 好多肉呀 種要有好多蒜蓉 都係叫咗小辣 建議如果燒烤嘅話可以叫辣少少紅蘿卜檸檬 $22- 蘿卜同檸檬好夾 好fresh 食辣野送呢個一流 可以少冰 少甜

好久沒吃辣火鍋，打算挑戰一下自己，以為寫著重慶兩字必定會激起我體內的戰意，可是根本不管辣！食物是不差的，串燒味不錯很香口，牛肉羊肉新鮮程度尚算可以，份量也過得去，可是！！！，醬油要添加每位10元感覺有點坑人🙂🙃🙂

仍然都係唔會失望嘅仍然都係嗰個味道仍然每次都會再期待下次再嚟佢哋餐廳的水煮魚都稱得上係水準上最鍾意佢哋桂花水煮魚然後轉娃娃菜底，因為我哋都唔鍾意食芽菜兩個人食一大鍋就剛剛好，之前平時多人我哋都叫三四鍋辣嘅程度通常都係叫小辣，就算唔係好食得辣嘅都完全輕鬆可以駕馭干煸四季豆都係必定要食嘅！入口仍然係鬆脆，仍然都係咁香口上菜速度係快，侍應落單嘅速度都十分之有效率落單之後，同朋友傾計，10幾分鐘之後就有嘢食。完全係跟得上香港人急速嘅節奏啊

之前食過一次已經覺得串燒好好食。今次醒左預先訂定枱至唔洗等咁耐。見到餐牌除串燒，仲有烤魚，雞煲。但得2條友，驚眼闊肚窄，所以都係點小菜加串燒穩陣。大元貝、雞軟骨同牛舌係必點！牛舌雖然薄切，但係咬落去好香軟，牛味濃又唔太辣。比起雞軟骨，墨魚仔咬落去冇咁爽腃，所以都係雞軟骨好味啲。燒雞腎薄切得來有咬口，味道亦很適中。羊架唔會瘦猛猛，唔“酥”，亦無燒到乾。羊嘅脂肪位仲燒到有微微焦香。串燒中的茄子又大夠味，長度有筷子的一大半。蒜香同辣味並重，唔會特别偏重一面， 而且口感軟綿。大元貝相比之前嘅燒烤食落更鮮甜多汁。邪惡的辣子肥腸，做得夠乾身，而且唔多肥膏，食落香、鹹、辣、麻都有齊哂。干鍋黃鱔用熱爐保溫，估唔到肉質超級彈牙有咬口。洋蔥好甜而且成道菜唔太辣。原來小辣我都handle到，下次要挑戰中辣！食完啲濃味嘢，一定要叫番個炒萵筍絲來清清味蕾。我地由9點入座時的全院满座，到成11點走，都仲有大半個餐廳的客。大部分人都係食烤魚。所以決定下次再黎試一試烤🐟係咪真係咁好味😂。

呢日又要去mk搞活動~~中午時段就同埋其他導師一齊去食lunch唔知食咩好既時候就有位導師提議食川菜刺激下個胃，順便睇下可唔可以刺激埋個腦，等下半場既活動可以順利啲既然想食辣野，我就同左佢地黎呢度，自己食過兩三次，都覺得味道唔錯兼且好抵食午市套餐有好多選擇，份量足夠有餘又唔洗加一，最貴個款都唔過60蚊個日我地三個都想食水煮魚，所以就決定要個“三人餐-水煮魚配樟茶鴨（C款涼菜）”HKd$166一大盤紅卜卜既水煮魚，未食經已聞到好香當中除左有嫩滑既魚片之外，仲有大量既大豆芽等配菜添之後套餐仲會包有一盤生菜而樟茶鴨就皮脆肉嫩，咸香十足！！兩款食物都超好送飯套餐會跟埋白飯，一人一碗又飽肚又滿足我地仲跟餐加8蚊一人一杯凍檸茶，爽呀我地食到飽一飽之後又要返去作戰啦

想食好耐嘅老川皇，朋友都鍾意食辣嘢，嚟到等位等咗好耐，呢度真係每晚都坐滿人。餐廳好多內地人嚟食四川小菜，相信味道一定很正宗。除咗有水煮魚、烤魚、打邊爐、小菜等四川有名的食物，還有我最想吃的串燒燒烤。雞腎$12,爽口，燒完很有碳烤香味。雞軟骨$15,燒得幾好食，因為燒完仲有雞肉香味，同埋軟骨大嚿啲，有咬口，越食越香，推介。墨魚咀$15, 爽口煙韌，孜然味和辣味較濃，蓋過了鮮味，可以調節得再淡味一點。牛舌$25,質感軟滑，與孜然粉和辣味原來都幾夾，口感與其他爽口的串燒大有分別，可以一試呢！茄子$28。超好味，多汁，勁多蒜蓉，好香，灑上椒鹽和辣椒粉，更加惹味，不算辣。澳洲珍寶元貝$32,元貝好好食，燒得剛好，軟滑鮮甜，就算有辣椒油，也只是輕微辣，仍然食得出帶子新鮮。辣子肥腸，小辣，$90豬大腸先走過油，炸過特別爽脆，再以乾辣椒、花椒一起炒，增加麻味和辣味，味道也只是微微的辣，但麻的感覺實在太刺激了，吃得很過癮！乾鍋黃鱔$112。小辣，黃鱔薄薄切件，一口一件，肉質超級爽口。小辣其實也不算辣，配菜的青椒、紅椒、乾辣椒、洋蔥、蒜頭等，都揮發著香味，令黃鱔增加香口感，很好吃。清炒萵筍絲$60。食咗咁

今天晚上去了老川皇食川菜, 早就聽聞這大廈非常多好吃的地道川菜, 所以星期5晚特意來試試, 想不到9點鐘依然那麼多人!川菜/非川菜的選擇很多, 害我想得頭都大了, 之後上OPENRICE看到了餐廳很多人推介酸菜魚, 又便宜又大碗, 另外再點了幾款串燒~超大鍋的酸菜魚, 無論魚片還是酸菜的份量都是2人份, 而且是3個女生也吃得飽的份量! 數十塊魚片都是鯇魚, 所以比較多骨呢, 需要慢慢細嚼, 很適合一家人來吃~ 酸菜也是酸度十足, 加上少許辛辣, 令整個湯都很開胃呢! 我喝了超多碗!茄子只要$28! 竟然有2隻手掌大! 而且蒜蓉超級多~羊扒肉質很軟稔, 而且超肥美! 不過孜然粉略略多了點呢...

朋友知道我中意食川菜但又唔太食得辣，今晚帶我去左一間好野😊兩個人叫咗一個乾扁四季豆小辣，酸菜雞腎小辣， 四串小辣串燒包括貴妃蚌，鮮鮑魚，雞軟骨，同埋墨魚丸～乾扁四季豆唔油膩，好乾身，冇渣，個辣味好香口👍 (見到附近好多檯都叫呢樣，識貨！)酸菜雞腎嘅辣度感覺比起四季豆辣少少， 雞腎分量都幾多，爽口，加埋酸菜酸酸辣辣好好送飯😂貴妃蚌同鮮鮑魚都幾大隻，新鮮，加埋蒜蓉一齊燒好香👏雞軟骨嘅辣粉味道比較出，好有咬口👍咁正宗嘅川菜黎講裝修算好是正，店員有禮， 重點係好抵食，多謝朋友介紹👏👏😁

今日同朋友過旺角買嘢，見肚餓餓地，醫飽肚仔先，朋友中意食辣，而我又係無辣不歡既，於是我地就決定去食老川皇。我地叫左四個餸，分別就有酸菜魚𓆟、樟茶鴨🦆、辣子肥腸同蒜泥白肉。 酸菜魚𓆟魚肉好滑，而且冇細骨，最怕食魚好多骨😐酸菜，十分爽口，而且湯入面亦有泡椒，味道唔錯。蒜泥白肉，香氣濃郁，十分重口味，啱曬我呢種重口味人士。個白肉同青瓜絲一齊放入口，口感唔錯，配飯一流👍🏻辣子肥腸有驚喜，睇到有好多既乾辣椒同花椒一起炒，肥腸有炸過，好鬆脆香口亦都好入味，跟住就係壓軸既樟茶鴨啦，一上臺就已經聞到好香既煙熏味，隻鴨肥瘦程度既好，食落口，油脂既香氣和煙燻既味道一齊系口入面融合，而且係會覺得越食越香，我認為係脂肪充分將鴨既煙燻味帶出黎。同時，鴨既賣相唔差，個顏色都令人食慾大增，色香味俱全。

朋友之前呢個，覺得唔錯。介紹我過開旺角可試一下。係油麻地港鐵落車， A1出口行約5分鐘左右就到。都算好方便。餐廳環境好企理，每張枱都有電磁爐，方邊食雞煲，鍋底之類，真係貼心。菜式種類多，燒烤，雞煲，好多四川菜選擇。今天人唔多，叫左三樣嘢，乾鍋肥腸，清炒鍋荀，楊洲炒飯。乾鍋肥腸我地叫左小辣，很有四川的香辣味道，用一個小小加熱的爐上菜，慢慢吃越吃越入味。清炒鍋荀，上菜看到很碧綠的，另切到一條條幼幼的。刀功都很利害。這個菜應該不是四川菜，但我就是喜歡。食完今餐就大滿足。

早兩日朋友生日，壽星女話想食川菜，之前我在網上見到呢一間食川菜嘅餐廳，睇落唔錯就決定去試試，我地三個女仔當晚叫左五樣野。清炒萵筍絲萵筍炒得比較清淡，我個人覺得唔錯👍🏻👍🏻👍🏻酸菜生魚片個湯酸酸鹹鹹，份量多，值得一試。涼拌牛展牛展中規中矩，分量算足夠，可以一試。樟茶鴨我地叫左一份例牌，有少少煙燻及茶香的味道，味道唔錯。干鍋肥腸有好多女仔都唔係好鍾意食肥腸，但我地比佢吸引左所以就叫咗平鍋肥腸試吓，點知充滿驚喜，佢肥瘦適中，味道不太鹹，值得推薦。

胡椒豬肚雞（$138）推薦👍🏻佢切好曬雞件同豬肚先上枱，之後再放材料落湯到煮熟，所以湯底鮮好味胡椒味都重，不過愈煮愈耐雞油都會愈黎愈多，同埋雞偏瘦。.酸菜魚（$132）推薦👍🏻足料超多魚片，同埋湯好入味，送飯一流。份量都幾大，2-3人份量！.爆炒雞軟骨（$78）無特別，油份同炸粉都重，唔特別好食.涼拌土豆絲（$34）食咁多重口味野，呢個可以中和下。酸酸地幾開胃！豆干略油但幾好味，唔怕辣可以由佢煲熱少少先食。另外可以點串燒，不過質素一般般，價格合理唔會特別貴雪梨檸檬幾特別，味道唔錯但偏甜，少甜會好D

係砵蘭街睇裝修料睇左成個上午，好攰！真係要食返個午餐休息一下。今日天氣涼涼地，食d四川辣野暖暖胃先，久唔久就會黎老川皇一趟！未夠12:30pm 到，好少客人，一過左1pm 開始好多客人！精選午市套餐～水煮魚片飯 $48 （免加一）套餐有一大碗水煮魚，有一碟青菜，一大碗飯，包一杯熱飲，一個字「抵」水煮魚，魚既份量多，魚都算滑（係多骨左d），味道夠麻夠辣，底部分有好多配料（青瓜、芽菜、紅薯粉），真係好味夾大件！佢連碟青菜都係大大碟，份量堅多！絕對會keep住黎食！