老夫子港式餐廳 (已結業)

去九龍灣通常都係 mega box 多，今日早了放工於是在 Emax 逛逛尋找新事物！ 很多東西都很吸引，很想回憶一番但職員很有心的根據我們的食量而作出調節！ 環境佈置、坐位得很有趣，也有老夫子紙牌！麻辣口水雞湯河 HKD 58 以食得辣來說都感到挺辣，雞肉易咬開而雞皮厚度也是簿簿的，肉比例較豐富！ 豬手飯 HKD 68 很多膠質，肉質好想棯，烹調時間拿捏得到位油菜 HKD 10 翠綠蔬菜，仍然好有光澤，伴碟還有蠔油！ 藍梅沙冰 HKD 15 顏色很美，很解辣

聞說九展開了一間老夫子主題餐廳，我哋呢啲老夫子嘅粉絲，當然要去朝拜一下啦。餐廳位於九展嘅2樓，呢一層樓有好多foodcourt,但係老夫子餐廳係最大，佔地最多嘅餐廳。餐廳裝修一枱一櫈都充滿着老夫子嘅味道，除左周圍都畫滿晒老夫子的漫畫，就連一張凳都係套老夫子同大番薯嘅衫，非常有特色。餐廳主打港式嘅快餐，例如有海南雞飯，小菜，炒粉麵飯等等。今晚我哋就叫咗個酸甜京肉排，海南雞飯同埋一個豬豬手。海南雞飯加$10就可以選脾位啦，雞肉好滑，好嫩，煮得恰到好處。雞油飯好香，唔使三兩下就食晒成碗飯啊。酸甜京都肉排酸酸甜甜好惹味，豬肉好冧，送飯一流。呢個豬手d肉炆得好冧，啲皮好彈牙又爽，好好味，而且份量又多。不過餐廳不停咁loop住老夫子洗腦歌，實在有點煩，如果可以加多幾首歌就好了。

上次食老夫子餐廳的時候是他們試業期間，今次第二次來，又有新的食物推出，就是冬天必食的煲仔飯。 一坐低店員姐姐就推介我試下他們新推出的煲仔飯，咁就一於點返個椒絲腐乳雞煲仔飯$68，牛腩麵$58，油菜$10，蜂蜜柚子茶$13， 熱杏霜 ( 跟餐 )。椒絲腐乳雞煲仔飯 ~ 雞肉份量好多，還有香噴噴的煲仔飯焦，配埋甜豉油，正呀！牛腩麵 ~ 一碗有好多牛腩，炆得夠淋，麵沒有太大的鹼水味。 還有一小碟青瓜小吃，微辣好惹味。油菜 ~ 食得太多肉，所以叫返一碟菜，一小碟娃娃菜，份量啱啱好。熱蜂蜜柚子茶 和 熱杏霜 ~茶餐廳基本飲品正常味道！老夫子餐廳的裝修採用開放式設計，感覺開揚坐得舒服，還有這裏的老夫子漫畫人物擺設，感覺自己已經置身於漫畫世界當中。之前都有食過太子的老夫子餐廳，但好像已經結業了，感覺九展的老夫子餐廳價錢比較實惠，食物都唔錯，到九展又多一個選擇了。

放假日同太太鬆一鬆，睇完戲後去九展搵野食，原來個場有唔少選擇，差唔多行左一個圈後見到老夫子港式餐廳，見到冇再諗，就呢間。睇 menu 分 4 大類+海南雞餐， 4 大類分別有麵，飯，燒味同炒類。我同太太都肚餓了，好快就諗好食咩，一人一個餐太太叫左宇宙大爆炸之吉祥百寶麵加油菜，因為個名咁特別，問左店員知道係唔同嘅丸，餃加麵，一次過幾款選擇，唔錯唔錯，見到野食到，太太話麵冇鹼水味，佢岩食，其他丸有咬口，唔錯。而我就叫左京都肉排飯，飯黎到已經聞到酸甜味，食落汁夠味，肉排有味，飯又煲得唔*爛*，岩哂口味，係汁比較多，如果多飯會更加好，不過我戰鬥力有限，食唔到多飯。大家食哂野後飽飽休息一陣，聽下老夫子歌仔 relax 一下 🙂🙂

估唔到今天在九展買完野被我發現老夫子餐廳在呢度開左新分店！梗系揀左食呢間啦，裝修好得意吖！門口有人揸住咁大粒鑽石💎戒子半跪求我入去....哈哈！點都比面佢啦！裝修冇得輸！漫畫人物超級吸引，佢地件衫設計成椅凳吖！創意無限！仲要坐得好舒服！坐低飲個西洋菜蜜先，潤潤個喉嚨可以食飯。我點左個海南雞套餐，配中湯，加錢轉雞髀，加油菜，雞滑肉嫩。朋友點了一份咖哩魚柳，跟白飯，魚柳好大條，份量好滿足，咖哩汁撈飯好開胃，魚肉厚實，好抵食。

聽人講左好耐話九展開outlet, 但一直冇時間嚟， 今日就趁著放假同媽咪嚟逛下。不驚不覺逛完已經差唔多四點，所以我地諗住食個早晚餐，癈事返屋企煮。其實呢個場都幾多餐廳，但天氣凍凍地我就想食飯， 行過見到老夫子😍😍😍，即刻走入嚟， 有親切感嘛！呢間同元朗嗰間唔同， 元朗就係正式餐館，所以餐牌菜式豐富多元化，呢間就比較似茶餐廳，餐牌都簡單好多😏。雖然有下午茶餐牌， 但因為我地諗住當晚飯，所以就點正餐。媽咪要左個無骨海南雞飯，而我就點左「降龍十八掌之豬豬手」😝。媽咪呢個無骨海南雞啖啖肉，好懶啫😝，雞皮肥而不油， 仲有啲爽脆， 個油飯夠哂味👍，就連三味醬料都好地道。我個豬手飯呢？其實佢上枱時我個心暗地裡有少少失望，因為佢個擺盤好鬼普通，份量又唔大，明明個名好鬼神架嘛😏。但做人真係不能以貌取人啊， 件豬手一啖咬落，嘩，好腍好入味，豬手皮彈牙帶點膠質，感覺好有骨膠原😋！媽咪話最讚係佢好乾淨，一條豬毛都冇😅，睇得出廚房對食材嘅要求喎😏。睇得出啦，佢食左我半份豬手囉，攪到我想單點多份豬手添😜😝。

岩岩好下午茶時間，就試入面間老夫子餐廳。入面既裝修十分吸引，地方好大。門口仲有個老夫子歡迎你。餐廳仲播住老夫子既歌，好有feel叫左個Q版豬扒抄公仔面 ($42) +熱奶茶 8/10分等左大約五至十分鐘，可能坐近廚房關係，會聽到鑊氣聲，證明係即刻抄！本身未食之前以為豬排會好乾身同無咩味，點知出乎我意料之外！出菜時啲係好熱！豬排醃得好入味，非常入味，好重口味！完全唔會好硬，十分淋身。而且好香，非常好食，好香美極醬油味！抄公仔面都好好食，唔會真係好乾，佢每一條麵都沾滿醬油，唔會話無味，份量都算適中，下午茶黎講都算夠食。本身對奶茶無咩期望，無諗過係咁濃茶味，好香，飲到底都無殘渣，奶茶控表示好滿意。*注意：會有洋蔥同埋蔥，仲有少量芽菜，唔食青既朋友仔記得落單前走青！總捨而言，呢間餐廳好高cp 值！

來到emax睇戲找個地方先吃飯，好久沒來，才發現開了不少新餐廳，當中竟然有間老夫子主題的港式餐廳。餐廳原來剛剛開張，仍在試業階段。餐廳佔地不少，感覺開揚，座位很多，又不限時。裝潢設計很有心思，到處都能找到老夫子與朋友們的身影，好親切的感覺。細心留意還發現連凳腳都用上老夫子角色衣著的花款，果真一絲不苟。連凳背都是老夫子衣著的招牌三個大圖點，好趣緻。像是老夫子與朋友們伴著你吃飯般。當然不少得老夫子人像，一流的打卡位。餐牌都十分精美，用心設計，很有誠意。餐廳主打港式美食，如燒味飯、雲吞丸河和炒粉麵等，重點是價錢非常相宜，完全不像一般的主題餐廳斬到人一頸血。推介無骨海南雞，雞髀位非常嫩滑，肥美而不油膩，啖啖肉，美味十足。時菜牛腩炒麵非常大碟，牛腩份量又很多，肉質十分軟稔入味，不嚡口。炒麵香脆有口感，醬汁很多又稠身。

今次呢一個食評係我前一排食的，但當時老夫子還在試業中，我見openrice仲未有得寫，所以就等到而家先出。 今年年頭我到過太子的老夫子餐廳，印象非常之好，可惜已經結業。幸彩我經常會到九展的，這裏又開返一間，真是太開心了！ 十月尾到的時候還在試業階段，我點了常餐沙爹牛肉通粉，煎蛋，厚切餐肉，牛油厚多士和一杯熱可力 $36。還有豬手麵，特色三小碟，熱杏霜 $58。常餐沙爹牛肉通粉 ~ 牛肉份量多，厚切餐肉煎得夠香口，牛油厚多士都唔錯。特色三小碟 ~ 這個小食是配埋豬手面的。豬手麵 ~ 有三大嚿豬手，炆得入味又林，不會過老和太硬。飲品方面一杯熱杏霜，一杯熱可力，夠熱不算太甜我喜歡。餐廳採用開放式設計，環境舒適，有很多老夫子不同角色的佈置和很多影相打卡位，當享受美食同時亦好像置身於老夫子的漫畫世界裏面。

放假最鐘意去九展食個lunch睇場戲而家二樓多左條食街，食肆選擇都多左好多。最近發現新開左開老夫子餐廳，環境寬敞、枱與枱之間唔會迫迫硤硤。食物選擇多，早餐、常餐、炒粉麵飯都有。我就揀左個口水雞湯河，好特別嘅配搭嘛！原來係分開上，而且真係平時上海四川那種口水雞，完全想像唔到係度會食到，好惹味！辣度岩岩好！而河粉應該是雞湯底，味道清甜。朋友簡單地叫左個常餐，沙嗲牛肉通粉配炒蛋火腿，好classic 食完之際，人流開始多，見到大家都去搵「老夫子」影相。食得又玩得，適合一家大小，老少咸宜

今晚去咗E-Max睇戲, 好耐冇去九展而家仲有一啲fashion嘅outlet， 人流唔算太多都幾好行。 跟住就要坐低搵嘢食。喺food court嗰層行咗個圈， 見到有間老夫子主題暇茶餐廳。晚飯時候有套餐供應， 我哋諗住簡簡單單單隨便喺茶餐廳晚飯 就入咗去。主要提供炒粉麵飯嘅套餐。 都係一般茶餐廳嘅特色食品。降龍十八掌之豬豬手 ($68 送特色小食，熱飲)豬手都大大件，足有5，6件。 炆煮得非常入味，又夠腍。 蠔油同柱侯醬嘅味道調較適中，唔會太鹹， 質素唔錯。個汁又唔會水汪汪又夠黏， 白飯另上，係超大碗!加$10有是日油菜清清地唔錯。特色小食係鹹酸菜， 不過唔太酸又唔太鹹，就係帶甜同埋有麻油香。 口感好爽唔錯啦。熱嘅黑糖薑茶辣度熱度非常足， 很嗆喉，黑糖味道幾滋潤。 非常濃郁嘅一杯薑茶!蘿蔔柱侯牛腩牛筋($68 送熱茶及特色小食)先聞到好香濃嘅牛腩味，個汁好濃郁， 柱侯醬味道完全入曬牛腩牛筋，炆到好腍， 蘿蔔索晒牛腩嘅肉汁，!送饭一流。周圍嘅裝修好似令你入咗 老夫子嘅漫畫世界。 座椅牆壁地下都經過用心嘅設計。食飽飽之後周圍影吓相 打吓卡唔錯呀!~~同老夫子有關嘅舊歌不停咁loop,

去得九龍灣展貿中心一定係有目的， 好少會行行吓街經過。 今曰陪咗個friend 有個展覽活動, 之後就喺嗰度開餐。依家嗰度有一層food court， 有多國美食， 人流唔算太多都容易搵位。我哋 揀咗間茶餐廳坐低。 好盞鬼原來係老夫子主題。 極度肚餓唔理咁多嗌野食先。晚餐時間原來全部都有套餐。 飲品可以單點。 主要款色有燒味， 中式湯粉麵和飯。乾炒叉燒河($63 送熱飲， 油菜加$10)炒得幾乾爽， 唔油膩，又有鑊氣。 啲韭黃仲炒得好香。 唔用牛肉用咗叉燒又另一種風味。 調味適中唔會偏鹹， 功架唔錯。油菜白灼旺菜， 加上蠔油， 簡單嘅健康配菜。加錢配咗凍檸樂， 冰凍解渴配炒河一流。無骨海南雞飯套餐 ($68 配前菜和 熱飲)加咗十蚊轉雞髀，啖啖肉。 雞皮又爽又滑， 冇咩皮下脂肪。 雞味唔算香濃但雞肉真係超嫩滑。 表面灑上芝麻提升香味。 附設海南雞醬較為遜色。 油飯唔知點解會變咗白飯~~ 而家先醒起唔記得問店員~~如果海南雞飯套餐連埋碗湯就perfect前菜係一啲带甜嘅鹹酸菜粒， 有麻油香都幾開胃。 另外加$15 叫了"藍莓沙冰" 隻杯好高好窄， 沙冰幼滑。餐廳仲有好多打卡位， 趁住未開

一向好少去九龍灣, 國際展貿中心就梗少, 好難得過開黎, 周圍去行下睇下。見肚餓就搵野食。估唔到呢度人流唔到, 但食肆唔少。成條食街咁滯!經過見到呢間以老夫子做主題既餐廳!好經典, 又懷舊。 一於入黎醫肚!而餐廳6,7點唔多人, 一入黎就有位, 唔使等十分好。呢度係港式餐廳, 茶餐廳咁。我地兩人嗌左兩個餐。先黎牛筋腩!牛筋好滑, 而且夠淋。 好牛筋既我怕硬, 呢度炆得一流。而配搭白蘿蔔非常入味。而第二味就嗌左海南雞!雞肉鮮嫩, 而且有三款醬汁配搭, 好好食。茶餐廳計, 水準有係度。

早前與BFF到九龍灣E-Max的outlet shopping後，係商場內的食物搵食時，發現了 老夫子港式餐廳正在試業，見人客很多，就入內試試。 以往的主題餐廳價錢都偏貴，但這間的食物的價錢就非常貼地，常餐也只是HK$36左右，免加一服務收費，抵! 餐廳佔地極大，裝修非常有心思，就連椅子都用上老夫子的衣服設計，而場內有大量的打卡位，老夫子迷一定不能錯過。 我吃的是海南雞油飯，加了HK$10轉雞脾，油飯的味道非常香濃，口感油潤，而雞脾入口啖啖肉，雞肉嫰滑多汁，不肥膩，灑上黑芝麻後，令味道更惹味。 飲品方面，加了錢將飲品改成熱拿鐵，上層的厚泡沬，味道有點鹹，好點像奶蓋，與本身的拿鐵的味道有點不同，可能是店員送錯了。 老夫子港式餐廳 九龍灣展貿徑1號E-Max 國際展貿中心2樓18 號舖

主題餐廳屢見不鮮，當中，以卡通人動為主的居多，不過，大部份收費都非常昂貴，一碟飲品動輒百元以上，令粉絲人卻步。這次就來介以紹以老夫子為主題的港式餐廳，餐廳的裝修及設計非常有特色，門口就已經放了大大個的老夫子人像。而餐廳的食物選揀多，燒味、炒、麵、飯，各式港式食品應有盡有，而且價錢親民。我點了時菜牛腩炒麵及黑糖薑母。時菜牛腩炒麵炒麵入口超級香脆，不會因為醬汁而浸泡而變得軟淋，而牛腩的份量挺多，肥瘦適中，不過，味道有點偏濃及重，個人認為有點鹹。黑糖薑母黑糖薑母的味道很好，入口時薑味很重，味道辣辣的，隨之而來就是甜香，喝後整個人都感到暖暖的。