老夫子港式餐廳 (已結業)

今日去e-max 行outlet ，shop到攰就上去睇下有咩食 。原來呢度開咗間老夫子茶餐廳! 唔使咁就入去食啦 呢間主題餐廳裝修特別 ，周圍都係老夫子嘅擺設，而牆上都有好多好靚嘅畫， 好有feel !呢度裝修係開放式設計，十分闊落，坐得舒適 。看看餐牌，呢間老夫子茶餐廳賣嘅主要係炒粉麵飯 ，餐牌上有好多選擇。。我哋叫咗個紫菜雲吞麵 雲吞好大粒 ，裏面嘅蝦新鮮又爽口我地 一啖一啖， 慢吞吞，食雲吞 五寶飯十分大碗好抵食， 有叉燒，紅腸，雞翼 ，鹹蛋 ，燻蹄 ，醃得入味 。超大碗 ，十分飽 !口水雞 就係賣飛佛 個汁嘢味 夠正宗， 雞肉嫩滑 ，果然正。 飲品我哋叫咗杯齋啡 有咖啡香，也有少少回甘味熱奶茶 不錯， 奶滑茶濃呢間老夫子主題餐廳， 絕對係打卡嘅好地方 ! 地方坐行舒適，又可以同老夫子 、大冬瓜影相 真係愉快的一天 ! 加上 食物份量大，價錢平 系打工仔必食之選。

切雞叉燒飯：$52不用加一相都見到D切雞肉好黑，一半雞係皮同雞分開左，什至冇左皮．肉不嫩．難食！叉燒全部都好廋．so so.份量ok.這分店只有燒味或少量中国餸跟飯．吾夠其他老夫子歺廳食物多款和吸引！這分店也没有特別座位．卡位也坐得不舒服，因為坐位和枱分好開，坐位又不可move前D．歺廳好大，吾怕冇位．------------------------------服務knot again.

今日同友人去Emax睇戲，知道呢度開咗好多新餐廳，決定嚟醫完肚先睇戲。一路望住老夫子色系嘅佈置，一路聽住主題曲，好似進入咗老夫子世界咁，回想起以前細細個同屋企人去睇老夫子電影，好懷念呀！☺️餐牌都得意過人。海南雞+油飯，雞肉嫩滑，加上醬汁好味道，個油飯大大碗食到飽，個湯清清地仲有白蘿蔔減少油膩感😌乾炒叉燒河，叉燒肥瘦適中，河炒得夠鑊氣唔錯👍🏻泰式拼盤，有魚餅、扎肉、餃子同豬頸肉，最正當然係豬頸肉，燒得剛剛好🤤熱華田同熱杏霜配餐唔洗加錢。每人大約$110，食到勁飽，以主題餐廳嚟講價錢唔算貴

同朋友喺Emax睇完戲之後，諗住食埋晚飯先走。 唔行都唔知原來emax開咗好多食肆，我哋行下行下見到一間老夫子主題餐廳，見到裝修幾有特色，而且食物價格唔貴，就決定入咗去食。撞啱新年時節，老夫子都配合埋新年嘅主題。餐廳嘅陳設、裝修同坐位都融合咗老夫子嘅元素，非常配合老夫子呢個主題。打卡一流無骨海南雞配油飯好大份嘅海南雞飯。無論係油飯、湯定係海南雞，食物嘅份量都非常足料，非常抵食。 海南雞嘅質素好好，食落好嫩滑。加錢嗌多左份油菜，亦都係非常大份。香菇滑雞煲仔飯店員推薦話煲仔飯好好食，而且有飯焦，所以就嗌咗一份。煲仔飯一上枱已經聞到好香嘅飯味，一開蓋更飯香四溢。同樣係有好多雞件同飯，食到中途已經食到飯焦，非常滿足。餐飲嗌咗凍檸茶同青檸柚子。

同女朋友試下呢間老夫子主題餐廳, 見到d室內設計同幾有心思, 少少懷舊嘅感覺老夫子融入咗喺啲枱枱櫈櫈度本身入嚟食都係抱住貪得意嘅心態, 心諗呢啲主題餐廳嘅食物應該都係同普通茶記食嘅差唔多點知食落就覺得好好味。雖然係港式餐廳嘅一啲好常見嘅菜式，但係味道就比想像中好食而且二人餐都幾抵大大份。大推。燒味拼盤 （叉燒、燻蹄、紅腸、海蜇）份量足夠， 叉燒同埋燻蹄嘅肥瘦非常得宜，而且都好入味。蔥油肥雞or 麻辣口水雞我哋要做麻辣口水雞麻辣口水雞唔會太多油， 食落味道比較清，但係就麻香味十足上湯浸時蔬大愛呢個菜，上湯好清甜有呢個菜式非常之健康。雞湯米粉或者白飯我地要左米粉， 雖然佢話雞湯，但本身以為只係一啲random嘅普通清湯。但點知佢個雞湯飲落真係好清甜， 而且有啲白蘿蔔一齊煲。呢餐未至於驚天地泣鬼神咁好味，但係竟然會有小確幸嘅幸福感。 適合一家大細過嚟食。

今日同朋友去咗emax睇戲，睇戲之前就係呢度食定lunch先～見到呢間老夫子餐廳既主題同裝修幾有特色同埋菜式比較多元化，所以就揀左呢間😅我叫咗個海南雞油飯轉雞髀加油菜，朋友叫咗個口水雞飯港式餐廳上菜果然係好快👍 分量仲好大我個海南雞轉咗雞髀舊舊都好滑，唔會太肥，個飯好香雞油味得黎但又唔會太油😋 有兩款醬揀， 仲配咗啲涼拌青瓜，味道好四川，麻麻辣辣好滋味👏跟餐嘅菜十蚊都幾大碟，唔會煮得太淋朋友嘅口水雞佢話個醬汁都好正宗惹味，同出面四川餐廳食嘅好相似，估佢唔到😯😯叫咗杯熱柚子蜜都好慷慨，一啲都唔淡餐廳佔地好大，裝修有特色， 仲不停播住陳松伶唱果首老夫子主題曲，氣氛好歡樂咁😂

除左一年一次嘅周年晚宴，真係好少會黎Emax，是日出黎九龍灣買啲野，買完野無咩做就過黎行下街食下野，貪Emax少人啲唔使等位呀。無黎一排，地下，一樓同二樓都多左好多食市，有個超大型food court，仲多左超市進駐，好啱我啲師奶仔食完飯行下喎，呵呵。行左一圈覺得老夫子最吸睛，價錢又不貴。Food court得黎幾靚裝修呀，有主題喎。過新年最緊要大家發財～港產特式，支持下先。餐牌不算多選擇，一般炒粉麵飯，燒味飯咁，叫左兩個小菜餐，有餐飲送都係六十幾蚊，算幾平啦。餐飲要左熱杏霜，唔係好多茶仔有得飲啦，味道有啲淡外，都叫幾好飲嘅，至少夠熱。另一杯要左凍利賓納（+$3），大大杯又夠凍，ok啦。跟餐加油菜（$10），無特別的滾水生菜加蠔油，份量算幾多啦。酸甜京都肉排飯（$68）開頭以為會係一碟餸加一碗白飯添，原來碟頭上，咁好難share了，唯有食自己，哈哈。酸甜汁做得幾好味，咪就係酸酸甜甜咁味，肉排好多件，啖啖肉好送飯，唯獨美中不足係飯不熱，而且水多了點。奇味麻辣口水雞飯（$68）朋友要口水雞，諗住好快有得食，一般口水雞都係做定雪住㗎嘛，呢度竟然係即整嘅，啲雞仲係溫熱的，辣辣地好開胃，不過唔係

童年嘅時候成日跟阿媽去飲茶，都會要媽咪俾錢買老夫子，雖然成日重重覆覆，但都百看不厭。 一聽到有關老夫子餐廳， 一定要去試一試， 打卡留念都好。一入餐廳， 發現餐廳已掛上新年嘅裝飾， 新年氣氛十分濃厚， 這天正是年廿九呢！ 而且見到很多熟悉嘅角色公仔作裝修，有老夫子、大番薯、秦先生、老趙等等…… 真係童年回憶返曬嚟呀。再看看餐牌， 價錢十分相宜。 一坐下，侍應推介我們食煲仔飯，我們便叫了兩個煲仔飯，牛腩炒麵，和一些特色飲品。什錦臘味魚香煲仔飯: 這個十分推介， 油香十足， 而且臘味已經切碎曬， 食嘅時候唔會趙到牙骹軟， 而且鹹魚好鹹香， 不用落豉油味道十分足夠。地獄翅膀煲仔飯: 雞翼辣辣地好惹味， 煲底做到有飯焦，正呀！柱侯牛腩炒麵: 牛腩炆得很淋， 牛根一入口感覺骨膠原返曬嚟呀，而且味道一條覺得非常之好。柑桔青檸熱拿鐵

新年帶小女生到emax 睇戲，知道這裡開了間老夫子港式餐廳，當然順道來這主題餐廳打個卡，食個午餐吧！老夫子餐廳位於very food 食街較入的位置，座位很多，原來仍在試業中，門口就見到大大個老夫子金像，金碧輝煌，好搶眼吧！餐廳周圍都很多拍照位，大人和細路身處這餐廳都會很開心！哈哈哈！老夫子也換上新年服來應節啊！大蕃薯，小心被拖鞋飛中呀！牆壁上有一張很大很搶眼的壁畫佈置，沙發也是用老夫子的主題顏色，很可愛呢！餐牌也設計得很美，很有心思！有二人和四人套餐，都很豐富！本想吃熱辣辣的煲仔飯，但見到有燒味，三心兩意，最後點了個四寶飯，燒腩仔是脆皮的，义燒也稔，份量很大呢！小女生就點了菠蘿生炒骨飯，甜酸味剛好，啖啖肉，有很多菠蘿呢！加$10的蔬菜，份量都ok! 這杯熱話梅金桔青檸好好飲，還有粒話梅仔在杯內，真材實料，酸酸甜甜，開胃醒神!小女生杯華田都很濃，不是又淡又稀那種！兩個人吃了$140,再加埋這個環境，都ok 呢！

新年期間，親友聚會多。大家又住得分散，東一個西一個，部車都跑到冇油。到九龍灣入油，順便入EMAX食午餐。幾年冇來，宜家先知哩度開咗條「食街」。行左一圈，被呢間老夫子茶餐廳吸引在。裝修好得意。好似置身於老夫子世界。枱凳好攪鬼，好似老夫子件衫。尤其係D凳，連凳腳都好似老夫了條衭。食物方面，豬手飯最好，又冧又入味。跟一大碗白飯。臘腸crossover 地獄雞翼煲仔飯，臘腸香，地獄雞翼其實不過少少辣，雞翼滑。煲仔飯有飯焦。炸雞翼就皮脆肉滑，同地獄雞翼比，我較喜歡炸雞翼。牛腩炒麵。牛腩好冧，好味。炒麵炸得好脆。配牛腩索晒D汁，好Match!泰式拼盆份量足，性價比高。海南雞飯油飯香但不油。好大碗，食唔晒。飲品值得推介係話梅青柠水。好潤喉。

老公細個睇老夫子大，聽講九龍灣EMAX開左間老夫子餐廳，今晚去九龍東食團年飯，中午就約朋友去九龍灣食老夫子就 good fit 啦！黎到有好多打卡位，門口座老夫子像好金。😆入到去個老夫子好有新年氣氛，有晒新年既background，當然要影下合照啦！主題餐廳一般都係細細碟，所以我地一行六人，每人叫一個 set ( 前茶＋主食＋飲品)再加2個小食 share 。點知呢間大大碟，仲要5X 至6X 一個 set 。 真係估佢吾到。👉 降龍十八掌😂其實係豬手飯，豬手煮得剛剛好，好林好入味，又吾會過鹹。👉 時菜牛腩炒面好大碟，脆卜卜，牛腩牛筋好多，同樣煮得好好味。👉 海南無骨雞飯油飯非常大碗，雞相對少，但好嫩滑，有雞味。👉 芝麻炸雞亦好香脆，面頭好似落左D七味粉，好惹味😋👉 臘味雜錦煲仔飯有臘腸，臘鴨，咸魚，冬菇，蝦米，雞肉等等，咁多料，D飯吸收左臘味既味到，好好味。👉泰式拼盤春卷熱辣辣，豬頸肉煎得好靚，塊塊都脆邊。懷緬下細個睇既漫畫，行下 outlet 買平野，又睇下車。EMAX 消費$200可免2小時泊車，節目豐富但消費又吾高，我覺得我今日既安排好好。😁

今晚買左EMAX戲飛睇戲, 其實第一次黎KITEC, 完全唔知咩環境, 點知黎到發覺原來都幾多野食可以揀, 而且可能已經係放左工既時間, 人流唔算好多, 所有餐廳幾乎都唔需要等位, 我地揀左呢間老夫子主題餐廳! 雖然老夫子我唔係由細睇到大, 但都叫有睇過, 印象中係幾搞笑既漫畫, 而家呢間餐廳係KITEC算係幾特別, 其他個D出面都有。茶餐廳好大好新, 裝修好可愛, D枱櫈呀牆呀都同老夫子有關係, 呢期接近新年仲有新年既佈置裝飾, 如果中意老夫子既大朋友真係千其唔好錯過黎打卡既機會。而且服務員既態度都好好!!我地叫左一個菠蘿咕嚕肉飯, 麻辣口水雞飯, 咸蛋五寶飯!! TOTAL都唔使200蚊!! 都算化算, (我開頭以為佢係CAFÉ咁食意粉) 雖然食既野係茶餐廳, 但水準都唔錯!!!菠蘿咕嚕肉飯 $63 (餐)咕嚕肉超好味!! 夠熱!! 唔會成團粉!! 個汁同埋菠蘿都唔會太酸, 送飯一流!!!麻辣口水雞飯 $68 (餐)我好中意食辣, 呢個口水雞都滿足到我, 佢個辣度唔算好辣, 但係個雞真係好嫰, 同埋係有肉食架, 皆因我係唔食雞皮, 平時出面個啲口水雞去左皮之後根本上係冇野落口, 但

細細個成日睇老夫子漫畫，之前都經過見到喺yoho mall開咗間老夫子餐廳已經好想試😳😳😳而家喺九龍灣竟然再開多咗一間，好開心勁近即刻衝過去 😝😝😝 原來呢度仲係試業中，所有佈置都好新淨! 一入門口仲有大大隻新年限定的有擺設😆😆 入到去啲顏色組合好搶眼😎😎😎haha你睇下啲凳腳!!!! 係老夫子條褲同隻腳嚟㗎😂😂好搞鬼好想搬佢返屋企!!食物方面主面都係好本土的食物 : 粥粉麵飯， 仲有燒味同煲仔飯添 !!!!口水雞湯河 -- 好香，少少麻，唔算太辣! 雞肉好嫩滑，份量啱啱好女仔都食得晒柱侯蘿蔔牛腩湯麵 -- 好淋好入味👍👍 好多餸 🐮🐮🐮送仲多過麵😂 好抵食海南雞飯 -- 同樣好嫩滑， 配埋個油飯食簡直係正😋😋😋瑤柱福建炒飯 -- 醬汁夠多，色香味俱全 飲品方面凍飲/特飲係用tower杯😍成件件靚晒🤗🤗🤗味道都唔錯，唔會太甜啱香港人口味👍👍總括嚟講呢度嘅食物質素唔錯，環境滿分又唔洗同人迫😝😝仲可以尋找埋童年回憶添💗💗💗

話說喺九展開咗間老夫子主題餐廳聽個名又幾趣緻喎，咁就同女朋友一齊去試一試，唔試猶自可，一時又真係幾好味嘅，老老實實以主題餐廳來講裏面嘅嘢真係超水準兩個人食飽飽，埋單每人都係百幾蚊左右，小編覺得呢間餐廳不論，份量，賣相，味道價錢完全都係處於一個幾好嘅位置，令人覺得都物超所值，尤其餐廳環境10分闊，俾人一種好舒暢嘅感覺，餐廳職員服務亦10分好，絕對值得推介，各位師兄師姐得閒都不妨去試一試啊。嚟緊新年呀，小編祝大家日日有好嘢食，新一年賺多啲。

看看日子，原來已經很久沒有到九龍灣走走，自己本身不是住在那邊，沒有什麼機會到那邊逛逛，晚上逛了一會兒德福廣場，又不想在商場裡光顧連鎖或昂貴的餐廳，最後尋找了一間主題餐廳。老夫子主題餐廳在九龍灣國際展貿中心，得知那邊通常以汽車的展覽為主，想不到竟然會有不少餐廳。門口有不同的餐牌，分為燒味、麵、飯、炒和小食類，是以港式的食物為主。另外還有二人套餐，有燒味和粉麵類等等，以二人套餐來說，$200也差不多了。牆壁是令人感到熟悉的環境，有老夫子漫畫中的經典人物 — 老夫子和大蕃薯，相信有不少人都認識這兩個角色，是很多年前已經有的漫畫，在牆壁上，老夫子弄跌了他的拖鞋，並露出驚訝又生動的樣子。裝潢又以老夫子的主題為主。全場最觸目的，莫過於在一角跪著的老夫子，配合上新年的裝飾，旁邊還有一些紅燈籠和金元寶，很有新年氣氛，想必一定是全場的焦點。先來了一份麻辣口水雞，其實點的時候我也害怕會很辣，想叫蔥油肥雞，但男朋友一直說麻辣口水雞其實不會太辣，那麼就嘗試一下吧。來到的時候，有很多辣又浸著口水雞，看似很辣的樣子😰但實際上又不是這樣，反而雞肉有一點的辣味才更「惹味」。然後來了一份燒味拼盤，有叉燒、燻蹄、紅腸和海