影片
更多
2018-12-02
446 浏览
去得九龍灣展貿中心一定係有目的， 好少會行行吓街經過。 今曰陪咗個friend 有個展覽活動, 之後就喺嗰度開餐。依家嗰度有一層food court， 有多國美食， 人流唔算太多都容易搵位。我哋 揀咗間茶餐廳坐低。 好盞鬼原來係老夫子主題。 極度肚餓唔理咁多嗌野食先。晚餐時間原來全部都有套餐。 飲品可以單點。 主要款色有燒味， 中式湯粉麵和飯。乾炒叉燒河($63 送熱飲， 油菜加$10)炒得幾乾爽， 唔油膩，又有鑊氣。 啲韭黃仲炒得好香。 唔用牛肉用咗叉燒又另一種風味。 調味適中唔會偏鹹， 功架唔錯。油菜白灼旺菜， 加上蠔油， 簡單嘅健康配菜。加錢配咗凍檸樂， 冰凍解渴配炒河一流。無骨海南雞飯套餐 ($68 配前菜和 熱飲)加咗十蚊轉雞髀，啖啖肉。 雞皮又爽又滑， 冇咩皮下脂肪。 雞味唔算香濃但雞肉真係超嫩滑。 表面灑上芝麻提升香味。 附設海南雞醬較為遜色。 油飯唔知點解會變咗白飯~~ 而家先醒起唔記得問店員~~如果海南雞飯套餐連埋碗湯就perfect前菜係一啲带甜嘅鹹酸菜粒， 有麻油香都幾開胃。 另外加$15 叫了"藍莓沙冰" 隻杯好高好窄， 沙冰幼滑。餐廳仲有好多打卡位， 趁住未開
去得九龍灣展貿中心一定係有目的， 好少會行行吓街經過。 今曰陪咗個friend 有個展覽活動, 之後就喺嗰度開餐。
依家嗰度有一層food court， 有多國美食， 人流唔算太多都容易搵位。
我哋 揀咗間茶餐廳坐低。 好盞鬼原來係老夫子主題。 極度肚餓唔理咁多嗌野食先。
晚餐時間原來全部都有套餐。 飲品可以單點。 主要款色有燒味， 中式湯粉麵和飯。
乾炒叉燒河
11 浏览
0 赞好
0 留言
乾炒叉燒河($63 送熱飲， 油菜加$10)
炒得幾乾爽， 唔油膩，又有鑊氣。 啲韭黃仲炒得好香。 唔用牛肉用咗叉燒又另一種風味。 調味適中唔會偏鹹， 功架唔錯。
油菜
白灼旺菜， 加上蠔油， 簡單嘅健康配菜。
加錢配咗凍檸樂， 冰凍解渴配炒河一流。
無骨海南雞飯套餐 ($68 配前菜和 熱飲)
無骨海南雞飯套餐
3 浏览
0 赞好
0 留言
加咗十蚊轉雞髀，啖啖肉。 雞皮又爽又滑， 冇咩皮下脂肪。 雞味唔算香濃但雞肉真係超嫩滑。 表面灑上芝麻提升香味。 附設海南雞醬較為遜色。 油飯唔知點解會變咗白飯~~ 而家先醒起唔記得問店員~~
如果海南雞飯套餐連埋碗湯就perfect
前菜係一啲带甜嘅鹹酸菜粒， 有麻油香都幾開胃。
另外加$15 叫了"藍莓沙冰"
隻杯好高好窄， 沙冰幼滑。
餐廳仲有好多打卡位， 趁住未開始晚飯時間 我哋勁影相。
餐廳設計圍繞老夫子漫畫， 椅背嘅咕臣就係佢件小背心嘅特色。 仲有歺椅嘅腳， 設計頗有心思。
呢個櫃感覺非常漫畫化又似佈境。
整體感覺餐廳空間感十足， 充滿老夫子年代嘅情懷， 食物種類雖然唔算多樣化， 但係都 feel到係用心煮質素唔錯。
张贴
